Iˇsaˬyaˇ 29:13 - Akha

¹³ Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Iˇsaˬyaˇ 29:13 Referans Kwoze

Yeˬlaˬmiˇ 12:2

Aˬ yawꞈ maꞈ-ahˇ nawˇ ka dehꞈ-awˇ ciˇ tahˬ bi iˇ-euˬ meh. Aˬ yawꞈ maꞈ mehˇ laˇ-awˇ aˇ siˬ siˬ laˇ-euˬ meh. Aˬ yawꞈ maꞈ-euˬ mehˬ boeˬ nawˬ-ahˇ ja muiˬ luꞈ kʼawˬ, nui ma laꞈ kʼoeˇ nawˬ-ahˇ maˬ noeˬ keuˆ-a.

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Dawqdaq 30:6

Aˬ yawꞈ neh maˬ ehˇ-euˬ dawˬ-ahˇ aˬ yawꞈ neh ehˇ-euˬ meh lehˇ nawˇ dawˬ aˇ dzehˬ ngehˬ naˇ, aˬ yawꞈ nawˬ-ahˇ bye-awˇ, nawˬ neh jaˬ myawꞈ myawꞈ-euˬ gaˇ kawˆ doˆ laˇ ni aˬ yawꞈ jahˇ tehꞈ-a.

Gawˇlawˇsehˇ 2:22

Zahˇ sahˇ kʼoꞈ kʼoeˇ deuˬ-aˬ, tiˬ poˆ zmˬ shaw naˇ gaˇ dahˇ tiˬ pawꞈ-iˬ maˬ paˇ tsoeˬ-eu jeˬ loꞈ-ehˇ tehꞈ meh. Kʼoeˇ-aˬ, tsawˇ haˬ zaˬ neh taˬ taˬ-euˬ mehˬ-eu tsoˆ-eu zahˇ sahˇ kʼoꞈ tehꞈ meh.

Yeˬlaˬmiˇ 5:2

“Sahˬpaˬ Miˬyehˇ-ahˇ uˬ duˬ tahˬ ma” lehˇ nawˇ ehˇ-euˬ kʼawꞈ, nawˬ neh ehˇ taˬ-euˬ loꞈ-ehˇ maˬ jaˆ-a.

Yeˬlaˬmiˇ 42:20

Naw maꞈ lehˬ dui dui-iˇ-eu jeˬ maˬ mˇ ni yahˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ lehˇ, naw maꞈ ngaˬ-ahˇ ehˇ-awˇ, aˬ yawꞈ neh kʼaˇ ehˇ-euˬ jeˬ geuꞈ ma lehˇ naw maꞈ saˇ jaˇ dzaˬ taˬ gʼaˬ-euˬ meh.

Jaceuq 17:1

Sahˬpaˬ Miˬyehˇ-oˇ, yaw tsaˬyaw dawˇbi keuˆ le ni, guiˬlahˬshaˇgaˇ naˇhaˬnehˬlaꞈ. Nui ma dawˇcoe ni shaˇluꞈngeh, nawˬ-euˬnaˬbawˇciˬkʼmˇnehˬlaꞈ.

Iˇsaˬyaˇ 10:6

Miˬyehˇ maˬ baw-eu tsawˇ jeuˬ hawˇ-eu, ngaˇ nui ma pehˇ-eu tsawˇ haˬ deuˬ jawˇ gaˇ, aˬ yawꞈ-ahˇ ngaˇ pyehˬ gʼeh-awˇ, aˬ yawꞈ maꞈ-euˬ pyuˇ shuiˇ myawˬ gahˬ bi ceh geuꞈ-awˇ, gaˇ ma-ahˇ jaˆ-eu shaˬ jehˆ nawˬ pahˬ-eu loꞈ-ehˇ, aˬ yawꞈ maꞈ-ahˇ bi nawˬ pahˬ ma.

1 Saˬmeuˬlaˆ 15:30

Sawˇluˆ ehˇ-eu, “Ngaˇ mˇ lehˬ shaˇ lehˬ gʼaˬ-euˬ ma. Ehˇ kʼawꞈ, ngaˬ-euˬ tsawˇ haˬ deuˬ-euˬ aˬ yuiꞈ aˬ tsu deuˬ hawˇ-eu Iˇsaˬleˬlaˆ tsawˇ jeuˬ dawˬ tawˆ luꞈ-euˬ mehˬ shi, aˬ joˆ-ehˇ gʼeh-awˇ neh kʼawꞈ ngaˬ-ahˇ yaw zeu ui cuiˆ baw nehˬ laꞈ-awˬ. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ nya ni, ngaˬ nehˬ-ehˇ tiˬ poˆ gʼoꞈ leˇ nehˬ laꞈ-awˬ.”

Jaceuq 50:16

Ehˇ kʼawꞈ, haiˬ-eu tsawˇ haˬ deuˬ-ahˇ Miˬyehˇ heu loꞈ-ehˇ ehˇ-eu meh. “Aˬ jeˬ miˇ neh ngaˬ-euˬ zahˇ dawˬ kʼoꞈ dawˬ-ahˇ naw maꞈ ya juiˇ gui ta. Aˬ jeˬ miˇ neh ngaˬ-euˬ dawˬ ma saˇ jaˇ gaˇ kawˆ naw maꞈ ya ja sawˇ ta.

Iˇsaˬyaˇ 29:1

Miˬyehˇ-euˬ lawˇ duˬ Yeˬluˇsaˬlehˬ meuˬ, guiˬ lahˬ doeˇ tehꞈ-a. Daˬbiˇ neh sehˬ gʼawˆ gʼawˆ-euˬ meuˬ, guiˬ lahˬ doeˇ tehꞈ-a. Tiˬ kʼoꞈ nyiˬ kʼoꞈ ehˇ gʼaˬ ni bi jaˆ-awˇ, zahˇ sahˇ kʼoꞈ bawˬ-iˬ bi gʼeh lawˬ siˬ.

Iˇsaˬyaˇ 29:12

Sahˬ boꞈ maˬ gui nya-eu tsawˇ haˬ jawˇ gaˇ yuˇ gʼeh-awˇ paˇ bi gui haw ngeh, “Ngaˇ sahˬ boꞈ maˬ siˬ nya nya” lehˇ ehˇ tehꞈ-a.

Iˇsaˬyaˇ 42:25

Kʼoeˇ miˇ neh aˬ dui-ahˇ aˬ yawꞈ-euˬ nui ma bi mawˇ-awˇ, guiˇ deuˆ-eu jeˬ bi keuˆ le laꞈ-euˬ meh. Aˬ yawꞈ nui pehˇ miˬ dzaˬ doꞈ-eu loꞈ-ehˇ, Iˇsaˬleˬlaˆ miˇ kʼahˬ doꞈ doe-euˬ meh. Kʼoeˇ naˆ ni keuˆ le taˬ-euˬ kʼawꞈ, aˬ dui noeˬ paˇ-eu maˬ baw-a.

Iˇsaˬyaˇ 63:17

Aˬ jeˬ miˇ neh nawˇ nga maꞈ-ahˇ, nawˬ-euˬ gaˇ ma-ahˇ bi cah gʼawˬ laꞈ te. Aˬ jeˬ miˇ neh nga maꞈ nawˬ-ahˇ byehˇ ni, nga maꞈ-ahˇ nui ma bi gʼahˇ te. Nawˬ-euˬ gaˇ mˇ-eu deuˬ-euˬ myaˆ pyawˬ-ahˇ haw-awˇ, nawˬ-euˬ tsawˇ jeuˬ pyeuꞈ-eu tsawˇ haˬ deuˬ-ahˇ haw-awˇ, nga maꞈ jawˇ gaˇ gʼoꞈ kʼoꞈ le-awˬ.

Yeˬsaˬgeˬlaˇ 14:1

Iˇsaˬleˬlaˆ tsawˇ haˬ aˬ yuiꞈ aˬ tsu tiˬ paˆ na deuˬ ngaˇ jawˇ gaˇ laˇ-awˇ, Sahˬpaˬ Miˬyehˇ-euˬ nui kʼahˇ gaˇ kawˆ ja uˇ laˇ-euˬ meh.

Yeˬsaˬgeˬlaˇ 33:30

Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, nawˬ-euˬ tsawˇ haˬ heu deuˬ meuˬ lahˇ dawˬ peh hawˇ-eu nymˇ gʼoˆ kʼehˬ dawˬ peh kʼaˇ tahˬ dzoeˇ ngeh, nawˬ-euˬ gaˇ kawˆ ja-eu meh. ‘Sahˬpaˬ Miˬyehˇ jawˇ gaˇ neh oe-euˬ dawˬ aˬ joˆ-ehˇ ehˇ-eu nya lehˇ, aˬ dui maꞈ naˇ haˬ leˇ haw kaˇ-euˇ’ lehˇ aˬ yawꞈ maꞈ tiˬ gʼaˬ tiˇ gʼaˬ cawˬ-eu meh.

Iˇsaˬyaˇ 30:11

“Nga maꞈ cah-eu gaˇ ma-ahˇ taˬ laˆ tsoeˬ Iˇsaˬleˬlaˆ-euˬ muiˬ-eu shawˇ-eu Miˬyehˇ gaˇ kawˆ, nga maꞈ maˬ gaˬ mawꞈ nya” lehˇ ehˇ-eu meh.

Hawˇseˬ 7:14

Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.