Iˇsaˬtaˆ 3:2 - Akha

² Sahˬ paˬ-euˬ gaˇ kʼaˇ mˇ-eu yaw huiˬ yaw mahˇ dawˬ tawˆ luꞈ, Haˬmaˬ-euˬ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ moꞈ-eu laꞈ kʼoeˇ, Haˬmaˬ-ahˇ yaw zeu ya baw nehˬ meh lehˇ sahˬ paˬ dawˬ biꞈ-euˬ meh. Mawˬdaˬkehˇ tiˬ gʼaˬ maˬ ngeuˇ naˇ, dawˬ tawˆ luꞈ kʼoeˇ loꞈ-ehˇ jahˇ-awˇ yaw zeu baw nehˬ-euˬ meh.

Iˇsaˬtaˆ 3:2 Referans Kwoze

Piˇliˇpiˆ 2:10

Mˬ miˇ hawˇ-eu miˇ oˆ keuˆ ni, pawˬ tsuiꞈ dawˬ tawˆ pawˬ dmˬ dmˬ-awˇ, Yeˬsuˇ tsawˇ myahˇ ciˬ huiˬ tehꞈ-a.

Jaceuq 15:4

Miˬyehˇneh byehˇdzeh-euˬdeuˬ-ahˇ, yahˇpawˇ-awˇdehꞈgʼeh-eu tsawˇhaˬ, Miˬyehˇ-ahˇguˆ-eu tsawˇhaˬ-ahˇ, taˬhuiˬtaˬmahˇnehˬ-eu tsawˇhaˬ, yawˬha saˇjaˇdzaˬ-euˬjeˬ-ahˇ, shaˬkʼawꞈsaˇkʼawꞈziꞈ-eu tsawˇhaˬ,

Iˇsaˬtaˆ 5:9

Haˬmaˬ-aˬ, dzaˬ byawˇ kʼoeˇ dzaˬ gʼaˬ ngeh jawˇ, nui ma saˇ lehˆ ni laˬ kʼaˬ cehˇ cehˇ-ehˇ doˆ-iˇ-euˬ meh. Ehˇ kʼawꞈ, sahˬ paˬ-euˬ nymˇ gʼoˆ kʼehˬ-ahˇ Mawˬdaˬkehˇ-ahˇ ya mawˇ-awˇ, aˬ yawꞈ iˇ tsehˆ gʼeh luꞈ gaˇ Mawˬdaˬkehˇ tsawˬ tuˇ-awˇ yaw zeu maˬ baw nehˬ-euˬ miˇ neh, Mawˬdaˬkehˇ-ahˇ aˬ yawꞈ nui ma pehˇ-euˬ meh.

Iˇsaˬtaˆ 3:5

Mawˬdaˬkehˇ gʼaˬ aˬ yawꞈ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ moꞈ-eu jeˬ maˬ mˇ lehˇ noeˬ tsehˆ taˬ-euˬ gaˇ Haˬmaˬ ya siˬ duˬ ngeh, nui ma pehˇ dui dui leˇ-euˬ meh.

Iˇsaˬtaˆ 3:1

Aˇ yamˬ ui cuiˆ myahˇ laˇ ngeh jawˇ, sahˬ paˬ Dzeuˬsehˆ-aˬ, Haˬmaˬ lehˇ kuˇ-euˬ gʼaˬ-ahˇ sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ huiˬ-eu aˇ yaˬ biꞈ nehˬ-euˬ meh. Haˬmaˬ-aˬ, Aˬgaˆ -euˬ aˇ jeuˬ Haˬmeˬdaˬtaˬ-euˬ aˬ li pyeuꞈ-eu meh.

Iˇsaˬtaˆ 2:21

Sahˬ paˬ-euˬ nymˇ laꞈ kʼoeˇ Mawˬdaˬkehˇ gaˇ mˇ luꞈ-eu yamˬ-ahˇ, sahˬ paˬ jawˇ-eu lawˆ-ahˇ uˇ leˇ-eu laˇ gʼoˆ-ahˇ loꞈ-awˇ sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu Biˇdaˬnaˬ hawˇ-eu Teˬlehˆ aˬ nyaꞈ sahˬ paˬ Dzeuˬsehˆ-ahˇ muiˇ-awˇ, aˬ yawꞈ-ahˇ sehꞈ kʼoeˬ-eu lehˇ lehˬ hmˬ luꞈ-eu meh.

Iˇsaˬtaˆ 2:19

Aˇ yamˬ kʼoeˇ yamˬ-ahˇ, sahˬ paˬ neh Mawˬdaˬkehˇ-ahˇ miˇ kʼahˬ-ahˇ uˆ lahˇ-eu gaˇ bi mˇ-euˬ meh.

1 Saˬmeuˬlaˆ 15:3

Aˬmaˬlehˇ tsawˇ haˬ deuˬ-ahˇ nawˇ guiˇ deuˆ-iˇ-awˇ, aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni laˆ luˬ laˆ seˇ jiˇ nehˬ-awˬ. Tiˬ jeˬ-iˬ taˬ bi dzeˇ yaꞈ. Zaˬ miˬ zaˬ kʼaˬ dzeˇ zaˬ hawˇ-eu, zaˬ guˬ zaˬ nahˬ maˬ tseˇ paˆ ni, dawˬ tawˆ luꞈ sehꞈ jiˇ-awˬ. Mawˇ neˇ, yawˇ, law taw, mahˬ tahˬ laˆ dawˬ tawˆ luꞈ sehꞈ dzeh jiˇ-awˬ.”

Dawˬmehˬ 25:19

Miˇ kʼahˬ kʼoeˇ kʼahˬ Sahˬpaˬ Miˬyehˇ nawˬ-ahˇ biꞈ nehˬ laꞈ gʼaˬ-awˇ, nawˇ jawˇ-eu jawˬ jawˬ-ehˇ jawˇ luꞈ-eu nawˬ-ahˇ muiˇ-eu deuˬ-ahˇ nawˇ guˆ kʼaˇ maˬ za ni dehꞈ ziꞈ laˇ ngeh, Aˬmaˬlehˇ tsawˇ haˬ deuˬ-ahˇ maˬ ngehˇ ni sehꞈ jiˇ nehˬ-awˬ. Tsawˇ haˬ dawˬ tawˆ luꞈ aˬ yawꞈ maꞈ-ahˇ ya ngehˇ jiˇ ni, kʼoeˇ loꞈ-ehˇ jahˇ kʼoꞈ nehˬ-awˬ. Aˬ yawꞈ maꞈ-ahˇ maˬ sehꞈ ni taˬ byehˇ.

Doˆ-iˇ 17:16

Moˇseˬ ehˇ-eu, “Sahˬpaˬ Miˬyehˇ-euˬ paˇloˬpaˇlehˇ ka tuˇ-awˬ. Sahˬpaˬ Miˬyehˇ-aˬ, aˬ kaˇ kaˇ ziˇ keuˆ ni, Aˬmaˬlehˇ tsawˇ jeuˬ-ahˇ guiˇ deuˆ tehꞈ-a.”

Doˆ-iˇ 17:14

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Aˇ dahˬ 41:43

Sahˬ paˬ-euˬ mahˬ laˆ lawˬ nyiˬ laˇ tiˬ laˇ kʼawꞈ, Yoˇsehˆ-ahˇ biꞈ-awˇ bi dziˬ-euˬ meh. Yoˇsehˆ-ahˇ loꞈ piˇ-eu guiˇ maꞈ deuˬ mahˬ laˆ lawˬ kʼoeˇ laˇ-euˬ mehˬ hu paw cah-awˇ, “Gaˇ pawˇ pawˇ-awˬ. Gaˇ pawˇ pawˇ-awˬ” lehˇ guˇ guˇ-ehˇ cah-euˬ meh. Yoˇsehˆ-aˬ, kʼoeˇ loꞈ-ehˇ gʼeh-awˇ, Iˇjiˇtuˆ miˇ kʼahˬ-ahˇ uˆ lahˇ-eu gʼaˬ pyeuꞈ laˇ-euˬ meh.

Iˇsaˬtaˆ 2:5

Kʼoeˇ ngeh yamˬ-ahˇ, Yaˬiˇlaˆ-euˬ aˬ li Mawˬdaˬkehˇ lehˇ myahˇ-euˬ Yuˇdaˆ tsawˇ haˬ tiˬ gʼaˬ Suˇsaˬ meuˬ-ahˇ jawˇ luꞈ-eu meh. Aˬ yawꞈ-aˬ, Beˬyaˬmiˬ tsawˇ jeuˬ pyeuꞈ-awˇ, Giˇshaˆ hawˇ-eu Shiˇmiˇ-euˬ aˇ jeuˬ aˇ ca pyeuꞈ-eu meh.

Iˇsaˬtaˆ 3:3

“Aˬ jeˬ miˇ neh sahˬ paˬ-euˬ dawˬ-ahˇ maˬ naˇ haˬ te” lehˇ, sahˬ paˬ-euˬ gaˇ mˇ-eu yaw huiˬ yaw mahˇ kʼoeˇ deuˬ aˬ yawꞈ-ahˇ ehˇ-eu meh.

Daˬyeˬlaˇ 2:49

Daˬyeˬlaˇ-euˬ shaˇ dawˬ-ahˇ sahˬ paˬ naˇ haˬ-awˇ, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-ahˇ, Baˬbuˇloˬ meuˬ-euˬ gahˬ kaˬ-ahˇ haw-eu pyaˆ-eu deuˬ bi geuꞈ-euˬ meh. Daˬyeˬlaˇ-aˬ, sahˬ paˬ-euˬ saˇ naˇ-ahˇ gaˇ mˇ-euˬ meh.