Iˇsaˬyaˇ 14:29 - Akha

²⁹ “Piˇliˇtiˆ tsawˇ haˬ kʼaˇ jawˇ kʼaˇ deuˬ-oˇ, naw maꞈ-ahˇ diˬ-eu daˇ cuiˇ kʼehꞈ-iˇ-euˬ miˇ neh, naw maꞈ laˬ kʼaˬ taˬ cehˇ. Shiˇ dzeuˇ-euˬ aˇ lawˇ kʼoeˇ mawˇ-euˬ duˬ ciˇ-ahˇ, doꞈ kʼaˆ dzehˬ-eu aˇ lawˇ yaw shuiꞈ doˆ laˇ tehꞈ-a. Aˇ lawˇ ya uˆ ceuꞈ deˇ laˇ ngeh, zaw nya-eu aˇ lawˇ ceuꞈ doˆ leꞈ tehꞈ-a.

Iˇsaˬyaˇ 14:29 Referans Kwoze

Iˇsaˬyaˇ 30:6

Heu-aˬ, laꞈ oˆ paw kʼaˇ shuiꞈ deh yaˇ-ahˇ jawˇ-eu, jeˬ zaˬ deuˬ-ahˇ taꞈ-eu Miˬyehˇ-euˬ dawˬ meh. “Aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ deuˬ jawˇ duˬ, zaw nya-eu byaˆ yahˬ deuˬ gaˆ dzaˬ luꞈ-eu guˆ laˇ paˬ-ehˇ gʼeh-eu jawˇ duˬ tiˬ tsahˇ-ahˇ, miˇ kʼahˬ tsawˇ kaˬ geuꞈ-eu deuˬ cah tsehˆ luꞈ-eu meh. Aˬ yawꞈ maꞈ-ahˇ ngehˬ maˬ gʼeh nehˬ nya-eu tsawˇ jeuˬ gʼaˇ duˬ, aˇ poeˬ kʼaˆ dui dui-eu laꞈ sawˬ deuˬ-ahˇ, mahˬ tahˬ laˆ neh tawˬ-awˇ cah luꞈ-eu meh.

Iˇsaˬyaˇ 11:8

Zaˬ nahˬ aˇ lawˇ byoe dawˬ peh aˬ mui mui nya-awˇ, doꞈ kʼaˆ-eu aˇ lawˇ uˇ-eu byoe-ahˇ, zaˬ yaw nyiˇ deuˬ beuˬ niˇ gʼa nya tehꞈ-a.

2 Laˬsaˬbaˬ 26:6

Piˇliˇtiˆ tsawˇ haˬ deuˬ-ahˇ aˬ yawꞈ guiˇ deuˆ-awˇ, Gaˬdaˇ meuˬ, Jmˬnyaˬ meuˬ hawˇ-eu Aˬshaˬdoˇ meuˬ heu deuˬ-euˬ meuˬ meuˬ lahˇ deuˬ-ahˇ aˬ yawꞈ laˆ byaˆ jiˇ-awˇ, Aˬshaˬdoˇ meuˬ dawˬ peh hawˇ-eu Piˇliˇtiˆ miˇ kʼahˬ doe ni ziꞈ dah ni gʼeh-eu meuˬ deuˬ aˬ yawꞈ tsoˆ-euˬ meh.

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Miˇkaˬ 7:8

Muiˇ-eu deuˬ aˬ dui-ahˇ aˬ jaꞈ maˬ paˇ jaꞈ nya meh. Aˬ dui coˬ-iˇ gʼaˬ-euˬ kʼawꞈ tiˬ poˆ paˇ tuˇ laˇ tehꞈ-a. Nymˬ-mˇ aˬ dui yaw zahˇ laꞈ kʼoeˇ ya jawˇ kʼawꞈ, Sahˬpaˬ Miˬyehˇ aˬ dui-ahˇ yaw shehꞈ biꞈ laꞈ tehꞈ-a.

Aaˇbaˬdiˇ 1:12

Nawˬ-euˬ aˬ yuiꞈ aˬ nyiˇ pyeuꞈ-eu, Yuˇdaˆ miˇ kʼahˬ shaˬ zahˬ mˇ gaˇ, nawˇ nui kʼahˇ shiˇ-eu maˬ tsaˬ-a. Aˬ yawꞈ maꞈ luˬ-iˇ seˇ-iˇ ngeh, nawˇ laˬ kʼaˬ cehˇ-eu maˬ tsaˬ-a. Aˬ yawꞈ maꞈ noeˬ dui noeˬ duiˇ ngeh, nawˇ uiˇ haw nehˬ-eu maˬ tsaˬ-a.

Hawˇseˬ 9:1

Iˇsaˬleˬlaˆ tsawˇ haˬ deuˬ-oˇ, lawˇ ciꞈ zaˬ deuˬ byawˬ-eu loꞈ-ehˇ, bawˬ-iˬ gʼeh-eu jeˬ byehˇ dzeh jiˇ-awˬ. Naw maꞈ Miˬyehˇ-ahˇ byehˇ dzeh-awˇ, aˬ yawꞈ-ahˇ saˇ jaˇ maˬ ziꞈ-ehˇ, meh maˬ laˇ geuꞈ dzaˬ-eu loꞈ-ehˇ, miˇ kʼahˬ doe ni naw maꞈ gʼawˇ mawˇ, Baˬlaˇ miˬyehˇ-ahˇ ahˬ dzaˬ-awˇ, yawꞈ biꞈ laꞈ-euˬ lehˇ noeˬ-eu, cehˇ-ahˇ naw maꞈ nui kʼahˇ jaˆ meh.

Yeˬsaˬgeˬlaˇ 35:15

Ngaˬ-euˬ Iˇsaˬleˬlaˆ miˇ kʼahˬ luˬ-iˇ seˇ-iˇ-euˬ gaˇ nawˇ laˬ kʼaˬ cehˇ-euˬ loꞈ-ehˇ, nawˬ-ahˇ ngaˇ jahˇ poˆ nehˬ ma. Siˇyaˆ gawˬ jawˬ deuˬ hawˇ-euˬ, Eˬdoˬ miˇ kʼahˬ kʼahˬ lah ni ciˬ cuˇ ni gʼeh-eu bawˇ tsahˬ bawˇ dahˇ pyeuꞈ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, tsawˇ haˬ yawˬ gʼaˬ na luꞈ ya siˬ duˬ tehꞈ-a.”

Yeˬsaˬgeˬlaˇ 26:2

“Tsawˇ haˬ zaˬ-oˇ, Duˇlu meuˬ-ahˇ jawˇ-eu tsawˇ haˬ deuˬ laˬ kʼaˬ cehˇ-awˇ, heu loꞈ-ehˇ guˇ luꞈ meh. ‘Yeˬluˇsaˬlehˬ meuˬ pyaˆ-iˇ gʼaˬ meh. Aˬ yawꞈ jeˬ gaꞈ jeˬ ka maˬ paˇ gʼeh nya ehˇ, aˬ dui tehꞈ-ehˇ nui kʼahˇ tiˬ shiˇ ya gaꞈ ya ka-eu ngaˇ’ lehˇ guˇ luꞈ meh.

Dawqdaq 24:17

Nawˬ-ahˇ muiˇ-eu deuˬ kʼoeˇ taˆ guˆ-eu gaˆ-eu jeˬ keuˆ le ngeh laˬ kʼaˬ taˬ cehˇ. Aˬ yawꞈ sahˬ tiꞈ tiꞈ gaˇ laꞈ kʼawˆ taˬ tehˆ caw.

2 Laˬsaˬbaˬ 28:18

Aˬ yawꞈ kʼoeˇ yamˬ-ahˇ, nahˇ ma ga kʼehˬ paw gawˬ jawˬ dawˬ dahˬ-ahˇ jaˆ-eu meuˬ deuˬ hawˇ-eu Yuˇdaˆ miˇ kʼahˬ laꞈ oˆ paw dzaˬ-ahˇ jaˆ-eu meuˬ deuˬ-ahˇ, Piˇliˇtiˆ tsawˇ haˬ deuˬ uˇ laˇ-awˇ guiˇ deuˆ-euˬ meh. Behˬsheˬmehˇ meuˬ, Aiˬjaˬloˬ meuˬ, Geˬdeˬlawˇ meuˬ heu deuˬ hawˇ-eu, Sawˇkawˇ meuˬ, Tmˇnahˬ meuˬ hawˇ-eu Gmˇzoˬ meuˬ heu deuˬ-ahˇ, tahˬ gʼoꞈ tahˬ jawˇ jaˆ-eu pu deuˬ ahˇ leˇ-ehˇ, aˬ yawꞈ maꞈ deuˆ gʼaˬ-awˇ, jawˇ geuꞈ-euˬ meh.

2 Sahˬpaˬ 18:8

Piˇliˇtiˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ-awˇ, Gaˬzaˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jaˆ-eu pu pu zaˬ tiˬ pu-ahˇ neh meuˬ meuˬ ma tiˬ meuˬ-ahˇ keuˆ ni, aˬ yawꞈ maꞈ kʼaˇ jawˇ gaˇ guiˇ deuˆ-euˬ meh.

Yawˇshuˆ 13:3

laꞈ oˆ paw pyawˬ-ahˇ jaˆ ka gʼeh-euˬ Aˬbymˬ miˇ kʼahˬ kʼahˬ lah ni meh. (Iˇjiˇtuˆ miˇ kaˬ-ahˇ jaˆ-eu Shiˇhoˬ lawˇ gawˆ-ahˇ neh, laꞈ taˆ paw Eˇkaˬloˬ miˇ kaˬ-ahˇ keuˆ ni, Kaˬnaˬ tsawˇ haˬ deuˬ-euˬ jawˇ duˬ meh. Piˇliˇtiˆ sahˬ paˬ deuˬ-aˬ, Gaˬzaˬ meuˬ, Aˬshaˬdoˇ meuˬ, Aˬshaˇgaˬloˇ meuˬ, Gaˬdaˇ meuˬ, Eˇkaˬloˬ meuˬ heu deuˬ-ahˇ jawˇ-euˬ meh.)

Bawˇtsahˬ 21:8

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˬ shuiˇ aˇ lawˇ mawˇ kawˇ tiˬ kawˇ tehˆ-awˇ, daˇ kawˬ ka tuˇ-awˇ bi ceuˬ-awˬ. Aˇ lawˇ kʼaˇ bi toˆ-euˬ tsawˇ haˬ deuˬ kʼoeˇ gaˇ haw ngeh, taˬ leˇ tehꞈ-a.”

Iˇsaˬyaˇ 2:6

Miˬyehˇ-oˇ, Yaˬkoˆ-euˬ zaˬ deuˬ uˆ deuˬ pyeuꞈ-eu, nawˬ-euˬ tsawˇ haˬ deuˬ-ahˇ nawˇ byehˇ dzeh-euˬ meh. Aˬ jeˬ miˇ neh ehˇ naˇ, nahˇ ma doˆ kʼehˬ miˇ kʼahˬ paw neh oe-euˬ nyiˇ paˬ shiˇ-eu zahˇ hawˇ-eu, Piˇliˇtiˆ tsawˇ haˬ deuˬ ja maw maw-eu zahˇ-ahˇ, aˬ yawꞈ maꞈ mˇ dui dui luꞈ-eu uˬ taꞈ, aˬ cawˬ tsawˇ jeuˬ nehˬ-ehˇ laꞈ tsaꞈ tsaꞈ tehˬ-awˇ dehꞈ-eu meh.

Iˇsaˬyaˇ 11:14

Ehˇ kʼawꞈ, aˬ yawꞈ maꞈ nui ma gm-eu laꞈ kʼoeˇ, nahˇ ma ga kʼehˬ paw-euˬ Piˇliˇtiˆ tsawˇ haˬ-ahˇ guiˇ deuˆ-awˇ, nahˇ ma doˆ kʼehˬ paw jawˇ-eu tsawˇ haˬ deuˬ-euˬ pyuˇ shuiˇ deuˆ geuꞈ tehꞈ-a. Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬmoˬ miˇ kʼahˬ aˬ yawꞈ maꞈ-euˬ laꞈ oꞈ awꞈ tehꞈ-a.

Iˇsaˬyaˇ 14:31

Meuˬ lahˇ kʼehˬ-oˇ, guˇ-awˬ. Meuˬ-oˇ, ngoeˇ-awˬ. Piˇliˇtiˆ tsawˇ haˬ deuˬ-oˇ, guˆ dui dui-awˬ. Laꞈ taˆ paw pyawˬ-ahˇ uˬ kʼoeˬ du doˆ laˇ luꞈ-eu kʼoeˇ, guiˇ maꞈ maꞈ ma pyeuꞈ-awˇ, guˆ-eu nui ma ahˇ-eu tiˬ gʼaˬ-iˬ maˬ keuˬ-a.

Yeˬlaˬmiˇ 47:1

Iˇjiˇtuˆ sahˬ paˬ Gaˬzaˬ meuˬ-ahˇ guiˇ maˬ deuˆ mi naˆ-ehˇ Piˇliˇtiˆ miˇ kʼahˬ-ahˇ taꞈ leˇ-eu Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Ngoeˇ dawˬ 2:17

Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.

Yeˬsaˬgeˬlaˇ 25:15

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. Piˇliˇtiˆ tsawˇ haˬ deuˬ-aˬ, aˇ hu ba neh muiˇ luꞈ-eu tsawˇ jeuˬ-ahˇ laꞈ poˆ poˆ kʼoꞈ nehˬ-awˇ, bye dui dui-eu laꞈ kʼoeˇ laˆ cawˆ nehˬ-euˬ meh.

Yawˇlaˆ 3:4

“Duˇlu meuˬ, Siˇdoˬ meuˬ hawˇ-eu, Piˇliˇtiˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ-oˇ, naw maꞈ ngaˬ-ahˇ aˬ jeˬ jahˇ-eu lehˇ gʼeh te. Naw maꞈ ngaˬ-ahˇ tiˬ jeˬ paˬ jahˇ kʼoꞈ-eu lehˇ gʼeh te loˇ. Jahˇ kʼoꞈ ma lehˇ ngeuˇ naˇ, naw maꞈ neh kʼaˇ jahˇ-euˬ jeˬ naw maꞈ-euˬ uˬ duˬ kʼoeˇ taˆ yaw kawˇ-ehˇ paˇ keuˆ le ni ngaˇ jahˇ poˆ ma.

Aˬmoˆ 1:6

Sahˬpaˬ Miˬyehˇ ehˇ-eu, “Gaˬzaˬ meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni aˬ yawꞈ maꞈ nyehꞈ gʼeh-awˇ, aˬ cawˬ zaˬ kʼaˆ bi geuꞈ-eu gʼaˇ duˬ Eˬdoˬ miˇ kʼahˬ-ahˇ ahˬ dzaˬ-iˇ-euˬ meh.

Aˬmoˆ 1:8

Aˬshaˬdoˇ meuˬ hawˇ-eu Aˬshaˇgaˬloˇ meuˬ-ahˇ uˆ lahˇ-eu tsawˇ haˬ deuˬ-ahˇ ngaˇ coeˇ tsehˆ ma. Eˇkaˬloˬ meuˬ-ahˇ ngaˇ kʼehˬ nehˬ kʼaˆ nehˬ-awˇ, kʼaˇ dzeˇ yaꞈ-euˬ Piˇliˇtiˆ tsawˇ haˬ dawˬ tawˆ luꞈ ya shiˇ tehꞈ-a.”

Zeˬpaˬniˇ 2:4

Gaˬzaˬ meuˬ tsawˇ haˬ maˬ jawˇ-ehˇ, Aˬshaˇgaˬloˇ meuˬ byoˆ-iˇ meh. Aˬshaˬdoˇ meuˬ-ahˇ jawˇ-eu deuˬ, nah kʼoeˆ laꞈ kʼoeˇ bi teh byoˆ-awˇ, Eˇkaˬloˬ meuˬ-ahˇ jawˇ-eu deuˬ, meuˬ laꞈ nyiˇ bi teh dzeh tehꞈ-a.

Zeˬpaˬniˇ 2:5

Laˆ shaˆ lawˇ deh tiˬ li jawˇ-eu, naw maꞈ Piˇliˇtiˆ tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Sahˬpaˬ Miˬyehˇ yaˇ kʼaˬ daˇ-awˇ, tiˬ gʼaˬ-iˬ maˬ bi dzeuˇ-iˇ ni, laˆ cawˆ nehˬ gaˇ ya daˬ tehꞈ-a.

Zaˬkaˬliˇ 9:5

Kʼoeˇ loˇ pyeuꞈ laˇ-euˬ gaˇ mawˇ ngeh, Aˬshaˇgaˬloˇ meuˬ guˆ-iˇ-awˇ, Gaˬzaˬ meuˬ shaˬ zahˬ naꞈ leˇ-awˇ, Eˇkaˬloˬ meuˬ laˇ baˇ-iˇ-awˇ, noeˬ tmˬ-euˬ jeˬ byoˆ jiˇ tehꞈ-a. Gaˬzaˬ meuˬ sahˬ paˬ maˬ baw-ehˇ, Aˬshaˇgaˬloˇ byoˆ-iˇ tehꞈ-a.