Iˇsaˬyaˇ 14:19 - Akha

¹⁹ Ehˇ kʼawꞈ, nawˇ lmˬ bymˇ maˬ baw-ehˇ, aˇ yamˬ maˬ keuˆ miˇ-ahˇ yoeˇ dzeh-euˬ zaˬ loꞈ-ehˇ, baꞈ dzeh-awˇ bi buꞈ-iˇ-euˬ meh. Nawˬ-euˬ kʼoeˇ taˆ shiˇ daˆ taˬ-euˬ, mi cehˇ kʼehˬ-ahˇ shiˇ-euˬ yehˇ deuˬ nehˬ-ehˇ, lo gahˬ lo guˇ duˬ kʼahˬ laꞈ kʼoeˇ bi baꞈ ahˇ-awˇ, aˬ cawˬ neh bi nawˬ pahˬ-euˬ meh.

Iˇsaˬyaˇ 14:19 Referans Kwoze

Yeˬlaˬmiˇ 41:9

Iˇshaˬmeˬlaˇ neh sehꞈ-euˬ tsawˇ haˬ kʼoeˇ deuˬ biˬ ahˇ-euˬ lah duˬ kʼoeˇ duˬ-aˬ, sahˬ paˬ Aˬsaˬ-ahˇ Iˇsaˬleˬlaˆ sahˬ paˬ Bawˬshaˬ guiˇ deuˆ le ngeh, Aˬsaˬ neh duˬ-euˬ lah duˬ duˬ ma tiˬ duˬ pyeuꞈ-eu meh. Iˇshaˬmeˬlaˇ neh lah duˬ kʼoeˇ duˬ-ahˇ tsawˇ haˬ baꞈ byah-euˬ meh.

Yeˬlaˬmiˇ 41:7

Aˬ yawꞈ maꞈ meuˬ laꞈ kʼoeˇ uˇ laˇ-euˬ nehˬ-ehˇ, Iˇshaˬmeˬlaˇ hawˇ-eu aˬ yawꞈ-euˬ tsawˇ haˬ deuˬ neh aˬ yawꞈ maꞈ-ahˇ sehꞈ-awˇ, lah duˬ-ahˇ biˬ ahˇ-euˬ meh.

Yeˬsaˬgeˬlaˇ 32:23

Aˬ yawꞈ maꞈ dawˬ tawˆ luꞈ guiˇ deuˆ-awˇ shiˇ-euˬ meh. Aˬ yawꞈ maꞈ-euˬ lmˬ bymˇ-aˬ, shiˇ-eu miˇ kʼahˬ laꞈ kʼoeˇ aˬ cawˬ naˆ maˬ tseˇ naꞈ gaˇ jaˆ-eu meh. Aˬ yawꞈ-euˬ yehˇ deuˬ dawˬ tawˆ luꞈ, guiˇ deuˆ gaˇ bi sehꞈ jiˇ-awˇ, aˬ yawꞈ-euˬ lmˬ bymˇ tiˬ jawˬ aˬ yawꞈ maꞈ-euˬ lmˬ bymˇ jaˆ-eu meh. Dehꞈ-eu miˇ kʼahˬ laꞈ kʼoeˇ, aˇ hu aˬ yawꞈ maꞈ-ahˇ guˆ dui dui-euˬ meh.

Yeˬlaˬmiˇ 22:19

Mahˬ tahˬ laˆ shiˇ ngeh gʼeu dzeh-eu loꞈ-ehˇ, Yeˬluˇsaˬlehˬ meuˬ-euˬ lahˇ kʼehˬ laꞈ nyiˇ, aˬ yawꞈ-ahˇ gʼeu dzeh ha tehꞈ-a.”

Yeˬlaˬmiˇ 16:6

Miˇ kʼahˬ heu kʼahˬ laꞈ kʼoeˇ jawˇ-eu smˇ muiˬ iˇ shaˬ dawˬ tawˆ luꞈ ya shiˇ-awˇ, baꞈ pahˬ nehˬ-eu gʼaˬ maˬ jawˇ-ehˇ, tsawˇ ngoeˇ ngoeˇ nehˬ-eu gʼaˬ kʼawꞈ maˬ jawˇ ni pyeuꞈ-iˇ tehꞈ-a. Yawˬ ha-euˬ gʼawˇ mawˇ laˆ tahˬ laˆ naˇ-eu jeˬ mˇ-eu laꞈ kʼoeˇ maˬ ehˇ, uˬ duˬ jehˆ dzeh-eu laꞈ kʼoeˇ maˬ ehˇ, noeˬ shaˬ dui dui-eu gaˇ kawˆ bi siˬ bi mawˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

2 Sahˬpaˬ 9:25

Yeˬhuˇ-euˬ gʼaˬ zaˬ pyeuꞈ-eu Biˇdaˬkaˬ-ahˇ Yeˬhuˇ ehˇ nehˬ-eu, “Yoˇlamˬ-ahˇ baꞈ-awˇ, Naˬboˆ-euˬ deh yaˇ-ahˇ baꞈ dzeh-iˇ-awˬ. Sahˬ paˬ Yoˇlamˬ-euˬ aˬ da sahˬ paˬ Aˬhaˆ-euˬ mehˬ nah aˇ nyaꞈ mahˬ dziˬ-awˇ cah ngeh, Sahˬpaˬ Miˬyehˇ neh Aˬhaˆ-ahˇ ehˇ nehˬ-euˬ dawˬ-ahˇ nawˇ maˬ noeˬ nya loˇ.

1 Sahˬpaˬ 21:24

Nawˬ-euˬ aˬ yuiꞈ aˬ nyiˇ meuˬ laꞈ kʼoeˇ kʼaˇ shiˇ-euˬ deuˬ-ahˇ aˬ kuiˬ dzaˬ-awˇ, bawˇ tsahˬ-ahˇ kʼaˇ shiˇ-euˬ deuˬ-ahˇ jeˬ shiˇ kʼaˬ dzeˇ dzaˬ tehꞈ-a.”

1 Sahˬpaˬ 21:19

Sahˬpaˬ Miˬyehˇ pyeuꞈ-eu ngaˇ aˬ yawꞈ-ahˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw sahˇ gʼaˬ-ahˇ sehꞈ-euˬ uˬ taꞈ, aˬ gaꞈ yaˇ kmˇ kʼawꞈ nawˇ paˇ tsaˬ geuꞈ-eu lehˇ gʼeh te loˇ’ lehˇ ngaˇ ehˇ-eu meh lehˇ ehˇ nehˬ-awˬ. ‘Naˬboˆ-euˬ shiˬ-ahˇ aˬ kuiˬ myeuꞈ-euˬ tsahˇ-ahˇ, nawˬ-euˬ shiˬ-ahˇ kʼawꞈ aˬ kuiˬ myeuꞈ tehꞈ-a’ lehˇ ngaˇ ehˇ-eu meh lehˇ ehˇ nehˬ-awˬ.”

Iˇsaˬyaˇ 5:25

Kʼoeˇ miˇ neh, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ kʼehˬ-eu lehˇ aˬ laꞈ cawˬ doˆ ngeh, gawˬ jawˬ deuˬ luˆ luˆ-ehˇ pyeuꞈ laˇ-awˇ, meuˬ-euˬ lehˆ kawˆ doe ni aˬ yawꞈ maꞈ shiˇ uiˬ taˬ-awˇ, mˇ myawˬ yaw cehˇ byaˆ dzeh taˬ-euˬ loꞈ-ehˇ ga tehꞈ-a. Ehˇ kʼawꞈ, Sahˬpaˬ Miˬyehˇ nui ma pehˇ-eu maˬ taˬ leˇ-ehˇ, aˬ laꞈ maˬ cawˬ kʼoꞈ ni bi jaˆ tehꞈ-a.

Iˇsaˬyaˇ 13:15

Kʼaˇ bi teh miˇ-euˬ deuˬ gahˬ neh bi tsawˆ sehꞈ-awˇ, kʼaˇ bi nyehꞈ mi-euˬ deuˬ mi cehˇ neh bi sehꞈ jiˇ tehꞈ-a.

Iˇsaˬyaˇ 14:18

Miˇ kʼahˬ tsawˇ jeuˬ kʼoeˇ taˆ sahˬ paˬ kʼaˇ geuꞈ-euˬ deuˬ, kʼahˬ sehˇ jaˆ-eu lmˬ bymˇ baw meh.

Iˇsaˬyaˇ 34:3

Aˬ yawꞈ maꞈ shiˇ-awˇ baꞈ dzeh-euˬ, yaw buꞈ yoˆ yoˆ-ehˇ ya ga-awˇ, gawˬ jawˬ-ahˇ shiˬ neˇ tseuˆ ni jaˆ tehꞈ-a.

Yeˬlaˬmiˇ 51:4

Aˬ yawꞈ maꞈ bi deuˆ tahˬ bi deuˆ naˇ jiˇ-awˇ, aˬ yawꞈ maꞈ-euˬ meuˬ deuˬ laꞈ kʼoeˇ, gaˇ ma doe ni ya shiˇ tehꞈ-a.

Yeˬsaˬgeˬlaˇ 32:27

Aˇ hu nui ma kʼaˬ duˬ ni gʼeh-eu aˬ yuiꞈ aˬ tsu deuˬ shiˇ-eu miˇ kʼahˬ-ahˇ iˇ ngeh, mi cehˇ-ahˇ mˬ gʼmˬ bi gʼmˬ-awˇ, gʼawˇ mawˇ-ahˇ dehˬ daˬ duˬ dehˬ kaˬ nehˬ-eu laꞈ kʼoeˇ, guiˇ deuˆ-eu keu ka tiˬ kuꞈ hehˇ-awˇ bi iˇ-euˬ meh. Ehˇ kʼawꞈ, aˬ yawꞈ nyaꞈ-ahˇ duˬ pahˬ nehˬ ngeh kʼoeˇ loꞈ-ehˇ maˬ jahˇ nehˬ-aˬ. Nui ma kʼaˬ duˬ ni gʼeh-eu aˬ yuiꞈ aˬ tsu kʼoeˇ deuˬ-ahˇ, dehꞈ-eu miˇ kʼahˬ-ahˇ jawˇ ngeh aˬ cawˬ guˆ dui dui-euˬ meh.