Iˇsaˬyaˇ 30:1 - Akha

¹ Sahˬpaˬ Miˬyehˇ heu loꞈ-ahˇ ehˇ-eu meh. “Yuˇdaˆ miˇ kʼahˬ-ahˇ uˆ lahˇ-eu tsawˇ haˬ deuˬ, ngaˬ-ahˇ puiˬ-eu miˇ neh, ya noeˬ shaˬ dui dui tehꞈ-a. Ngaˇ maˬ bi mˇ mawꞈ-eu jeˬ aˬ yawꞈ maꞈ mˇ-awˇ, ngaˇ nui ma maˬ tsaˬ-eu deuˬ-ahˇ mehˬ bawˬ gm-eu laꞈ kʼoeˇ, iˬ baˇ duˬ gahˬ gahˬ luꞈ-eu meh.

Iˇsaˬyaˇ 30:1 Referans Kwoze

Iˇsaˬyaˇ 65:2

Nui ma gʼahˇ-eu laꞈ kʼoeˇ yaw haiˬ jeˬ-ahˇ mˇ-awˇ, yawˬ ha nui kʼahˇ poˆ-eu ngaˬ-euˬ tsawˇ haˬ deuˬ-ahˇ ha geuꞈ nehˬ-eu gʼaˇ duˬ ngaˇ aˬ myah luꞈ lehˬ hmˬ-euˬ ma.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Hawˇseˬ 7:13

“Ngaˬ-ahˇ byehˇ dzeh yaꞈ-euˬ miˇ neh, aˬ yawꞈ maꞈ ya noeˬ shaˬ luꞈ-uˇ. Ngaˬ-ahˇ muiˇ-awˇ puiˬ-euˬ miˇ neh, luˬ-iˇ seˇ-iˇ gaˇ keuˆ luꞈ-uˇ. Aˬ yawꞈ maꞈ-ahˇ ka kʼoꞈ mawꞈ kʼawꞈ, aˬ yawꞈ maꞈ uˬ duˬ tahˬ-eu-aˬ, ngaˬ-ahˇ mehˇ shuiˇ shuiˇ-eu tehꞈ meh.

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Iˇsaˬyaˇ 29:15

Yawˬ ha gaˇ kawˆ Sahˬpaˬ Miˬyehˇ maˬ bi mawˇ-eu gʼaˇ duˬ, yaw naꞈ-ahˇ cehˆ zaꞈ-eu laꞈ kʼoeˇ, yaw zahˇ laꞈ kʼoeˇ yaw cawˆ mˇ-awˇ, “Aˬ suˇ gʼaˬ siˬ nya mawˇ nya ta” lehˇ ehˇ-eu deuˬ, yaw kʼaˆ-ehˇ ya noeˬ shaˬ tehꞈ-a.

2 Tiˆmoˇseˬ 3:13

Haiˬ-eu tsawˇ haˬ deuˬ hawˇ-eu jaˬ myawꞈ mehˇ shuiˇ deuˬ-aˬ, ngehˬ jawˇ ngehˬ doeˇ dzehˬ laˇ-awˇ, aˬ cawˬ-ahˇ mehˇ shuiˇ shuiˇ-eu loꞈ-ehˇ yawˬ ha-ahˇ mehˇ shuiˇ bi shuiˇ gaˇ ya daˬ tehꞈ-a.

Yeˬsaˬgeˬlaˇ 3:9

Nawˇ kʼaˬ lo loꞈ-ehˇ ziꞈ-awˇ, gʼahˇ dui dui-eu kʼaˬ lo sehˇ loꞈ-ehˇ gʼahˇ laˇ ni ngaˇ jahˇ nehˬ ma. Ngaˬ-ahˇ puiˬ-eu tsawˇ haˬ kʼoeˇ deuˬ-ahˇ taˬ guˆ.”

Yeˬsaˬgeˬlaˇ 2:3

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ jawˇ gaˇ nawˬ-ahˇ ngaˇ pyehˬ gʼeh-eu lehˇ gʼeh-eu ma. Aˬ yawꞈ maꞈ ngaˬ-ahˇ puiˬ-awˇ byehˇ dzeh yaꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ iˬ nah keuˆ ni puiˬ luꞈ-eu meh.

Yeˬlaˬmiˇ 5:23

Ehˇ kʼawꞈ naw maꞈ nui ma gʼahˇ-awˇ puiˬ-eu laꞈ kʼoeˇ, ngaˬ-ahˇ naˇ kʼah ciˬ pyawˇ-awˇ byehˇ dzeh laꞈ-euˬ meh.

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Jaceuq 61:4

Ngaˬ-euˬ tiˬ ziˇ nawˬ-euˬ muiˬ-eu shawˇ-eu jawˇ duˬ-ahˇ bi jawˇ nehˬ laꞈ. Guˆ kʼaˇ maˬ za-eu nawˬ-euˬ aˬ dahˇ uˬ moˆ, ngaˬ-ahˇ bi naˬ nehˬ laꞈ.

Dawˬmehˬ 29:19

Iˬ nah heu gaˇ yawꞈ luꞈ-eu tsawˇ haˬ deuˬ laꞈ kʼoeˇ, dawˬ ma saˇ jaˇ heu-ahˇ ya gaˬ gʼaˬ-euˬ kʼawꞈ, nui ma gʼahˇ-eu laꞈ kʼoeˇ, yawˬ ha kʼaˇ dehꞈ mawꞈ-eu loꞈ-ehˇ dehꞈ kʼawꞈ yaw muiˬ paˬ-ehˇ ya dehꞈ dzaˬ tehꞈ-a lehˇ tsawˇ haˬ tiˬ gʼaˬ-iˬ maˬ ya noeˬ ni yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ noeˬ-eu jeˬ-aˬ, naw maꞈ dawˬ tawˆ luꞈ-ahˇ yaw muiˬ yaw doeˇ maˬ tseˇ ni, laˆ luˬ laˆ seˇ-eu jeˬ bi keuˆ le tehꞈ-a.

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

Yeˬlaˬmiˇ 4:17

Yeˬluˇsaˬlehˬ meuˬ Sahˬpaˬ Miˬyehˇ-ahˇ puiˬ-eu miˇ neh, deh yaˇ-ahˇ tsawˇ haˬ loꞈ-eu loꞈ-ehˇ, muiˇ-eu deuˬ Yeˬluˇsaˬlehˬ meuˬ-ahˇ loꞈ jawˬ tehꞈ-a lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Iˇsaˬyaˇ 8:12

“Tsawˇ haˬ kʼoeˇ deuˬ nehˬ-ehˇ nawˇ mehˬ bawˬ taˬ gm. Aˬ yawꞈ maꞈ guˆ-eu jeˬ-ahˇ nawˇ taˬ guˆ.

Iˇsaˬyaˇ 4:5

Kʼoeˇ naˇ, Ziˇoˬ gawˬ jawˬ hawˇ-eu kʼoeˇ gaˇ kʼaˇ uiˬ leˇ taˬ-euˬ tsawˇ haˬ deuˬ kʼoeˇ taˆ, nah gʼahˇ paw Sahˬpaˬ Miˬyehˇ mˬ dmˇ pyehˬ gʼeh leꞈ-awˇ, uˬ ciꞈ paw miˬ dzaˬ miˬ lmˇ hawˇ-eu uˬ kʼoeˬ pyehˬ gʼeh leꞈ tehꞈ-a. Meuˬ meuˬ lah ni kʼoeˇ taˆ Miˬyehˇ-euˬ yaw shehꞈ kʼahˬ sehˇ uˆ tehˬ-awˇ, haw piˇ nehˬ tehꞈ-a.

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Hawˇseˬ 13:2

Tahˬ pahˬ aˬ ma mawˇ kawˇ tehˆ-awˇ, uˬ duˬ tahˬ dui dui-eu laꞈ kʼoeˇ, iˬ baˇ mˇ-eu maˬ naˬ leˇ-a. Tsawˇ haˬ zaˬ neh shaˇ noeˬ doˆ-awˇ, tsawˇ haˬ-euˬ aˬ laꞈ neh jahˇ-awˇ, pyuˇ neh lawˬ-euˬ mawˇ kawˇ deuˬ-ahˇ, “Lawˇ-awˬ shehˇ-awˬ” lehˇ ehˇ-eu meh. Mawˇ neˇ mawˇ gaw-ahˇ duˇ leˇ-eu, tahˬ pahˬ aˬ ma mawˇ kawˇ deuˬ-ahˇ, aˬ joˆ-ehˇ mehˬ cuˇ cuˇ nehˬ nmˇ.

Iˇsaˬyaˇ 5:18

Yaw haiˬ jeˬ-ahˇ yaw lehˬ jeˬ aˇ caˆ neh gʼeu-awˇ, iˬ baˇ-ahˇ laˆ lawˬ aˇ caˆ neh gʼeu-eu deuˬ ya noeˬ shaˬ dui dui tehꞈ-a.

Iˇsaˬyaˇ 28:20

Maˬ gʼmˇ-eu kʼawˬ daˬ kʼoeˇ taˆ maˬ gʼoeˬ-eu aˇ bui dm-awˇ yuꞈ-eu tsawˇ haˬ loꞈ-ehˇ, naw maꞈ ya shaˬ tehꞈ-a.

Iˇsaˬyaˇ 28:15

Shiˇ-eu jeˬ nehˬ-ehˇ naw maꞈ saˇ jaˇ dzaˬ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jaˆ ma lehˇ, naw maꞈ kʼahˬ sehˇ jehˆ luꞈ-eu meh. Jaˬ myawꞈ myawꞈ-awˇ mehˇ shuiˇ shuiˇ dzeuˇ nya-eu miˇ neh, guˆ-eu gaˆ-eu jeˬ keuˆ le ngeh uˬ kʼawˇ buˬ ma lehˇ, naw maꞈ noeˬ duˬ taˬ-euˬ jaˆ meh.

Iˇsaˬyaˇ 8:19

Ehˇ kʼawꞈ, ja maw nya-eu deuˬ hawˇ-eu, teˇ saˇ yaw nahˬ yaw gʼahˇ baw baw-ehˇ nyiˇ paˬ shiˇ nya-eu nyiˇ paˬ shaˆ ma deuˬ-ahˇ gʼoe-eu gʼaˇ duˬ, aˬ cawˬ naw maꞈ-ahˇ gʼaˬ biꞈ tehꞈ-a. “Dehꞈ luꞈ-eu deuˬ-euˬ dah zaˇ shiˇ dzeuˇ-euˬ deuˬ nehˬ-ehˇ ngehˬ cawˬ taꞈ-awˇ, nehꞈ-euˬ dawˬ-ahˇ naˇ haˬ geuꞈ-eu tsaˬ tehꞈ-a” lehˇ, nyiˇ paˬ shaˆ ma kʼoeˇ deuˬ ehˇ tehꞈ-a.

Dawˬmehˬ 9:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.

Bawˇtsahˬ 32:14

Nymˬ-mˇ, iˬ baˇ paˇ mˇ mawꞈ-eu naw maꞈ shehˆ kʼawꞈ ni, naw maꞈ-euˬ aˬ da deuˬ-euˬ pehˬ zaˇ-ahˇ paˇ nawˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ Sahˬpaˬ Miˬyehˇ nui ma pehˇ-eu jeˬ tiˬ poˆ paˇ bi keuˆ le-eu gʼeh-eu ngaˇ.

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Iˇsaˬyaˇ 8:11

Sahˬpaˬ Miˬyehˇ-aˬ, huiˬ dui dui-eu aˬ yawꞈ-euˬ baoˬ-ahˇ gʼoe-awˇ, tsawˇ haˬ kʼoeˇ deuˬ kʼaˇ dehꞈ-eu loꞈ-ehˇ maˬ ya dehꞈ ni, ngaˬ-ahˇ heu loꞈ-ehˇ mehˬ nehˬ tsoˆ nehˬ laꞈ-euˬ meh.

Yeˬlaˬmiˇ 17:5

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-ahˇ byehˇ dzeh yaꞈ-awˇ, maˬ gmˬ-eu tsawˇ haˬ-euˬ gʼaˬ-ahˇ gʼoe-awˇ, tsawˇ haˬ zaˬ-ahˇ nui jah ahˇ-eu gʼaˬ-ahˇ, ngaˇ yaˬ kʼehˇ yaˬ nehˬ ma.

Yeˬlaˬmiˇ 37:7

“Zeˬdaˬkiˇ-ahˇ heu loꞈ-ehˇ ehˇ nehˬ-awˬ. Iˇjiˇtuˆ guiˇ maꞈ deuˬ nawˬ-ahˇ caw ba laˇ-eu lehˇ laˇ luꞈ meh. Ehˇ kʼawꞈ, aˬ yawꞈ maꞈ gʼawˬ myahˇ ni maˬ jawˇ-ehˇ gʼoꞈ-iˇ tehꞈ-a.

Yeˬlaˬmiˇ 42:19

Kʼoeˇ naˇ, ngaˇ heu loꞈ-ehˇ paˇ ehˇ nehˬ-euˬ ma. “Yuˇdaˆ miˇ kʼahˬ laꞈ kʼoeˇ kʼaˇ dzeˇ yaꞈ-euˬ naw maꞈ deuˬ-ahˇ, Iˇjiˇtuˆ miˇ kʼahˬ-ahˇ taˬ iˇ lehˇ Sahˬpaˬ Miˬyehˇ-ehˇ gaˇ yaw kʼaˆ kʼaˆ-ehˇ shaˇ noeˬ-awˬ lehˇ, naw maꞈ-ahˇ ngaˇ ehˇ-eu ma.

Yeˬsaˬgeˬlaˇ 11:2

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, tsawˇ haˬ heu deuˬ yaw haiˬ jeˬ mˇ-eu lehˇ bawˬ uˇ luꞈ-awˇ, meuˬ heu meuˬ laꞈ kʼoeˇ maˬ muiˬ-eu nui noeˬ nui duˇ deuˬ biꞈ luꞈ-eu meh.

Yeˬsaˬgeˬlaˇ 24:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, yaw jeˬ ma jeˬ heu loꞈ-ehˇ ehˇ-eu meh lehˇ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ ehˇ nehˬ-awˬ. Heu-aˬ, aˬ yawꞈ maꞈ gʼaˇ duˬ ngaˬ-euˬ dawˬ ma. Tsawˬ bu-ahˇ oeˬ lahˬ ciˬ dahˇ-awˇ, iˇ cuꞈ shehˆ ahˇ-awˇ bi dahˇ-awˬ.

Yeˬsaˬgeˬlaˇ 29:16

Iˇsaˬleˬlaˆ miˇ kʼahˬ kʼawꞈ, aˬ yawꞈ maꞈ-ahˇ maˬ gʼoe ni pyeuꞈ-iˇ tehꞈ-a. Iˇjiˇtuˆ miˇ kʼahˬ kʼoeˇ loꞈ-ehˇ pyeuꞈ-iˇ-euˬ baˬ da neh, Iˇjiˇtuˆ miˇ kʼahˬ-ahˇ nui ma huiˬ-euˬ lehˬ dui dui law hawˇ ngaˬ lehˇ, Iˇsaˬleˬlaˆ miˇ kʼahˬ-ahˇ siˬ leˇ tehꞈ-a. Kʼoeˇ ngeh jawˇ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-ahˇ siˬ duˬ leˇ tehꞈ-a.”

Zaˬkaˬliˇ 4:6

Kʼoeˇ naˇ, aˬ yawꞈ ehˇ-eu, “Heu-aˬ, Zeˬluˇbaˬbeˬlaˇ-ahˇ Sahˬpaˬ Miˬyehˇ neh ehˇ nehˬ-eu dawˬ pyeuꞈ-awˇ, ‘Baoˬ hawˇ-eu gʼaˬ neh gʼaˬ leˇ nya-eu maˬ ngeuˇ-a. Ngaˬ-euˬ yaw sahˇ baˬ da neh tehꞈ-ehˇ gʼaˬ leˇ nya-eu meh’ lehˇ ehˇ-eu meh.

Yawˇshuˆ 9:14

Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ maˬ naˇ haˬ ni, tsawˇ haˬ kʼoeˇ deuˬ-euˬ dzaˬ dzaˬ dawˇ dawˇ tiˬ paˆ na deuˬ-ahˇ ha geuꞈ-euˬ meh.

2 Sahˬpaˬ 18:21

Iˇjiˇtuˆ miˇ kʼahˬ caw ba laˇ tehꞈ-a lehˇ naw maꞈ noeˬ tmˬ luꞈ te loˇ. Naw maꞈ kʼoeˇ loꞈ-ehˇ noeˬ-eu-aˬ, aˇ toꞈ aˇ kahˬ neh gawˬ yoeˬ toˆ gaˇ duˇ-awˇ, aˇ toꞈ aˇ kahˬ kʼoeˇ kʼehꞈ-iˇ ngeh jawˇ, naw maꞈ-euˬ aˬ laꞈ-ahˇ dehˬ tsawˆ tehꞈ-a. Iˇjiˇtuˆ sahˬ paˬ-ahˇ laꞈ jeuˬ kʼaˇ shaˇ-eu tsawˇ haˬ kʼoeˇ loꞈ-ehˇ ya daˬ tehꞈ-a.

2 Sahˬpaˬ 18:24

Teˬ dui nyiˇ dui dui-eu Aˬshuˇliˆ tsawˇ haˬ yaw huiˬ yaw mahˇ tiˬ gʼaˬ-ahˇ kʼawꞈ naw maꞈ ciˬ daˬ mahˇ maˬ tsahˇ-eu-aˬ, Iˇjiˇtuˆ tsawˇ haˬ deuˬ mahˬ laˆ lawˬ hawˇ-eu mahˬ dziˬ-eu yehˇ deuˬ bi laˇ gaˇ naw maꞈ paˇ noeˬ tmˬ te loˇ.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Yeˬlaˬmiˇ 2:18

Iˇjiˇtuˆ miˇ kʼahˬ-ahˇ iˇ-eu aˬ jeˬ gaˇ dahˇ tsoeˬ nmˇ. Niˬlaˇ lawˇ baˬ iˇ cuꞈ dawˇ-iˇ-eu la. Aˇshuˇliˆ miˇ kʼahˬ-ahˇ le-eu aˬ jeˬ gaˇ dahˇ tsoeˬ nmˇ. Uˇpaˬlaˇ lawˇ baˬ-ahˇ iˇ cuꞈ dawˇ leˇ-eu la.

Hawˇseˬ 11:6

Aˬ yawꞈ maꞈ-euˬ meuˬ deuˬ kʼoeˇ taˆ, guiˇ deuˆ mi cehˇ deuˬ oe keuˆ-awˇ, meuˬ lahˇ laˇ gʼoˆ pyaˆ jiˇ tehꞈ-a. Yawˬ ha nui noeˬ geuꞈ-eu miˇ neh, laˆ cawˆ nehˬ gaˇ ya daˬ tehꞈ-a.