HeˬByehˇ 9:27 - Akha

²⁷ Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Tsawrhaqzaq tiq pov yashir-eu mae laer aertsaev taq-euq mae. Shir-euq nar-aq, yarkhaq yabi dar-eu mae.

HeˬByehˇ 9:27 Referans Kwoze

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

Dawˬ tsoˆ 12:7

Aˬ dui-euˬ gʼawˇ mawˇ miˇ tsaˬ-ahˇ gʼoꞈ kʼoꞈ-iˇ-awˇ, aˬ duiˬ-euˬ saꞈ laˇ-aˬ, dehꞈ-eu saꞈ laˇ biꞈ-eu yaw sahˇ pyeuꞈ-eu Miˬyehˇ jawˇ gaˇ gʼoꞈ leˇ tehꞈ-a. Aˇ yamˬ kʼoeˇ yamˬ maˬ keuˆ le mi naˆ-ehˇ, Miˬyehˇ-euˬ guiˬ lahˬ-ahˇ noeˬ keuˆ-awˬ.

Dawˬ tsoˆ 12:14

Aˬ dui neh kʼaˇ mˇ-euˬ muiˬ muiˬ doeˇ doeˇ dawˬ tawˆ luꞈ, Miˬyehˇ neh yaˇ kʼaˬ ya bi daˇ meh. Ciˬ cuˇ ni baˇ zaꞈ-ahˇ mˇ kʼoeˬ-euˬ jeˬ kʼawꞈ, tiˬ hmˬ-iˬ maˬ dzeuˇ-iˇ nya-a.

2 Saˬmeuˬlaˆ 14:14

Aˬ dui dawˬ tawˆ luꞈ ya shiˇ tehꞈ-a. Aˬ dui-aˬ, miˇ tsaˬ-ahˇ shehˆ dzeh-awˇ maˬ paˇ tawˆ kʼoꞈ geuꞈ nya-eu iˇ cuꞈ-ahˇ duˇ-eu meh. Shiˇ dzeuˇ-euˬ tsawˇ haˬ deuˬ-ahˇ, Miˬyehˇ maˬ bi gʼoꞈ dehꞈ laˇ-a. Ehˇ kʼawꞈ, aˬ cawˬ miˇ kʼahˬ-ahˇ cehˆ jawˇ-iˇ-euˬ tsawˇ haˬ tiˬ gʼaˬ gʼoꞈ laˇ nya ni, sahˬ paˬ gaˇ ma pah nehˬ nya tehꞈ-a.

Gʼaˬkʼehˇ 17:31

Aˬ jeˬ miˇ neh ehˇ naˇ, aˬ yawꞈ neh tseˇ doˆ-euˬ tsawˇ haˬ-ahˇ gʼoe-awˇ, miˇ tsaˬ heu dawˬ tawˆ luꞈ-ahˇ yaw tsaˬ yaw dawˇ jeˬ neh yaˇ kʼaˬ daˇ-eu gʼaˇ duˬ, Miˬyehˇ neh toꞈ taˬ-euˬ aˇ nah tiˬ nah jaˆ meh. Tsawˇ haˬ kʼoeˇ gʼaˬ-ahˇ shiˇ-euˬ gaˇ paˇ bi gʼoꞈ dehꞈ laˇ-eu laꞈ kʼoeˇ, aˬ yawꞈ neh kʼoeˇ loꞈ-ehˇ lehˬ hmˬ taˬ-euˬ jaˆ-eu gaˇ kawˆ, tsawˇ haˬ dawˬ tawˆ luꞈ-ahˇ bi siˬ duˬ-euˬ meh.”

Dawˬ tsoˆ 9:5

Dehꞈ luꞈ-eu deuˬ yawˬ ha ya shiˇ-eu gaˇ kawˆ siˬ nya kʼawꞈ, shiˇ dzeuˇ-euˬ deuˬ siˬ nya-eu aˬ jeˬ paˇ jaˆ ta. Aˬ yawꞈ maꞈ tiˬ jeˬ-iˬ aˇ poeˬ maˬ paˇ baw-ehˇ, tiˬ gʼaˬ-iˬ maˬ noeˬ mawˇ ni bi ngehˇ byoˆ jiˇ-eu meh.

Yuˇdaˆ 1:15

Tsawˇ haˬ dawˬ tawˆ luꞈ-ahˇ yaˇ kʼaˬ daˇ-eu lehˇ oe-awˇ, aˬ yawꞈ maꞈ Miˬyehˇ-ahˇ yaw zeu maˬ baw ni mˇ taˬ shaˇ taˬ-euˬ miˇ neh maˬ ehˇ, Miˬyehˇ-ahˇ yaw zeu maˬ baw-eu iˬ baˇ zaˬ deuˬ neh aˬ yawꞈ-ahˇ ngehˬ doeˇ ehˇ doeˇ-euˬ miˇ neh maˬ ehˇ, aˬ yawꞈ maꞈ-ahˇ kʼehˬ nehˬ kʼaˆ nehˬ tehꞈ-a.”

2 Tiˆmoˇseˬ 4:1

Miˬyehˇ-euˬ mehˬ shi hawˇ-eu, dehꞈ luꞈ-eu tsawˇ haˬ hawˇ-eu shiˇ dzeuˇ-euˬ tsawˇ haˬ deuˬ-ahˇ yaˇ kʼaˬ daˇ nehˬ-eu Sahˬpaˬ geuꞈ-awˇ uˆ lahˇ le-eu lehˇ gʼeh-eu Yeˬsuˇ Ka li-euˬ mehˬ shi, ngaˇ nawˬ-ahˇ heu loꞈ-ehˇ dawˬ biꞈ-eu ma.

Dawˬ tsoˆ 11:9

Zaˬ guˬ deuˬ-oˇ, zaˬ guˬ aˇ yamˬ-ahˇ nui kʼahˇ shiˇ-awˬ. Zaˬ guˬ guˬ ngeh laˬ kʼaˬ cehˇ-awˬ. Nawˬ-euˬ nui loˆ kʼaˇ jaˆ-eu loꞈ-ehˇ nui kʼahˇ tiˬ shiˇ dehꞈ-awˬ. Ehˇ kʼawꞈ, nawˬ neh kʼaˇ dehꞈ-euˬ loꞈ-ehˇ aˬ kaˇ tiˬ nah Miˬyehˇ yaˇ kʼaˬ daˇ nehˬ laꞈ gaˇ taˬ ngehˇ.

Lormav 5:12

Tsawˇ haˬ tiˬ gʼaˬ baˬ da neh miˇ tsaˬ kʼoeˇ taˆ iˬ baˇ keuˆ le-awˇ, iˬ baˇ kʼoeˇ baˬ da neh shiˇ-eu jeˬ keuˆ le-euˬ meh. Shiˇ-eu jeˬ kʼoeˇ, tsawˇ haˬ zaˬ dawˬ tawˆ luꞈ kʼoeˇ taˆ keuˆ le-euˬ meh. Aˬ jeˬ miˇ neh ehˇ ehˇ naˇ, tsawˇ haˬ zaˬ yawˬ gʼaˬ na luꞈ iˬ baˇ mˇ-euˬ meh.

Dawˬ tsoˆ 3:20

Nyiˬ jeˬ luꞈ aˇ saˬ saˬ leˇ duˬ tiˬ tsahˇ tehꞈ meh. Kʼaˬ lehˇ-ahˇ pyeuꞈ doˆ laˇ-euˬ loꞈ-ehˇ, kʼaˬ lehˇ paˇ ya pyeuꞈ kʼoꞈ jiˇ-eu meh.

Yawˇbaˆ 14:5

Tsawˇ haˬ-euˬ ziˇ hawˇ-eu aˬ yawꞈ ya dehꞈ-eu ba la aˇ siˬ-ahˇ, yaw beh neh diˬ tsehˆ taˬ-euˬ meh. Nawˬ neh laˆ tsaˬ jiˇ taˬ-euˬ miˇ neh maˬ paˇ laˆ paˇ nya meh.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

HeˬByehˇ 6:2

Iˇ cuꞈ shawˇ-eu gaˇ kawˆ maˬ ehˇ, aˬ laꞈ cawˬ daˆ-awˇ aˇ yaˬ biꞈ-eu gaˇ kawˆ maˬ ehˇ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ maˬ ehˇ, Miˬyehˇ neh yaˇ kʼaˬ daˇ-euˬ jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ maˬ ehˇ, aˬ dui dzaw poˆ dzaw poˆ-ehˇ jawˇ yamˬ maˬ paˇ ngeuˇ meh.

Jaceuq 89:48

Tiˬ jawˇ-iˬ shiˇ-eu maˬ baw ni aˬ suˇ gʼaˬ dehꞈ nya ta. Tsawˇ haˬ zaˬ lmˬ bymˇ-ahˇ maˬ ya uˇ-iˇ ni yawˬ haˇ yawˬ ha aˬ suˇ gʼaˬ ziˇ lahˬ ka nya ta.

Yawˇbaˆ 30:23

Yawˬ gʼaˬ na luꞈ tiˬ poˆ ya uˇ-iˇ-eu jawˇ duˬ pyeuꞈ-eu shiˇ-eu miˇ kʼahˬ-ahˇ nawˇ ngaˬ-ahˇ yuˇ gʼeh luꞈ-eu ngaˇ siˬ nya ma.

Yawˇbaˆ 19:25

Ehˇ kʼawꞈ, aˇ saˬ saˬ ngeh ngaˬ-ahˇ ka kʼoꞈ le-eu gʼaˬ, mˬ kʼoeˇ taˆ jawˇ meh lehˇ ngaˇ siˬ nya ma.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Dawˬ tsoˆ 3:2

Dehꞈ le-eu yamˬ baw-eu loꞈ-ehˇ, shiˇ-eu aˇ yamˬ kʼawꞈ baw-eu meh. Toeˬ ka-eu yamˬ baw-eu loꞈ-ehˇ, gʼawˇ doˆ-eu yamˬ kʼawꞈ baw-eu meh.

HeˬByehˇ 10:27

Aˬ dui kʼoeˇ taˆ keuˆ le-eu yaˇ kʼaˬ daˇ-eu jeˬ hawˇ-eu Miˬyehˇ-ahˇ puiˬ-eu tsawˇ haˬ deuˬ-ahˇ laˆ luˬ laˆ seˇ le-eu, guˆ dui dui laˇ paˬ-ehˇ gʼeh-eu miˬ dzaˬ-ahˇ guˆ guˆ-ehˇ dawˬ-eu jeˬ maˬ ngeuˇ naˇ, aˬ dui gʼaˇ duˬ nui jeˬ noeˬ tmˬ kʼaˇ maˬ paˇ za meh.

1 Yoˇhaˬ 4:17

Yaˇ kʼaˬ daˇ-eu aˇ nah-ahˇ aˬ dui nui ma ziꞈ dah ni jaˆ ni, aˬ dui laꞈ kʼoeˇ gʼoeˇ-eu gaˬ-eu jeˬ bi byah laˇ-euˬ meh. Aˬ dui nui ma ziꞈ dah ni jaˆ ma. Aˬ jeˬ miˇ neh ehˇ naˇ, aˬ dui miˇ tsaˬ kʼoeˇ taˆ dehꞈ-eu heu-aˬ, Ka li aˬ yawꞈ miˇ tsaˬ kʼoeˇ taˆ dehꞈ yaꞈ-euˬ loꞈ-ehˇ tiˬ kawˆ ma.

Luˇkaꞈ 20:32

Aˇ saˬ saˬ laˇ ngeh, zaˬ miˬ zaˬ kʼoeˇ gʼaˬ kʼawꞈ shiˇ-euˬ meh.