Iˇsaˬtaˆ 4:5 - Akha

⁵ Kʼoeˇ naˇ, Iˇsaˬtaˆ-aˬ, aˬ yawꞈ-euˬ zaˬ kʼaˆ bi geuꞈ-eu gʼaˇ duˬ sahˬ paˬ neh kʼehˇ-euˬ sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu Haˬtehˆ lehˇ myahˇ-euˬ gʼaˬ-ahˇ, Mawˬdaˬkehˇ jawˇ gaˇ kʼehˇ gʼeh-awˇ, aˬ jeˬ miˇ neh kʼoeˇ loꞈ-ehˇ noeˬ shaˬ luꞈ-eu gaˇ kawˆ bi pyehˆ tseˇ duˬ-euˬ meh.

Iˇsaˬtaˆ 4:5 Referans Kwoze

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

1 Gawˇliˬtu 12:26

Aˇ sehˇ tiˬ sehˇ naˇ laˇ naˇ, aˇ sehˇ dawˬ tawˆ luꞈ ya caw naˇ-eu meh. Aˇ sehˇ tiˬ sehˇ-ahˇ aˬ cawˬ ja ceuˬ kʼaˇ za naˇ, aˇ sehˇ dawˬ tawˆ luꞈ laˬ kʼaˬ ya caw cehˇ-eu meh.

Lormav 12:15

Laˬ kʼaˬ cehˇ-eu tsawˇ haˬ deuˬ nehˬ-ehˇ laˬ kʼaˬ caw cehˇ-awˇ, ngoeˇ-eu tsawˇ haˬ deuˬ nehˬ-ehˇ caw ngoeˇ-awˬ.

Iˇsaˬtaˆ 1:12

Ehˇ kʼawꞈ, sahˬ paˬ kʼoeˇ loꞈ-ehˇ dawˬ biꞈ-euˬ gaˇ kawˆ sahˬ paˬ miˬ zaˬ Baˬshaˬtiˇ-ahˇ zaˬ kʼaˆ kʼoeˇ deuˬ ehˇ nehˬ ngeh, Baˬshaˬtiˇ gʼaˬ sahˬ paˬ jawˇ gaˇ maˬ iˇ ni jawˇ-euˬ meh. Aˬ yawꞈ kʼoeˇ loꞈ-ehˇ maˬ iˇ ni jawˇ-euˬ miˇ neh, sahˬ paˬ nui ma pehˇ-euˬ meh.

Iˇsaˬtaˆ 1:10

Dzaˬ byawˇ lawˇ-euˬ shiꞈ nah tiˬ nah keuˆ laˇ-awˇ, sahˬ paˬ aˬ gaꞈ dzaˇ uiˇ dawˇ luꞈ ngeh, aˬ yawꞈ-euˬ nui ma laꞈ kʼoeˇ laˬ kʼaˬ cehˇ laˇ-awˇ, zaˬ miˬ zaˬ deuˬ-ahˇ haw-eu pyaˆ-eu sahˬ paˬ-euˬ zaˬ kʼaˆ pyeuꞈ-eu Meˬhuˇmaˬ, Biˇzaˬdaˬ, Haˬbawˇnaˆ, Biˇgaˬdaˬ, Aˬbaˬgaˬdaˬ, Zehˇdaˬ hawˇ-eu Gaˬkaˆ aˬ ha shiꞈ gʼaˬ-ahˇ aˬ yawꞈ kuˇ-euˬ meh.

Piˇliˇpiˆ 2:4

Yawˬ ha gʼaˇ duˬ tehꞈ-ehˇ maˬ shaˇ noeˬ ni, aˬ cawˬ gʼaˇ duˬ shaˇ noeˬ-awˬ.

Iˇsaˬtaˆ 4:4

Iˇsaˬtaˆ-euˬ zaˬ miˬ zaˬ zaˬ kʼaˆ deuˬ hawˇ-eu sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu deuˬ, Mawˬdaˬkehˇ kʼoeˇ loꞈ-ehˇ gʼeh luꞈ-eu gaˇ kawˆ Iˇsaˬtaˆ-ahˇ ehˇ nehˬ ngeh, aˬ yawꞈ nui ma cawˆ dui dui-euˬ meh. Mawˬdaˬkehˇ guˬ daˇ pehˇ zeuˇ mehˬ tsoeˬ lehˆ-awˇ bi dm paˇ-eu gʼaˇ duˬ aˬ yawꞈ neh mehˬ tsoeˬ bi biꞈ ha-iˇ kʼawꞈ, Mawˬdaˬkehˇ maˬ dm paˇ-a.

Iˇsaˬtaˆ 4:6

Sahˬ paˬ-euˬ hawˇ nymˇ gʼoˆ kʼehˬ-ahˇ jaˆ-eu meuˬ-euˬ pu kaˬ-ahˇ, Mawˬdaˬkehˇ jawˇ gaˇ Haˬtehˆ iˇ-euˬ meh.

Iˇsaˬtaˆ 4:9

Mawˬdaˬkehˇ neh kʼaˇ ehˇ nehˬ-euˬ yawˬ jeˬ na luꞈ, Iˇsaˬtaˆ-ahˇ Haˬtehˆ dzawˇ mehˬ nehˬ leˇ-euˬ meh.

Iˇsaˬtaˆ 4:10

Kʼoeˇ naˇ, Iˇsaˬtaˆ neh Haˬtehˆ-ahˇ mehˬ-awˇ, Mawˬdaˬkehˇ-ahˇ heu loꞈ-ehˇ paˇ bi ehˇ kʼoꞈ nehˬ-iˇ-euˬ meh.