Iˇsaˬyaˇ 28:19 - Akha

¹⁹ Naw maꞈ kʼoeˇ taˆ guˆ-eu gaˆ-eu jeˬ tiˬ kʼehˬ maˬ taˬ ni keuˆ le-awˇ, yawˬ shawˬ na luꞈ shaˬ zahˬ ya mˇ-awˇ, uˬ ciꞈ nah gʼahˇ maˬ ehˇ ya daˬ tehꞈ-a. Miˬyehˇ-euˬ dawˬ kawˬ kʼaˇ gaˬ keuˆ le ngeh, naw maꞈ ya tsawˬ guˆ-iˇ tehꞈ-a.

Iˇsaˬyaˇ 28:19 Referans Kwoze

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Daˬyeˬlaˇ 8:27

Ngaˇ Daˬyeˬlaˇ nui ma gʼaˬ baˬ dui dui-iˇ-awˇ, gʼawˬ mya nah jawˇ saˇ maˬ doˆ ni jawˇ-euˬ ma. Kʼoeˇ naˇ, ngaˇ paˇ tuˇ laˇ-awˇ, sahˬ paˬ-euˬ gaˇ paˇ mˇ daˆ leꞈ-euˬ ma. Ehˇ kʼawꞈ, ngaˬ neh yaw sahˇ laꞈ kʼoeˇ ya siˬ ya mawˇ-euˬ jeˬ-ahˇ noeˬ-eu nui ma maˬ byoˆ-iˇ-ehˇ, gaˇ kawˆ kʼoeˇ maˬ noeˬ shaw nya ni jawˇ-euˬ ma.”

Daˬyeˬlaˇ 7:28

Gaˇ kawˆ heu hmˬ heu gaˇ jiˇ-euˬ meh. Ngaˇ guˆ dui dui-iˇ-euˬ miˇ neh, myaˆ pyawˬ pyuˇ pya ni pyeuꞈ-iˇ-awˇ, aˬ cawˬ-ahˇ maˬ ja nehˬ ni nui ma laꞈ kʼoeˇ juiˇ taˬ-euˬ ma.

Yeˬlaˬmiˇ 19:3

Sahˬpaˬ Miˬyehˇ ngaˬ-ahˇ heu loꞈ-ehˇ bi ngehˬ bi tmˇ laꞈ-euˬ meh. “Yuˇdaˆ sahˬ paˬ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ Iˇsaˬleˬlaˆ-euˬ Miˬyehˇ ehˇ gaˇ naˇ haˬ-awˬ. Kʼaˇ ya gaˬ-eu tsawˇ haˬ deuˬ myaꞈ leˇ jiˇ paˬ-ehˇ gʼeh-eu guˆ-eu gaˆ-eu jeˬ, jawˇ duˬ heu tsahˇ-ahˇ ngaˇ bi keuˆ le ma.

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Iˇsaˬyaˇ 37:3

Aˬ yawꞈ maꞈ-ahˇ Iˇsaˬyaˇ jawˇ gaˇ heu loꞈ-ehˇ bi ehˇ iˇ-euˬ meh. “Iˬ nah-aˬ, noeˬ shaˬ noeˬ zahˬ-eu aˇ nah meh. Zaˬ ciˬ deˇ le-awˇ maˬ ciˬ doˆ nya ni shaˬ gaˇ duˇ miˇ-a.

Iˇsaˬyaˇ 36:22

Kʼoeˇ naˇ, Eˇliˇkmˬ, Sheˬbaˬnaˬ hawˇ-eu Yoˇaˬ aˬ ha smˇ gʼaˬ noeˬ shaˬ dui dui-eu laꞈ kʼoeˇ, yawˬ ha dm luꞈ-eu mehˬ tsoeˬ cehˬ pyaˬ-awˇ, Aˬshuˇliˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ neh ehˇ-euˬ dawˬ deuˬ, sahˬ paˬ Heˬsaˬgiˇ-ahˇ tsaꞈ gaˬ leˇ-euˬ meh.

Iˇsaˬyaˇ 33:7

Haw yawˬ, kʼaˬ dui dui-eu tsawˇ haˬ kʼoeˇ deuˬ, guˇ guˇ-ehˇ ngoeˇ luꞈ meh. Laˆ tsaˬ laˆ tsahˇ-eu miˇ kʼahˬ tsawˇ kaˬ geuꞈ-euˬ deuˬ, yaw kʼaˆ-ehˇ guˇ-awˇ ngoeˇ luꞈ meh.

2 Sahˬpaˬ 24:2

Sahˬpaˬ Miˬyehˇ neh aˬ yawꞈ-euˬ zaˬ kʼaˆ pyeuꞈ-eu aˬ yawꞈ-euˬ gʼaˇ duˬ ngehˬ dah-eu deuˬ-ahˇ gʼoe-awˇ ehˇ taˬ-euˬ loꞈ-ehˇ, Yuˇdaˆ miˇ kʼahˬ-ahˇ bi laˆ cawˆ-eu gʼaˇ duˬ, Baˬbuˇloˬ guiˇ maꞈ, Suˇliˆ guiˇ maꞈ, Mawˇbaˆ guiˇ maꞈ, Aˬmoˬ guiˇ maꞈ heu deuˬ-ahˇ, Yeˬhawˇyaˬkmˬ jawˇ gaˇ pyehˬ gʼeh leꞈ-euˬ meh.

Yawˇbaˆ 18:11

Guˆ-eu gaˆ-eu jeˬ aˬ yawꞈ-euˬ tiˬ jawˬ loꞈ luꞈ-awˇ aˬ yawꞈ kuiˇ toꞈ kʼaˇ ciˬ gaˇ caw teh luꞈ meh.

2 Sahˬpaˬ 21:12

Kʼoeˇ miˇ neh, kʼaˇ ya gaˬ-eu tsawˇ haˬ deuˬ myaꞈ leˇ tsoˆ leˇ jiˇ gaˇ keuˆ ni, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ kʼoeˇ taˆ, guˆ dui dui laˇ paˬ-ehˇ gʼeh-eu luˬ-iˇ seˇ-iˇ-eu jeˬ ngaˇ bi keuˆ le ma.

2 Sahˬpaˬ 18:13

Sahˬ paˬ Heˬsaˬgiˇ Yuˇdaˆ miˇ kʼahˬ-ahˇ uˆ lahˇ-euˬ tseˇ oeˬ kʼoꞈ tiˬ kʼoꞈ-ahˇ, Aˬshuˇliˆ sahˬ paˬ Saˬneˬkaˬliˇ-aˬ, Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni gʼeh-eu meuˬ deuˬ-ahˇ guiˇ deuˆ le-awˇ, deuˆ gʼaˬ-euˬ meh.

2 Sahˬpaˬ 17:6

Awˇsheˬ sahˬ paˬ geuꞈ-euˬ gʼoeˬ kʼoꞈ tiˬ kʼoꞈ-ahˇ, Aˬshuˇliˆ sahˬ paˬ neh Saˬmaˬliˆ meuˬ-ahˇ deuˆ gʼaˬ-awˇ, Iˇsaˬleˬlaˆ tsawˇ haˬ deuˬ-ahˇ Aˬshuˇliˆ miˇ kʼahˬ-ahˇ nyehꞈ daˆ gʼeh-euˬ meh. Tiˬ paˆ na deuˬ-ahˇ Haˬlahˬ meuˬ-ahˇ bi jawˇ-awˇ, tiˬ paˆ na deuˬ-ahˇ Haˬbawˬ lawˇ baˬ dawˬ peh Goˇzaˬ gahˬ kaˬ-ahˇ bi jawˇ-euˬ meh. Tiˬ paˆ na deuˬ-ahˇ-aˬ, Meˬdiˇ miˇ kʼahˬ laꞈ kʼoeˇ jaˆ-eu meuˬ deuˬ-ahˇ bi jawˇ-euˬ meh.

1 Saˬmeuˬlaˆ 3:11

Saˬmeuˬlaˆ-ahˇ Sahˬpaˬ Miˬyehˇ ehˇ nehˬ-eu, “Tiˬ nah keuˆ laˇ naˇ, guˆ dui dui laˇ paˬ-ehˇ gʼeh-eu jeˬ Iˇsaˬleˬlaˆ tsawˇ jeuˬ kʼoeˇ taˆ ngaˇ bi keuˆ le-awˇ, gaˇ kawˆ kʼoeˇ kʼaˇ ya gaˬ-eu tsawˇ haˬ yawˬ gʼaˬ na luꞈ, myaꞈ leˇ tehꞈ-a.

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Yawˇbaˆ 24:17

Nah gʼahˇ paw yaw shehꞈ-ahˇ aˬ yawꞈ maꞈ guˆ kʼawꞈ, yaw zahˇ laꞈ kʼoeˇ aˬ yawꞈ maꞈ tiˬ jeˬ-iˬ maˬ guˆ-a.

Jaceuq 55:4

Ngaˇ guˆ dui dui luꞈ-awˇ, shiˇ taw tehˬ ni ya daˬ luꞈ-eu ma.

Jaceuq 88:15

Nyiˇ ngeh neh shaˬ-eu zahˬ-eu jeˬ-ahˇ shiˇ taw tehˬ ni ngaˇ ya daˬ-euˬ ma. Nawˬ neh kʼehˬ nehˬ kʼaˆ nehˬ laꞈ-euˬ jeˬ-ahˇ, ngaˇ maˬ paˇ daˬ coeˇ miˇ-a.

Yeˬlaˬmiˇ 6:24

Yeˬluˇsaˬlehˬ-ahˇ jawˇ-eu tsawˇ haˬ deuˬ ehˇ-eu, “Gaˇ kawˆ heu deuˬ nga maꞈ ya gaˬ gʼaˬ-awˇ, nga maꞈ laꞈ guˬ shiˇ-euˬ gaˇ duˇ miˇ-a. Zaˬ miˬ zaˬ zaˬ baw ngeh loꞈ-ehˇ, shaˬ zahˬ naꞈ dui dui luꞈ-eu ma.

Ngoeˇ dawˬ 2:22

Bawˬ-iˬ gʼeh gaˇ kuˇ uiˬ-euˬ loꞈ-ehˇ, shaˬ zahˬ guˆ gaˆ ngaˬ-euˬ tiˬ jawˬ, nawˬ neh teh uiˬ jiˇ leꞈ-euˬ meh. Sahˬpaˬ Miˬyehˇ nui pehˇ aˇ nah, cehˆ dzeuˇ nya-eu gʼaˬ maˬ jawˇ-a. Ngaˇ gaˬ-awˇ bo saˆ huiˬ taˬ-euˬ, ngaˬ-euˬ aˬ buˇ aˬ li deuˬ-ahˇ, muiˇ-eu deuˬ neh sehꞈ jiˇ-euˬ meh.

Yawˇbaˆ 41:9

Byaˆ yahˬ-ahˇ kʼaˇ ya mawˇ-euˬ tsawˇ haˬ, laˇ baˇ-iˇ-awˇ coˬ dzeh-iˇ-eu meh.

Yeˬlaˬmiˇ 4:5

Miˇ kʼahˬ doe ni daˇ heh baw-awˇ, yaw duˬ duˬ-ehˇ guˇ gaˬ nehˬ-awˬ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-ahˇ, ziꞈ dah ni gʼeh-eu meuˬ deuˬ-ahˇ cehˆ uˇ leˇ-awˬ lehˇ guˇ nehˬ-awˬ.

Yeˬlaˬmiˇ 4:9

Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh, sahˬ paˬ deuˬ hawˇ-eu yaw huiˬ yaw mahˇ deuˬ nui ma ga ka jiˇ tehꞈ-a. Piˇ ma deuˬ tsawˬ guˆ-iˇ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ zahˬ leˇ tehꞈ-a.”