Iˇsaˬtaˆ 7:4 - Akha

⁴ Ngaˇ hawˇ-eu ngaˬ-euˬ tsawˇ jeuˬ-aˬ, aˬ cawˬ neh bi sehꞈ-eu lehˇ bi ahˬ dzaˬ taˬ-euˬ tsawˇ haˬ deuˬ pyeuꞈ-eu ma. Zaˬ kʼaˆ bi geuꞈ-eu gʼaˇ duˬ tehꞈ-ehˇ nga maꞈ-ahˇ ahˬ dzaˬ-euˬ law nmˇ-aˬ, nawˬ-ahˇ heu loꞈ-ehˇ shaˇ shaˇ-ehˇ maˬ paˇ laˆ bahˬ-eu ma. Nymˬ-mˇ-aˬ, nga maꞈ tsawˇ jeuˬ aˇ yoeˬ bi sehꞈ cuˆ-eu keuˆ laˇ taˬ-euˬ meh.”

Iˇsaˬtaˆ 7:4 Referans Kwoze

Iˇsaˬtaˆ 3:9

Sahˬ paˬ nawˇ nui ma tsaˬ naˇ, tsawˇ haˬ kʼoeˇ deuˬ-ahˇ sehꞈ-awˬ lehˇ dawˬ biꞈ gʼeh-awˬ. Nawˇ kʼoeˇ loꞈ-ehˇ jahˇ naˇ, miˇ kʼahˬ-ahˇ uˆ lahˇ-eu gaˇ laꞈ kʼoeˇ bi zmˬ-eu gʼaˇ duˬ, sahˬ paˬ-euˬ pyuˇ cehˇ jiˇ laꞈ kʼoeˇ pyuˇ nyiˬ seh oeˬ heˇ jawꞈ-i bi lahˬ laˇ ma lehˇ ngaˇ kamˬ tsehˆ peuˬ ma.”

Dawˬmehˬ 28:68

Iˇjiˇtuˆ miˇ kʼahˬ-ahˇ naw maꞈ tiˬ jawˇ-iˬ maˬ paˇ ya gʼoꞈ-iˇ meh lehˇ Sahˬpaˬ Miˬyehˇ ehˇ taˬ-euˬ kʼawꞈ, saˇ baoˬ dziˬ-awˇ paˇ bi gʼoꞈ-iˇ nehˬ laꞈ tehꞈ-a. Kʼoeˇ gaˇ, naw maꞈ-ahˇ muiˇ-eu deuˬ-euˬ zaˬ kʼaˆ geuꞈ-eu gʼaˇ duˬ, naw maꞈ yawˬ haˇ yawˬ ha ahˬ dzaˬ kʼawꞈ, zeuˇ nehˬ laꞈ-eu tiˬ gʼaˬ-iˬ maˬ jawˇ ni ya shaˬ tehꞈ-a.”

Iˇsaˬtaˆ 3:13

Cehˆ coeˬ coeˬ-awˇ sahˬ boꞈ sha-eu tsawˇ haˬ deuˬ miˇ kʼahˬ kʼahˬ ma kʼoeˇ kʼahˬ laꞈ kʼoeˇ jaˆ-eu miˇ kʼahˬ yawˬ kʼahˬ na luꞈ-ahˇ, sahˬ boꞈ kʼoeˇ sha-iˇ-euˬ meh. Aˬdaˬlaˬ ba la tseˇ smˬ nah kʼoeˇ nah laꞈ kʼoeˇ tehꞈ-ehˇ, tsawˇ kʼaˆ maˬ ehˇ, zaˬ guˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, Yuˇdaˆ tsawˇ haˬ kʼaˇ ngeuˇ-eu dawˬ tawˆ luꞈ-ahˇ ya sehꞈ jiˇ meh lehˇ, sahˬ boꞈ kʼoeˇ taꞈ laꞈ kʼoeˇ boꞈ taˬ-euˬ meh. Aˬ yawꞈ maꞈ-ahˇ gʼawˬ shaˬ maˬ gaˬ ni bi sehꞈ dzeh jiˇ-awˇ, aˬ yawꞈ maꞈ-euˬ pyuˇ shuiˇ myawˬ gahˬ deuˬ ya yuˇ meh lehˇ boꞈ taˬ-euˬ meh.

Iˇsaˬtaˆ 8:11

Sahˬ boꞈ kʼoeˇ taꞈ laꞈ kʼoeˇ heu loꞈ-ehˇ boꞈ taˬ-euˬ meh. “Meuˬ aˬ yawꞈ meuˬ yawꞈ-ahˇ jawˇ-eu Yuˇdaˆ tsawˇ haˬ deuˬ yawˬ ha tsawˇ jeuˬ-ahˇ yawˬ ha deuˆ piˇ-eu gʼaˇ duˬ, aˇ muˇ muˇ-awˇ lehˬ hmˬ taˬ nya meh. Miˇ kʼahˬ aˬ geu kʼahˬ-ahˇ jawˇ-eu tsawˇ jeuˬ aˬ geu jeuˬ maˬ kaˬ, guiˇ deuˆ-eu keu ka baꞈ-awˇ aˬ yawꞈ maꞈ-ahˇ deuˆ laˇ naˇ, aˬ yawꞈ maꞈ kʼawꞈ paˇ deuˆ ceh ceh-eu laꞈ kʼoeˇ, tsawˇ haˬ kʼoeˇ deuˬ hawˇ-eu aˬ yawꞈ maꞈ-euˬ miˬ sawˇ zaˬ deuˬ tiˬ gʼaˬ-iˬ maˬ bi dzeuˇ-iˇ ni sehꞈ-awˇ, pyuˇ shuiˇ myawˬ gahˬ deuˬ yuˇ geuꞈ nya meh.

Aˬmoˆ 2:6

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-ahˇ dziˇ dzoˆ maˬ tsoeˬ nehˬ nya-eu yaw sui yaw dawˇ tsawˇ haˬ deuˬ hawˇ-eu, sehˬ nawˆ tiˬ juꞈ aˇ poeˬ maˬ tsoeˬ tsehˆ nya gaˇ keuˆ ni shaˬ-eu tsawˇ haˬ deuˬ-ahˇ, aˬ cawˬ zaˬ kʼaˆ bi geuꞈ-eu lehˇ aˬ yawꞈ maꞈ ahˬ dzaˬ-euˬ meh.

Yawˇlaˆ 3:6

Yuˇdaˆ miˇ kʼahˬ zaˬ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, gaˇ mahˇ kaˬ gaˇ naw maꞈ sheuˬ byoˆ gʼeh-awˇ, Heˬlaˬshaˆ tsawˇ haˬ deuˬ-ahˇ ahˬ dzaˬ-euˬ meh.

Iˇsaˬtaˆ 7:6

Iˇsaˬtaˆ ehˇ-eu, “Nga maꞈ-ahˇ muiˇ-awˇ kʼehˬ-eu lehˇ gʼeh-eu gʼaˬ-aˬ, haiˬ dui dui-eu Haˬmaˬ heu gʼaˬ meh.” Kʼoeˇ ngeh, Haˬmaˬ-aˬ, sahˬ paˬ hawˇ-eu sahˬ paˬ miˬ zaˬ mehˬ shi guˆ-awˇ yaw dzuˬ dzuˬ-eu meh.

Neˬhaˬmiˇ 5:5

Nga maꞈ kʼawꞈ aˬ cawˬ loꞈ-ehˇ Yuˇdaˆ tsawˇ haˬ pyeuꞈ-eu ma. Nga maꞈ-euˬ aˬ buˇ aˬ li deuˬ kʼawꞈ, aˬ yawꞈ maꞈ-euˬ aˬ buˇ aˬ li loꞈ-ehˇ muiˬ-eu ma. Ehˇ kʼawꞈ, nga maꞈ-euˬ zaˬ deuˬ-ahˇ aˬ cawˬ zaˬ kʼaˆ bi geuꞈ taˬ-euˬ ma. Nga maꞈ-euˬ aˬ buˇ tiˬ paˆ na deuˬ-ahˇ ahˬ dzaˬ-awˇ aˬ cawˬ zaˬ kʼaˆ bi geuꞈ taˬ-euˬ ma. Nga maꞈ-euˬ deh yaˇ deuˬ hawˇ-eu aˬ gaꞈ yaˇ kmˇ deuˬ aˬ cawˬ neh bi yuˇ geuꞈ jiˇ-euˬ miˇ neh tiˬ jeˬ-iˬ maˬ paˇ gʼeh nya miˇ-a.”

1 Saˬmeuˬlaˆ 22:23

Maˬ guˆ ni ngaˬ nehˬ-ehˇ jawˇ-awˬ. Nawˬ-ahˇ maˬ ehˇ, ngaˬ-ahˇ maˬ ehˇ, Sawˇluˆ sehꞈ mawꞈ meh. Ehˇ kʼawꞈ, ngaˬ nehˬ-ehˇ jawˇ naˇ nawˇ guˆ kʼaˇ maˬ za-aˇ.”

Yawˇshuˆ 9:23

Naw maꞈ kʼoeˇ loꞈ-ehˇ jaˬ myawꞈ myawꞈ-euˬ miˇ neh, Miˬyehˇ naw maꞈ-ahˇ yaˬ kʼehˇ yaˬ gʼaˬ-euˬ meh. Naw maꞈ tsawˇ haˬ-aˬ, aˬ myah luꞈ aˬ cawˬ zaˬ kʼaˆ ya geuꞈ-awˇ, ngaˬ-eu Miˬyehˇ-euˬ nymˇ gʼaˇ duˬ miˬ dzaˬ kʼehꞈ-eu hawˇ-eu iˇ cuꞈ kʼawꞈ-eu tsawˇ haˬ ya geuꞈ tehꞈ-a.”

Luˇkaꞈ 12:45

Ehˇ kʼawꞈ, zaˬ kaˆ kʼoeˇ gʼaˬ ‘Ngaˬ-eu baw leˬ yaw awˬ awˬ-ehˇ maˬ gʼoꞈ laˇ-aˇ’ lehˇ yawˬ haˇ yawˬ ha ehˇ-awˇ, kʼaˬ dzeˇ zaˬ zaˬ kʼaˆ deuˬ hawˇ-eu zaˬ miˬ zaˬ zaˬ kaˆ deuˬ-ahˇ diˬ diˬ-ehˇ, dzaˬ yehꞈ dawˇ yehꞈ-awˇ jawˇ naˇ,

Iˇsaˬtaˆ 7:5

Kʼoeˇ naˇ, sahˬ paˬ miˬ zaˬ Iˇsaˬtaˆ-ahˇ sahˬ paˬ Dzeuˬsehˆ ehˇ nehˬ-eu, “Teu naˆ naˆ-ehˇ gʼeh-eu jeˬ mˇ peuˬ-eu aˬ suˇ gʼaˬ-a. Tsawˇ haˬ kʼoeˇ gʼaˬ aˬ gaˇ jawˇ ta.”

Iˇsaˬtaˆ 8:6

Ngaˬ-euˬ tsawˇ jeuˬ kʼoeˇ taˆ luˬ-iˇ seˇ-iˇ-eu jeˬ keuˆ le-awˇ, ngaˬ-euˬ aˬ yuiꞈ aˬ nyiˇ deuˬ bi sehꞈ jiˇ-eu keuˆ le-euˬ miˇ neh ngaˬ-ahˇ maˬ jawˇ tehˬ coeˇ nya.”

Iˇsaˬtaˆ 9:25

Ehˇ kʼawꞈ, Iˇsaˬtaˆ gʼaˬ sahˬ paˬ jawˇ gaˇ le ngeh, sahˬ paˬ dawˬ biꞈ-awˇ sahˬ boꞈ bi pyehˬ gʼeh-eu laꞈ kʼoeˇ, Haˬmaˬ neh Yuˇdaˆ tsawˇ haˬ deuˬ-ahˇ jahˇ coeˬ nehˬ-eu lehˇ lehˬ hmˬ taˬ-euˬ jeˬ, Haˬmaˬ-euˬ uˬ duˬ-ahˇ paˇ bi keuˆ le-euˬ meh.

Daˬyeˬlaˇ 6:2

Kʼoeˇ uˬ taꞈ, sahˬ paˬ sahˬ ma kʼoeˇ deuˬ sahˬ paˬ-ahˇ maˬ tsaˬ-eu jeˬ maˬ ya mˇ ni aˬ yawꞈ maˬ kʼoeˇ taˆ bi haw bi pyaˆ-eu gʼaˇ duˬ, Daˬyeˬlaˇ ahˇ leˇ-ehˇ tsawˇ haˬ smˇ gʼaˬ paˇ tseˇ doˆ-euˬ meh.