Iˇsaˬyaˇ 16:6 - Akha

⁶ Yuˇdaˆ tsawˇ haˬ deuˬ ehˇ-eu, “Mawˇbaˆ tsawˇ haˬ deuˬ jahˇ gʼeh-eu gaˇ kawˆ, nga maꞈ ya gaˬ gʼaˬ taˬ-euˬ ma. Aˬ yawꞈ maꞈ kʼahˬ sehˇ huiˬ-awˇ jahˇ gʼeh sehꞈ kʼawꞈ, aˬ yawꞈ maꞈ neh kʼahˬ sehˇ jehˆ-euˬ awˬ kʼawꞈ tehꞈ meh.”

Iˇsaˬyaˇ 16:6 Referans Kwoze

Aˬmoˆ 2:1

Sahˬpaˬ Miˬyehˇ ehˇ-eu, “Mawˇbaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Eˬdoˬ sahˬ paˬ-euˬ shaˬ yoeˬ-ahˇ kʼaˬ lehˇ pyeuꞈ-iˇ ngeh keuˆ ni aˬ yawꞈ maꞈ miˬ dzaˬ dzah puiˆ-euˬ laꞈ kʼoeˇ, yehˬ bawˬ sehˇ lu-ehˇ gʼeh nehˬ-euˬ meh.

Yeˬlaˬmiˇ 48:42

Mawˇbaˆ miˇ kʼahˬ ngaˬ-ahˇ puiˬ-euˬ miˇ neh, tsawˇ jeuˬ meh-iˇ gaˇ keuˆ ni bi laˆ cawˆ byoˆ leꞈ tehꞈ-a.

Yeˬlaˬmiˇ 48:26

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ ngaˬ-ahˇ puiˬ-euˬ miˇ neh, aˬ gaꞈ dzaˇ uiˇ bi dawˇ yehꞈ-awˬ. Mawˇbaˆ-aˬ, yawˬ ha uˬ pehꞈ pehꞈ taˬ-euˬ gaˇ yawˬ ha mahˬ poˆ poˆ lehꞈ-awˇ, aˬ cawˬ bi uiˇ tehꞈ-a.

Yeˬlaˬmiˇ 50:36

Nyiˇ paˬ shaˆ ma yaw uˬ kʼoeˇ deuˬ kʼoeˇ taˆ, mi cehˇ keuˆ le luꞈ-uˇ. Yehˇ deuˬ kʼoeˇ taˆ mi cehˇ oe-awˇ, laˇ bi baˇ-iˇ luꞈ-uˇ.

Iˇsaˬyaˇ 44:25

Nyiˇ paˬ shaˆ ma deuˬ-ahˇ ngaˇ tsawˇ uˬ laˆ uˬ-awˇ, mah loˬ ja maw nya-eu deuˬ-ahˇ daˬ laˆ ga nehˬ-euˬ ma. Zaˬ siˬ tsawˇ gahˇ byah-eu deuˬ-euˬ dawˬ-ahˇ ngaˇ laˆ cawˆ-awˇ, aˬ yawꞈ maꞈ-euˬ zaˬ siˬ tsawˇ gahˇ yawꞈ ngehꞈ meh lehˇ bi siˬ-euˬ ma.

Iˇsaˬyaˇ 28:18

Shiˇ-eu jeˬ nehˬ-ehˇ naw maꞈ saˇ jaˇ dzaˬ-euˬ cawˆ-iˇ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jeˬ pyaˆ-iˇ-eu miˇ neh, guˆ-eu gaˆ-eu jeˬ keuˆ le ngeh, naw maꞈ shaˬ zahˬ naꞈ tehꞈ-a.

Iˇsaˬyaˇ 28:15

Shiˇ-eu jeˬ nehˬ-ehˇ naw maꞈ saˇ jaˇ dzaˬ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jaˆ ma lehˇ, naw maꞈ kʼahˬ sehˇ jehˆ luꞈ-eu meh. Jaˬ myawꞈ myawꞈ-awˇ mehˇ shuiˇ shuiˇ dzeuˇ nya-eu miˇ neh, guˆ-eu gaˆ-eu jeˬ keuˆ le ngeh uˬ kʼawˇ buˬ ma lehˇ, naw maꞈ noeˬ duˬ taˬ-euˬ jaˆ meh.

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Dawqdaq 21:24

Aˬ dzawˬ aˇ gah aˬ cawˬ maˬ ngeuˇ-a, nui ma huiˬ-eu gʼaˬ meh.

Iˇsaˬyaˇ 25:11

Aˬ yawꞈ maꞈ iˇ cuꞈ iˇ diˬ diˬ doˆ laꞈ-eu lehˇ, aˬ laꞈ cawˬ doˆ tehꞈ-a. Ehˇ kʼawꞈ, Miˬyehˇ aˬ yawꞈ maꞈ kʼoeˇ taˆ shaꞈ dawˇ-eu jeˬ bi keuˆ le-awˇ, aˬ yawꞈ maꞈ-euˬ aˬ laꞈ ga byoˆ-iˇ tehꞈ-a.

Iˇsaˬyaˇ 15:1

Heu-aˬ, Mawˇbaˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Mawˇbaˆ miˇ kʼahˬ laꞈ kʼoeˇ jaˆ-eu, Aˇlaˆ meuˬ hawˇ-eu Kiˇlaˆ meuˬ, tiˬ miˇ tehꞈ-ehˇ bi laˆ cawˆ-awˇ, Mawˇbaˆ miˇ kʼahˬ ciˬ cuˇ ni jaˆ-eu meh.

Iˇsaˬyaˇ 25:10

Ziˇoˬ gawˬ jawˬ-ahˇ Sahˬpaˬ Miˬyehˇ haw piˇ tehꞈ-a. Ehˇ kʼawꞈ, gʼo yoeˬ-ahˇ mawˇ neˇ keˬ duˬ kʼawꞈ laꞈ kʼoeˇ nawˬ pahˬ nehˬ-eu loꞈ-ehˇ, Mawˇbaˆ tsawˇ haˬ deuˬ-ahˇ aˬ yawꞈ nawˬ pahˬ tehꞈ-a.

Yeˬlaˬmiˇ 48:14

“Mawˇbaˆ tsawˇ haˬ deuˬ-oˇ, naw maꞈ guiˇ deuˆ-eu kʼaˬ dui kʼaˆ dui dui ma lehˇ, aˬ jeˬ miˇ neh ehˇ te.