HeˬByehˇ 9:4 - Akha

⁴ Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoergar, yawsaw jeq dofdamq-eu shuir lawrguir hawr-eu yawqpyawq navluf shuir nae yawtaq-euq dawqma sarjax bawqkeuv jav-eu mae. Bawqkeuv-euq lafkhoer, maqnav anr-eu shuir oeqlanq, bawnmq nmqlar-euq Aqloq-euq gawqyoeq hawr-eu dawqma sarjax-euq terbyaf anr-eu mae.

HeˬByehˇ 9:4 Referans Kwoze

Bawˇtsahˬ 17:10

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ-euˬ gawˬ yoeˬ-ahˇ Dawˬ ma saˇ jaˇ Bahˬ keuˆ mehˬ shi paˇ yuˇ taˬ-iˇ-awˬ. Puiˬ-eu tsawˇ haˬ deuˬ iˬ baˇ taˬ-eu dawˬ ngehˬ-eu maˬ naˬ leˇ naˇ ya shiˇ-eu gaˇ kawˆ, gawˬ yoeˬ kʼoeˇ yoeˬ saˇ kiˇ pyeuꞈ-eu meh.”

2 Laˬsaˬbaˬ 5:10

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Sahˬpaˬ Miˬyehˇ aˬ yawꞈ maꞈ-ahˇ Dawˬ ma saˇ jaˇ dzaˬ-euˬ jawˇ duˬ pyeuꞈ-eu Siˇnaˆ Gawˬ jawˬ-ahˇ, Moˇseˬ neh dawˆ ahˇ-euˬ kʼaˬ lo teˇ byaꞈ kʼoeˇ nyiˬ byaꞈ maˬ ngeuˇ naˇ, nui jeˬ tiˬ jeˬ-iˬ Dawˬ ma saˇ jaˇ Bahˬ keuˆ laꞈ kʼoeˇ maˬ ahˇ-a.

Uˬ duˬ 16:12

lawˇ duˬ kʼoeˇ taˆ doꞈ luꞈ-eu miˬ dzaˬ miˬ jiˆ tiˬ byah ni pehˆ ahˇ taˬ-euˬ guiˬ gʼawˆ hawˇ-eu, muiˬ dui dui-eu yaw saw jeˬ laꞈ tsuˆ nyiˬ tsuˆ tsuˆ doˆ-awˇ, Muiˬ dui shawˇ dui dui-eu Jawˇ duˬ-ahˇ ya yuˇ leꞈ meh.

Doˆ-iˇ 40:3

Zahˇ dawˬ kʼoꞈ dawˬ tseˇ dawˬ dawˆ ahˇ taˬ-euˬ Dawˬ ma saˇ jaˇ Bahˬ keuˆ kʼoeˇ, kʼoeˇ gaˇ bi jaˆ-awˇ, saˬ paˇ lawˆ kaˬ taw-awˬ.

Doˆ-iˇ 26:33

Saˬ paˇ paˇ ma kʼoeˇ hmˬ-ahˇ, sehˬ gʼawˆ nymˇ mˬ-ahˇ yaw cehˆ yaw cehˆ-ehˇ jaˆ-eu kuˆ seuˬ-ahˇ bi ceuˬ-awˇ, kʼaˬ lo teˇ byaꞈ nyiˬ byaꞈ ahˇ-eu dawˬ ma saˇ jaˇ bahˬ keuˆ kʼoeˇ siˬ-ahˇ, lawˆ kaˬ taw taˬ-euˬ saˬ paˇ paˇ ma-euˬ naˇ kʼah paw ya bi jaˆ meh. Saˬ paˇ paˇ ma kʼoeˇ hmˬ-aˬ, muiˬ-eu shawˇ-eu jawˇ duˬ hawˇ-eu Muiˬ dui Shawˇ dui dui-eu jawˇ duˬ yaw kaˬ-ahˇ, aˇ kaˬ taw paˆ taˬ-euˬ meh.

Bawˇtsahˬ 17:5

Ngaˬ neh tseˇ doˆ-euˬ gʼaˬ-euˬ gawˬ yoeˬ-ahˇ aˇ yehˆ yehˆ laˇ tehꞈ-a. Kʼoeˇ loꞈ-ehˇ jahˇ-eu laꞈ kʼoeˇ, Iˇsaˬleˬlaˆ tsawˇ haˬ deuˬ nawˬ-ahˇ maˬ tsehˆ leˇ ni iˬ baˇ taˬ-eu jeˬ-ahˇ ngaˇ laˆ byoˆ nehˬ ma.”

Doˆ-iˇ 34:29

Moˇseˬ zahˇ dawˬ kʼoꞈ dawˬ tseˇ dawˬ yuˇ-awˇ, Siˇnaˆ gawˬ jawˬ-ahˇ neh zaꞈ ka le ngeh, aˬ yawꞈ-euˬ myaˆ pyawˬ yaw shehꞈ bya luꞈ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ aˬ yawꞈ dawˬ ngehˬ cawˬ yaꞈ-euˬ miˇ neh meh. Ehˇ kʼawꞈ, aˬ yawꞈ-euˬ myaˆ pyawˬ yaw shehꞈ bya luꞈ-eu aˬ yawꞈ maˬ siˬ nya-a.

Panmaeq 8:3

Shuiˇ neh jahˇ taˬ-euˬ tsiˇ yaw saw jeˬ doꞈ duˬ yuˇ luꞈ-eu mˬ taˆ gʼaˬ kʼehˇ yawˬ gʼaˬ yawˬ oe-awˇ, lawˇ duˬ-ahˇ yawꞈ le-euˬ meh. Miˬyehˇ-euˬ tsawˇ haˬ dawˬ tawˆ luꞈ guiˬ lahˬ shaˇ gaˇ geuꞈ-eu gʼaˇ duˬ hawˇ-eu, dzoeˬ dzaˬ nuiˇ mahˬ mehˬ shi jaˆ-eu lawˇ duˬ kʼoeˇ taˆ bi lawˇ-eu gʼaˇ duˬ, aˬ yawꞈ-ahˇ tsiˇ yaw saw jeˬ gʼawˬ mya ni biꞈ taˬ-euˬ meh.

1 Sahˬpaˬ 8:21

Aˬ dui-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, aˬ yawꞈ maꞈ nehˬ-ehˇ Sahˬpaˬ Miˬyehˇ saˇ jaˇ dzaˬ-euˬ kʼaˬ lo teˇ byaꞈ nyiˬ byaꞈ ahˇ-eu Dawˬ ma saˇ jaˇ Bahˬ keuˆ kʼoeˇ keuˆ taˬ duˬ tiˬ tsahˇ kʼawꞈ, Uˬ duˬ tahˬ nymˇ nymˇ ma laꞈ kʼoeˇ ngaˇ laˆ saˆ taˬ-euˬ ma.”

1 Sahˬpaˬ 8:9

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Sahˬpaˬ Miˬyehˇ neh aˬ yawꞈ maꞈ-ahˇ saˇ jaˇ dzaˬ-euˬ jawˇ duˬ pyeuꞈ-eu Siˇnaˆ gawˬ jawˬ-ahˇ, Moˇseˬ neh dawˆ ahˇ-euˬ kʼaˬ lo teˇ byaꞈ kʼoeˇ nyiˬ byaꞈ maˬ ngeuˇ naˇ, nui jeˬ tiˬ jeˬ-iˬ Dawˬ ma saˇ jaˇ Bahˬ keuˆ laꞈ kʼoeˇ maˬ ahˇ-a.

1 Sahˬpaˬ 7:50

shuiˇ neh jahˇ taˬ-euˬ kʼmˬ maˬ deuˬ, shuiˇ neh jahˇ taˬ-euˬ tsiˇ kʼmˬ laˆ saˆ doꞈ-eu shuiˇ daˇ ceh deuˬ, shuiˇ naˬ bo deuˬ, yaw saw jeˬ doꞈ taˬ-euˬ shuiˇ kʼmˬ maˬ deuˬ, miˬ jiˆ pehˆ ahˇ-eu shuiˇ mui za deuˬ, Muiˬ dui shawˇ dui dui-eu jawˇ duˬ-ahˇ uˇ leˇ-eu laˇ gʼoˆ-ahˇ zmˬ-eu gʼaˇ duˬ hawˇ-eu, Uˬ duˬ tahˬ nymˇ nymˇ ma-ahˇ uˇ leˇ-eu laˇ gʼoˆ-ahˇ zmˬ-eu gʼaˇ duˬ shuiˇ naˬ joˆ deuˬ meh.

Bawˇtsahˬ 17:8

Yawˬ nah yawˬ Sehˬ gʼawˆ laꞈ kʼoeˇ Moˇseˬ uˇ leˇ haw ngeh, Leˬbiˇ tsawˇ jeuˬ-euˬ aˬ da yaw dzahˇ pyeuꞈ-eu Aˬloˬ-euˬ gawˬ yoeˬ-ahˇ aˇ yehˆ yehˆ laˇ-euˬ gaˇ Moˇseˬ ya mawˇ-euˬ meh. Gawˬ yoeˬ kʼoeˇ aˇ cuˬ cuˬ aˇ yehˆ yehˆ le-awˇ, Aˬlaˬmoˬ aˇ siˬ siˬ le-awˇ awꞈ laˇ taˬ-euˬ meh.

Doˆ-iˇ 39:35

kʼaˬ lo teˇ byaꞈ dawˆ ahˇ taˬ-euˬ dawˬ ma saˇ jaˇ bahˬ keuˆ, bahˬ keuˆ kʼmˬ pymˬ, bahˬ keuˆ baꞈ kawˬ,

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Doˆ-iˇ 32:15

Nyiˬ paw paˆ luꞈ zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ-ahˇ Moˇseˬ baꞈ-awˇ, gawˬ jawˬ laꞈ oˆ zaꞈ ka-iˇ-euˬ meh.

Doˆ-iˇ 37:25

Tiˬ caˆ oeˬ bawˬ byah-awˇ, nyiˬ caˆ goˇ-eu yaw saw jeˬ doꞈ-awˇ damˬ-eu lawˇ duˬ tiˬ hmˬ aˬkaˬshaˇ daˇ kawˬ neh aˬ yawꞈ jahˇ-euˬ meh. Laꞈ coeˇ oeˬ coeˇ-ahˇ tsoꞈ-eu uˬ coeˇ oeˬ kahˬ kʼawꞈ, tiˬ poˆ tehꞈ-ehˇ lawˇ duˬ aˬ yawꞈ-ahˇ jahˇ tsoꞈ-euˬ meh.

Dawˬmehˬ 9:9

Sahˬpaˬ Miˬyehˇ neh naw maꞈ nehˬ-ehˇ dzaˬ-euˬ dawˬ ma saˇ jaˇ boꞈ taˬ-euˬ kʼaˬ lo teˇ byaꞈ laˬ leˇ-eu gʼaˇ duˬ, Siˇnaˆ gawˬ jawˬ-ahˇ ngaˇ daˆ leˇ-euˬ ma. Oeˬ tseˇ nah oeˬ tseˇ miˇ keuˆ ni, tiˬ jeˬ-iˬ maˬ dzaˬ maˬ dawˇ-ehˇ, kʼoeˇ gaˇ ngaˇ jawˇ-euˬ ma.

Dawˬmehˬ 9:11

Oeˬ tseˇ nah oeˬ tseˇ miˇ byah laˇ gʼaˬ miˇ tsa, dawˬ ma saˇ jaˇ boꞈ taˬ-euˬ kʼaˬ lo teˇ byaꞈ kʼoeˇ nyiˬ byaꞈ, Sahˬpaˬ Miˬyehˇ ngaˬ-ahˇ biꞈ laꞈ-euˬ meh.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.