Iˇsaˬyaˇ 26:2 - Akha

² Meuˬ lahˇ kʼehˬ laˇ gʼoˆ pah-awˇ, yaw tsaˬ yaw dawˇ jeˬ mˇ-eu, saˇ jaˇ ziꞈ-eu tsawˇ jeuˬ bi uˇ laˇ-awˬ.

Iˇsaˬyaˇ 26:2 Referans Kwoze

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.

Jaceuq 118:20

Heu-aˬ, Sahˬpaˬ Miˬyehˇ-euˬ laˇ gʼoˆ pyeuꞈ-awˇ, yaw tsaˬ yaw dawˇ tsawˇ haˬ tehꞈ-ehˇ le uˇ nya-eu meh.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

Iˇsaˬyaˇ 60:11

Miˇ kʼahˬ sahˬ paˬ deuˬ pyuˇ shuiˇ myawˬ gahˬ sha ha le nya ni, uˬ ciꞈ nah gʼahˇ maˬ ehˇ nawˬ-euˬ meuˬ lahˇ laˇ gʼoˆ pah dzeh taˬ ma.

Iˇsaˬyaˇ 62:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tsawˇ haˬ deuˬ gʼoꞈ laˇ-eu gʼaˇ duˬ, meuˬ laꞈ nyiˇ doˆ-iˇ-awˇ gaˇ ma shaˇ dahˇ nehˬ-awˬ. Gaˇ jawˬ jawˬ ma shaˇ dahˇ nehˬ-awˇ, kʼaˬ lo maˬ bi tsoeˬ ni ngawˬ dzeh jiˇ-awˇ, miˇ kʼahˬ tsawˇ jeuˬ deuˬ siˬ nya ni byaꞈ byaꞈ taˬ-awˬ.

Iˇsaˬyaˇ 62:2

Yeˬluˇsaˬlehˬ meuˬ-oˇ, nawˇ gʼaˬ leˇ-eu gʼaˬ pyeuꞈ-eu gaˇ, miˇ kʼahˬ tsawˇ jeuˬ dawˬ tawˆ ya mawˇ tehꞈ-a. Aˬ yawꞈ maꞈ-euˬ sahˬ paˬ dawˬ tawˆ, nawˬ-euˬ yaw shehꞈ kʼahˬ sehˇ-ahˇ ya mawˇ-awˇ, nawˬ-ahˇ tsawˇ myahˇ yaw shuiꞈ myahˇ paˇ tehꞈ-a. Sahˬpaˬ Miˬyehˇ neh biꞈ-euˬ tsawˇ myahˇ myahˇ tehꞈ-a.

Gʼaˬkʼehˇ 2:47

Kʼoeˇ loꞈ-ehˇ jahˇ luꞈ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, tsawˇ haˬ dawˬ tawˆ luꞈ aˬ yawꞈ maꞈ-ahˇ nui kʼahˇ shiˇ dui dui-euˬ meh. Ka kʼoꞈ-eu jeˬ za-euˬ tsawˇ haˬ deuˬ, tiˬ nah saˇ-iˬ tiˬ nah aˬ yawꞈ maꞈ-euˬ aˇ muˇ laꞈ kʼoeˇ bi lahˬ laˇ ni SahˬpaˬMiˬyehˇ mˇ luꞈ-eu meh.

Iˇsaˬyaˇ 60:21

Nawˬ-euˬ tsawˇ haˬ dawˬ tawˆ yaw tsaˬ yaw dawˇ jeˬ-ahˇ mˇ-awˇ, mˬ maˬ maˬ byaˆ zaˇ ziˇ miˇ kʼahˬ heu za tehꞈ-a. Ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, aˬ yawꞈ maꞈ-ahˇ ngaˬ neh ka-awˇ, ngaˬ neh mˇ taˬ-euˬ kuiˇ zaˇ laꞈ zaˇ pyeuꞈ-eu ma.

Iˇsaˬyaˇ 54:14

Yaw tsaˬ yaw dawˇ jeˬ nawˬ-ahˇ gʼaˬ bi kʼaˆ laˇ-awˇ, guˆ-eu gaˆ-eu kʼehˬ-eu kʼaˆ-eu jeˬ-ahˇ, nawˇ ya buˬ-iˇ tehꞈ-a.

Jaceuq 106:5

Nawˬ-euˬ tsawˇ haˬ deuˬ baw le za le gaˇ ngaˬ-ahˇ bi mawˇ laꞈ-awˇ, nawˬ-euˬ tsawˇ jeuˬ nehˬ-ehˇ laˬ kʼaˬ caw cehˇ-eu laꞈ kʼoeˇ, nawˬ-ahˇ taꞈ-eu tsawˇ haˬ deuˬ loꞈ-ehˇ kʼahˬ sehˇ bi za nehˬ laꞈ.

Doˆ-iˇ 19:6

Ehˇ kʼawꞈ, naw maꞈ-aˬ, ngaˬ neh tseˇ doˆ-euˬ tsawˇ jeuˬ pyeuꞈ tehꞈ-a. Naw maꞈ-aˬ, ngaˇ tiˬ gʼaˬ-ahˇ tehꞈ-ehˇ damˬ nehˬ taˬ-euˬ ngaˬ-euˬ tsawˇ jeuˬ pyeuꞈ-awˇ, ngaˬ-euˬ gaˇ mˇ-eu piˇ ma deuˬ ya geuꞈ tehꞈ-a.”

Panmaeq 21:24

Miˇ tsaˬ zaˬ deuˬ kʼoeˇ-euˬ yaw shehꞈ-ahˇ gʼoe-awˇ cah tehꞈ-a. Miˇ kʼahˬ sahˬ paˬ deuˬ-aˬ, meuˬ kʼoeˇ meuˬ-ahˇ aˬ yawꞈ maꞈ-euˬ pyuˇ shuiˇ myawˬ gahˬ sha ahˇ tehꞈ-a.

Zaˬkaˬliˇ 8:20

Baoˬ huiˬ-eu Sahˬpaˬ Miˬyehˇ ehˇ-eu, “Meuˬ gʼawˬ mya meuˬ-ahˇ jawˇ-eu tsawˇ haˬ deuˬ Yeˬluˇsaˬlehˬ meuˬ-ahˇ laˇ-eu aˇ yamˬ keuˆ le tehꞈ-a.

Iˇsaˬyaˇ 58:8

“Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Yuˇdaˆ 1:3

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, aˬ dui dawˬ tawˆ luꞈ-ahˇ taꞈ-eu ka kʼoꞈ-eu jeˬ gaˇ kawˆ, ngaˇ kʼaˇ gʼeh nya-eu loꞈ-ehˇ boꞈ ahˇ laꞈ-eu ma. Miˬyehˇ neh aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ tiˬ poˆ tehꞈ-ehˇ biꞈ-euˬ jah-eu jeˬ gʼaˇ duˬ leh jeh dui dui-awˇ deuˆ ceh ceh paˬ-ehˇ gʼeh-eu gaˇ kawˆ, naw maꞈ-ahˇ gʼaˬ biꞈ-eu sahˬ boꞈ yaw kawˇ-ehˇ boꞈ paˬ-ehˇ gʼeh-eu meh lehˇ ngaˇ noeˬ-eu ma.

2 Beˬtuˆluˆ 3:13

Ehˇ kʼawꞈ, aˬ dui-aˬ, Miˬyehˇ neh saˇ jaˇ dzaˬ taˬ-euˬ jeˬ-ahˇ dawˬ luꞈ-eu ma. Iˇ kahˇ laꞈ kʼoeˇ yaw tsaˬ yaw dawˇ jeˬ jaˆ-eu mˬ yaw shuiꞈ miˇ yaw shuiꞈ-ahˇ dawˬ luꞈ-eu ma.

Jaceuq 24:7

Gʼoˆ kʼehˬ deuˬ-oˇ, pah dzeh taˬ-awˬ. aˇhu-euˬ laˇgʼoˆdeuˬ pah-awˬ. Huiˬ-eu Sahˬpaˬ bi uˇ le law.

Jaceuq 118:19

Ngaˬ-ahˇ Uˬ duˬ tahˬ nymˇ nymˇ ma laˇ gʼoˆ pah nehˬ laꞈ. Ngaˇ uˇ leˇ-awˇ Sahˬpaˬ Miˬyehˇ-euˬ guiˬ lahˬ-ahˇ ja ceuˬ ma.

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.