Iˇsaˬyaˇ 29:15 - Akha

¹⁵ Yawˬ ha gaˇ kawˆ Sahˬpaˬ Miˬyehˇ maˬ bi mawˇ-eu gʼaˇ duˬ, yaw naꞈ-ahˇ cehˆ zaꞈ-eu laꞈ kʼoeˇ, yaw zahˇ laꞈ kʼoeˇ yaw cawˆ mˇ-awˇ, “Aˬ suˇ gʼaˬ siˬ nya mawˇ nya ta” lehˇ ehˇ-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 29:15 Referans Kwoze

Yeˬsaˬgeˬlaˇ 8:12

Miˬyehˇ ngaˬ-ahˇ heu loꞈ-ehˇ naˇ haˬ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ ciˬ cuˇ ni mˇ kʼoeˬ luꞈ-eu jeˬ nawˇ mawˇ maˬ loˇ. Tahˬ pahˬ aˬ ma mawˇ kawˇ tiˬ byah ni jaˆ-eu kuˆ lawˆ laꞈ kʼoeˇ, aˬ yawꞈ maꞈ uˬ duˬ tahˬ luꞈ-eu meh. ‘Sahˬpaˬ Miˬyehˇ aˬ dui-ahˇ maˬ paˇ mawˇ nya meh. Aˬ yawꞈ miˇ kʼahˬ heu kʼahˬ-ahˇ byehˇ dzeh yaꞈ-euˬ meh’ lehˇ aˬ yawꞈ maꞈ ehˇ-eu meh.”

Iˇsaˬyaˇ 47:10

“Yaw haiˬ jeˬ-ahˇ nawˇ kʼaˬ duˬ ni mˇ-awˇ, nawˬ neh mˇ-euˬ aˬ cawˬ maˬ mawˇ nya-a lehˇ nawˇ noeˬ meh. Nawˬ-euˬ zaˬ siˬ tsawˇ gahˇ nawˬ-ahˇ gaˇ ma sheuˬ bahˬ nehˬ-awˇ, Ngaˇ miˬ yehˇ ma. Ngaˬ-ahˇ duˇ-eu tsawˇ haˬ maˬ jawˇ, lehˇ nawˇ ehˇ meh.

Iˇsaˬyaˇ 30:1

Sahˬpaˬ Miˬyehˇ heu loꞈ-ahˇ ehˇ-eu meh. “Yuˇdaˆ miˇ kʼahˬ-ahˇ uˆ lahˇ-eu tsawˇ haˬ deuˬ, ngaˬ-ahˇ puiˬ-eu miˇ neh, ya noeˬ shaˬ dui dui tehꞈ-a. Ngaˇ maˬ bi mˇ mawꞈ-eu jeˬ aˬ yawꞈ maꞈ mˇ-awˇ, ngaˇ nui ma maˬ tsaˬ-eu deuˬ-ahˇ mehˬ bawˬ gm-eu laꞈ kʼoeˇ, iˬ baˇ duˬ gahˬ gahˬ luꞈ-eu meh.

Maˬlaˬkiˇ 2:17

Naw maꞈ-euˬ dawˬ baˬ da neh, Sahˬpaˬ Miˬyehˇ nui ma maˬ saˇ-a. Ehˇ kʼawꞈ, “Sahˬpaˬ Miˬyehˇ nui ma maˬ saˇ paˬ-ehˇ nga maꞈ aˬ jeˬ ehˇ taˬ-eu jaˆ ta” lehˇ naw maꞈ ehˇ meh. “Baoˬ huiˬ-eu Sahˬpaˬ Miˬyehˇ-aˬ, yaw haiˬ jeˬ kʼaˇ mˇ-eu tsawˇ haˬ-ahˇ yaw muiˬ noeˬ-awˇ, aˬ diˇ aˬ maˇ nui ma tsaˬ-eu nga” lehˇ naw maꞈ ehˇ-awˇ, “Yaw tsaˬ yaw dawˇ Miˬyehˇ aˬ gaˇ jawˇ ta” lehˇ ehˇ-eu laꞈ kʼoeˇ, aˬ yawꞈ nui ma maˬ saˇ ni naw maꞈ jahˇ-euˬ meh.

Zeˬpaˬniˇ 1:12

“Kʼoeˇ ngeh jawˇ ngaˇ tsiˇ kʼmˬ keuˬ-awˇ, Yeˬluˇsaˬlehˬ meuˬ poˆ doe ma. Yawˬ haˇ yawˬ ha nui kʼaˬ tsmˬ-awˇ, yaw muiˬ maˬ ehˇ, yaw doeˇ maˬ ehˇ, Sahˬpaˬ Miˬyehˇ maˬ mˇ-aˇ lehˇ, yawˬ haˇ yawˬ ha ehˇ-eu tsawˇ haˬ, ngaˇ kʼehˬ nehˬ gaˇ ya daˬ tehꞈ-a.

Yeˬsaˬgeˬlaˇ 9:9

Miˬyehˇ ehˇ-eu, “Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu iˬ baˇ mˇ-euˬ meh. Miˇ kʼahˬ kʼahˬ lah ni tsawˇ haˬ sehꞈ-eu jeˬ aˬ yawꞈ maꞈ mˇ byah-awˇ, Yeˬluˇsaˬlehˬ meuˬ laꞈ kʼoeˇ yaw haiˬ jeˬ mˇ byah taˬ-euˬ meh. Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-euˬ miˇ kʼahˬ-ahˇ byehˇ dzeh-awˇ, ngaˇ aˬ yawꞈ maꞈ-ahˇ maˬ mawˇ nya-a lehˇ, aˬ yawꞈ maꞈ ehˇ-eu meh.

Yeˬlaˬmiˇ 23:24

Tiˬ tsahˇ tehꞈ-ehˇ jawˇ-eu Miˬyehˇ maˬ ngeuˇ. Tsawˇ haˬ tiˬ gʼaˬ-iˬ ngaˇ maˬ mawˇ gaˇ maˬ cehˆ zaꞈ nya-a. Mˬ hawˇ-eu miˇ tsaˬ yawˬ gaˇ na luꞈ doe ni, ngaˇ jawˇ luꞈ-eu gaˇ kawˆ naw maꞈ maˬ siˬ nya te loˇ.

Iˇsaˬyaˇ 28:15

Shiˇ-eu jeˬ nehˬ-ehˇ naw maꞈ saˇ jaˇ dzaˬ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jaˆ ma lehˇ, naw maꞈ kʼahˬ sehˇ jehˆ luꞈ-eu meh. Jaˬ myawꞈ myawꞈ-awˇ mehˇ shuiˇ shuiˇ dzeuˇ nya-eu miˇ neh, guˆ-eu gaˆ-eu jeˬ keuˆ le ngeh uˬ kʼawˇ buˬ ma lehˇ, naw maꞈ noeˬ duˬ taˬ-euˬ jaˆ meh.

Jaceuq 59:7

Aˬ yawꞈ maꞈ yaˬ kʼehˇ yaˬ yaˬ-ehˇ lmˬ luꞈ gaˇ naˇ haˬ sheˇ. Aˬ yawꞈ maꞈ-euˬ mehˬ laˇ-aˬ, kʼaˬ meh laꞈ kʼoeˇ ahˇ-eu mi cehˇ-ahˇ duˇ kʼawꞈ, aˬ yawꞈ maꞈ dawˬ ngehˬ gaˇ aˬ cawˬ maˬ gaˬ nya-aˇ lehˇ noeˬ-eu meh.

Yawˇbaˆ 34:22

Miˬyehˇ maˬ bi mawˇ nya ni iˬ baˇ zaˬ deuˬ cehˆ zaꞈ nya paˬ-ehˇ jawˇ duˬ yaw zahˇ maˬ jaˆ-a.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

Iˇsaˬyaˇ 57:12

Naw maꞈ yawˬ ha neh mˇ-euˬ tsaˬ ma lehˇ noeˬ meh. Ehˇ kʼawꞈ, naw maꞈ-euˬ gaˆ kawˆ ngaˇ pah doˆ jiˇ ngeh, naw maꞈ uˬ duˬ tahˬ-eu tahˬ pahˬ aˬ ma mawˇ kawˇ kʼoeˇ deuˬ, naw maꞈ-ahˇ maˬ caw ba nya-aˬ.

Jaceuq 73:11

“Miˬyehˇ aˬ jeˬ siˬ nya ta. Huiˬ-eu mahˇ-eu Miˬyehˇ aˬ jeˬ tsawˇ gahˇ ahˇ ta” lehˇ, aˬ yawꞈ maꞈ ehˇ-eu meh.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.

Yoˇhaˬ 3:19

Yaˇ kʼaˬ daˇ-eu kʼoeˇ-aˬ, heu loꞈ-ehˇ meh. Yaw shehꞈ kʼoeˇ miˇ tsaˬ kʼoeˇ taˆ oe-euˬ kʼawꞈ, tsawˇ haˬ zaˬ deuˬ yaw shehꞈ-ahˇ naˆ maˬ tseˇ yaw zahˇ-ahˇ gaˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ yaw haiˬ jeˬ mˇ-eu meh.

Iˇsaˬyaˇ 28:17

Yaw tsaˬ yaw dawˇ jeˬ-ahˇ biˇ tsehˆ-ehˇ gawˬ tehˬ-awˇ, yaw sui yaw dawˇ jeˬ-ahˇ tsawˬ tuˇ-ehˇ gawˬ daˆ ma. Naw maꞈ-euˬ jaˬ myawꞈ mehˇ shuiˇ-ahˇ uˬ yehˇ aˇ siˬ deh cawˆ-awˇ, naw maꞈ cehˆ zaꞈ duˬ-ahˇ iˇ jeuˬ dehˬ dzaˬ tehꞈ-a.”

Jaceuq 83:3

Nawˬ-euˬ tsawˇ jeuˬ-ahˇ laˆ cawˆ-eu lehˇ aˬ yawꞈ maꞈ bawˬ dzaˬ kʼoeˬ luꞈ meh. Nawˬ neh haw piˇ-euˬ tsawˇ haˬ-ahˇ, laˆ cawˆ-eu lehˇ ja sawˇ luꞈ meh.

Yeˬsaˬgeˬlaˇ 8:8

“Tsawˇ haˬ zaˬ-oˇ, lahˇ heu tsahˇ-ahˇ duˬ pehꞈ-awˬ” lehˇ ngaˬ-ahˇ ehˇ-eu meh. Lahˇ kʼehˬ duˬ pehꞈ haw ngeh, gʼoˆ kʼehˬ tiˬ kʼehˬ dahˇ-eu ngaˇ mawˇ-euˬ ma.

Hawˇseˬ 5:2

Aˬkaˬshaˆ meuˬ iˇ kʼehˬ laˇ kʼehˬ, shaˬ duˬ duˬ tsehˆ-euˬ gaˇ duˇ meh. Naw maꞈ dawˬ tawˆ-ahˇ ngaˇ kʼehˬ ma.

2 Saˬmeuˬlaˆ 11:27

Tsawˇ ngoeˇ ngoeˇ-euˬ aˇ nah aˇ yamˬ dzeuˇ-iˇ ngeh, Daˬbiˇ tsawˇ haˬ pyehˬ gʼeh-awˇ, aˬ yawꞈ-ahˇ bi sheuˬ laˬ-iˇ-euˬ meh. Aˬ yawꞈ Daˬbiˇ-euˬ miˬ zaˬ pyeuꞈ laˇ-awˇ, Daˬbiˇ gʼaˇ duˬ aˬ li tiˬ li ciˬ-euˬ meh. Ehˇ kʼawꞈ, Daˬbiˇ kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma maˬ tsaˬ-a.

2 Sahˬpaˬ 17:9

Sahˬpaˬ Miˬyehˇ nui ma maˬ tsaˬ-eu jeˬ aˬ yawꞈ maꞈ mˇ-awˇ, pu pu zaˬ tiˬ pu-ahˇ neh meuˬ meuˬ ma tiˬ meuˬ-ahˇ keuˆ ni, yawˬ gaˇ na luꞈ lawˇ ciꞈ zaˬ uˬ duˬ tahˬ-eu jawˇ duˬ bi jaˆ-euˬ meh.