HeˬByehˇ 8:5 - Akha

⁵ Aˬ yawꞈ maꞈ piˇ ma geuꞈ-awˇ mˇ luꞈ-eu kʼoeˇ-aˬ, mˬ kʼoeˇ taˆ mˇ luꞈ-eu jeˬ-euˬ naˇ shmˇ aˇ baˇ loˆ ni tehꞈ meh. Aˬ yawꞈ maꞈ-aˬ, Moˇseˬ neh kʼaˇ mˇ-euˬ loꞈ-ehˇ mˇ luꞈ-eu tehꞈ meh. Moˇseˬ aˬ yawꞈ Dawˬ ma saˇ jaˇ Sehˬ gʼawˆ tsoˆ-eu lehˇ gʼeh ngeh, “Yawˬ jeˬ na luꞈ gawˬ jawˬ kʼoeˇ taˆ nawˬ-ahˇ mehˬ nehˬ-euˬ Sehˬ gʼawˆ-ahˇ duˇ leˇ ni yaw duˬ duˬ-ehˇ tsoˆ-awˬ” lehˇ, aˬ yawꞈ-ahˇ Miˬyehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf mrluf-eu khoer-aq, mq-euq khoertav mr-eu jeq-euq narshmr hawr-eu arbar lovni taef mae. Morseq saqpar saeqghawv ghawv-eu laer ghae ngae, Miqyaer, Morseq-anr heulof-aer aernaeq-euq mae, “Yawqjeq navluf gawqjawq-euq khoertav nawq-anr bimawr-euq arbar lof-aer durni, yawmuiq-aer ghawv-awq.” (Di 25:40)

HeˬByehˇ 8:5 Referans Kwoze

Doˆ-iˇ 25:40

Heu deuˬ dawˬ tawˆ luꞈ-ahˇ, ngaˬ neh nawˬ-ahˇ gawˬ jawˬ kʼoeˇ taˆ kʼaˇ mehˬ nehˬ-euˬ loꞈ-ehˇ, maˬ bi beu-iˇ ni jahˇ-awˬ.

Gawˇlawˇsehˇ 2:17

Heu deuˬ dawˬ tawˆ Luꞈ aˬ kaˇ pyeuꞈ laˇ-eu gaˇ kawˆ-euˬ aˇ baˇ naˇ shmˇ loˆ ni tehꞈ meh. Maˇ maˇ ni gʼeh-eu jeˬ-aˬ, Ka li meh.

HeˬByehˇ 10:1

Yuˇdaˆ tsawˇ haˬ-euˬ Zahˇ dawˬ kʼoꞈ dawˬ-aˬ, maˇ maˇ ni gʼeh-eu jeˬ maˬ ngeuˇ-a. Keuˆ le luꞈ-eu maˇ maˇ ni gʼeh-eu yaw muiˬ jeˬ-euˬ aˇ baˇ naˇ shmˇ loˆ ni tehꞈ meh. Tiˬ jawˇ-iˬ lawˇ gʼaˬ shehˇ gʼaˬ-euˬ maˬ baw ni, aˬ yawꞈ tiˬ jeˬ tehꞈ-ehˇ gʼawˬ mya kʼoꞈ gʼawˬ mya la ya lawˇ ya shehˇ poˆ-eu meh. Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ, kʼoeˇ loꞈ-ehˇ lawˇ poˆ shehˇ poˆ poˆ-eu laꞈ kʼoeˇ, Miˬyehˇ jawˇ gaˇ laˇ-eu tsawˇ haˬ deuˬ-ahˇ byah-eu tsawˇ haˬ aˬ joˆ-ehˇ bi pyeuꞈ laˇ nya nmˇ.

Doˆ-iˇ 26:30

Gawˬ jawˬ kʼoeˇ taˆ, ngaˬ neh nawˬ-ahˇ mehˬ nehˬ-euˬ loꞈ-ehˇ, sehˬ gʼawˆ tsoˆ-awˬ.

1 Laˬsaˬbaˬ 28:19

“Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

Doˆ-iˇ 27:8

Gawˬ jawˬ kʼoeˇ taˆ ngaˇ nawˬ-ahˇ mehˬ nehˬ-euˬ loꞈ-ehˇ, lawˇ duˬ kʼoeˇ hmˬ-ahˇ teˇ byaꞈ neh jahˇ-awˇ, coˇ hoˇ ni ya bi jaˆ meh.

1 Laˬsaˬbaˬ 28:12

Poˆ kaˬ deuˬ hawˇ-eu, poˆ kaˬ jawˬ jawˬ-ehˇ bi jaˆ-eu aˇ lawˆ deuˬ tsoˆ-eu gʼaˇ duˬ maˬ ehˇ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ hawˇ-eu, Sahˬpaˬ Miˬyehˇ-ahˇ kʼaˇ damˬ nehˬ laˇ-euˬ jeˬ-ahˇ bi jeˬ hmˬ taˬ-eu aˇ lawˆ deuˬ tsoˆ-eu gʼaˇ duˬ maˬ ehˇ, aˬ yawꞈ neh kʼaˇ noeˬ doˆ-euˬ loꞈ-ehˇ aˇ kawˆ kawˆ taˬ-euˬ jeˬ kʼawꞈ, biꞈ nehˬ-euˬ meh.

HeˬByehˇ 9:9

Heu-aˬ, nymˬ-mˇ-euˬ aˇ yamˬ heu-ahˇ mehˬ nehˬ laꞈ-eu jeˬ pyeuꞈ-eu meh. Ehˇ mawꞈ-eu dawˬ tsuiꞈ-aꞈ, Miˬyehˇ-ahˇ damˬ nehˬ-euˬ jeˬ hawˇ-eu jeˬ zaˬ sehꞈ-awˇ lawˇ-eu shehˇ-eu jeˬ-aˬ, Miˬyehˇ-ahˇ uˬ duˬ tahˬ-eu tsawˇ haˬ-euˬ nui ma muiˬ laˇ shawˇ laˇ ni maˬ mˇ byah nehˬ nya-a lehˇ ehˇ mawꞈ-eu meh.

Bawˇtsahˬ 8:4

Moˇseˬ-ahˇ Sahˬpaˬ Miˬyehˇ yaw duˬ duˬ-ehˇ mehˬ nehˬ-euˬ loꞈ-ehˇ, tsiˇ kʼmˬ doꞈ taˬ duˬ kʼoeˇ hmˬ-ahˇ, uˬ duˬ-ahˇ neh dawˬ pehˬ-ahˇ keuˆ ni shuiˇ neh tehˆ taˬ-euˬ meh.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

Gʼaˬkʼehˇ 7:44

“Aˬ dui-euˬ aˬ poeˬ aˬ bawˇ deuˬ, bawˇ tsahˬ bawˇ dahˇ-ahˇ Dawˬ ma saˇ jaˇ Sehˬ gʼawˆ jaˆ-euˬ meh. Miˬyehˇ neh Moˇseˬ-ahˇ ehˇ nehˬ-awˇ bi tsoˆ-euˬ loꞈ-ehˇ, Moˇseˬ neh ya mawˇ-euˬ hmˬ-ahˇ duˇ leˇ ni tsoˆ-euˬ meh.

Doˆ-iˇ 25:9

Sehˬ gʼawˆ hawˇ-eu, sehˬ gʼawˆ laꞈ kʼoeˇ bi jaˆ-eu keu ka deuˬ-ahˇ, ngaˇ nawˬ-ahˇ mehˬ nehˬ-eu loꞈ-ehˇ tsoˆ-awˬ.

Maꞈtehˬ 2:12

Aˬ yawꞈ maꞈ sahˬ paˬ Heˬloˆ jawˇ gaˇ maˬ ya gʼoꞈ-iˇ ni, yuꞈ maˆ maˆ-eu laꞈ kʼoeˇ Miˬyehˇ neh aˬ yawꞈ maꞈ-ahˇ ehˇ nehˬ-euˬ miˇ neh, yawˬ paw yawˬ gaˇ jaw jaw-awˇ aˬ yawꞈ maꞈ-euˬ miˇ kʼahˬ-ahˇ gʼoꞈ-iˇ-euˬ meh.

HeˬByehˇ 13:10

Yuˇdaˆ tsawˇ haˬ uˬ duˬ tahˬ-eu jawˇ duˬ-ahˇ gaˇ mˇ-eu piˇ ma deuˬ-aˬ, aˬ dui-euˬ lawˇ duˬ kʼoeˇ taˆ lawˇ-euˬ lawˇ dzaˇ maˬ dzaˬ kʼmˬ-a.

Panmaeq 15:5

Kʼoeˇ naˇ, mˬ kʼoeˇ taˆ jaˆ-eu uˬ duˬ tahˬ nymˇ nymˇ ma pah taˬ-awˇ, laꞈ kʼoeˇ paw Miˬyehˇ jawˇ-eu Sehˬ gʼawˆ jaˆ gaˇ ngaˇ ya mawˇ-euˬ ma.

Yawˇshuˆ 22:28

Nga maꞈ heu loꞈ-ehˇ noeˬ-eu ma. Aˬ kaˇ, nga maꞈ-ahˇ maˬ ehˇ, nga maꞈ-euˬ zaˬ deuˬ uˆ deuˬ-ahˇ maˬ ehˇ, kʼoeˇ loꞈ-ehˇ ehˇ laˇ naˇ, nga maꞈ-euˬ zaˬ deuˬ uˆ deuˬ heu loꞈ-ehˇ ehˇ kʼoꞈ nehˬ nya tehꞈ-a. ‘Haw yawˬ. Sahˬpaˬ Miˬyehˇ-euˬ lawˇ duˬ-ahˇ duˇ-eu lawˇ duˬ tiˬ hmˬ nga maꞈ-euˬ aˬ poeˬ aˬ bawˇ deuˬ neh gawˬ taˬ yaꞈ-euˬ meh. Kʼoeˇ-aˬ, lawˇ-eu shehˇ-eu gʼaˇ duˬ maˬ ngeuˇ-ehˇ, nga maꞈ tsawˇ jeuˬ hawˇ-eu naw maꞈ tsawˇ jeuˬ yaw kaˬ-ahˇ saˇ kiˇ bi pyeuꞈ-eu gʼaˇ duˬ meh’ lehˇ ehˇ kʼoꞈ nehˬ nya tehꞈ-a.