Iˇsaˬyaˇ 35:6 - Akha

⁶ Kuiˇ shiˇ gaˇ nyeh nyeh nya laˇ-awˇ, aˬ dzawˬ laˬ kʼaˬ cehˇ-eu dawˬ ngehˬ-awˇ guˇ tehꞈ-a. Koˆ kaˆ ni gʼeh-eu kʼaˇ shuiꞈ deh yaˇ-ahˇ, lawˇ baˬ yoeˇ le tehꞈ-a.

Iˇsaˬyaˇ 35:6 Referans Kwoze

Luˇkaꞈ 11:14

Tsawˇ haˬ-ahˇ dawˬ maˬ ngehˬ nya ni aˬ dzawˬ bi dzawˬ-iˇ-eu nehꞈ tiˬ mawˇ-ahˇ Yeˬsuˇ teh doˆ luꞈ-eu meh. Nehꞈ kʼoeˇ mawˇ teh doˆ gʼaˬ ngeh, aˬ dzawˬ dzawˬ-iˇ-euˬ tsawˇ haˬ kʼoeˇ gʼaˬ dawˬ ngehˬ nya laˇ-euˬ meh. Tsawˇ haˬ aˇ maꞈ kʼoeˇ gaˇ zahˬ dui dui leˇ-euˬ meh.

Iˇsaˬyaˇ 32:4

Aˬ yawꞈ maꞈ nui ma yaw nymˇ byehˇ dzeh-awˇ, aˬ cawˬ gʼaˇ duˬ shaˇ noeˬ nya-eu laꞈ kʼoeˇ, dawˇ coe ni ngehˬ tehꞈ tmˇ tehꞈ-a.

Maꞈtehˬ 12:22

Kʼoeˇ naˇ, nehꞈ uˇ-eu miˇ neh dawˬ maˬ ngehˬ doˆ nya-eu myaˆ behꞈ tiˬ gʼaˬ-ahˇ, Yeˬsuˇ jawˇ gaˇ sheuˬ laꞈ-euˬ meh. Yeˬsuˇ aˬ yawꞈ-ahˇ laˆ taˬ nehˬ ngeh, myaˆ nuiˆ mawˇ laˇ-awˇ, dawˬ kʼawꞈ ngehˬ doˆ nya laˇ-euˬ meh.

Jaceuq 51:15

Sahˬ paˬ Miˬyehˇ-oˇ, ngaˇ dawˬ ngehˬ nya ni caw ba nehˬ laꞈ. Nawˬ-ahˇ ngaˇ ja ceuˬ ma.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

Panmaeq 22:1

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

Gʼaˬkʼehˇ 8:7

Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ yaw jawꞈ deuˬ guˇ guˇ-ehˇ doˆ-iˇ-awˇ, kuiˇ shiˇ laꞈ shiˇ shiˇ-eu tsawˇ haˬ gʼawˬ mya ni taˬ leˇ-euˬ meh.

Gʼaˬkʼehˇ 3:2

Haw muiˬ dui dui-eu Lahˇ kʼehˬ lehˇ kuˇ-eu lahˇ kʼehˬ kʼoeˇ kʼehˬ-ahˇ, dehꞈ le ngeh neh aˬ kuiˇ yaw cawˆ tiˬ gʼaˬ jawˇ-eu meh. Uˬ duˬ tahˬ nymˇ nymˇ ma-ahˇ kʼaˇ laˇ-eu tsawˇ haˬ deuˬ-ahˇ pyuˇ bi shaˇ-eu gʼaˇ duˬ, yawˬ nah na luꞈ aˬ yawꞈ-ahˇ lahˇ kʼehˬ kʼoeˇ kʼehˬ-ahˇ baꞈ taˬ laˇ-eu meh.

Luˇkaꞈ 1:64

Tiˬ poˆ tehꞈ-ehˇ Zaˬkaˬliˇ-euˬ kʼaˬ meh pah laˇ-awˇ, mehˬ laˇ juˆ laˇ-euˬ miˇ neh, dawˬ ngehˬ doˆ nya laˇ-awˇ, Miˬyehˇ-ahˇ ja ceuˬ-euˬ meh.

Maꞈtehˬ 21:14

Myaˆ behꞈ hawˇ-eu kuiˇ shiˇ laꞈ shiˇ deuˬ Uˬ duˬ tahˬ nymˇ nymˇ ma-ahˇ Yeˬsuˇ jawˇ gaˇ laˇ-awˇ bi laˆ taˬ-euˬ meh.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Zaˬkaˬliˇ 14:8

Aˇ nah kʼoeˇ nah keuˆ le ngeh jawˇ, Yeˬluˇsaˬlehˬ meuˬ-ahˇ neh, dehꞈ-eu iˇ cuꞈ yoeˇ doˆ le-awˇ, nahˇ ma doˆ kʼehˬ paw pyawˬ-ahˇ jaˆ-eu iˬ ma laˆ shaˆ-ahˇ tiˬ paˆ yoeˇ ahˇ tehꞈ-a. Iˇ cuꞈ kʼoeˇ, tsahˬ gaˆ jawˇ la maˬ baw ni, aˬ myah luꞈ yoeˇ tehꞈ-a.

Iˇsaˬyaˇ 48:21

Gui coˇ ni gʼeh-awˇ lahˇ dui dui-eu kʼaˇ shuiꞈ deh yaˇ-ahˇ, aˬ yawꞈ-euˬ tsawˇ haˬ-ahˇ Sahˬpaˬ Miˬyehˇ sheuˬ tsehˆ gʼeh ngeh, aˬ yawꞈ maꞈ-ahˇ iˇ cuꞈ maˬ bi mehꞈ-aˬ. Aˬ yawꞈ maꞈ gʼaˇ duˬ kʼaˬ lo-ahˇ iˇ cuꞈ doˆ le-euˬ meh. Kʼaˬ lo-ahˇ aˬ yawꞈ maˇ byoe bi dahˇ laˇ-awˇ, iˇ cuꞈ bi yoeˇ doˆ le-euˬ meh.

Iˇsaˬyaˇ 35:1

Kʼaˇ shuiꞈ deh yaˇ laˬ kʼaˬ cehˇ-awˇ, bawˇ tsahˬ-ahˇ aˇ yehˆ poˬ laˇ tehꞈ-a.

Jaceuq 46:4

Miˬyehˇ-euˬ meuˬ hawˇ-eu Huiˬ dui mahˇ dui dui-eu Gʼaˬ-euˬ nymˇ-ahˇ, laˬ kʼaˬ cehˇ nui saˇ za-eu jeˬ hehˇ ahˇ leꞈ-eu lawˇ gawˆ tiˬ gawˆ yoeˇ-eu meh.

Neˬhaˬmiˇ 9:15

Aˬ yawꞈ maꞈ hawˬ mehꞈ luꞈ ngeh jawˇ, mˬ taˆ kaˬ muˇ nawˇ bi dzaˬ-awˇ, aˬ yawꞈ maꞈ iˇ cuꞈ mehꞈ ngeh jawˇ, kʼaˬ lo-ahˇ iˇ cuꞈ bi doˆ le-euˬ meh. Nawˇ saˇ jaˇ dzaˬ taˬ-euˬ miˇ kʼahˬ kʼoeˇ geuꞈ-awˬ lehˇ, aˬ yawꞈ maꞈ-ahˇ nawˇ ehˇ-awˇ biꞈ-euˬ meh.

Bawˇtsahˬ 20:11

Kʼoeˇ naˇ, Moˇseˬ gawˬ yoeˬ cawˬ ja-awˇ, kʼaˬ lo kʼoeˇ siˬ-ahˇ nyiˬ laꞈ juiꞈ gʼeh-euˬ meh. Kʼoeˇ ngeh, iˇ cuꞈ lawˇ gawˆ loꞈ-ehˇ iˇ cuꞈ yoeˇ doˆ le-awˇ, tsawˇ haˬ kʼoeˇ deuˬ hawˇ-eu jeˬ zaˬ deuˬ iˇ cuꞈ dawˇ-euˬ meh.

Doˆ-iˇ 17:6

Siˇnaˆ gawˬ jawˬ lo guˇ kʼoeˇ taˆ, nawˬ-euˬ mehˬ shi ngaˇ yawꞈ luꞈ ma. Lo guˇ-ahˇ juiꞈ-awˬ. Iˇsaˬleˬlaˆ tsawˇ haˬ deuˬ dawˇ-eu gʼaˇ duˬ iˇ cuꞈ yoeˇ doˆ le tehꞈ-a.” Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ mehˬ shi, Moˇseˬ kʼoeˇ loꞈ-ehˇ mˇ-euˬ meh.

Iˇsaˬyaˇ 30:25

Muiˇ-eu deuˬ-euˬ ziꞈ dah ni gʼeh-eu taˆ deuˬ-ahˇ naw maꞈ beuˆ gʼaˬ-awˇ, aˬ yawꞈ maꞈ-ahˇ naw maꞈ sehꞈ ngeh nah, gawˬ jawˬ yawˬ jawˬ na luꞈ hawˇ-eu gawˬ duˇ yawˬ duˇ na luꞈ kʼoeˇ taˆ, iˇ cuꞈ lawˇ gawˆ yoeˇ le tehꞈ-a.

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Iˇsaˬyaˇ 33:23

Muiˇ-eu deuˬ-euˬ saˇ baoˬ aˇ caˆ tsehˆ-iˇ jiˇ-awˇ, lehˇ baw saˬ paˇ maˬ gʼeu taw nya-a. Muiˇ-eu deuˬ-euˬ pyuˇ shuiˇ myawˬ gahˬ dawˬ tawˆ, nga maꞈ ceh geuꞈ jiˇ ma. Aˬ yawꞈ maꞈ-euˬ pyuˇ shuiˇ myawˬ gahˬ myaˬ dui dui-awˇ, kuiˇ shiˇ laꞈ shiˇ deuˬ-ahˇ kʼawꞈ oꞈ tehꞈ-a.

Iˇsaˬyaˇ 42:11

Kʼaˇ shuiꞈ deh ga hawˇ-eu kʼoeˇ gaˇ jaˆ-eu meuˬ deuˬ, Miˬyehˇ-ahˇ ja ceuˬ-awˬ. Geˬdaˬ tsawˇ haˬ aˬ yawꞈ-ahˇ ja ceuˬ-awˬ. Seˇlaˇ meuˬ-ahˇ jawˇ-eu tsawˇ haˬ deuˬ kʼawꞈ, gawˬ jawˬ uˬ du laˬ kʼaˬ cehˇ-awˇ guˇ-awˬ.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Yawˇlaˆ 3:18

Aˇ nah aˇ yamˬ kʼoeˇ keuˆ le ngeh, gawˬ jawˬ aˬ gaꞈ yaˇ mˇ byah-awˇ, gawˬ duˇ jeˬ zaˬ gaˆ byah jiˇ-awˇ, Yuˇdaˆ miˇ kʼahˬ lawˇ gawˆ lawˇ baˬ, iˇ cuꞈ tiˬ byah ni yoeˇ tehꞈ-a. Sahˬpaˬ Miˬyehˇ-euˬ Nymˇ-ahˇ neh, lawˇ gawˆ tiˬ gawˆ yoeˇ doˆ le-awˇ, Aˬ kaˬ shaˆ Deh kʼawꞈ kʼoeˇ kʼawꞈ-ahˇ iˇ cuꞈ tiˬ loꞈ biꞈ le tehꞈ-a.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Jaceuq 107:35

Kʼaˇ shuiꞈ deh ga-ahˇ lah bi pyeuꞈ-iˇ-awˇ, gui-eu pehˇ tsahˇ-ahˇ lawˇ gawˆ bi yoeˇ le-euˬ meh.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.