Iˇsaˬyaˇ 3:26 - Akha

²⁶ Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Iˇsaˬyaˇ 3:26 Referans Kwoze

Ngoeˇ dawˬ 2:10

Ziˇoˬ meuˬ-euˬ tsawˇ mawˬ tsawˇ kʼaˆ, uˬ duˬ kʼaˬ lehˇ jehˆ daˆ taˬ-awˇ, guˬ daˇ pehˇ zeuˇ mehˬ tsoeˬ dm-awˇ, miˇ tsa ciˬ cuˇ ni dzuˇ-eu meh. Ziˇoˬ-euˬ aˬ buˇ miˬ daꞈ deuˬ, miˇ tsa uˬ duˬ tahˬ moꞈ-eu meh.

Yeˬlaˬmiˇ 14:2

“Yuˇdaˆ miˇ kʼahˬ tsawˇ ngoeˇ ngoeˇ-awˇ, aˬ yawꞈ-euˬ meuˬ deuˬ shiˇ tsehˆ leˇ luꞈ meh. Aˬ yawꞈ-euˬ tsawˇ haˬ deuˬ shaˬ zahˬ maˬ mˇ coeˇ-ehˇ miˇ tsa yuꞈ-awˇ, Yeˬluˇsaˬlehˬ meuˬ kʼawꞈ caw ba nehˬ laꞈ lehˇ shaˇ luꞈ meh.

Ngoeˇ dawˬ 1:4

Zahˇ sahˇ kʼoꞈ bawˬ-iˬ gʼeh yamˬ tsaˬ kʼawꞈ, tiˬ gʼaˬ-iˬ maˬ laˇ-eu miˇ neh, Ziˇoˬ gaˇ ma ngoeˇ luꞈ-eu meh. Yawꞈ-euˬ lahˇ kʼehˬ ciˬ cuˇ jaˆ-awˇ, piˇ ma deuˬ noeˬ shaˬ-eu toˇ-awˇ, dawˬ caˇ zaˬ miˬ nui noeˬ shaˬ-awˇ, shaˬ zahˬ naꞈ dui dui luꞈ-eu meh.

Yawˇbaˆ 2:13

Kʼoeˇ naˇ, aˬ yawꞈ maꞈ aˬ yawꞈ nehˬ-ehˇ tiˬ kawˆ loꞈ-ehˇ miˇ tsaˬ-ahˇ shiꞈ nah keuˆ ni nuiˇ-awˇ, dawˬ maˬ tmˇ ni jawˇ-euˬ meh. Aˬ jeˬ miˇ neh ehˇ naˇ, aˬ yawꞈ shaˬ zahˬ naꞈ dui dui gaˇ aˬ yawꞈ maꞈ ya mawˇ duˬ-euˬ meh.

Luˇkaꞈ 19:44

Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”

Yeˬsaˬgeˬlaˇ 26:16

Iˬ ma laˆ shaˆ paw kʼaˇ jawˇ-eu sahˬ paˬdawˬ tawˆ luꞈ sahˬ paˬ-euˬ nuiˇ mahˬ-ahˇ byehˇ-awˇ, pehˇ kʼahˬ pehˇ mahˇ hawˇ-eu aˇ boꞈ aˇ yehˆ yehˆ taˬ-euˬ mehˬ tsoeˬ deuˬ lehˆ dzeh-awˇ, yaw dzuˬ dzuˬ dzuˬ-ehˇ miˇ tsa ga nuiˇ tehꞈ-a. Nawˇ guiˬ lahˬ doeˇ gaˇ aˬ yawꞈ maꞈ haw guˆ-awˇ, yaw dzuˬ dzuˬ-eu maˬ naˬ leˇ nya-ehˇ shaˬ tehꞈ-a.

Yawˇbaˆ 2:8

Kʼoeˇ ngeh, Yawˇbaˆ kʼaˬ lehˇ lehˇ deh-ahˇ nuiˇ-awˇ, ciˬ cuˇ cuˇ pyehˬ tiˬ hmˬ neh maˇ naˇ kʼoeˇ deuˬ-ahˇ yaw dzuiˆ pyaˆ luꞈ-eu meh.

Iˇsaˬyaˇ 47:1

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ-oˇ, dzoeˬ dzaˬ nuiˇ mahˬ kʼoeˇ taˆ zaꞈ ka le-awˇ, miˇ tsa kʼaˬ lehˇ tsahˬ-ahˇ nuiˇ-awˬ. Yaw beh nawˇ guiˇ maˬ bi deuˆ gʼaˬ haw-ehˇ, miˬ daꞈ daꞈ shuiꞈ-ahˇ duˇ-euˬ meh. Ehˇ kʼawꞈ, nawˇ nahˬ jawˆ ni maˬ paˇ gʼeh-ehˇ, nymˬ-mˇ aˬ cawˬ zaˬ kʼaˆ pyeuꞈ shaw-euˬ meh.

Maꞈtehˬ 11:17

‘Nga maꞈ tahˬ diˬ-awˇ bawˬ law baw kʼawꞈ, naw maꞈ gaˇ nyeh maˬ nyeh nga tawˇ. Nga maꞈ kuiˇ deuˇ gui kʼawꞈ, naw maꞈ tsawˇ ngoeˇ maˬ ngoeˇ nga tawˇ.’

Iˇsaˬyaˇ 6:11

“Aˇ myah keuˆ ni kʼoeˇ loꞈ-ehˇ jahˇ nehˬ nmˇ” lehˇ, Sahˬpaˬ Miˬyehˇ-ahˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. “Meuˬ deuˬ cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh keuˆ ni, nymˇ laꞈ kʼoeˇ tsawˇ haˬ tiˬ gʼaˬ-iˬ maˬ ya mawˇ-ehˇ, miˇ kʼahˬ kʼahˬ lah-ehˇ ciˬ cuˇ ni pyeuꞈ-iˇ ngeh keuˆ ni, kʼoeˇ loꞈ-ehˇ jahˇ nehˬ ma.

Iˇsaˬyaˇ 14:31

Meuˬ lahˇ kʼehˬ-oˇ, guˇ-awˬ. Meuˬ-oˇ, ngoeˇ-awˬ. Piˇliˇtiˆ tsawˇ haˬ deuˬ-oˇ, guˆ dui dui-awˬ. Laꞈ taˆ paw pyawˬ-ahˇ uˬ kʼoeˬ du doˆ laˇ luꞈ-eu kʼoeˇ, guiˇ maꞈ maꞈ ma pyeuꞈ-awˇ, guˆ-eu nui ma ahˇ-eu tiˬ gʼaˬ-iˬ maˬ keuˬ-a.

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Iˇsaˬyaˇ 33:9

Miˇ kʼahˬ ngoeˇ doˆ laˇ-awˇ gʼaˬ baˬ-iˇ luꞈ meh. Leˬbaˬnoˬ sahˬ kʼaˆ nyoeˬ-iˇ-awˇ, miˇ muiˬ muiˬ-eu Shaˬloˬ deh kʼawꞈ, kʼaˇ shuiꞈ deh yaˇ pyeuꞈ-iˇ-euˬ meh. Baˬshaˬ miˇ tsaˬ hawˇ-eu Gaˬlaˬmeˬlaˇ gawˬ jawˬ, aˇ bawˇ aˇ paꞈ ga jiˇ-euˬ meh.

Yeˬlaˬmiˇ 15:8

Laˆ shaˆ lawˇ deh jaˆ-eu kʼaˇ shuiꞈ maˬ tseˇ, naw maꞈ miˇ kʼahˬ miˬ coeˬ miˬ ma myaˬ meh. Loˆ laˇ-euˬ zaˬ yo deuˬ-ahˇ ngaˇ sehꞈ-awˇ, aˬ ma deuˬ-ahˇ shaˬ zahˬ bi naꞈ-euˬ ma. Guˆ dui dui-iˇ-awˇ laˇ baˇ-iˇ paˬ-ehˇ, aˬ yawꞈ maꞈ kʼoeˇ taˆ ngaˇ shaˆ shiˇ pyehˬ gʼeh-euˬ ma.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Ngoeˇ dawˬ 2:8

Ziˇoˬ meuˬ lahˇ coˬ pyaˆ dzeh ni, Sahˬpaˬ Miˬyehˇ noeˬ tsehˆ-euˬ meh. Dawˬ tawˆ luꞈ coˬ pyaˆ dzeh jiˇ ni, yawꞈ neh laꞈ dza mˇ gʼaˬ-euˬ meh. Meuˬ lahˇ hawˇ-eu loꞈ-eu nymˇ goˇ, dawˬ tawˆ luꞈ cawˆ-iˇ jiˇ-euˬ meh.

Yeˬsaˬgeˬlaˇ 12:20

Nymˬ-mˇ tsawˇ haˬ tiˬ byah ni jawˇ luꞈ-eu meuˬ deuˬ cawˆ-iˇ-awˇ, aˬ yawꞈ maꞈ-euˬ miˇ kʼahˬ bawˇ tsahˬ bawˇ dahˇ pyeuꞈ-iˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ duˬ tehꞈ-a.”

Miˇkaˬ 1:9

Saˬmaˬliˆ meuˬ-euˬ naˇ gawˇ maˬ paˇ laˆ saˆ nya-ehˇ, Yuˇdaˆ miˇ kʼahˬ kʼawꞈ kʼoeˇ loꞈ-ehˇ duˇ ni ya naˇ ya gawˇ-eu keuˆ le taˬ-euˬ meh. Ngaˬ-euˬ tsawˇ haˬ deuˬ jawˇ-eu Yeˬluˇsaˬlehˬ meuˬ-euˬ lahˇ kʼehˬ-ahˇ, luˬ-iˇ seˇ-iˇ-eu jeˬ keuˆ le taˬ-euˬ meh.”

Iˇsaˬyaˇ 32:14

Sahˬ paˬ-euˬ nymˇ ya byehˇ dzeh gaˇ keuˆ-awˇ, meuˬ meuˬ ma kʼoeˇ ciˬ cuˇ ni jaˆ tehꞈ-a. Meuˬ laꞈ kʼoeˇ jaˆ-eu nymˇ hawˇ-eu, meuˬ-ahˇ loꞈ piˇ-euˬ taˆ kʼoeˇ deuˬ, mˬ maˬ maˬ byaˆ zaˇ ziˇ cawˆ jiˇ tehꞈ-a. Bawˇ tsahˬ mahˬ tahˬ laˆ deuˬ kʼoeˇ gaˇ jawˇ-awˇ, yawˇ deuˬ kʼoeˇ gaˇ gaˆ dzaˬ tehꞈ-a.