Iˇsaˬyaˇ 11:15 - Akha

¹⁵ Iˇjiˇtuˆ miˇ kʼahˬ-euˬ laˆ shaˆ lahˇ gʼoꞈ-ahˇ, Sahˬpaˬ Miˬyehˇ bi gui-iˇ-awˇ, Uˇpaˬlaˇ lawˇ baˬ tsiˇ-iˇ ni, aˬ yawꞈ jaˬ lehˇ yaw lahˇ bi baw-euˬ miˇ neh, tsawˇ haˬ yawˬ gʼaˬ na luꞈ tsehˆ doˆ nya-eu gawˆ laꞈ shiꞈ gawˆ tehꞈ-ehˇ dzeˇ laˇ tehꞈ-a.

Iˇsaˬyaˇ 11:15 Referans Kwoze

Zaˬkaˬliˇ 10:11

Shaˬ zahˬ laˆ shaˆ yawꞈ maꞈ tsehˆ ngeh, Sahˬpaˬ Miˬyehˇ pyeuꞈ-eu ngaˇ gʼaˬ, iˇ luˆ dzeh gaˇ daˇ cuiˇ zuiˆ-awˇ, naꞈ-eu Niˬlaˇ lawˇ baˬ baˬ ma, gui coˇ ni ya tsiˇ leˇ tehꞈ-a. Aˬshuˇliˆ nui ma ga juˬ-awˇ, Iˇjiˇtuˆ gʼaˬ baˬ-iˇ tehꞈ-a.

Panmaeq 16:12

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo Uˇpaˬlaˇ lawˇ baˬ baˬ ma-ahˇ shehˆ daˆ-euˬ meh. Kʼoeˇ ngeh, nahˇ ma doˆ kʼehˬ paw neh oe-euˬ sahˬ paˬ deuˬ oe tsehˆ nya ni lawˇ baˬ gui-iˇ-euˬ meh.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Iˇsaˬyaˇ 19:16

Iˇjiˇtuˆ tsawˇ haˬ deuˬ zaˬ miˬ zaˬ loꞈ-ehˇ nui ma baˬ-iˇ-eu aˇ nah keuˆ le tehꞈ-a. Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˇ duˬ Sahˬpaˬ Miˬyehˇ aˬ laꞈ cawˬ ja taˬ-euˬ gaˇ ya mawˇ ngeh, aˬ yawꞈ maꞈ guˆ-awˇ yaw dzuˬ dzuˬ tehꞈ-a.

Yeˬsaˬgeˬlaˇ 30:12

Niˬlaˇ lawˇ baˬ ngaˇ laˆ tsiˇ-awˇ, haiˬ-eu tsawˇ haˬ deuˬ-euˬ laꞈ-ahˇ, miˇ kʼahˬ kʼoeˇ kʼahˬ ahˬ ahˇ nehˬ ma. Aˬ cawˬ tsawˇ jeuˬ aˬ laꞈ laꞈ kʼoeˇ, miˇ kʼahˬ kʼoeˇ bi laˆ byoˆ meh lehˇ, Ngaˇ Sahˬpaˬ Miˬyehˇ ehˇ-eu ma.”

Yeˬsaˬgeˬlaˇ 29:10

Nawˇ hawˇ-eu nawˬ-euˬ Niˬlaˇ lawˇ baˬ-ahˇ ngaˇ muiˇ-eu ma. Laꞈ taˆ paw Miˇgaˬdawˇlaˆ meuˬ-ahˇ neh, laꞈ oˆ paw Aˬsaˬgʼawˬ meuˬ-ahˇ keuˆ ni, Suˬdaˬ miˇ kaˬ-ahˇ iˇ-eu gaˇ ma doˆ coˆ-ehˇ, Iˇjiˇtuˆ miˇ kʼahˬ kʼahˬ lah ni bi cawˆ-iˇ ma.

Iˇsaˬyaˇ 7:20

“Aˇ nah aˇ yamˬ kʼoeˇ yamˬ keuˆ le ngeh, uˬ jehˆ jehˆ-eu tsawˇ haˬ tiˬ gʼaˬ kuˇ ahˇ leꞈ-eu loꞈ-ehˇ, Uˇpaˬlaˇ lawˇ baˬ nui baˬ paw jawˇ-eu Aˬshuˇliˆ sahˬ paˬ-ahˇ Sahˬpaˬ Miˬyehˇ kuˇ ahˇ leꞈ-awˇ, nawˬ-euˬ uˬ duˬ tsehˇ kahˇ maˬ ehˇ, mehˬ mahˬ maˬ ehˇ, mawˬ gʼaw caꞈ hm deuˬ maˬ ehˇ, nawˬ-euˬ gʼawˇ mawˇ-ahˇ kʼaˇ tsoꞈ-eu caꞈ hm dawˬ tawˆ luꞈ, aˬ yawꞈ neh bi jehˆ dzeh jiˇ tehꞈ-a.

Doˆ-iˇ 14:21

Iˬ ma laˆ shaˆ kʼoeˇ taˆ Moˇseˬ aˬ laꞈ cawˬ ja ngeh, Sahˬpaˬ Miˬyehˇ nahˇ ma doˆ kʼehˬ paw neh jaˬ lehˇ lehˇ ma bi baw gʼeh leꞈ-awˇ, iˬ ma laˆ shaˆ iˇ cuꞈ bi baw kʼoꞈ gʼeh-euˬ meh. Jaˬ lehˇ kʼoeˇ bahˬ uˬ ciꞈ miˇ lah-ehˇ baw-euˬ miˇ neh, iˇ cuꞈ nyiˬ paˆ-ehˇ paˆ-iˇ-awˇ, iˬ ma laˆ shaˆ gui coˇ ni pyeuꞈ-iˇ-euˬ meh.

Doˆ-iˇ 14:29

Ehˇ kʼawꞈ, Iˇsaˬleˬlaˆ tsawˇ haˬ deuˬ-aˬ, kaˇ pyawˇ loꞈ-ehˇ nyiˬ paw paˆ luꞈ iˇ cuꞈ dahˬ goˇ taˬ-euˬ gʼahˇ ceh, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ cehˆ doˆ-euˬ meh.

Iˇsaˬyaˇ 8:7

Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ Aˬshuˇliˆ sahˬ paˬ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ sheuˬ ka leꞈ-awˇ, Yuˇdaˆ miˇ kʼahˬ-ahˇ guiˇ bi deuˆ le ma. Uˇpaˬlaˇ lawˇ baˬ iˇ jeuˬ oe ngeh lawˇ deh maˬ mawˇ laˇ-eu loꞈ-ehˇ, Aˬshuˇliˆ guiˇ maꞈ deuˬ yoeˇ gʼeh leꞈ tehꞈ-a.

Iˇsaˬyaˇ 43:16

Aˇ hu iˬ ma laˆ shaˆ laꞈ kʼoeˇ, Sahˬpaˬ Miˬyehˇ gaˇ ma jahˇ-awˇ, iˇ kʼawˇ gʼahˇ ceh gaˇ jawˬ bi dahˇ-euˬ meh.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Iˇsaˬyaˇ 63:12

Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Doˆ-iˇ 14:22

Iˇsaˬleˬlaˆ tsawˇ haˬ deuˬ-aˬ, kaˇ pyawˇ loꞈ-ehˇ nyiˬ paw paˆ luꞈ iˇ cuꞈ dahˬ goˇ taˬ-euˬ gʼahˇ ceh, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ tsehˆ doˆ-euˬ meh.