Iˇsaˬyaˇ 3:8 - Akha

⁸ Yeˬluˇsaˬlehˬ meuˬ sahˬ tiꞈ tiꞈ-awˇ, Yuˇdaˆ miˇ kʼahˬ coˬ le-euˬ meh. Aˬ yawꞈ maꞈ ngehˬ-eu tmˇ-eu mˇ-eu shaˇ-eu, Sahˬpaˬ Miˬyehˇ-ahˇ bahˬ leˇ-awˇ, Miˬyehˇ myaˆ pyawˬ-ahˇ kʼaˬ naˆ sawˆ-euˬ meh.

Iˇsaˬyaˇ 3:8 Referans Kwoze

1 Gawˇliˬtu 10:22

Sahˬpaˬ Yeˬsuˇ myaˆ naˆ ni aˬ dui mˇ-eu shaˇ-eu loˇ. Aˬ yawꞈ naˆ maˬ tseˇ gʼaˬ kʼaˆ dzehˬ ma lehˇ aˬ dui noeˬ te loˇ.

Hawˇseˬ 7:16

Baˬlaˇ miˬ yehˇ jawˇ paw cehˆ-eu kaˆ kaˆ poˆ-euˬ laꞈ gʼahˬ loꞈ-ehˇ, saˇ jaˇ maˬ ziꞈ-eu tsawˇ haˬ meh. Aˬ yawꞈ maꞈ-euˬ aˬ yuiꞈ aˬ tsu, dawˬ kʼaˆ ngehˬ myaˬ-eu baˬ da neh, mi cehˇ kʼehˬ-ahˇ ya coˬ sehꞈ gaˇ, Iˇjiˇtuˆ tsawˇ haˬ uiˇ tehꞈ-a.”

Yuˇdaˆ 1:15

Tsawˇ haˬ dawˬ tawˆ luꞈ-ahˇ yaˇ kʼaˬ daˇ-eu lehˇ oe-awˇ, aˬ yawꞈ maꞈ Miˬyehˇ-ahˇ yaw zeu maˬ baw ni mˇ taˬ shaˇ taˬ-euˬ miˇ neh maˬ ehˇ, Miˬyehˇ-ahˇ yaw zeu maˬ baw-eu iˬ baˇ zaˬ deuˬ neh aˬ yawꞈ-ahˇ ngehˬ doeˇ ehˇ doeˇ-euˬ miˇ neh maˬ ehˇ, aˬ yawꞈ maꞈ-ahˇ kʼehˬ nehˬ kʼaˆ nehˬ tehꞈ-a.”

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Miˇkaˬ 3:12

Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.

Yeˬsaˬgeˬlaˇ 9:9

Miˬyehˇ ehˇ-eu, “Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu iˬ baˇ mˇ-euˬ meh. Miˇ kʼahˬ kʼahˬ lah ni tsawˇ haˬ sehꞈ-eu jeˬ aˬ yawꞈ maꞈ mˇ byah-awˇ, Yeˬluˇsaˬlehˬ meuˬ laꞈ kʼoeˇ yaw haiˬ jeˬ mˇ byah taˬ-euˬ meh. Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-euˬ miˇ kʼahˬ-ahˇ byehˇ dzeh-awˇ, ngaˇ aˬ yawꞈ maꞈ-ahˇ maˬ mawˇ nya-a lehˇ, aˬ yawꞈ maꞈ ehˇ-eu meh.

Yeˬsaˬgeˬlaˇ 8:12

Miˬyehˇ ngaˬ-ahˇ heu loꞈ-ehˇ naˇ haˬ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ ciˬ cuˇ ni mˇ kʼoeˬ luꞈ-eu jeˬ nawˇ mawˇ maˬ loˇ. Tahˬ pahˬ aˬ ma mawˇ kawˇ tiˬ byah ni jaˆ-eu kuˆ lawˆ laꞈ kʼoeˇ, aˬ yawꞈ maꞈ uˬ duˬ tahˬ luꞈ-eu meh. ‘Sahˬpaˬ Miˬyehˇ aˬ dui-ahˇ maˬ paˇ mawˇ nya meh. Aˬ yawꞈ miˇ kʼahˬ heu kʼahˬ-ahˇ byehˇ dzeh yaꞈ-euˬ meh’ lehˇ aˬ yawꞈ maꞈ ehˇ-eu meh.”

Yeˬlaˬmiˇ 26:18

“Heˬsaˬgiˇ Yuˇdaˆ sahˬ paˬ geuꞈ ngeh, Miˇkaˬ lehˇ myahˇ-euˬ Mawˇleˇshehˆ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ, Sahˬpaˬ Miˬyehˇ neh ehˇ-euˬ dawˬ heu loꞈ-ehˇ dzawˇ nehˬ-euˬ meh. Ziˇoˬ gawˬ jawˬ-ahˇ deh yaˇ loꞈ-ehˇ bi tsehˬ-awˇ, Yeˬluˇsaˬlehˬ meuˬ yaw cawˆ jeˬ pu cu pu lu lu-awˇ, Uˬ duˬ tahˬ nymˇ nymˇ ma jaˆ-euˬ gawˬ duˇ kʼoeˇ aˇ bawˇ sahˬ kʼaˆ pyeuꞈ-iˇ tehꞈ-a. lehˇ dzawˇ nehˬ-euˬ meh.

Yeˬlaˬmiˇ 26:6

Naw maꞈ kʼoeˇ loꞈ-ehˇ maˬ naˇ haˬ ni jawˇ te lehˇ ngeuˇ naˇ, Shiˇloˬ meuˬ-ahˇ jahˇ nehˬ-euˬ loꞈ-ehˇ, Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ-awˇ, miˇ tsaˬ tsawˇ jeuˬ dawˬ tawˆ luꞈ yaˬ kʼehˇ kʼaˇ yaˬ ngeh, meuˬ heu meuˬ-euˬ tsawˇ myahˇ-ahˇ dawˬ daˬ daˬ-awˇ yaˬ gaˇ keuˆ tehꞈ-a.”

Iˇsaˬyaˇ 57:4

Aˬ suˇ gʼaˬ-ahˇ naw maꞈ cehꞈ lehꞈ ka te. Aˬ geu gʼaˬ-ahˇ naw maꞈ mehˬ laˇ cawˬ doˆ nehˬ-awˇ, aˬ jaꞈ jaꞈ niˇ gʼaˬ te. Naw maꞈ smˇ kʼoeˬ tahˇ joe-euˬ zaˬ maˬ ngeuˇ te loˇ.

Iˇsaˬyaˇ 9:17

Kʼoeˇ miˇ neh zaˬ guˬ deuˬ-ahˇ Sahˬpaˬ Miˬyehˇ maˬ taˬ nehˬ-ehˇ, muˇ coeˬ aˬ nmˇ hawˇ-eu miˬ coeˬ miˬ ma-ahˇ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ-a. Aˬ yawꞈ maꞈ Miˬyehˇ maˬ baw-ehˇ, yaw haiˬ tehꞈ-ehˇ mˇ-eu uˬ taꞈ, dawˬ ngehˬ-eu yaw muiˬ maˬ ahˇ-eu miˇ neh meh. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ shuꞈ-iˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Iˇsaˬyaˇ 1:7

Naw maꞈ-euˬ miˇ kʼahˬ pu tsoeˬ tsoeˬ jiˇ-awˇ, naw maꞈ-euˬ meuˬ deuˬ miˬ dzaˬ puiˆ byoˆ jiˇ-euˬ nga. Boeˇ miˬ siˬ kʼaˬ deuˬ naw maꞈ-euˬ mehˬ shi, naw maꞈ-euˬ miˇ kʼahˬ laˆ cawˆ-awˇ, yaw muiˬ tiˬ hmˬ-iˬ maˬ dzeˇ ni, neˇ leuꞈ ni jaˆ luꞈ nga.

2 Laˬsaˬbaˬ 33:11

Kʼoeˇ miˇ neh, Aˬshuˇliˆ guiˇ maꞈ deuˬ-ahˇ Yuˇdaˆ miˇ kʼahˬ laꞈ kʼoeˇ Sahˬpaˬ Miˬyehˇ bi uˇ le-euˬ meh. Aˬ yawꞈ maꞈ Maˬnaˇseˬ-ahˇ nyehꞈ-awˇ, naˇ mehˇ-ahˇ shmˇ kuˆ seuˬ siˇ ceuˬ-awˇ, shmˇ caˆ paꞈ-eu laꞈ kʼoeˇ, Baˬbuˇloˬ meuˬ-ahˇ tsahˇ gʼeh-euˬ meh.

2 Laˬsaˬbaˬ 28:18

Aˬ yawꞈ kʼoeˇ yamˬ-ahˇ, nahˇ ma ga kʼehˬ paw gawˬ jawˬ dawˬ dahˬ-ahˇ jaˆ-eu meuˬ deuˬ hawˇ-eu Yuˇdaˆ miˇ kʼahˬ laꞈ oˆ paw dzaˬ-ahˇ jaˆ-eu meuˬ deuˬ-ahˇ, Piˇliˇtiˆ tsawˇ haˬ deuˬ uˇ laˇ-awˇ guiˇ deuˆ-euˬ meh. Behˬsheˬmehˇ meuˬ, Aiˬjaˬloˬ meuˬ, Geˬdeˬlawˇ meuˬ heu deuˬ hawˇ-eu, Sawˇkawˇ meuˬ, Tmˇnahˬ meuˬ hawˇ-eu Gmˇzoˬ meuˬ heu deuˬ-ahˇ, tahˬ gʼoꞈ tahˬ jawˇ jaˆ-eu pu deuˬ ahˇ leˇ-ehˇ, aˬ yawꞈ maꞈ deuˆ gʼaˬ-awˇ, jawˇ geuꞈ-euˬ meh.

Iˇsaˬyaˇ 6:11

“Aˇ myah keuˆ ni kʼoeˇ loꞈ-ehˇ jahˇ nehˬ nmˇ” lehˇ, Sahˬpaˬ Miˬyehˇ-ahˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. “Meuˬ deuˬ cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh keuˆ ni, nymˇ laꞈ kʼoeˇ tsawˇ haˬ tiˬ gʼaˬ-iˬ maˬ ya mawˇ-ehˇ, miˇ kʼahˬ kʼahˬ lah-ehˇ ciˬ cuˇ ni pyeuꞈ-iˇ ngeh keuˆ ni, kʼoeˇ loꞈ-ehˇ jahˇ nehˬ ma.

Iˇsaˬyaˇ 49:19

“Nawˬ-euˬ miˇ kʼahˬ cawˆ-iˇ-awˇ meuˬ tsoeˬ tsoeˬ-iˇ jiˇ-euˬ kʼawꞈ, jawˇ kʼoꞈ laˇ-eu tsawˇ haˬ myaˬ-eu miˇ neh, miˇ kʼahˬ nyiˇ-iˇ gaˇ duˇ tehꞈ-a. Nawˬ-ahˇ laˆ cawˆ yaꞈ-eu deuˬ-aˬ, gaˇ mahˇ kaˬ gaˇ bi teh byoˆ jiˇ tehꞈ-a.

Iˇsaˬyaˇ 59:3

Naw maꞈ jaˬ myawꞈ mehˇ shuiˇ myaˬ-eu uˬ taꞈ, yaw haiˬ mˇ-awˇ tsawˇ haˬ-ahˇ sehꞈ-euˬ meh.

Yeˬlaˬmiˇ 4:13

Haw yawˬ. Muiˇ-eu gʼaˬ mˬ dmˇ loꞈ-ehˇ oe luꞈ meh. Aˬ yawꞈ-euˬ mahˬ laˆ lawˬ jaˬ lehˇ lehˇ zeuˆ-ahˇ duˇ leˇ-awˇ, aˬ yawꞈ-euˬ mahˬ kʼaˬ dzeˇ naˆ maˬ tseˇ kawˇ-eu meh. Aˬ dui shaˬ zahˬ naꞈ ngaˇ. Aˬ dui ya cawˆ-iˇ ngaˇ.

Yeˬlaˬmiˇ 44:3

Aˬ jeˬ miˇ neh ehˇ naˇ, kʼoeˇ gaˇ jawˇ-euˬ tsawˇ haˬ deuˬ yaw haiˬ jeˬ mˇ-awˇ, ngaˬ-ahˇ nui ma bi pehˇ laꞈ-euˬ meh. Aˬ yawꞈ maꞈ maˬ ehˇ, naw maꞈ maˬ ehˇ, naw maꞈ-euˬ aˬ poeˬ aˬ bawˇ deuˬ maˬ ehˇ, tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ, aˬ yawꞈ maꞈ uˬ duˬ tahˬ-awˇ lawˇ nehˬ shehˇ nehˬ-euˬ meh.

Ngoeˇ dawˬ 1:9

Pi di yaw jawꞈ mawˇ jiˇ laˇ-awˇ, yawˬ ha-euˬ daˬ maˬ shaˇ noeˬ-a. Coˬ dzeh-iˇ-euˬ naˇ dui dui-awˇ, haw cawˬ nehˬ-eu gʼaˬ maˬ jawˇ-a. “Sahˬpaˬ Miˬyehˇ ngaˬ-ahˇ haw sheˇ. Muiˇ-eu deuˬ ngaˬ-ahˇ gʼaˬ leˇ-awˇ, ngaˇ ya daˬ luꞈ gaˇ haw le sheˇ.”

Miˇkaˬ 6:12

Naw maꞈ-euˬ smˇ muiˬ smˇ baw deuˬ iˇ shaˬ zaˬ-ahˇ gahˇ dzaˬ-awˇ, naw maꞈ dawˬ tawˆ luꞈ jaˬ myawꞈ mehˇ shuiˇ tehꞈ meh.

Dawqdaq 26:27

Aˬ cawˬ-ahˇ lahˇ ju kʼmˇ-eu tsawˇ haˬ, yawˬ haˇ yawˬ ha kʼmˇ paꞈ tehꞈ-a. Miˇ byaˆ ngawˬ-eu tsawˇ haˬ, yawˬ haˇ yawˬ ha bi byaˆ tehˬ sehꞈ tehꞈ-a.

Yeˬlaˬmiˇ 23:36

Kʼoeˇ miˇ neh, ‘Sahˬpaˬ Miˬyehˇ-euˬ kʼaˆ behˆ’ lehˇ ehˇ-eu dawˬ aˬ yawꞈ maꞈ ngehˬ-eu maˬ tsaˬ-a. Aˬ jeˬ miˇ neh ehˇ naˇ, tsawˇ haˬ tiˬ gʼaˬ na kʼoeˇ loꞈ-ehˇ ngehˬ naˇ, ngaˬ-euˬ dawˬ aˬ yawꞈ gʼaˇ duˬ maˇ maˇ ni kʼaˆ behˆ bi pyeuꞈ ma. Tsawˇ haˬ heu deuˬ-aˬ, aˬ yawꞈ maꞈ-euˬ Miˬyehˇ dehꞈ luꞈ-eu Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ dawˬ-ahˇ laˆ jawꞈ-euˬ meh.

Hawˇseˬ 5:5

Iˇsaˬleˬlaˆ yaw doeˇ mˇ-euˬ, yawˬ ha-ahˇ paˇ guˇ poˆ luꞈ meh. Yawˬ ha neh mˇ-euˬ iˬ baˇ-ahˇ, yawˬ ha pehˆ toˆ-awˇ coˬ-iˇ gaˇ, Yuˇdaˆ tsawˇ haˬ coˬ caw tehꞈ-a.