Iˇsaˬyaˇ 14:6 - Akha

⁶ Miˇ kʼahˬ zaˬ-ahˇ maˬ naˬ leˇ ni diˬ-awˇ, miˇ kʼahˬ tsawˇ jeuˬ-ahˇ maˬ tsehˆ leˇ ni zuiˆ-euˬ, gʼawˬ shaˬ gaˬ-eu maˬ siˬ nya-eu dzoeˬ dzaˬ gawˬ yoeˬ kʼoeˇ meh.

Iˇsaˬyaˇ 14:6 Referans Kwoze

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

Yeˬlaˬmiˇ 50:31

“Baˬbuˇloˬ miˇ kʼahˬ-oˇ, nawˇ-aˬ, nui ma huiˬ dui mahˇ dui dui-eu meh. Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu ngaˇ, Baoˬ huiˬ-eu Sahˬpaˬ Miˬyehˇ-aˬ, nawˬ-ahˇ muiˇ-eu ma. Ngaˇ nawˬ-ahˇ kʼehˬ nehˬ kʼaˆ nehˬ-eu aˇ nah keuˆ le-euˬ meh.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Yeˬlaˬmiˇ 25:26

laꞈ taˆ paw pyawˬ-ahˇ dawˬ peh gaˇ mahˇ kʼaˇ jawˇ-eu sahˬ paˬ tiˬ gʼaˬ saˇ-i tiˬ gʼaˬ hawˇ-eu, miˇ tsaˬ heu kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ, kʼmˬ maˬ kʼoeˇ kʼmˬ ya ciˬ dawˇ tehꞈ-a. Aˬ cawˬ jeˬ nah ya ciˬ dawˇ saˬ saˬ-eu gʼaˬ-aˬ, Baˬbuˇloˬ sahˬ paˬ meh.

Yeˬlaˬmiˇ 25:9

Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Iˇsaˬyaˇ 10:14

Miˇ kʼahˬ tsawˇ jeuˬ dawˬ tawˆ luꞈ aˇ jiˇ bahˬ-ahˇ duˇ-awˇ, aˇ jiˇ ya uˆ gʼoˆ uiˬ-eu loꞈ-ehˇ, aˬ yawꞈ maꞈ-euˬ pyuˇ shuiˇ myawˬ gahˬ ngaˇ yuˇ geuꞈ ngeh, dahˇ diˬ diˬ-awˇ ceh laˇ-eu aˇ jiˇ maˬ ya mawˇ-ehˇ, mehˬ toˆ neh soeˬ laˇ-eu aˇ jiˇ maˬ jawˇ-eu loꞈ-ehˇ, ngaˬ-ahˇ laˆ tsoeˬ-eu gʼaˬ maˬ jawˇ miˇ nya.”

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Yawˇbaˆ 9:13

Miˬyehˇ nui ma pehˇ-eu jeˬ maˬ byoˆ-iˇ nya-a. Iˬ ma laˆ shaˆ byaˆ yahˬ Laˬhaˇ-ahˇ caw ba le-eu aˬ yawꞈ-ahˇ muiˇ-eu deuˬ-ahˇ aˬ yawꞈ deh pyehˆ-eu meh.

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

Iˇsaˬyaˇ 14:5

Yaw haiˬ-euˬ daˇ cuiˇ dzoeˬ dzaˬ gawˬ yoeˬ, Sahˬpaˬ Miˬyehˇ neh bi ngawˬ kʼehꞈ-euˬ meh.

Ngoeˇ dawˬ 1:21

“Ngaˇ mahˇ luꞈ gaˇ naˇ haˬ le sheˇ. Haw cawˬ nehˬ le-eu maˬ jawˇ-a. Nawˬ neh ngaˬ-ahˇ bi shaˬ-euˬ gaˇ, muiˇ-eu deuˬ laˬ kʼaˬ cehˇ luꞈ meh. Nawˬ neh saˇ jaˇ dzaˬ-euˬ aˇ nah, yaw kawˇ ma-ehˇ bi keuˆ le-awˇ, Nymˬ-mˇ ngaˇ ya daˬ-eu loꞈ-ehˇ, muiˇ-eu deuˬ-ahˇ paˇ bi daˬ-awˬ.

Haˬbaˬkuˆ 1:17

Za kʼoeˇ aˬ yawꞈ paˇ byuˬ kʼaˇ-awˇ, miˇ kʼahˬ tsawˇ jeuˬ dawˬ tawˆ luꞈ-ahˇ, gʼawˬ shaˬ tiˬ pawꞈ-iˬ maˬ gaˬ ni, laˆ byoˆ leꞈ-eu lehˇ gʼeh ta loˇ.

Dawqdaq 28:15

Maˬ tsaˬ maˬ dawˇ-eu sahˬ paˬ-aˬ, shaˬ zaˬ zahˬ zaˬ mehˬ shi joeˬ joeˬ-ehˇ cah-eu aˇ laˬ jaˬ shiˇ hawˇ-eu, lmˬ lmˬ-ehˇ oe-eu kʼaˬ hmˇ-ahˇ duˇ-eu meh.

Yeˬlaˬmiˇ 48:17

“Miˇ kʼahˬ tsawˇ myahˇ doˆ-euˬ kʼaˇ siˬ nya-eu, dawˬ peh jawˇ-eu tsawˇ jeuˬ dawˬ tawˆ, miˇ kʼahˬ kʼoeˇ kʼahˬ gʼaˇ duˬ tsawˇ ngoeˇ ngoeˇ-awˬ. Aˬ yawꞈ dzoeˬ dzaˬ kʼehꞈ-iˇ kʼoeˆ-iˇ jiˇ-awˇ, baoˬ hawˇ-eu kʼahˬ sehˇ maˬ paˇ jaˆ meh lehˇ ehˇ-awˬ.

Haˬbaˬkuˆ 2:5

Jiˇ baˬ maˇ tsaꞈ saˇ jaˇ maˬ jawˇ. Aˇ gah kʼoeˇ gah jawˇ naˬ maˬ mˇ. Pyuˇ shuiˇ nui kʼahˇ ciˇ tahˬ miˇ oˆ, aˬ yawꞈ shiˇ ngeh nui kʼahˇ maˬ jiˇ. Tsawˇ jeuˬ dawˬ tawˆ deuˆ gʼaˬ jiˇ-awˇ, miˇ tsaˬ zaˬ paꞈ uiˬ jiˇ-euˬ meh.