Iˇsaˬyaˇ 33:4 - Akha

⁴ Miˇ kʼahˬ tsawˇ jeuˬ deuˬ-oˇ, naw maꞈ-euˬ myawˬ gahˬ bi yaˆ uiˬ jiˇ-awˇ, nyehˇ bahˇ teuˆ-eu loꞈ-ehˇ tsawˬ nawˬ bi nawˬ tehꞈ-a.

Iˇsaˬyaˇ 33:4 Referans Kwoze

Yawˇlaˆ 2:25

Nyehˇ bahˇ baˬ maꞈ doˆ le ngeh kʼoꞈ, kʼaˇ dzaˬ cawˆ-euˬ jeˬ dawˬ tawˆ luꞈ, naw maꞈ-ahˇ ngaˇ tsoeˬ kʼoꞈ nehˬ ma. Nyehˇ bahˇ guiˇ maꞈ naw maꞈ jawˇ gaˇ pyehˬ leꞈ-euˬ yaw sahˇ gʼaˬ ngaˇ ma.

Yawˇlaˆ 2:9

Meuˬ-ahˇ aˬ yawꞈ maꞈ yoeˇ tehˬ-awˇ, meuˬ lahˇ kʼoeˇ taˆ cehˆ tsehˆ gʼeh-awˇ, nymˇ kʼaˇ jaˆ gaˇ daˆ keuˆ leˇ-awˇ, smˇ kʼoeˬ tahˇ joe oe-eu loꞈ-ehˇ, laˇ gʼoˆ zaˬ-ahˇ uˇ-iˇ-eu meh.

Iˇsaˬyaˇ 33:23

Muiˇ-eu deuˬ-euˬ saˇ baoˬ aˇ caˆ tsehˆ-iˇ jiˇ-awˇ, lehˇ baw saˬ paˇ maˬ gʼeu taw nya-a. Muiˇ-eu deuˬ-euˬ pyuˇ shuiˇ myawˬ gahˬ dawˬ tawˆ, nga maꞈ ceh geuꞈ jiˇ ma. Aˬ yawꞈ maꞈ-euˬ pyuˇ shuiˇ myawˬ gahˬ myaˬ dui dui-awˇ, kuiˇ shiˇ laꞈ shiˇ deuˬ-ahˇ kʼawꞈ oꞈ tehꞈ-a.

2 Laˬsaˬbaˬ 20:25

Yeˬhawˇshaˬpaˇ hawˇ-eu aˬ yawꞈ-euˬ yehˇ deuˬ mˇ myawˬ yuˇ geuꞈ-iˇ-eu lehˇ iˇ ngeh, mawˇ neˇ deuˬ, dzaˬ dzaˬ dawˇ dawˇ deuˬ, dm gʼaˬ dm lmˇ deuˬ hawˇ-eu, aˇ poeˬ kʼaˆ-eu nui jeˬ mˇ myawˬ gʼawˬ mya ni mawˇ-euˬ meh. Smˬ nah keuˆ ni mˇ myawˬ kʼoeˇ deuˬ aˬ yawꞈ maꞈ yuˇ uiˬ-euˬ meh. Ehˇ kʼawꞈ, aˇ dzehˬ-ehˇ myaˬ-eu miˇ neh, dawˬ tawˆ luꞈ maˬ yuˇ uiˬ jiˇ coeˇ-a.

2 Laˬsaˬbaˬ 14:13

Kʼoeˇ naˇ, Aˬsaˬ hawˇ-eu aˬ yawꞈ-euˬ guiˇ maꞈ deuˬ Geˬlawˬ meuˬ-ahˇ keuˆ ni Suˬdaˬ tsawˇ haˬ kʼoeˇ deuˬ-euˬ mehˬ nah teh-euˬ meh. Suˬdaˬ tsawˇ haˬ deuˬ gʼawˬ mya ni bi deuˆ sehꞈ-euˬ miˇ neh, guiˇ maˬ deuˆ nya-ehˇ pyeuꞈ-iˇ-euˬ meh. Sahˬpaˬ Miˬyehˇ hawˇ-eu aˬ yawꞈ-euˬ guiˇ maꞈ neh aˬ yawꞈ maꞈ-ahˇ deuˆ gʼaˬ-euˬ meh. Yuˇdaˆ tsawˇ haˬ deuˬ mˇ myawˬ gʼawˬ mya ni deuˆ za-euˬ meh.

Iˇsaˬyaˇ 33:3

Mˬ jeˬ tsawˬ tehˆ tehˆ gaˇ duˇ-eu nawˬ-euˬ teˇ saˇ gaˬ ngeh, tsawˇ haˬ zaˬ cehˆ byoˆ-awˇ, nawˇ tsawˬ tuˇ laˇ gaˇ ya mawˇ ngeh, aˬ cawˬ tsawˇ jeuˬ deuˬ cehˆ byoˆ jiˇ-eu meh.

Iˇsaˬyaˇ 33:5

Yaw goˇ-ahˇ jawˇ-eu Sahˬpaˬ Miˬyehˇ-ahˇ, ciˬ huiˬ ciˬ mahˇ tehꞈ-a. Yeˬluˇsaˬlehˬ meuˬ laꞈ kʼoeˇ yaw tsaˬ yaw dawˇ jeˬ, aˬ yawꞈ bi byah laˇ tehꞈ-a.

Yeˬsaˬgeˬlaˇ 25:7

Naw maꞈ kʼoeˇ loꞈ-ehˇ jahˇ-euˬ miˇ neh, naw maꞈ-ahˇ aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, tahˇ joe bi joe-awˇ, myawˬ gahˬ bi yuˇ geuꞈ jiˇ ma. Tsawˇ jeuˬ byoˆ le-awˇ, miˇ kʼahˬ byoˆ-iˇ ngeh keuˆ ni, naw maꞈ-ahˇ ngaˇ laˆ cawˆ nehˬ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu naw maꞈ ya siˬ duˬ tehꞈ-a.”

Yawˇlaˆ 1:4

Myaˬ dui dui-eu nyehˇ bahˇ baˬ maꞈ, tiˬ maꞈ mehˬ nah tiˬ maꞈ oe-awˇ, tiˬ maꞈ neh maˬ dzaˬ jiˇ-euˬ jeˬ, tiˬ maꞈ paˇ teuꞈ byoˆ leꞈ-eu meh.

Yawˇlaˆ 2:3

Miˬ dzaˬ puiˆ dzaˬ jiˇ-euˬ loꞈ-ehˇ, aˇ bawˇ kʼaˇ ngeuˇ-eu dzaˬ jiˇ-awˇ, aˬ yawꞈ maꞈ iˇ luꞈ-eu mehˬ hu, Eˬdeˬ yaˇ kmˇ loꞈ-ehˇ muiˬ kʼawꞈ, aˬ yawꞈ maꞈ iˇ dzeuˇ-euˬ naˇ kʼah, kʼaˇ shuiꞈ deh yaˇ pyeuꞈ jiˇ-eu meh. Tiˬ jeˬ-iˬ maˬ dzeuˇ-iˇ nya-a.