Iˇsaˬyaˇ 20:5 - Akha

⁵ Suˬdaˬ miˇ kʼahˬ-ahˇ noeˬ tmˬ-awˇ, Iˇjiˇtuˆ miˇ kʼahˬ-ahˇ nui kʼaˬ tsmˬ-euˬ tsawˇ haˬ deuˬ, daˬ ga-awˇ ya shaꞈ dawˇ tehꞈ-a.

Iˇsaˬyaˇ 20:5 Referans Kwoze

Iˇsaˬyaˇ 30:5

aˬ yawꞈ maꞈ neh noeˬ-euˬ loꞈ-ehˇ maˬ caw ba nehˬ nya-eu, gaˇ dahˇ maˬ tsoeˬ-eu tsawˇ jeuˬ-ahˇ noeˬ tmˬ-euˬ miˇ neh, shaˬ zahˬ bi ciˬ tehˬ-awˇ daˬ ga tehꞈ-a.”

Iˇsaˬyaˇ 30:3

Ehˇ kʼawꞈ, aˬ yawꞈ maꞈ-ahˇ haw piˇ nehˬ-eu gʼaˇ duˬ, Iˇjiˇtuˆ sahˬ paˬ baoˬ maˬ jaˆ-ehˇ, Iˇjiˇtuˆ miˇ kʼahˬ-ahˇ nui kʼaˬ tsmˬ-euˬ, aˇ saˬ saˬ ngeh daˬ ga dui dui tehꞈ-a.

1 Gawˇliˬtu 3:21

Tsawˇ haˬ zaˬ-euˬ nui gahˇ gaˇ kawˆ tiˬ gʼaˬ-iˬ kʼahˬ sehˇ jehˆ-eu maˬ tsaˬ-a. Aˬ diˇ ehˇ naˇ, yawˬ jeˬ na luꞈ naw maꞈ-ahˇ oꞈ-eu meh.

Yeˬlaˬmiˇ 17:5

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-ahˇ byehˇ dzeh yaꞈ-awˇ, maˬ gmˬ-eu tsawˇ haˬ-euˬ gʼaˬ-ahˇ gʼoe-awˇ, tsawˇ haˬ zaˬ-ahˇ nui jah ahˇ-eu gʼaˬ-ahˇ, ngaˇ yaˬ kʼehˇ yaˬ nehˬ ma.

2 Sahˬpaˬ 18:21

Iˇjiˇtuˆ miˇ kʼahˬ caw ba laˇ tehꞈ-a lehˇ naw maꞈ noeˬ tmˬ luꞈ te loˇ. Naw maꞈ kʼoeˇ loꞈ-ehˇ noeˬ-eu-aˬ, aˇ toꞈ aˇ kahˬ neh gawˬ yoeˬ toˆ gaˇ duˇ-awˇ, aˇ toꞈ aˇ kahˬ kʼoeˇ kʼehꞈ-iˇ ngeh jawˇ, naw maꞈ-euˬ aˬ laꞈ-ahˇ dehˬ tsawˆ tehꞈ-a. Iˇjiˇtuˆ sahˬ paˬ-ahˇ laꞈ jeuˬ kʼaˇ shaˇ-eu tsawˇ haˬ kʼoeˇ loꞈ-ehˇ ya daˬ tehꞈ-a.

Iˇsaˬyaˇ 36:6

Iˇjiˇtuˆ miˇ kʼahˬ-ahˇ naw maꞈ noeˬ tmˬ-eu meh. Ehˇ kʼawꞈ, aˇ toꞈ aˇ kahˬ coeˇ-awˇ gawˬ yoeˬ toˆ-eu naˆ ni tehꞈ meh. Aˇ toꞈ aˇ kahˬ kʼoeˇ kʼehꞈ-iˇ-awˇ naw maꞈ-euˬ aˬ laꞈ-ahˇ dehˬ tsawˆ tehꞈ-a. Iˇjiˇtuˆ sahˬ paˬ-ahˇ nui kʼaˬ tsmˬ-eu tsawˇ haˬ deuˬ-euˬ guiˬ lahˬ kʼoeˇ loˆ ni tehꞈ meh.”

Iˇsaˬyaˇ 30:7

Iˇjiˇtuˆ miˇ kʼahˬ neh ngehˬ gʼeh-euˬ jeˬ, tiˬ pawꞈ-iˬ gaˇ dahˇ maˬ tsoeˬ-a. Kʼoeˇ miˇ neh, Iˇjiˇtuˆ miˇ kʼahˬ-ahˇ ngaˇ, doꞈ maˬ ahˇ-eu byaˆ yahˬ lehˇ kuˇ-eu ma.”

Iˇsaˬyaˇ 2:22

Naˇ mehˇ saꞈ gʼawˇ-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ nui jah taˬ ahˇ. Tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 36:9

Aˬshuˇliˆ guiˇ maꞈ laꞈ kʼoeˇ, nyiˇ dui dui-eu aˬ yuiꞈ geuꞈ-eu tiˬ gʼaˬ naˆ ni kʼawꞈ, naw maꞈ maˬ kʼoˆ tsehˆ gaˇ neh, Iˇjiˇtuˆ tsawˇ haˬ deuˬ naw maꞈ-ahˇ mahˬ laˆ lawˬ hawˇ-eu mahˬ dziˬ-eu yehˇ deuˬ biꞈ gʼeh laꞈ tehꞈ-a lehˇ aˬ joˆ-ehˇ noeˬ tmˬ peuˬ-eu nya.

Iˇsaˬyaˇ 37:9

Suˬdaˬ sahˬ paˬ Tiˇlaˬkaˬ gʼaˬ Iˇjiˇtuˆ guiˇ maꞈ sheuˬ-awˇ, aˬ yawꞈ maꞈ-ahˇ guiˇ deuˆ-eu lehˇ laˇ luꞈ-eu gaˇ kawˆ, Aˬshuˇliˆ tsawˇ haˬ deuˬ ya gaˬ-euˬ meh. Gaˇ kawˆ kʼoeˇ Aˬshuˇliˆ sahˬ paˬ ya gaˬ ngeh, sahˬ paˬ Heˬsaˬgiˇ jawˇ gaˇ sahˬ boꞈ tiˬ dzeh boꞈ-awˇ,

Yeˬlaˬmiˇ 46:25

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Deˬbiˇ miˬ yehˇ Aˬmo-ahˇ ngaˇ kʼehˬ-eu lehˇ gʼeh-eu ma. Iˇjiˇtuˆ sahˬ paˬ maˬ ehˇ, Iˇjiˇtuˆ miˬ yehˇ deuˬ maˬ ehˇ, Iˇjiˇtuˆ sahˬ paˬ-ahˇ gʼoe-eu miˇ kʼahˬ zaˬ deuˬ-ahˇ maˬ ehˇ, ngaˇ kʼehˬ-eu lehˇ gʼeh-eu ma.

Yeˬsaˬgeˬlaˇ 29:16

Iˇsaˬleˬlaˆ miˇ kʼahˬ kʼawꞈ, aˬ yawꞈ maꞈ-ahˇ maˬ gʼoe ni pyeuꞈ-iˇ tehꞈ-a. Iˇjiˇtuˆ miˇ kʼahˬ kʼoeˇ loꞈ-ehˇ pyeuꞈ-iˇ-euˬ baˬ da neh, Iˇjiˇtuˆ miˇ kʼahˬ-ahˇ nui ma huiˬ-euˬ lehˬ dui dui law hawˇ ngaˬ lehˇ, Iˇsaˬleˬlaˆ miˇ kʼahˬ-ahˇ siˬ leˇ tehꞈ-a. Kʼoeˇ ngeh jawˇ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-ahˇ siˬ duˬ leˇ tehꞈ-a.”

Naˬhmˬ 3:9

Suˬdaˬ miˇ kʼahˬ, Liˆbyaˇ miˇ kʼahˬ, Iˇjiˇtuˆ miˇ kʼahˬ dawˬ tawˆ luꞈ, Deˬbiˇ-euˬ laꞈ jeuˬ shaˇ duˬ meh.

Zeˬpaˬniˇ 2:12

Suˬdaˬ miˇ kʼahˬ zaˬ deuˬ-ahˇ kʼawꞈ, Sahˬpaˬ Miˬyehˇ sehꞈ dzeh tehꞈ-a.