Iˇsaˬyaˇ 40:1 - Akha

¹ “Ngaˬ-euˬ tsawˇ haˬ deuˬ-oˇ, nui saˇ za-awˬ. Nui saˇ za-awˬ” lehˇ naw maꞈ-euˬ Miˬyehˇ ehˇ-eu meh.

Iˇsaˬyaˇ 40:1 Referans Kwoze

2 Gawˇliˬtu 1:4

Aˬ yawꞈ neh biꞈ leꞈ-euˬ ngehˬ gʼeh dah teˬ-eu jeˬ-ahˇ aˬ dui gʼoe-awˇ, shaˬ-eu zahˬ-eu yawˬ jeˬ na luꞈ-ahˇ ya tahˬ puˬ-eu tsawˇ haˬ deuˬ-ahˇ aˬ dui ngehˬ gʼeh dah teˬ nehˬ nya ni, aˬ dui ya tahˬ puˬ-eu shaˬ zahˬ dawˬ tawˆ luꞈ laꞈ kʼoeˇ Miˬyehˇ aˬ dui-ahˇ ngehˬ gʼeh dah teˬ nehˬ laꞈ-euˬ meh.

Iˇsaˬyaˇ 51:12

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

1 Teˇsaˬloˇni 4:18

Kʼoeˇ miˇ neh, tiˬ gʼaˬ tiˇ gʼaˬ gaˇ kawˆ heu ja ja-ehˇ gʼaˬ biꞈ-awˬ.

Zaˬkaˬliˇ 1:13

Yaw beh ngaˬ-ahˇ dawˬ ngehˬ cawˬ-euˬ mˬ taˆ gʼaˬ kʼehˇ kʼoeˇ gʼaˬ nui ma saˇ ni Sahˬpaˬ Miˬyehˇ ehˇ kʼoꞈ nehˬ-euˬ meh.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Iˇsaˬyaˇ 52:9

Yeˬluˇsaˬlehˬ laꞈ kʼoeˇ cawˆ-iˇ taˬ-euˬ jawˇ duˬ dawˬ tawˆ, laˬ kʼaˬ tiˬ cehˇ guˇ kʼaˆ leꞈ-awˬ. Sahˬpaˬ Miˬyehˇ aˬ yawꞈ-euˬ meuˬ-ahˇ ka kʼoꞈ-awˇ, aˬ yawꞈ-euˬ tsawˇ haˬ-ahˇ nui saˇ bi oꞈ tehꞈ-a.

Iˇsaˬyaˇ 41:27

Sahˬpaˬ Miˬyehˇ pyeuꞈ-eu ngaˇ-aˬ, Ziˇoˬ meuˬ-ahˇ gaˇ kawˆ heu ehˇ beh beh-eu gʼaˬ ma. Yeˬluˇsaˬlehˬ meuˬ-ahˇ dawˬ tsaꞈ dawˬ dzawˇ mˇ-eu tsawˇ haˬ, ngaˇ pyehˬ gʼeh-awˇ, aˬ yawꞈ maꞈ-euˬ tsawˇ haˬ gʼoꞈ laˇ luꞈ-eu gaˇ kawˆ, bi tsaꞈ gaˬ-iˇ-euˬ ma.

Iˇsaˬyaˇ 50:10

Naw maꞈ laꞈ kʼoeˇ Sahˬpaˬ Miˬyehˇ-ahˇ guˆ-eu siˬ nya-awˇ, aˬ yawꞈ-euˬ zaˬ kʼaˆ ehˇ dawˬ naˇ haˬ-eu deuˬ dawˬ tawˆ luꞈ, naw maꞈ cah-eu gaˇ ma zahˇ dui dui meh. Ehˇ kʼawꞈ Sahˬpaˬ Miˬyehˇ-ahˇ naw maꞈ jah-awˇ, Miˬyehˇ-ahˇ gʼoe-eu jeˬ-ahˇ taˬ ngehˇ.

Iˇsaˬyaˇ 3:10

Yaw tsaˬ yaw dawˇ tsawˇ haˬ deuˬ-aˬ, aˬ yawꞈ maꞈ dehꞈ dzeuˇ mˇ dzeuˇ-euˬ yaw muiˬ jeˬ, guiˬ lahˬ gʼoꞈ kʼoꞈ le-awˇ, laˬ kʼaˬ ya cehˇ tehꞈ-a lehˇ ehˇ nehˬ-awˬ.

Jaceuq 85:8

Sahˬpaˬ Miˬyehˇ pyeuꞈ-eu Miˬyehˇ dawˬ ngehˬ gaˇ ngaˇ naˇ haˬ luꞈ-eu ma. Nui ma laꞈ kʼoeˇ keuˆ ni noeˬ poˆ noeˬ paˇ-euˬ aˬ yawꞈ-euˬ tsawˇ haˬ pyeuꞈ-eu nga maꞈ-ahˇ, nui saˇ bi za-eu dawˬ ngehˬ nehˬ laꞈ tehꞈ-a.

Neˬhaˬmiˇ 8:10

Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Iˇsaˬyaˇ 61:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ka kʼoꞈ-awˇ, aˬ yawꞈ maꞈ-ahˇ muiˇ-eu deuˬ-ahˇ guiˇ deuˆ gʼaˬ-eu, aˇ nah aˇ yamˬ keuˆ le luꞈ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ pyehˬ leꞈ-euˬ meh. Noeˬ shaˬ noeˬ zahˬ-eu tsawˇ haˬ deuˬ nui ma bi saˇ laˇ ni, aˬ yawꞈ ngaˬ-ahˇ pyehˬ leꞈ-euˬ meh.

Yeˬsaˬgeˬlaˇ 16:42

Kʼoeˇ ngeh jawˇ, ngaˇ nui ma pehˇ-eu taˬ leˇ-awˇ, ciˬ cuˇ ni jawˇ ma. Nui ma naˇ-awˇ myaˆ naˆ-eu jeˬ maˬ paˇ bi ahˇ ma.

Jaceuq 85:3

Aˬ yawꞈ maꞈ-ahˇ nawˇ nui ma maˬ paˇ pehˇ-ehˇ, nawˬ-euˬ nui ma-ahˇ nawˇ nyehꞈ tehˬ taˬ-euˬ meh.

Dawˬ tsoˆ 3:4

Noeˬ shaˬ-eu yamˬ baw-eu loꞈ-ehˇ, laˬ kʼaˬ cehˇ-eu yamˬ baw-eu meh. Tsawˇ ngoeˇ ngoeˇ yamˬ baw-eu loꞈ-ehˇ, gaˇ nyeh nyeh-eu yamˬ baw-eu meh.

Zaˬkaˬliˇ 1:17

“Ngaˬ-euˬ meuˬ deuˬ paˇ dehꞈ dzaˬ poˆ laˇ-awˇ, Yeˬluˇsaˬlehˬ meuˬ-ahˇ ngaˇ caw ba-awˇ, ngaˬ-euˬ meuˬ paˇ bi geuꞈ ma” lehˇ, Sahˬpaˬ Miˬyehˇ neh ehˇ-euˬ dawˬ kʼoeˇ dawˬ kʼawꞈ dzawˇ gaˬ-iˇ-eu gʼaˇ duˬ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu meh.