Iˇsaˬyaˇ 2:6 - Akha

⁶ Miˬyehˇ-oˇ, Yaˬkoˆ-euˬ zaˬ deuˬ uˆ deuˬ pyeuꞈ-eu, nawˬ-euˬ tsawˇ haˬ deuˬ-ahˇ nawˇ byehˇ dzeh-euˬ meh. Aˬ jeˬ miˇ neh ehˇ naˇ, nahˇ ma doˆ kʼehˬ miˇ kʼahˬ paw neh oe-euˬ nyiˇ paˬ shiˇ-eu zahˇ hawˇ-eu, Piˇliˇtiˆ tsawˇ haˬ deuˬ ja maw maw-eu zahˇ-ahˇ, aˬ yawꞈ maꞈ mˇ dui dui luꞈ-eu uˬ taꞈ, aˬ cawˬ tsawˇ jeuˬ nehˬ-ehˇ laꞈ tsaꞈ tsaꞈ tehˬ-awˇ dehꞈ-eu meh.

Iˇsaˬyaˇ 2:6 Referans Kwoze

Lormav 11:20

Naw maꞈ ehˇ-eu tsaˬ meh. Aˬ yawꞈ maꞈ-aˬ, maˬ jah-eu miˇ neh bi deuˆ tsehˆ dzeh-euˬ meh. Naw maꞈ-aˬ, jah-eu miˇ neh ziꞈ luꞈ meh. Ehˇ kʼawꞈ, nui ma taˬ huiˬ. Yahˇ yahˇ-ehˇ dehꞈ-awˬ.

2 Sahˬpaˬ 1:2

Sahˬpaˬ Aˬhaˬziˇ-aˬ, Yeˬluˇsaˬlehˬ meuˬ-ahˇ jaˆ-eu aˬ yawꞈ-euˬ nymˇ kʼoeˇ taˆ tiˆ guiˇ ga-ahˇ neh ga ka-awˇ, yaw kʼaˆ-ehˇ gaˬ naˇ-euˬ meh. Kʼoeˇ miˇ neh, Eˇkaˬloˬ meuˬ-ahˇ Piˇliˇtiˆ miˬ yehˇ Baˬlaˇzeˬbuˇ jawˇ gaˇ aˬ yawꞈ tsawˇ haˬ kʼehˇ gʼeh-awˇ, aˬ yawꞈ naˇ-eu taˬ leˇ nya paˬ-ehˇ gʼeh ngaˇ loˇ lehˇ bi naˇ haˬ-iˇ-euˬ meh.

Ngoeˇ dawˬ 5:20

Aˬ jeˬ miˇ neh nga maꞈ-ahˇ nawˇ, teu myah myah-ehˇ byehˇ dzeh laꞈ-awˇ, teu naˆ naˆ-ehˇ ngehˇ dzeh laꞈ te.

Yeˬlaˬmiˇ 10:2

Sahˬpaˬ Miˬyehˇ heu loꞈ-ehˇ ehˇ-eu meh. “Aˬ cawˬ tsawˇ jeuˬ dehꞈ jeˬ dehꞈ kawˆ-ahˇ taˬ dzaw geuꞈ. Mˬ kʼoeˇ taˆ maˬ mawˇ haw-euˬ jeˬ keuˆ le gaˇ, tsawˇ jeuˬ nui deuˬ guˆ kʼawꞈ naw maꞈ taˬ guˆ.

Iˇsaˬyaˇ 8:19

Ehˇ kʼawꞈ, ja maw nya-eu deuˬ hawˇ-eu, teˇ saˇ yaw nahˬ yaw gʼahˇ baw baw-ehˇ nyiˇ paˬ shiˇ nya-eu nyiˇ paˬ shaˆ ma deuˬ-ahˇ gʼoe-eu gʼaˇ duˬ, aˬ cawˬ naw maꞈ-ahˇ gʼaˬ biꞈ tehꞈ-a. “Dehꞈ luꞈ-eu deuˬ-euˬ dah zaˇ shiˇ dzeuˇ-euˬ deuˬ nehˬ-ehˇ ngehˬ cawˬ taꞈ-awˇ, nehꞈ-euˬ dawˬ-ahˇ naˇ haˬ geuꞈ-eu tsaˬ tehꞈ-a” lehˇ, nyiˇ paˬ shaˆ ma kʼoeˇ deuˬ ehˇ tehꞈ-a.

Dawqdaq 6:1

Ngaˬ li-oˇ, maˬ siˬ maˬ suˇ-eu tsawˇ haˬ gʼaˇ duˬ nawˇ kamˬ-awˇ, aˬ cawˬ-euˬ dziˇ dzoˆ pi paˬ-ehˇ pyeuꞈ laˇ naˇ,

Jaceuq 106:35

Ehˇ kʼawꞈ kʼoeˇ deuˬ nehˬ-ehˇ sheuˬ dahˬ dzaˬ taꞈ-awˇ, aˬ cawˬ-euˬ zahˇ sahˇ kʼoꞈ-ahˇ caw teh-euˬ meh.

Neˬhaˬmiˇ 13:23

Aˇ yamˬ kʼoeˇ yamˬ laꞈ kʼoeˇ, Yuˇdaˆ tsawˇ haˬ gʼawˬ mya ni, Aˬshaˬdoˇ, Aˬmoˇ hawˇ-eu Mawˇbaˆ miˇ kʼahˬ-ahˇ jawˇ-eu zaˬ miˬ zaˬ deuˬ-ahˇ sheuˬ-euˬ gaˇ ya mawˇ-euˬ ma.

2 Laˬsaˬbaˬ 24:20

Kʼoeˇ naˇ, piˇ ma Yeˬhawˇyaˬdaˬ-euˬ aˬ li Zaˬkaˬliˇ kʼoeˇ taˆ Miˬyehˇ-euˬ yaw sahˇ keuˆ le-euˬ meh. Tsawˇ haˬ kʼoeˇ deuˬ mawˇ nya gaˇ aˬ yawꞈ yawꞈ-awˇ ehˇ-eu, “Aˬ jeˬ miˇ neh Sahˬpaˬ Miˬyehˇ-euˬ ehˇ dawˬ-ahˇ naw maꞈ maˬ naˇ haˬ geuꞈ-ehˇ, yawˬ haˇ yawˬ ha ya luˬ ya seˇ-iˇ ni mˇ luꞈ te lehˇ, naw maꞈ-ahˇ Sahˬpaˬ Miˬyehˇ naˇ haˬ luꞈ meh. Naw maꞈ aˬ yawꞈ-ahˇ byehˇ dzeh-euˬ miˇ neh, aˬ yawꞈ kʼawꞈ naw maꞈ-ahˇ byehˇ dzeh-euˬ meh.”

2 Laˬsaˬbaˬ 15:2

Kʼoeˇ naˇ, Aˬsaˬ jawˇ gaˇ iˇ-awˇ ehˇ nehˬ-eu, “Sahˬ paˬ Aˬsaˬ hawˇ-eu, Yuˇdaˆ miˇ kʼahˬ, Beˬyaˬmiˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ ngaˇ ehˇ gaˇ naˇ haˬ sheˇ. Naw maꞈ Sahˬpaˬ Miˬyehˇ laꞈ kʼoeˇ kʼaˇ jawˇ kʼoeˇ keuˆ ni, aˬ yawꞈ kʼawꞈ naw maꞈ nehˬ-ehˇ jawˇ tehꞈ-a. Naw maꞈ aˬ yawꞈ-ahˇ poˆ naˇ, aˬ yawꞈ naw maꞈ-ahˇ bi mawˇ laꞈ tehꞈ-a. Ehˇ kʼawꞈ, naw maꞈ aˬ yawꞈ-ahˇ byehˇ dzeh naˇ, aˬ yawꞈ kʼawꞈ naw maꞈ-ahˇ byehˇ dzeh tehꞈ-a.

1 Laˬsaˬbaˬ 10:13

Sawˇluˆ-aˬ, Sahˬpaˬ Miˬyehˇ-ahˇ saˇ jaˇ maˬ ziꞈ-eu miˇ neh ya shiˇ-euˬ meh. Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maˬ naˇ haˬ-ehˇ, shiˇ dzeuˇ-euˬ tsawˇ haˬ deuˬ-euˬ yaw sahˇ-ahˇ gʼoe-awˇ yaw dehꞈ dehꞈ-euˬ meh.

Bawˇtsahˬ 23:7

Miˬyehˇ gʼaˇ duˬ ngehˬ dah-eu laꞈ kʼoeˇ, Baˬlamˬ heu loꞈ-ehˇ ehˇ-eu meh. “Mawˇbaˆ sahˬ paˬ-aˬ, Suˇliˆ miˇ kʼahˬ-ahˇ neh ngaˬ-ahˇ sheuˬ laꞈ-euˬ meh. Nahˇ ma doˆ kʼehˬ paw jaˆ-eu gawˬ jawˬ deuˬ-ahˇ neh, aˬ yawꞈ ngaˬ-ahˇ sheuˬ laꞈ-euˬ meh. Aˬ yawꞈ gʼaˇ duˬ dawˬ ngehˬ-eu laꞈ kʼoeˇ, ‘Iˇsaˬleˬlaˆ tsawˇ haˬ deuˬ-ahˇ yaˬ kʼehˇ yaˬ laˇ-awˬ’ lehˇ, aˬ yawꞈ ngaˬ-ahˇ ehˇ-eu meh.

Uˬ duˬ 20:6

“Nyiˇ paˬ shaˆ ma deuˬ-ahˇ laꞈ jeuˬ kʼaˇ shaˇ-eu tsawˇ haˬ deuˬ-ahˇ ngaˇ byehˇ dzeh-awˇ, ngaˬ-euˬ tsawˇ haˬ lehˇ maˬ paˇ sawˇ nehˬ ma.

Uˬ duˬ 19:31

“Nyiˇ paˬ-ahˇ laꞈ jeuˬ taˬ shaˇ. Naw maꞈ kʼoeˇ loꞈ-ehˇ jahˇ naˇ, maˬ shawˇ-eu tsawˇ haˬ pyeuꞈ-eu meh. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Doˆ-iˇ 34:16

Naw maꞈ-euˬ zaˬ yo aˬ li deuˬ, lawˇ ciꞈ zaˬ kʼoeˇ deuˬ-euˬ zaˬ miˬ aˬ buˇ deuˬ-ahˇ sheuˬ-awˇ, ngaˬ-ahˇ saˇ jaˇ puiˬ-eu laꞈ kʼoeˇ, lawˇ ciꞈ zaˬ deuˬ-euˬ miˬyehˇ-ahˇ uˬ duˬ tahˬ ni, zaˬ mi aˬ buˇ kʼoeˇ deuˬ aˬ yawꞈ maꞈ-ahˇ sheuˬ gʼeh tehꞈ-a.

Doˆ-iˇ 22:18

“Nehꞈ seu piˇ seu-eu zaˬ miˬ zaˬ aˬ geu gʼaˬ maˬ kaˬ, ya sehꞈ dzeh meh.

1 Saˬmeuˬlaˆ 6:2

Kʼoeˇ naˇ, piˇ ma hawˇ-eu nyiˇ paˬ deuˬ-ahˇ Piˇliˇtiˆ tsawˇ haˬ deuˬ kuˇ uiˬ-awˇ, “Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ aˬ joˆ-ehˇ jahˇ nmˇ. Aˬ yawꞈ jaˆ duˬ-ahˇ paˇ sha ha kʼoꞈ nehˬ leˇ mawꞈ naˇ, aˬ jeˬ biꞈ caw-awˇ yaˬ sha ha kʼoꞈ nehˬ leˇ nmˇ” lehˇ naˇ haˬ-euˬ meh.

Iˇsaˬyaˇ 14:29

“Piˇliˇtiˆ tsawˇ haˬ kʼaˇ jawˇ kʼaˇ deuˬ-oˇ, naw maꞈ-ahˇ diˬ-eu daˇ cuiˇ kʼehꞈ-iˇ-euˬ miˇ neh, naw maꞈ laˬ kʼaˬ taˬ cehˇ. Shiˇ dzeuˇ-euˬ aˇ lawˇ kʼoeˇ mawˇ-euˬ duˬ ciˇ-ahˇ, doꞈ kʼaˆ dzehˬ-eu aˇ lawˇ yaw shuiꞈ doˆ laˇ tehꞈ-a. Aˇ lawˇ ya uˆ ceuꞈ deˇ laˇ ngeh, zaw nya-eu aˇ lawˇ ceuꞈ doˆ leꞈ tehꞈ-a.

Yeˬlaˬmiˇ 12:7

Sahˬpaˬ Miˬyehˇ ehˇ-eu, “Iˇsaˬleˬlaˆ-ahˇ ngaˇ byehˇ dzeh-euˬ ma. Ngaˬ neh tseˇ doˆ-euˬ tsawˇ jeuˬ-ahˇ maˬ paˇ haw ma. Ngaˇ gaˬ-eu tsawˇ haˬ heu deuˬ-ahˇ, muiˇ-eu deuˬ aˬ laꞈ laꞈ kʼoeˇ a nehˬ-euˬ ma.

Miˇkaˬ 5:12

Naw maꞈ zmˬ-eu mah loˬ ja maw tsawˇ gahˇ deuˬ-ahˇ ngaˇ laˆ cawˆ-awˇ, nyiˇ paˬ shaˆ ma deuˬ maˬ jawˇ ni bi shaˬ ma.

Zeˬpaˬniˇ 1:8

Sahˬpaˬ Miˬyehˇ ehˇ-eu, “Ngaˇ tsawˇ haˬ sehꞈ-eu aˇ nah-ahˇ, sahˬ paˬ sahˬ ma deuˬ-ahˇ hawˇ-eu, aˬ cawˬ-euˬ zahˇ tawˬ-eu deuˬ-ahˇ, ngaˇ yaw kʼaˆ kʼaˆ-ehˇ kʼehˬ nehˬ ma.

2 Sahˬpaˬ 17:20

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma naˇ dui dui-awˇ, doeˇ dui dui-eu muiˇ-eu tsawˇ haˬ deuˬ neh bi kʼehˬ-eu laꞈ kʼoeˇ, maˬ mawˇ laˇ gaˇ bi iˇ byoˆ jiˇ-euˬ meh.

Miˇkaˬ 5:11

Naw maꞈ-euˬ miˇ kʼahˬ laꞈ kʼoeˇ jaˆ-eu meuˬ deuˬ-ahˇ ngaˇ laˆ cawˆ-awˇ, ziꞈ dah ni tsoˆ taˬ-euˬ taˆ deuˬ-ahˇ ngaˇ laˆ byaˆ ma.