Iˇsaˬyaˇ 15:4 - Akha

⁴ Heˬshaˬboˬ meuˬ hawˇ-eu Eˇlaˬleˬ meuˬ-ahˇ ngoeˇ-eu teˇ saˇ, Yaˬhaˇ meuˬ-ahˇ gaˬ keuˆ le-euˬ miˇ neh, Mawˇbaˆ yehˇ deuˬ nui ma baˬ laˇ jiˇ-awˇ, guˇ guˇ-ehˇ ngoeˇ-eu meh.

Iˇsaˬyaˇ 15:4 Referans Kwoze

Yeˬlaˬmiˇ 48:34

“Heˬshaˬboˬ meuˬ hawˇ-eu Eˇlaˬleˬ meuˬ-ahˇ jawˇ-eu tsawˇ haˬ deuˬ guˇ guˇ-ehˇ ngoeˇ-awˇ, aˬ yawꞈ maꞈ ngoeˇ-eu teˇ saˇ Yaˬhaˇ meuˬ-ahˇ keuˆ ni gaˬ keuˆ laˇ-eu meh. Zoˇlaˆ meuˬ-ahˇ jawˇ-eu tsawˇ haˬ deuˬ kʼawꞈ, aˬ yawꞈ maꞈ ngoeˇ-eu teˇ saˇ ya gaˬ-awˇ, Hawˇloˬneˬ meuˬ hawˇ-eu Eˇgaˬlaˆsheˬliˇshahˬ meuˬ-ahˇ keuˆ ni gaˬ keuˆ leˇ-euˬ meh. Nymˇlmˬ lah-ahˇ keuˆ ni, gui coˇ ni gui-iˇ-euˬ meh.

Panmaeq 9:6

Ba la kʼoeˇ ngaˬ siˬ laꞈ kʼoeˇ, tsawˇ haˬ kʼoeˇ deuˬ shiˇ-eu jeˬ-ahˇ poˆ tehꞈ-a. Ehˇ kʼawꞈ, maˬ poˆ mawˇ nya ni ya shaˬ tehꞈ-a. Aˬ yawꞈ maꞈ shiˇ mawꞈ dui dui tehꞈ-a. Ehˇ kʼawꞈ, shiˇ-eu jeˬ aˬ yawꞈ maꞈ-ahˇ cehˆ dzeuˇ tehꞈ-a.

Yawˇnaˆ 4:8

Nahˇ ma goˇ laˇ ngeh, nahˇ ma doˆ kʼehˬ paw-euˬ lahˇ dui dui-eu jaˬ lehˇ-ahˇ Miˬyehˇ pyehˬ gʼeh laꞈ-euˬ miˇ neh, Yawˇnaˆ-euˬ uˬ duˬ-ahˇ nahˇ tsaˇ zaw dui dui leˇ-awˇ, myaꞈ leˇ paˬ-ehˇ pyeuꞈ-iˇ-euˬ meh. Kʼoeˇ ngeh, ya shiˇ law nmˇ-aˬ gʼaˬ miˇ-a lehˇ aˬ yawꞈ noeˬ-awˇ, “Dehꞈ-eu naˆ maˬ tseˇ shiˇ-eu-aˬ ngaˬ-euˬ gʼaˇ duˬ zaˬ miˇ-a” lehˇ ehˇ-eu meh.

Yawˇnaˆ 4:3

Sahˬpaˬ Miˬyehˇ-oˇ, ngaˬ-ahˇ bi shiˇ laꞈ-awˬ. Dehꞈ-eu naˆ maˬ tseˇ shiˇ-eu-aˬ, ngaˬ-euˬ gʼaˇ duˬ zaˬ dzehˬ miˇ-a.”

Yeˬlaˬmiˇ 20:18

Aˬ jeˬ miˇ neh ngaˇ dehꞈ le taˬ. Shaˬ zahˬ mˇ-eu gʼaˇ duˬ dehꞈ le taˬ loˇ. Tiˬ ziˇ jiˇ ni daˬ ga-eu lehˇ dehꞈ le taˬ loˇ.

Yeˬlaˬmiˇ 8:3

Haiˬ-eu tsawˇ jeuˬ heu jeuˬ laꞈ kʼoeˇ, maˬ shiˇ-ehˇ dzeuˇ-iˇ-awˇ, ngaˬ neh kʼaˇ teh dzeh nehˬ-euˬ gaˇ dehꞈ gʼawˬ-awˇ jawˇ-eu deuˬ kʼawꞈ, dehꞈ-eu naˆ maˬ tseˇ shiˇ mawꞈ dzehˬ tehꞈ-a lehˇ Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

1 Sahˬpaˬ 19:4

Kʼoeˇ naˇ, nah ga-ehˇ bawˇ tsahˬ bawˇ dahˇ paw aˬ yawꞈ le gʼeh leꞈ-euˬ meh. Aˇ bawˇ naˇ shmˇ dawˬ pehˬ-ahˇ aˬ yawꞈ gʼaˬ naˬ naˬ-awˇ nuiˇ-eu laꞈ kʼoeˇ, yaw dehꞈ dehꞈ-awˇ maˬ paˇ jawˇ mawꞈ-eu miˇ neh, “Sahˬpaˬ Miˬyehˇ-oˇ, gʼaˬ dzaˬ gʼaˬ dawˇ miˇ-a. Ngaˬ-euˬ saꞈ laˇ yuˇ kʼoꞈ nehˬ laꞈ-awˬ. Ngaˇ yaw dehꞈ maˬ paˇ dehꞈ mawꞈ miˇ-a” lehˇ guiˬ lahˬ shaˇ-euˬ meh.

Yaˇ kʼaˬ daˇ 11:20

Ehˇ kʼawꞈ, Siˇhoˬ-aˬ, Iˇsaˬleˬlaˆ tsawˇ haˬ deuˬ-ahˇ, aˬ yawꞈ-euˬ miˇ kʼahˬ maˬ bi le tsehˆ-a. Aˬ yawꞈ-euˬ guiˇ maꞈ dawˬ tawˆ luꞈ sheuˬ-awˇ, Yaˬhaˇ meuˬ-ahˇ taˆ tsoˆ-awˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.

Yawˇshuˆ 13:18

Yaˬhaˇ meuˬ, Geˬdiˇmoˇ meuˬ, Meˬpaˇ meuˬ,

Dawˬmehˬ 2:32

Siˇhoˬ-aˬ, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, aˬ dui maꞈ-ahˇ guiˇ deuˆ-eu lehˇ Yaˬhaˇ meuˬ dawˬ peh oe-euˬ meh.

Bawˇtsahˬ 21:23

Ehˇ kʼawꞈ, Siˇhoˬ-aˬ, Iˇsaˬleˬlaˆ tsawˇ haˬ deuˬ-ahˇ aˬ yawꞈ-euˬ miˇ kʼahˬ laꞈ kʼoeˇ maˬ bi cah tsehˆ-a. Aˬ yawꞈ-euˬ guiˇ maꞈ-ahˇ aˬ yawꞈ kuˇ uiˬ-awˇ, bawˇ tsahˬ bawˇ dahˇ laꞈ kʼoeˇ jaˆ-eu Yaˬhaˇ meuˬ-ahˇ iˇ-awˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ-iˇ-euˬ meh.

Bawˇtsahˬ 11:15

Heu loꞈ-ehˇ tehꞈ-ehˇ ngaˬ-ahˇ bi mˇ te lehˇ ngeuˇ naˇ, ngaˬ-ahˇ gʼawˬ shaˬ gaˬ-eu laꞈ kʼoeˇ nymˬ-mˇ mi naˆ-ehˇ bi shiˇ nehˬ laꞈ-awˬ. Nawˇ kʼehˬ nehˬ kʼaˆnehˬ laꞈ-eu heu-ahˇ ngaˇ maˬ paˇ ya daˬ-aˇ.”

Aˇ dahˬ 27:46

Iˇtsaˆ-ahˇ Leˬbehˇkaꞈ ehˇ nehˬ-eu, “Aˬ cawˬ tsawˇ jeuˬ pyeuꞈ-eu Iˇsawˇ-euˬ miˬ zaˬ deuˬ baˬ da neh ngaˇ nui ma cawˆ dui dui nya. Yaˬkoˆ gʼaˬ kʼawꞈ, Heˬtaˆ tsawˇ jeuˬ-ahˇ paˇ sheuˬ lawˬ naˇ, ngaˇ shiˇ-eu maˬ ngeuˇ naˇ maˬ paˇ dzeˇ miˇ-a.”

Bawˇtsahˬ 21:28

Meuˬ kʼoeˇ meuˬ paˇ tsoˆ muiˬ taˬ-euˬ gaˇ aˬ dui mawˇ mawꞈ nya. Aˇ hu, Heˬshaˬboˬ meuˬ heu meuˬ-ahˇ neh, Siˇhoˬ-euˬ guiˇ maꞈ deuˬ miˬ dzaˬ loꞈ-ehˇ doˆ-iˇ-awˇ, Mawˇbaˆ miˇ kʼahˬ Aˇlaˆ meuˬ-ahˇ laˆ cawˆ-awˇ, Aˬnoˬ tahˬ mehˇ gawˬ jawˬ-ahˇ dzoeˬ-euˬ meh.

Yeˬlaˬmiˇ 48:21

Yaw goˇ-ahˇ jaˆ-eu meuˬ deuˬ kʼoeˇ taˆ yaˇ kʼaˬ daˇ-eu jeˬ keuˆ le-euˬ meh. Meuˬ kʼoeˇ deuˬ-aˬ, Hawˇloˬ meuˬ, Yaˬzah meuˬ, Meˬpaˇ meuˬ,