Iˇsaˬyaˇ 17:14 - Akha

¹⁴ Uˬ ciꞈ paw keuˆ le-eu guˆ-eu gaˆ-eu jeˬ, uˬ bya maˬ bya laˇ mi naˆ-ehˇ byoˆ jiˇ-eu meh. Aˬ dui miˇ kʼahˬ-ahˇ guiˇ deuˆ le-awˇ, myawˬ gahˬ ceh geuꞈ le-eu deuˬ-euˬ guiˬ lahˬ, kʼoeˇ naˆ ni doeˇ-eu meh.

Iˇsaˬyaˇ 17:14 Referans Kwoze

2 Sahˬpaˬ 19:35

Kʼoeˇ ngeh miˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ, Aˬshuˇliˆ guiˇ maꞈ-euˬ taˆ-ahˇ le-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Uˬ bya bya laˇ ngeh, tsawˇ haˬ kʼoeˇ deuˬ yaw shiˇ-ehˇ ga-eu meh.

Dawqdaq 22:23

Sahˬpaˬ Miˬyehˇ aˬ yawꞈ maꞈ jawˇ paw pyawˬ-awˇ, aˬ yawꞈ maꞈ-ahˇ laˆ shaˬ-eu tsawˇ haˬ uˬ kʼawˇ deuˬ ni jahˇ kʼoꞈ nehˬ tehꞈ-a. -2-

Yeˬsaˬgeˬlaˇ 39:10

Aˬ yawꞈ maꞈ deh ga-ahˇ miˬ dzaˬ gʼoˆ-eu maˬ loˬ-ehˇ, sahˬ kʼaˆ-ahˇ aˇ bawˇ tuˇ-awˇ miˬ dzaˬ kʼehꞈ-eu maˬ loˬ-a. Aˬ jeˬ miˇ neh ehˇ naˇ, miˬ dzaˬ doꞈ-eu gʼaˇ duˬ byehˇ dzeh taˬ-euˬ guiˇ deuˆ-eu keu ka deuˬ ga-eu meh. Aˬ yawꞈ maꞈ-ahˇ pyuˇ shuiˇ myawˬ gahˬ ceh geuꞈ laˇ-euˬ tsawˇ haˬ deuˬ-euˬ pyuˇ shuiˇ myawˬ gahˬ deuˬ, aˬ yawꞈ maꞈ paˇ ya ceh geuꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬlaˬmiˇ 13:25

Naw maꞈ guiˬ lahˬ kʼoeˇ naˆ ni doeˇ meh lehˇ, Sahˬpaˬ Miˬyehˇ ehˇ taˬ-euˬ meh. Naw maꞈ aˬ yawꞈ-ahˇ byehˇ dzeh-awˇ, maˬ ngeuˇ-eu miˬ yehˇ-ahˇ gʼoe-eu miˇ neh, naw maꞈ-ahˇ kʼoeˇ loꞈ-ehˇ laˆ shaˬ nehˬ-eu gʼaˇ duˬ, aˬ yawꞈ noeˬ tsehˆ gʼaˬ taˬ-euˬ meh.

Yeˬlaˬmiˇ 2:3

Iˇsaˬleˬlaˆ nawˇ nui gʼaˬ-ahˇ maˬ taꞈ. Nawˇ-aˬ shawˇ jehˆ ni gʼeh-eu ngaˬ-euˬ myawˬ gahˬ ma. Nawˬ-ahˇ laˆ coeˬ laˆ ciˆ laˇ-eu tsawˇ haˬ kʼoeˇ taˆ, luˬ-iˇ seˇ-iˇ-eu jeˬ ngaˇ pyehˬ gʼeh-euˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Jaceuq 37:36

Ehˇkʼawꞈngaˇtiˬpoˆpaˇle ngeh, aˬyawꞈkʼoeˇgaˇmaˬpaˇjawˇ-a. Aˬyawꞈ-ahˇngaˇpoˆdoe jiˇkʼawꞈ, maˬmawˇlaˇni byoˆtsehˆ-euˬmeh.

Yawˇbaˆ 20:29

Heu-aˬ, haiˬ-eu tsawˇ haˬ-euˬ guiˬ lahˬ meh. Miˬyehˇ neh aˬ yawꞈ maꞈ kʼoeˇ taˆ bi keuˆ le-euˬ guiˬ lahˬ heu naˆ tehꞈ meh.”

2 Sahˬpaˬ 19:3

Aˬ yawꞈ maꞈ-ahˇ, Iˇsaˬyaˇ jawˇ gaˇ heu loꞈ-ehˇ bi ehˇ gaˬ-iˇ-euˬ meh. “Iˬ nah-aˬ, ya noeˬ shaˬ ya noeˬ zahˬ-euˬ aˇ nah pyeuꞈ-eu meh. Aˬ dui -ahˇ aˬ cawˬ kʼehˬ nehˬ kʼaˆ nehˬ laꞈ-awˇ, shaˬ zahˬ naꞈ dui dui-eu aˇ nah keuˆ laˇ taˬ-euˬ meh. Aˬ nyiˇ ciˬ deˇ-euˬ kʼawꞈ, gʼaˬ maˬ ahˇ-eu miˇ neh maˬ ciˬ doˆ leꞈ nya-eu zaˬ baw aˬ ma tiˬ gʼaˬ-ahˇ aˬ dui duˇ miˇ-a.

Yaˇ kʼaˬ daˇ 5:31

Sahˬpaˬ Miˬyehˇ-oˇ, nawˬ-ahˇ muiˇ-eu deuˬ dawˬ tawˆ luꞈ, kʼoeˇ loꞈ-ehˇ shiˇ luꞈ-uˇ. Ehˇ kʼawꞈ, nawˬ-eu cawˬ deuˬ-aˬ, doˆ laˇ luꞈ-eu nahˇ ma loꞈ-ehˇ bya luꞈ-uˇ.” Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ, oeˬ tseˇ kʼoꞈ byah ni guiˇ maˬ deuˆ-ehˇ nui saˇ oꞈ-eu jeˬ jaˆ-euˬ meh.

Iˇsaˬyaˇ 10:25

Aˬ yawꞈ maꞈ naw maꞈ-ahˇ kʼehˬ-eu kʼaˆ-eu jeˬ, tiˬ kʼehˇ laˇ kʼehˬ laꞈ kʼoeˇ aˇ saˬ bi saˬ-awˇ, aˬ yawꞈ maꞈ-ahˇ ngaˇ laˆ luˬ laˆ seˇ nehˬ ma.

Iˇsaˬyaˇ 29:5

Yeˬluˇsaˬlehˬ meuˬ-oˇ, nawˬ-ahˇ guiˇ kʼaˇ deuˆ le-eu tsawˇ jeuˬ deuˬ, kʼaˬ lehˇ loꞈ-ehˇ bi baw byoˆ jiˇ-awˇ, guˆ laˇ paˬ-ehˇ gʼeh-eu guiˇ maꞈ kʼoeˇ deuˬ, gʼo yoeˬ loꞈ-ehˇ bi baw dzeh jiˇ tehꞈ-a. Maˬ noeˬ maˬ duˇ-euˬ laꞈ kʼoeˇ ja pyuˬ ni,

Iˇsaˬyaˇ 29:7

Miˬyehˇ-euˬ lawˇ duˬ jaˆ-eu meuˬ-ahˇ guiˇ deuˆ le-euˬ, miˇ kʼahˬ tsawˇ jeuˬ-euˬ guiˇ maꞈ deuˬ hawˇ-eu, aˬ yawꞈ maꞈ-euˬ guiˇ deuˆ-eu keu ka ahˇ leˇ-ehˇ, uˬ ciꞈ yuꞈ maˆ mawˇ-awˇ myaˆ toˆ toˆ-euˬ loꞈ-ehˇ, yawˬ jeˬ na luꞈ ya cawˆ-iˇ jiˇ tehꞈ-a.

Iˇsaˬyaˇ 33:18

Yaw beh naw maꞈ-ahˇ taꞈ dzaˬ-awˇ, naw maꞈ kʼoeˇ taˆ maˬ tsehˆ leˇ ni nawˬ tehˬ taˬ-euˬ, boeˇ miˬ siˬ kʼaˬ sahˬ paˬ sahˬ ma kʼoeˇ deuˬ-ahˇ guˆ-eu jeˬ, yuꞈ maˆ maˆ-eu loꞈ-ehˇ dzeuˇ-iˇ tehꞈ-a.

Iˇsaˬyaˇ 34:17

Jeˬ zaˬ kʼoeˇ deuˬ gʼaˇ duˬ Sahˬpaˬ Miˬyehˇ miˇ tsaˬ biˇ-awˇ, yawˬ jeˬ na luꞈ-ahˇ biˇ oꞈ nehˬ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ ziꞈ dah ni jawˇ-awˇ, mˬ maˬ maˬ byaˆ zaˇ ziˇ aˬ yawꞈ maꞈ-ahˇ oꞈ tehꞈ-a.

Iˇsaˬyaˇ 41:12

Naw maꞈ-ahˇ muiˇ-eu tsawˇ haˬ-ahˇ naw maꞈ poˆ ngeh, maˬ poˆ mawˇ nya ni pyeuꞈ-iˇ tehꞈ-a. Naw maꞈ-ahˇ guiˇ deuˆ-eu tsawˇ haˬ, tiˬ jeˬ-iˬ maˬ gʼeh nya ni pyeuꞈ-iˇ tehꞈ-a.

Yeˬlaˬmiˇ 49:10

Ehˇ kʼawꞈ, Iˇsawˇ-euˬ zaˬ deuˬ uˆ deuˬ-ahˇ ngaˇ dzuˇ tsui ni ya jiˇ nehˬ-awˇ, aˬ yawꞈ maꞈ maˬ cehˆ zaꞈ dzeuˇ nya ni, ngaˇ poˆ mawˇ jiˇ-euˬ ma. Eˬdoˬ tsawˇ haˬ tiˬ gʼaˬ-iˬ maˬ dzeuˇ-iˇ ni bi laˆ cawˆ jiˇ-euˬ meh.

Iˇsaˬyaˇ 21:12

Ngaˇ heu loꞈ-ehˇ ehˇ kʼoꞈ nehˬ-euˬ ma. “Uˬ bya bya laˇ-eu dawˬ peh peh laˇ luꞈ meh. Ehˇ kʼawꞈ, uˬ ciꞈ tiˬ poˆ paˇ ciꞈ le tehꞈ-a. Nawˇ tiˬ poˆ paˇ naˇ haˬ mawꞈ naˇ, Laˇ-awˇ naˇ haˬ laˇ-awˬ.”

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Iˇsaˬyaˇ 30:28

Aˬ yawꞈ saꞈ gʼawˇ ka ngeh, kawˬ lahˇ-ahˇ keuˆ-eu iˇ jeuˬ oe gaˇ duˇ-awˇ, yawˬ jeˬ na luꞈ hehˇ dzaˬ gʼeh-eu loꞈ-ehˇ, miˇ kʼahˬ tsawˇ jeuˬ hawˇ-eu aˬ yawꞈ maꞈ-euˬ yaw haiˬ dawˬ tawˆ luꞈ hehˇ dzaˬ gʼeh-eu meh.

Zaˬkaˬliˇ 2:12

Yuˇdaˆ miˇ kʼahˬ-aˬ, Sahˬpaˬ Miˬyehˇ-euˬ muiˬ-eu shawˇ-eu miˇ tsaˬ-ahˇ jaˆ-eu miˇ kʼahˬ tiˬ kʼahˬ paˇ pyeuꞈ laˇ-awˇ, Yeˬluˇsaˬlehˬ meuˬ-aˬ, meuˬ dawˬ tawˆ luꞈ naˆ maˬ tseˇ aˬ yawꞈ gaˬ dzehˬ-eu meuˬ pyeuꞈ laˇ tehꞈ-a.