Iˇsaˬyaˇ 31:7 - Akha

⁷ Naw maꞈ neh pyuˇ hawˇ-eu shuiˇ yuˇ-awˇ jahˇ taˬ-euˬ tahˬ pahˬ aˬ ma mawˇ kawˇ deuˬ-ahˇ, naw maꞈ yawˬ gʼaˬ na luꞈ ya biˬ dzeh-eu aˇ nah keuˆ le tehꞈ-a.

Iˇsaˬyaˇ 31:7 Referans Kwoze

Iˇsaˬyaˇ 30:22

Pyuˇ hawˇ-eu shuiˇ yaw taˬ-euˬ naw maꞈ-euˬ tahˬ pahˬ aˬ ma mawˇ kawˇ deuˬ-ahˇ naw maꞈ haw jawꞈ-awˇ baꞈ dzeh-eu laꞈ kʼoeˇ, “Maˬ mawˇ laˇ gaˇ iˇ byoˆ gʼeh-awˬ” lehˇ naw maꞈ toˇ tehꞈ-a.

Iˇsaˬyaˇ 2:20

Aˇ nah kʼoeˇ nah keuˆ laˇ ngeh, yawˬ ha neh tehˆ-euˬ pyuˇ hawˇ-eu shuiˇ tahˬ pahˬ aˬ ma mawˇ kawˇ deuˬ-ahˇ, ho kʼaˬ, boeˇ kʼaˬ jawˇ duˬ-ahˇ baꞈ dzeh yaꞈ jiˇ tehꞈ-a.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Hawˇseˬ 14:8

Iˇsaˬleˬlaˆ tsawˇ haˬ deuˬ-aˬ, tahˬ pahˬ aˬ ma mawˇ kawˇ deuˬ-ahˇ, tiˬ pawꞈ-iˬ maˬ paˇ taꞈ leˇ-ehˇ, aˬ yawꞈ maꞈ-euˬ guiˬ lahˬ shaˇ dawˬ, ngaˇ naˇ haˬ-awˇ ngehˬ gʼeh nehˬ ma. Aˇ paꞈ tiˬ jawˇ-iˬ maˬ ga-eu, naˇ shmˇ muiˬ-eu aˇ bawˇ loꞈ-ehˇ, ngaˬ-euˬ naˇ shmˇ-ahˇ bi awˆ ma. Aˬ yawꞈ maꞈ-ahˇ guiˬ lahˬ shehˬ-eu, guiˬ lahˬ gawˆ mehˇ ngaˇ pyeuꞈ-eu ma.”

Dawˬmehˬ 7:25

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ miˬ dzaˬ-ahˇ dzah puiˆ dzeh-awˬ. Kʼoeˇ-euˬ kʼoeˇ taˆ jaˆ-eu pyuˇ hawˇ-eu shuiˇ-ahˇ mehˇ juiˇ juiˇ-awˇ, yawˬ ha gʼaˇ duˬ naw maꞈ taˬ yuˇ geuꞈ. Yuˇ geuꞈ naˇ, lahˇ ju kʼmˇ taˬ-euˬ gaˇ naw maꞈ paꞈ leˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui daˆ daˆ-eu meh.

Hawˇseˬ 8:11

“Iˇsaˬleˬlaˆ tsawˇ haˬ deuˬ neh, iˬ baˇ bi shawˇ laˇ-eu gʼaˇ duˬ, lawˇ duˬ paˇ tsoˆ lahˬ-euˬ kʼoeˇ-aˬ, iˬ baˇ mˇ lahˬ lahˬ gaˇ duˇ meh.

Iˇsaˬyaˇ 17:8

tsawˇ haˬ zaˬ uˬ duˬ tahˬ shaˇ leˇ tehꞈ-a. Aˬ yawꞈ maꞈ-euˬ aˬ laꞈ neh jahˇ taˬ-euˬ lawˇ duˬ deuˬ-ahˇ, aˬ yawꞈ maꞈ maˬ paˇ gʼoe-ehˇ, aˬ yawꞈ maꞈ-euˬ kuiˇ zaˇ laꞈ zaˇ pyeuꞈ-eu, Aˬsheˇlaˬ miˬ yehˇ ma-euˬ mawˇ kawˇ deuˬ hawˇ-eu, tsiˇ yaw saw jeˬ doꞈ damˬ-eu lawˇ duˬ-ahˇ, myaˆ haw maˬ cawˬ ni byehˇ tehꞈ-a.