Iˇsaˬyaˇ 1:7 - Akha

⁷ Naw maꞈ-euˬ miˇ kʼahˬ pu tsoeˬ tsoeˬ jiˇ-awˇ, naw maꞈ-euˬ meuˬ deuˬ miˬ dzaˬ puiˆ byoˆ jiˇ-euˬ nga. Boeˇ miˬ siˬ kʼaˬ deuˬ naw maꞈ-euˬ mehˬ shi, naw maꞈ-euˬ miˇ kʼahˬ laˆ cawˆ-awˇ, yaw muiˬ tiˬ hmˬ-iˬ maˬ dzeˇ ni, neˇ leuꞈ ni jaˆ luꞈ nga.

Iˇsaˬyaˇ 1:7 Referans Kwoze

Ngoeˇ dawˬ 5:2

Nga maꞈ za taˬ-euˬ jeˬ biˇ deuˬ, aˬ cawˬ tsawˇ jeuˬ yuˇ geuꞈ jiˇ-awˇ, nga maꞈ neh tsoˆ-euˬ nymˇ laꞈ kʼoeˇ, boeˇ miˬ siˬ kʼaˬ deuˬ jawˇ luꞈ meh.

Dawˬmehˬ 28:43

“Nawˇ tiˬ jawˇ saˇ-iˬ tiˬ jawˇ gʼaˬ baˬ-iˇ luꞈ ngeh, nawˬ-euˬ miˇ kʼahˬ-ahˇ jawˇ luꞈ-eu boeˇ miˬ siˬ kʼaˬ deuˬ tiˬ jawˇ saˇ-iˬ tiˬ jawˇ gʼaˬ kʼaˆ laˇ tehꞈ-a.

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.

Hawˇseˬ 7:9

Aˬ cawˬ-ahˇ gʼoe-eu baˬ da neh, yawˬ ha-euˬ gʼaˬ-ahˇ teuꞈ laˇ-eu, aˬ yawꞈ maꞈ-ahˇ maˬ siˬ leˇ-a. Aˬ yawꞈ maꞈ-euˬ aˇ nah aˇ yamˬ, gʼawˬ myahˇ maˬ jaˆ ehˇ pyeuꞈ laˇ-euˬ, aˬ yawꞈ maꞈ maˬ noeˬ mawˇ nya-a.

Yeˬsaˬgeˬlaˇ 30:12

Niˬlaˇ lawˇ baˬ ngaˇ laˆ tsiˇ-awˇ, haiˬ-eu tsawˇ haˬ deuˬ-euˬ laꞈ-ahˇ, miˇ kʼahˬ kʼoeˇ kʼahˬ ahˬ ahˇ nehˬ ma. Aˬ cawˬ tsawˇ jeuˬ aˬ laꞈ laꞈ kʼoeˇ, miˇ kʼahˬ kʼoeˇ bi laˆ byoˆ meh lehˇ, Ngaˇ Sahˬpaˬ Miˬyehˇ ehˇ-eu ma.”

2 Laˬsaˬbaˬ 28:5

Aˬ yawꞈ kʼoeˇ loꞈ-ehˇ dehꞈ-eu miˇ neh, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ Suˇliˆ sahˬ paˬ-euˬ aˬ laꞈ laꞈ kʼoeˇ a nehˬ-awˇ, Suˇliˆ sahˬ paˬ neh guiˇ bi deuˆ gʼaˬ-eu laꞈ kʼoeˇ, aˬ yawꞈ-euˬ miˇ kʼahˬ zaˬ gʼawˬ mya ni Daˬmaˬsehˇ meuˬ-ahˇ bi nyehꞈ gʼeh-euˬ meh. Aˬ yawꞈ-ahˇ Iˇsaˬleˬlaˆ sahˬ paˬ-euˬ aˬ laꞈ laꞈ kʼoeˇ tiˬ poˆ paˇ a nehˬ-awˇ, aˬ yawꞈ-euˬ tsawˇ haˬ gʼawˬ mya ni bi deuˆ sehꞈ-awˇ sm dui dui-euˬ meh.

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Yeˬlaˬmiˇ 6:8

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, shaˬ zahˬ heu naw maꞈ-ahˇ maˬ mehˬ paˇ nehˬ nya naˇ, naw maꞈ-ahˇ ngaˇ byehˇ dzeh yaꞈ-awˇ, naw maꞈ-euˬ meuˬ-ahˇ tsawˇ haˬ maˬ jawˇ ni, kʼaˇ shuiꞈ deh ga bi pyeuꞈ-iˇ ma.”

Yeˬlaˬmiˇ 2:15

Aˇ laˬ jaˬ shiˇ loꞈ-ehˇ aˬ yawꞈ maꞈ aˬ yawꞈ-ahˇ lmˬ-awˇ, aˬ yawꞈ-euˬ miˇ kʼahˬ kʼaˇ shuiꞈ deh yaˇ laˆ pyeuꞈ-awˇ, aˬ yawꞈ-euˬ meuˬ deuˬ cawˆ jiˇ-awˇ, meuˬ tsoeˬ tsoeˬ jiˇ-euˬ meh.

Iˇsaˬyaˇ 34:9

Eˬdoˬ miˇ kʼahˬ-ahˇ yoeˇ-eu lawˇ baˬ lawˇ gawˆ deuˬ, miˬ shuˬ miˬ dziˬ pyeuꞈ-iˇ jiˇ-awˇ, miˇ tsaˬ miˬ dzaˇ dzaˇ shuiˇ pyeuꞈ-iˇ jiˇ-euˬ miˇ neh, miˇ kʼahˬ kʼahˬ lah miˬ shuˬ doꞈ-eu loꞈ-ehˇ puiˆ dzaˬ tehꞈ-a.

Iˇsaˬyaˇ 9:5

Guiˇ deuˆ-eu deuˬ nawˬ-eu sehˬ nawˆ hawˇ-eu shiˬ lehꞈ-eu aˬ yawꞈ maꞈ-euˬ mehˬ tsoeˬ miˬ dzaˬ-ahˇ bi dzah puiˆ jiˇ tehꞈ-a.

Iˇsaˬyaˇ 6:11

“Aˇ myah keuˆ ni kʼoeˇ loꞈ-ehˇ jahˇ nehˬ nmˇ” lehˇ, Sahˬpaˬ Miˬyehˇ-ahˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. “Meuˬ deuˬ cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh keuˆ ni, nymˇ laꞈ kʼoeˇ tsawˇ haˬ tiˬ gʼaˬ-iˬ maˬ ya mawˇ-ehˇ, miˇ kʼahˬ kʼahˬ lah-ehˇ ciˬ cuˇ ni pyeuꞈ-iˇ ngeh keuˆ ni, kʼoeˇ loꞈ-ehˇ jahˇ nehˬ ma.

Iˇsaˬyaˇ 5:17

Cawˆ-iˇ taˬ-euˬ meuˬ tsoeˬ laꞈ kʼoeˇ, yawˇ zaˬ deuˬ yaˇ moꞈ tseuˆ dzaˬ-awˇ, ciꞈ myehꞈ ciꞈ zaˬ deuˬ gaˆ kʼaˇ za tehꞈ-a.

Iˇsaˬyaˇ 5:9

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu ngaˇ gaˬ-euˬ ma. “Aˬ diˇ aˬ maˇ nymˇ gʼawˬ mya ni nymˇ tsoeˬ tsoeˬ-iˇ tehꞈ-a. Huiˬ dui muiˬ dui dui-eu nymˇ deuˬ, tsawˇ haˬ maˬ jawˇ ni jaˆ yaꞈ tehꞈ-a.

Jaceuq 107:39

Aˬ cawˬ kʼehˬ nehˬ kʼaˆ nehˬ gaˇ ya daˬ-eu miˇ neh, Miˬyehˇ-euˬ tsawˇ haˬ deuˬ daˬ ga luꞈ ngeh,

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Uˬ duˬ 26:34

Naw maꞈ-euˬ miˇ kʼahˬ-aˬ, ciˬ cuˇ ni jaˆ-eu laꞈ kʼoeˇ gʼaˬ doeˇ naˬ dah tehꞈ-a. Naw maꞈ-ahˇ muiˇ-eu tsawˇ haˬ deuˬ-euˬ miˇ kʼahˬ laꞈ kʼoeˇ naw maꞈ jawˇ luꞈ ngeh, naw maꞈ-euˬ miˇ kʼahˬ laˬ kʼaˬ cehˇ taˆ ni gʼaˬ naˬ naˬ tehꞈ-a.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Dawˬmehˬ 29:23

Naw maꞈ-euˬ miˇ kʼahˬ kʼahˬ lah ni, miˬ dzaˇ dzaˇ shuiˇ hawˇ-eu saˬ deuꞈ tehꞈ-ehˇ byah jiˇ-awˇ, gaˇ dahˇ maˬ tsoeˬ ni pyeuꞈ-iˇ tehꞈ-a. Tiˬ jeˬ-iˬ maˬ ka dzaˬ nya-eu uˬ taꞈ, yaˇ moꞈ kʼawꞈ maˬ dehꞈ ni pyeuꞈ-iˇ tehꞈ-a. Naw maꞈ-euˬ miˇ kʼahˬ-aˬ, Sahˬpaˬ Miˬyehˇ nui ma pehˇ dui dui-eu laꞈ kʼoeˇ laˆ luˬ laˆ seˇ nehˬ-euˬ Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ hawˇ-eu, Zeˬbaiˬ meuˬ heu deuˬ loꞈ-ehˇ pyeuꞈ-iˇ tehꞈ-a.

Jaceuq 109:11

Aˬ yawꞈ-euˬ myawˬ gahˬ dawˬ tawˆ luꞈ aˬ yawꞈ-ahˇ pyuˇ paˇ nehˬ-euˬ gʼaˬ yuˇ kʼoꞈ jiˇ-awˇ, aˬ yawꞈ neh kʼaˇ mˇ doˆ taˬ-euˬ jeˬ-ahˇ boeˇ miˬ siˬ kʼaˬ deuˬ yuˇ geuꞈ jiˇ luꞈ-uˇ.

Iˇsaˬyaˇ 1:8

Yeˬluˇsaˬlehˬ meuˬ tiˬ meuˬ dzeˇ-eu kʼawꞈ, aˬ cawˬ neh bi jawˬ lahˇ taˬ-awˇ, aˬ gaꞈ yaˇ kmˇ-ahˇ gʼawˆ taˬ-euˬ sehˬ gʼawˆ hawˇ-eu siˬ kʼoˬ kʼoˬ yaˇ-ahˇ jaˆ-eu yaˇ cmˇ loꞈ-ehˇ tiˬ jeˬ-iˬ maˬ mˇ doˆ luꞈ-a.

Iˇsaˬyaˇ 3:8

Yeˬluˇsaˬlehˬ meuˬ sahˬ tiꞈ tiꞈ-awˇ, Yuˇdaˆ miˇ kʼahˬ coˬ le-euˬ meh. Aˬ yawꞈ maꞈ ngehˬ-eu tmˇ-eu mˇ-eu shaˇ-eu, Sahˬpaˬ Miˬyehˇ-ahˇ bahˬ leˇ-awˇ, Miˬyehˇ myaˆ pyawˬ-ahˇ kʼaˬ naˆ sawˆ-euˬ meh.

Iˇsaˬyaˇ 9:18

Yaw haiˬ jeˬ miˬ dzaˬ doꞈ doˆ laˇ-awˇ, aˬ gah baw duˆ hawˇ-eu yaˇ saˬ-ahˇ puiˆ tehꞈ-a. Sahˬ kʼaˆ ma-ahˇ doꞈ nyawˬ leˇ-awˇ, uˬ kʼoeˬ mˬ-ahˇ lehˬ yoˆ daˆ leꞈ tehꞈ-a.

Iˇsaˬyaˇ 49:19

“Nawˬ-euˬ miˇ kʼahˬ cawˆ-iˇ-awˇ meuˬ tsoeˬ tsoeˬ-iˇ jiˇ-euˬ kʼawꞈ, jawˇ kʼoꞈ laˇ-eu tsawˇ haˬ myaˬ-eu miˇ neh, miˇ kʼahˬ nyiˇ-iˇ gaˇ duˇ tehꞈ-a. Nawˬ-ahˇ laˆ cawˆ yaꞈ-eu deuˬ-aˬ, gaˇ mahˇ kaˬ gaˇ bi teh byoˆ jiˇ tehꞈ-a.

Iˇsaˬyaˇ 60:15

“Nawˬ-ahˇ bye-awˇ byehˇ dzeh-euˬ kʼawꞈ, meuˬ tsoeˬ bi tsoeˬ-iˇ-awˇ ciˬ cuˇ ni jaˆ-euˬ kʼawꞈ, tsawˇ myahˇ huiˬ-awˇ muiˬ dui dui-eu meuˬ paˇ bi pyeuꞈ laˇ-awˇ, tseˇ ziˇ zaˇ ziˇ laˬ kʼaˬ cehˇ-eu jawˇ duˬ bi pyeuꞈ laˇ ma.

Iˇsaˬyaˇ 62:8

Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ jaˆ-awˇ, aˬ yawꞈ-euˬ baoˬ zmˬ-awˇ saˇ jaˇ kʼoeˇ bi byah laˇ tehꞈ-a. “Muiˇ-eu deuˬ-ahˇ naw maꞈ-euˬ cehˇ maˬ paˇ bi dzaˬ ma. Boeˇ miˬ siˬ kʼaˬ deuˬ-ahˇ naw maꞈ-eu aˬ gaꞈ dzaˇ uiˇ maˬ paˇ bi dawˇ ma.

Iˇsaˬyaˇ 64:10

Nawˬ-euˬ muiˬ-eu shawˇ-eu meuˬ deuˬ, bawˇ tsahˬ bawˇ dahˇ pyeuꞈ jiˇ-euˬ meh. Yeˬluˇsaˬlehˬ hawˇ-eu Ziˇoˬ meuˬ tsoeˬ tsoeˬ-iˇ-euˬ meh.

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 7:34

Miˇ kʼahˬ heu kʼahˬ kʼaˇ shuiꞈ deh ga pyeuꞈ jiˇ tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ lehˆ kawˆ doe ni, byawˬ gʼa-eu teˇ saˇ hawˇ-eu, jiˇ cehˇ gʼeh-awˇ laˬ kʼaˬ cehˇ luꞈ-eu teˇ saˇ deuˬ-ahˇ, ngaˇ bi byoˆ-iˇ jiˇ ma.

Yeˬlaˬmiˇ 44:6

Kʼoeˇ miˇ neh, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni, ngaˇ nui ma pehˇ dui dui-eu jeˬ tahˬ kʼaˇ daˆ nehˬ-awˇ, miˬ dzaˬ bi doˆ laˇ-euˬ ma. Meuˬ kʼoeˇ deuˬ cawˆ-iˇ jiˇ-awˇ, iˬ nah kʼaˇ ya mawˇ-eu loꞈ-ehˇ, guˆ laˇ paˬ-ehˇ pyeuꞈ-iˇ-euˬ meh.

Yeˬsaˬgeˬlaˇ 25:4

Naw maꞈ kʼoeˇ loꞈ-ehˇ laˬ kʼaˬ cehˇ-euˬ miˇ neh, nahˇ ma doˆ kʼehˬ paw jaˆ-eu kʼaˇ shuiꞈ deh yaˇ miˇ kʼahˬ-ahˇ jawˇ-eu tsawˇ jeuˬ deuˬ neh, naw maꞈ-ahˇ guiˇ bi deuˆ gʼaˬ ma. Aˬ yawꞈ maꞈ naw maꞈ-euˬ miˇ kʼahˬ laꞈ kʼoeˇ sehˬ gʼawˆ gʼawˆ-awˇ, jawˇ duˬ dah tehꞈ-a. Naw maꞈ-euˬ aˇ siˬ aˇ lu aˬ yawꞈ maꞈ pyaˆ dzaˬ-awˇ, naw maꞈ-euˬ mawˇ neˇ aˬ coeˇ aˬ yawꞈ maꞈ dawˇ tehꞈ-a.

Miˇkaˬ 5:11

Naw maꞈ-euˬ miˇ kʼahˬ laꞈ kʼoeˇ jaˆ-eu meuˬ deuˬ-ahˇ ngaˇ laˆ cawˆ-awˇ, ziꞈ dah ni tsoˆ taˬ-euˬ taˆ deuˬ-ahˇ ngaˇ laˆ byaˆ ma.

Miˇkaˬ 6:13

Naw maꞈ-euˬ iˬ baˇ baˬ da neh naw maꞈ ya piˬ ya byoˆ-iˇ ni ngaˇ mˇ dahˬ beh gʼaˬ-euˬ ma.