Iˇsaˬyaˇ 36:16 - Akha

¹⁶ Heˬsaˬgiˇ ehˇ gaˇ taˬ naˇ haˬ. Meuˬ laꞈ nyiˇ doˆ le-awˇ, nga maꞈ-euˬ laꞈ oꞈ awꞈ-awˬ. Laˇ-awˬ lehˇ Aˬshuˇliˆ sahˬ paˬ dawˬ biꞈ luꞈ meh. Naw maꞈ yawˬ ha neh mˇ za-euˬ aˬ gaꞈ aˇ siˬ hawˇ-eu siˬ guˬ maˇ sheuˇ aˇ siˬ ya dzaˬ-awˇ, yawˬ ha-euˬ iˇ cuꞈ lah duˬ-ahˇ ya kʼawꞈ dawˇ-eu a kawˬ-aˬ za tehꞈ-a.

Iˇsaˬyaˇ 36:16 Referans Kwoze

Zaˬkaˬliˇ 3:10

Aˇ nah kʼoeˇ nah keuˆ le ngeh, naw maꞈ yawˬ gʼaˬ na luꞈ, yawˬ ha dawˬ peh jawˇ-eu tsawˇ haˬ deuˬ-ahˇ, yawˬ ha-euˬ aˬ gaꞈ baw duˆ uˬ moˆ hawˇ-eu siˬ guˬ maˇ sheuˇ aˇ bawˇ uˬ moˆ kuˇ uiˬ-awˇ, nui ma saˇ lehˆ ni ya dehꞈ tehꞈ- a.”

1 Sahˬpaˬ 4:25

Aˬ yawꞈ kʼaˇ dehꞈ kʼoeˇ keuˆ ni, Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ laꞈ kʼoeˇ, Daˬ meuˬ-ahˇ neh Beˬlaˇsheˬba meuˬ-ahˇ keuˆ ni kʼaˇ jawˇ-eu tsawˇ haˬ dawˬ tawˆ luꞈ, yawˬ ha-euˬ aˬ gaꞈ yaˇ kmˇ hawˇ-eu siˬ guˬ guˬ yaˇ baw baw-ehˇ, saˇ lehˆ ni dehꞈ dzaˬ-euˬ meh.

Miˇkaˬ 4:4

Tsawˇ haˬ zaˬ yawˬ gʼaˬ yawˬ na luꞈ, yawˬ ha aˬ gaꞈ baw duˆ uˬ moˆ, yawˬ ha siˬ guˬ aˬ bawˇ uˬ moˆ, nui saˇ oꞈ-awˇ ya nuiˇ meh lehˇ, Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ ehˇ taˬ-euˬ meh.

2 Gawˇliˬtu 9:5

Kʼoeˇ miˇ neh, ngaˬ-euˬ gʼawˇ mawˇ naw maꞈ jawˇ gaˇ maˬ oe mi naˆ-ehˇ, naw maꞈ neh damˬ ma lehˇ ehˇ taˬ-euˬ loꞈ-ehˇ bi laˆ dah taˬ jiˇ-eu gʼaˇ duˬ, aˬ nyiˇ heu deuˬ-ahˇ jeˬ huˬ kʼehˇ gʼeh leꞈ-eu tsaˬ-eu duˇ lehˇ ngaˇ noeˬ-eu ma. Kʼoeˇ miˇ neh, ngaˇ oe keuˆ ngeh naw maꞈ laˆ uiˬ gʼaˬ jiˇ-awˇ, aˬ cawˬ ehˇ-eu miˇ neh damˬ-eu maˬ ngeuˇ-ehˇ, yawˬ ha nui ma keuˆ-awˇ damˬ-euˬ jeˬ pyeuꞈ-eu gaˇ kawˆ aˬ cawˬ-ahˇ mawˇ leˇ tehꞈ-a.

Dawqdaq 5:15

Nawˬ-eu miˬ zaˬ-ahˇ saˇ jaˇ ziꞈ-awˇ, nawˬ-euˬ nui gaˬ aˬ yawꞈ-ahˇ tehꞈ-ehˇ biꞈ-awˬ.

2 Sahˬpaˬ 18:31

Heˬsaˬgiˇ-euˬ dawˬ-ahˇ naw maꞈ naˬ bawˇ taˬ ciˬ kʼmˇ. Meuˬ laꞈ kʼoeˇ neh doˆ le-awˇ, Aˬshuˇliˆ sahˬ paˬ-euˬ zaˬ lahˇ geuꞈ le-awˬ lehˇ, aˬ yawꞈ naw maꞈ-ahˇ ehˇ luꞈ meh. Naw maꞈ yawˬ ha-euˬ aˬ gaꞈ yaˇ kmˇ-ahˇ yawˬ ha ya pyaˆ dzaˬ-awˇ, yawˬ ha-euˬ siˬ guˬ aˇ bawˇ-ahˇ yawˬ ha ya pyaˆ dzaˬ-eu uˬ taꞈ, yawˬ ha-euˬ lah duˬ-ahˇ yaw ha ya kʼawꞈ dawˇ tehꞈ-a.

2 Sahˬpaˬ 5:15

Kʼoeˇ naˇ, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, Eˇliˇshehˇ jawˇ gaˇ paˇ gʼoꞈ poˆ leˇ-awˇ, heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, Iˇsaˬleˬlaˆ-euˬ Miˬyehˇ maˬ ngeuˇ naˇ miˬyehˇ nui gʼaˬ maˬ jawˇ-eu ngaˇ lehˇ ngaˇ siˬ duˬ-eu ma. Teu miˇ neh, ngaˬ neh biꞈ-euˬ laꞈ sawˬ-ahˇ ha geuꞈ nehˬ laꞈ-awˬ.”

1 Sahˬpaˬ 4:20

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu meh. Aˬ yawꞈ maꞈ ya dzaˬ ya dawˇ dehˆ-awˇ, laˬ kʼaˬ cehˇ nui saˇ oꞈ-euˬ meh.

2 Saˬmeuˬlaˆ 8:6

Aˬ yawꞈ maꞈ-euˬ miˇ kʼahˬ laꞈ kʼoeˇ Daˬbiˇ taˆ tsoˆ-awˇ, aˬ yawꞈ-euˬ yehˇ deuˬ bi jawˇ-euˬ meh. Aˬ yawꞈ maꞈ Daˬbiˇ uˆ lahˇ-eu uˬ moˆ ya jawˇ-awˇ, Daˬbiˇ-ahˇ kawˬ doˆ nehˬ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ paw na luꞈ guiˇ bi deuˆ gʼaˬ-euˬ meh.

1 Saˬmeuˬlaˆ 25:27

Ngaˬ-ahˇ gʼawˬ shaˬ gaˬ-eu laꞈ kʼoeˇ, ngaˬ neh yuˇ laꞈ-euˬ laꞈ sawˬ heu deuˬ-ahˇ ha geuꞈ-awˇ, nawˬ-euˬ tsawˇ haˬ deuˬ-ahˇ biꞈ-awˬ.

1 Saˬmeuˬlaˆ 11:3

Jaˬbehˆ meuˬ-ahˇ jawˇ-eu aˬ yuiꞈ aˬ tsu deuˬ Naˬhaˆ-ahˇ ehˇ nehˬ-eu, “Iˇsaˬleˬlaˆ miˇ kʼahˬ doe ni tsawˇ haˬ pyehˬ gʼeh-awˇ, gaˇ kawˆ heu bi tsaꞈ gaˬ-iˇ-eu gʼaˇ duˬ, nga maꞈ-ahˇ aˇ yamˬ shiꞈ nah biꞈ nehˬ laꞈ-awˬ. Nga maꞈ-ahˇ caw ba le-eu tiˬ gʼaˬ-iˬ maˬ jawˇ naˇ, nga maꞈ-euˬ gʼawˇ mawˇ nawˬ-euˬ aˬ laꞈ laꞈ kʼoeˇ a nehˬ ma”

Aˇ dahˬ 33:11

Aˬ joˆ-ehˇ gʼeh-awˇ neh kʼawꞈ, ngaˬ neh nawˬ-ahˇ kʼaˇ biꞈ nehˬ laꞈ-euˬ jeˬ-ahˇ ha geuꞈ nehˬ laꞈ-awˬ. Miˬyehˇ ngaˬ-ahˇ gʼawˬ shaˬ gaˬ-eu laꞈ kʼoeˇ, ngaˇ kʼaˇ loˬ-eu jeˬ tiˬ byah tiˬ loꞈ biꞈ laꞈ-euˬ meh” lehˇ ehˇ-awˇ, Iˇsawˇ maˬ geuꞈ kʼoeˇ maˬ juˬ ni, Yaˬkoˆ neh dehˬ ahˇ nehˬ-euˬ meh.

Aˇ dahˬ 32:20

Nawˬ-euˬ zaˬ kʼaˆ Yaˬkoˆ mehˬ nah paw oe luꞈ meh lehˇ ehˇ nehˬ-awˬ” lehˇ mehˬ nehˬ-euˬ meh. “Ngaˬ neh mehˬ hu paw biꞈ gʼeh-euˬ laꞈ sawˬ kʼoeˇ deuˬ baˬ da neh, Iˇsawˇ nui ma saˇ laˇ-awˇ, ngaˬ-euˬ gʼawˇ mawˇ aˬ yawꞈ-ahˇ ya tahˬ puˬ ngeh, aˬ yawꞈ ngaˬ-ahˇ iˬ baˇ pyehˬ-awˇ ha geuꞈ nehˬ laꞈ tehꞈ-a” lehˇ, Yaˬkoˆ-euˬ nui ma laꞈ kʼoeˇ noeˬ kʼoeˬ-euˬ meh.

Dawqdaq 27:18

Siˬ guˬ aˇ bawˇ-ahˇ haw piˇ naˇ, siˬ guˬ aˇ siˬ ya dzaˬ-eu loꞈ-ehˇ, baw leˬ-ahˇ mˇ cu nya-eu zaˬ kʼaˆ-ahˇ taˬ huiˬ taˬ mahˇ nehˬ tehꞈ-a.

Iˇsaˬyaˇ 36:17

Aˬ gaꞈ yaˇ kmˇ mˇ kʼaˇ za-awˇ, dzaˬ la gʼo cehˇ za le-eu naw maꞈ-euˬ miˇ kʼahˬ-ahˇ duˇ dui dui-eu jawˇ duˬ-ahˇ bi jawˇ-eu gʼaˇ duˬ, nga maꞈ-euˬ sahˬ paˬ naw maꞈ-ahˇ maˬ sheuˬ laˬ le kʼoeˇ keuˆ ni, naw maꞈ kʼoeˇ loꞈ-ehˇ ya dehꞈ ya jawˇ tehꞈ-a.