Iˇsaˬyaˇ 1:28 - Akha

²⁸ Ehˇ kʼawꞈ, puiˬ-eu deuˬ hawˇ-eu iˬ baˇ mˇ-eu deuˬ, tiˬ kawˆ loꞈ-ehˇ bi laˆ cawˆ-awˇ Sahˬpaˬ Miˬyehˇ-ahˇ byehˇ dzeh-euˬ deuˬ, bi laˆ meh jiˇ tehꞈ-a.

Iˇsaˬyaˇ 1:28 Referans Kwoze

Jaceuq 1:6

Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Yawˇbaˆ 31:3

Mˇ lehˬ shaˇ lehˬ-euˬ tsawˇ haˬ deuˬ kʼoeˇ taˆ, luˬ-iˇ seˇ-iˇ-eu jeˬ aˬ yawꞈ bi keuˆ le-euˬ meh.

2 Beˬtuˆluˆ 3:7

Ehˇ kʼawꞈ, nymˬ-mˇ jaˆ luꞈ-eu mˬ hawˇ-eu miˇ heu deuˬ kʼawꞈ, Miˬyehˇ-euˬ dawˬ aˬ yawꞈ tiˬ dawˬ neh maˬ bi cawˆ-iˇ ni jeˬ hmˬ daˆ laꞈ-euˬ jeˬ pyeuꞈ-eu meh. Kʼoeˇ-aˬ, miˬ dzaˬ neh paˇ bi laˆ cawˆ-eu gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh. Miˬyehˇ-ahˇ yaw zeu maˬ baw-eu tsawˇ haˬ deuˬ-ahˇ yaˇ kʼaˬ daˇ nehˬ-awˇ laˆ luˬ laˆ seˇ nehˬ-eu aˇ nah kʼoeˇ nah gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Iˇsaˬyaˇ 66:24

“Aˬ yawꞈ maꞈ gʼoꞈ doˆ-iˇ ngeh, ngaˬ-ahˇ puiˬ-eu tsawˇ haˬ deuˬ shiˇ taˬ-awˇ ga gaˇ ya mawˇ tehꞈ-a. Aˬ yawꞈ maꞈ-ahˇ dzaˬ-eu buˬ joe deuˬ shiˇ-eu maˬ baw-ehˇ, aˬ yawꞈ maꞈ-ahˇ puiˆ-eu miˬ dzaˬ miˆ-iˇ-eu maˬ baw-a. Aˬ yawꞈ maꞈ-aˬ, miˇ tsaˬ zaˬ dawˬ tawˆ luꞈ gʼaˇ duˬ jawꞈ dui dui-eu jeˬ pyeuꞈ tehꞈ-a.”

Iˇsaˬyaˇ 65:11

“Ehˇ kʼawꞈ, ngaˬ-euˬ muiˬ-eu shawˇ-eu Ziˇoˬ gawˬ duˇ-ahˇ ngehˇ byoˆ-awˇ, ngaˬ-ahˇ byehˇ dzeh yaꞈ-eu laꞈ kʼoeˇ, lahˬ hawˇ-eu dawˇ-euˬ dah zaˇ dah-eu Gaˆ miˬ yehˇ hawˇ-eu Meˬniˇ miˬ yehˇ-ahˇ gʼoe-eu naw maꞈ deuˬ gʼaˇ duˬ, yawˬ jeˬ yawˬ lehˬ hmˬ taˬ-euˬ ma.

Iˇsaˬyaˇ 50:11

Aˬ cawˬ-ahˇ yaw cawˆ jeˬ mˇ-eu naw maꞈ dawˬ tawˆ, yawˬ ha cawˆ-iˇ ni mˇ luꞈ-eu tehꞈ meh. Kʼoeˇ loꞈ-ehˇ pyeuꞈ laˇ ni Sahˬpaˬ Miˬyehˇ jahˇ-awˇ, naw maꞈ-euˬ shaˬ zahˬ naꞈ dui dui tehꞈ-a.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Jaceuq 125:5

Ehˇ kʼawꞈ haiˬ-eu tsawˇ haˬ deuˬ-ahˇ nawˇ kʼehˬ nehˬ ngeh, nawˬ-euˬ zahˇ sahˇ kʼoꞈ-ahˇ byehˇ-eu deuˬ-ahˇ kʼawꞈ kʼehˬ nehˬ-awˬ. Iˇsaˬleˬlaˆ miˇ kʼahˬ laꞈ kʼoeˇ nui saˇ oꞈ-eu jeˬ jaˆ luꞈ-uˇ.

Jaceuq 104:35

Iˬ baˇ zaˬ deuˬ miˇ tsaˬ kʼoeˇ taˆ maˬ paˇ jaw ni bi laˆ byoˆ jiˇ-awˇ, haiˬ-eu tsawˇ haˬ deuˬ aˇ jeuˬ meh-iˇ luꞈ-uˇ. Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 92:9

Nawˬ-ahˇ muiˇ-eu deuˬ ya shiˇ jiˇ-awˇ, haiˬ-eu tsawˇ haˬ dawˬ tawˆ luꞈ ya smˬ-iˇ jiˇ tehꞈ-a lehˇ nga maꞈ siˬ nya ma.

Jaceuq 73:27

Nawˬ-ahˇ byehˇ dzeh-eu tsawˇ haˬ deuˬ aˬ diˇ aˬ maˇ ya luˬ ya seˇ-iˇ tehꞈ-a. Nawˬ-ahˇ saˇ jaˇ maˬ ziꞈ-eu tsawˇ haˬ deuˬ-ahˇ nawˇ laˆ luˬ laˆ seˇ nehˬ tehꞈ-a.

Jaceuq 37:38

Ehˇkʼawꞈ iˬbaˇ mˇ-eu tsawˇhaˬ, tiˬsaˬtiˬli ya cawˆ-iˇ-awˇ, tsuiꞈdahˬdahˬ-iˇgaˇkeuˆtehꞈ-a.

Jaceuq 9:5

Miˇkʼahˬtsawˇjeuˬ-ahˇnawˇmuiˇ-awˇ, yaw haiˬdeuˬ-ahˇ laˆcawˆ-euˬ meh. Yawꞈmaꞈtsawˇmyahˇmiˇtsaˬ kʼoeˇtaˆ, byoˆtsehˆ-iˇni jahˇ nehˬ-euˬ meh.

Jaceuq 5:6

Jaˬmyawꞈdeuˬ-ahˇnawˇlaˆcawˆ-awˇ, smˇkʼoeˬtahˇjoe-ahˇbye-eu meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

1 Saˬmeuˬlaˆ 12:25

Ehˇ kʼawꞈ, naw maꞈ iˬ baˇ mˇ daˆ leꞈ naˇ, naw maꞈ hawˇ-eu naw maꞈ-euˬ sahˬ paˬ ya luˬ ya seˇ-iˇ tehꞈ-a.”

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 24:20

Jiˇ baˬ yehꞈ-eu tsawˇ haˬ gaˇ ma cah-eu loꞈ-ehˇ, miˇ tsaˬ tahˬ kʼawˇ maˬ ziꞈ-ehˇ pyeuꞈ-iˇ-awˇ, jaˬ lehˇ lehˇ ma zaw leˇ-euˬ yaˇ cmˇ loꞈ-ehˇ, yawꞈ lawꞈ gʼaˇ laˇ-ehˇ jaˆ tehꞈ-a. Miˇ tsaˬ tahˬ kʼawˇ iˬ baˇ maˬ pi coeˇ-eu miˇ neh, coˬ dzeh-awˇ maˬ paˇ tuˇ laˇ nya ni pyeuꞈ-iˇ tehꞈ-a.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Iˇsaˬyaˇ 58:2

Aˬ yawꞈ maꞈ yawˬ nah na ngaˬ-ahˇ uˬ duˬ tahˬ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ-ahˇ naˇ haˬ-awˇ, ngaˬ-euˬ gaˇ ma siˬ mawꞈ dui dui nya lehˇ ehˇ luꞈ-eu meh. Tsaˬ-eu zahˇ dawˬ kʼoꞈ dawˬ ngaˬ neh bi biꞈ mawꞈ-awˇ, ngaˬ-ahˇ uˬ duˬ tahˬ-eu nui kʼahˇ shiˇ miˇ-a lehˇ, aˬ yawꞈ maꞈ ehˇ-eu meh.”

Iˇsaˬyaˇ 66:17

Sahˬpaˬ Miˬyehˇ heu loꞈ-ehˇ ehˇ-eu meh. “Lawˇ ciꞈ zaˬ-euˬ uˬ duˬ tahˬ-eu zahˇ sahˇ kʼoꞈ-ahˇ gʼoe-eu laꞈ kʼoeˇ gʼawˇ mawˇ shawˇ-awˇ, muiˬ-eu shawˇ-eu yaˇ kmˇ-ahˇ aˬ cawˬ-euˬ mehˬ nah caw teh-iˇ-eu uˬ taꞈ, aˬ zaꞈ shaˬ jiˇ, ho caꞈ hawˇ-eu maˬ dzaˬ kʼmˬ-eu dzaˇ deuˬ dzaˬ-eu tsawˇ haˬ deuˬ gʼaˇ duˬ, aˇ saˬ saˬ-eu aˇ nah aˇ yamˬ peh le luꞈ meh.

Yeˬlaˬmiˇ 17:13

Sahˬpaˬ Miˬyehˇ nawˇ Iˇsaˬleˬlaˆ-euˬ noeˬ tmˬ duˬ meh. Nawˬ-ahˇ kʼaˇ byehˇ dzeh-eu tsawˇ haˬ kʼoeˇ taˆ, shaꞈ dawˇ-eu jeˬ keuˆ le tehꞈ-a. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu, Sahˬpaˬ Miˬyehˇ nawˬ-ahˇ aˬ yawꞈ maꞈ byehˇ dzeh-euˬ miˇ neh, kʼaˬ lehˇ kʼoeˇ taˆ boꞈ-euˬ tsawˇ myahˇ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Yeˬlaˬmiˇ 44:12

Baˬbuˇloˬ miˇ kʼahˬ-ahˇ maˬ bi nyehꞈ daˆ gʼeh ni dzeˇ yaꞈ-euˬ, Iˇjiˇtuˆ miˇ kʼahˬ-ahˇ jawˇ-iˇ ma lehˇ noeˬ tsehˆ taˬ-euˬ Yuˇdaˆ tsawˇ haˬ kʼoeˇ deuˬ dawˬ tawˆ luꞈ, ya luˬ ya seˇ-iˇ jiˇ tehꞈ-a. Aˬ yawꞈ maꞈ huiˬ zaˬ nyiˇ zaˬ dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ, guiˇ deuˆ-eu baˬ da neh maˬ ngeuˇ naˇ, mehꞈ-eu shuꞈ-eu baˬ da neh ya shiˇ jiˇ tehꞈ-a. Aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu jeˬ keuˆ le tehꞈ-a. Aˬ cawˬ tsawˇ jeuˬ aˬ yawꞈ maꞈ-ahˇ ja bu ja doeˇ-awˇ, aˬ yawꞈ maꞈ-euˬ tsawˇ myahˇ-ahˇ gʼoe gʼoe-ehˇ yaˬ kʼehˇ yaˬ tehꞈ-a.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

2 Laˬsaˬbaˬ 21:10

Kʼoeˇ ngeh poˆ neh naˇ, Eˬdoˬ miˇ kʼahˬ-aˬ, Yuˇdaˆ miˇ kʼahˬ uˆ lahˇ-eu uˬ moˆ maˬ paˇ jawˇ ni, yawˬ haˇ yawˬ ha uˆ lahˇ-awˇ jawˇ-euˬ meh. Aˇ yamˬ kʼoeˇ yamˬ laꞈ kʼoeˇ, Liˇbaˬnahˬ meuˬ kʼawꞈ, Yeˬhawˇlamˬ-ahˇ puiˬ-euˬ meh. Aˬ jeˬ miˇ neh ehˇ naˇ, aˬ yawꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ byehˇ dzeh-euˬ meh.

2 Laˬsaˬbaˬ 28:6

Leˬmaˬliˇ-euˬ aˬ li Iˇsaˬleˬlaˆ sahˬ paˬ Peˬkah neh, tiˬ nah laꞈ kʼoeˇ tehꞈ-ehˇ kʼaˬ dui dui-eu Yuˇdaˆ yehˇ tiˬ seh nyiˬ muiˇ gʼaˬ bi deuˆ sehꞈ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-euˬ miˇ neh kʼoeˇ loꞈ-ehˇ ya daˬ-euˬ meh.

2 Laˬsaˬbaˬ 28:23

Aˬ yawꞈ-ahˇ guiˇ deuˆ gʼaˬ-euˬ Suˇliˆ tsawˇ haˬ deuˬ-euˬ miˬ yehˇ deuˬ-ahˇ aˬ yawꞈ lawˇ-eu shehˇ-eu jeˬ mˇ-euˬ meh. “Suˇliˆ miˬ yehˇ deuˬ Suˇliˆ sahˬ paˬ deuˬ-ahˇ caw ba nehˬ-eu loꞈ-ehˇ, ngaˇ kʼawꞈ aˬ yawꞈ maꞈ-ahˇ lawˇ nehˬ shehˇ nehˬ naˇ, ngaˬ-ahˇ kʼawꞈ caw ba nehˬ laꞈ-eu duˇ” lehˇ aˬ yawꞈ noeˬ-euˬ meh. Ehˇ kʼawꞈ, aˬ yawꞈ-euˬ nui noeˬ kʼoeˇ aˬ yawꞈ kʼoeˇ taˆ hawˇ-eu aˬ yawꞈ-euˬ miˇ kʼahˬ kʼoeˇ taˆ, luˬ-iˇ seˇ-iˇ-eu jeˬ bi keuˆ le-euˬ meh.

Yawˇbaˆ 34:26

Iˬ baˇ zaˬ deuˬ-ahˇ tsawˇ haˬ dawˬ tawˆ luꞈ mehˬ shi aˬ yawꞈ kʼehˬ nehˬ kʼaˆ nehˬ-eu meh.

Yawˇbaˆ 34:27

Aˬ yawꞈ maꞈ aˬ yawꞈ mehˬ nah maˬ caw teh ni byehˇ-awˇ, aˬ yawꞈ-euˬ dawˬ-ahˇ maˬ naˇ haˬ ni jawˇ ngeh, kʼoeˇ loꞈ-ehˇ jahˇ nehˬ-eu meh.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.