Iˇsaˬtaˆ 4:4 - Akha

⁴ Iˇsaˬtaˆ-euˬ zaˬ miˬ zaˬ zaˬ kʼaˆ deuˬ hawˇ-eu sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu deuˬ, Mawˬdaˬkehˇ kʼoeˇ loꞈ-ehˇ gʼeh luꞈ-eu gaˇ kawˆ Iˇsaˬtaˆ-ahˇ ehˇ nehˬ ngeh, aˬ yawꞈ nui ma cawˆ dui dui-euˬ meh. Mawˬdaˬkehˇ guˬ daˇ pehˇ zeuˇ mehˬ tsoeˬ lehˆ-awˇ bi dm paˇ-eu gʼaˇ duˬ aˬ yawꞈ neh mehˬ tsoeˬ bi biꞈ ha-iˇ kʼawꞈ, Mawˬdaˬkehˇ maˬ dm paˇ-a.

Iˇsaˬtaˆ 4:4 Referans Kwoze

Jaceuq 77:2

Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.

Yeˬlaˬmiˇ 31:15

Sahˬpaˬ Miˬyehˇ heu loꞈ-ehˇ ehˇ-eu meh. “Laˬmahˇ meuˬ-ahˇ teˇ saˇ gaˬ doˆ laˇ nya. Shaˬ zahˬ naꞈ-awˇ ngoeˇ-eu teˇ saˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Aˬ li dawˬ tawˆ luꞈ maˬ paˇ ya mawˇ-eu miˇ neh, maˬ muˇ taˬ nya ni ngoeˇ-eu meh.”

Iˇsaˬyaˇ 56:3

Sahˬpaˬ Miˬyehˇ-euˬ tsawˇ haˬ deuˬ jawˇ gaˇ, jawˇ ahˇ laˇ-euˬ boeˇ miˬ siˬ kʼaˬ deuˬ-euˬ kʼaˬ meh, “Sahˬpaˬ Miˬyehˇ-euˬ aˇ maꞈ aˇ muˇ laꞈ kʼoeˇ, ngaˬ-ahˇ aˬ diˇ teh dzeh nehˬ laꞈ tehꞈ-a” lehˇ taˬ bi ehˇ. Aˇ caˆ pyehˆ gʼaˬ-euˬ kʼaˬ dzeˇ zaˬ deuˬ kʼawꞈ, “Zaˬ maˬ jawˇ le nya-eu miˇ neh, aˇ bawˇ baw guˇ-ahˇ duˇ leˇ-awˇ, Sahˬpaˬ Miˬyehˇ-euˬ tsawˇ haˬ deuˬ-ahˇ maˬ taꞈ nya-a” lehˇ taˬ bi ngehˬ.

Iˇsaˬtaˆ 1:12

Ehˇ kʼawꞈ, sahˬ paˬ kʼoeˇ loꞈ-ehˇ dawˬ biꞈ-euˬ gaˇ kawˆ sahˬ paˬ miˬ zaˬ Baˬshaˬtiˇ-ahˇ zaˬ kʼaˆ kʼoeˇ deuˬ ehˇ nehˬ ngeh, Baˬshaˬtiˇ gʼaˬ sahˬ paˬ jawˇ gaˇ maˬ iˇ ni jawˇ-euˬ meh. Aˬ yawꞈ kʼoeˇ loꞈ-ehˇ maˬ iˇ ni jawˇ-euˬ miˇ neh, sahˬ paˬ nui ma pehˇ-euˬ meh.

2 Sahˬpaˬ 9:32

Yeˬhuˇ baꞈ leuˇ-awˇ, “Ngaˇ jawˇ paw aˬ suˇ gʼaˬ pyawˬ nmˇ” lehˇ guˇ ngeh, sahˬ paˬ-euˬ gaˇ mˇ-eu yaw huiˬ yaw mahˇ nyiˬ gʼaˬ smˇ gʼaˬ byah ni, laˇ gʼoˆ gʼoˆ zaˬ-ahˇ cu hu le-euˬ meh.

1 Saˬmeuˬlaˆ 8:15

Naw maꞈ-euˬ cehˇ hawˇ-eu aˬ gaꞈ aˇ siˬ tseˇ bymˇ tiˬ bymˇ taꞈ-awˇ, aˬ yawꞈ-euˬ saˇ naˇ-ahˇ gaˇ bi mˇ-euˬ yaw huiˬ yaw mahˇ deuˬ hawˇ-eu, gaˇ nui jeˬ bi mˇ-euˬ yaw huiˬ yaw mahˇ deuˬ-ahˇ biˇ nehˬ tehꞈ-a.

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

Gʼaˬkʼehˇ 8:27

Kʼoeˇ ngeh, Piˇliˇpuˆ lehˬ hmˬ dah-awˇ iˇ-euˬ meh. Iˬdiˬyoˇbyaˇ sahˬ paˬ ma-euˬ pyuˇ shuiˇ myawˬ gahˬ deuˬ-ahˇ jeˬ hmˬ bo saˆ-eu yaw huiˬ yaw mahˇ tiˬ gʼaˬ, Yeˬluˇsaˬlehˬ meuˬ-ahˇ uˬ duˬ tahˬ leˇ-euˬ gʼoꞈ le luꞈ-eu meh.

Iˇsaˬtaˆ 4:3

Sahˬ paˬ-euˬ dawˬ gaˬ keuˆ-iˇ-euˬ miˇ kʼahˬ yawˬ kʼahˬ na luꞈ laꞈ kʼoeˇ, Yuˇdaˆ tsawˇ haˬ deuˬ yaw kʼaˆ-ehˇ guˇ guˇ-ehˇ ngoeˇ luꞈ-eu meh. Aˬ yawꞈ maꞈ maˬ dzaˬ maˬ dawˇ ni ngoeˇ ngoeˇ-ehˇ jawˇ-awˇ, myaˬ tiˬ paˆ guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ joe-euˬ meh.

Iˇsaˬtaˆ 4:5

Kʼoeˇ naˇ, Iˇsaˬtaˆ-aˬ, aˬ yawꞈ-euˬ zaˬ kʼaˆ bi geuꞈ-eu gʼaˇ duˬ sahˬ paˬ neh kʼehˇ-euˬ sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu Haˬtehˆ lehˇ myahˇ-euˬ gʼaˬ-ahˇ, Mawˬdaˬkehˇ jawˇ gaˇ kʼehˇ gʼeh-awˇ, aˬ jeˬ miˇ neh kʼoeˇ loꞈ-ehˇ noeˬ shaˬ luꞈ-eu gaˇ kawˆ bi pyehˆ tseˇ duˬ-euˬ meh.