HeˬByehˇ 6:2 - Akha

² Iˇ cuꞈ shawˇ-eu gaˇ kawˆ maˬ ehˇ, aˬ laꞈ cawˬ daˆ-awˇ aˇ yaˬ biꞈ-eu gaˇ kawˆ maˬ ehˇ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ maˬ ehˇ, Miˬyehˇ neh yaˇ kʼaˬ daˇ-euˬ jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ maˬ ehˇ, aˬ dui dzaw poˆ dzaw poˆ-ehˇ jawˇ yamˬ maˬ paˇ ngeuˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² bartirsaq mrnaeq-eu dawqmaeq dawqtsov, aqlaf bafdav-eu garkawv, shir-euq gar nae ghofdaef lar-eu garkawv hawr-eu arsaq saq-eu maqbawni yarkhaq dar-eu jeq, heudeuq mae.

HeˬByehˇ 6:2 Referans Kwoze

Gʼaˬkʼehˇ 6:6

Aˇ muˇ neh aˬ yawꞈ maꞈ-ahˇ gʼaˬ kʼehˇ deuˬ jawˇ gaˇ sheuˬ gʼeh-awˇ, gʼaˬ kʼehˇ deuˬ guiˬ lahˬ shaˇ-awˇ, aˬ yawꞈ maꞈ kʼoeˇ taˆ aˬ laꞈ baꞈ daˆ nehˬ-euˬ meh.

Gʼaˬkʼehˇ 24:25

Ehˇ kʼawꞈ, yaw tsaˬ yaw dawˇ jeˬ gaˇ kawˆ, yawˬ ha-euˬ nui ma-ahˇ nyehꞈ tehˬ gʼaˬ-eu gaˇ kawˆ, Yaˇ kʼaˬ daˇ-eu Aˇ nah keuˆ le luꞈ-eu gaˇ kawˆ heu deuˬ-ahˇ Pawˆluˆ ja keuˆ ngeh, Peˬliˇ noeˬ guˆ laˇ-awˇ ehˇ-eu, “Nawˇ gʼoꞈ-iˇ-awˬ. Aˬ kaˇ dah ngeh nawˬ-ahˇ ngaˇ paˇ bi kuˇ le ma.”

Gʼaˬkʼehˇ 23:6

Uiˬ laˇ taˬ-euˬ tsawˇ haˬ deuˬ laꞈ kʼoeˇ, tiˬ paˆ deuˬ Paˬliˬsehˇ deuˬ pyeuꞈ-awˇ tiˬ paˆ deuˬ Saˬduˬgehˇ deuˬ pyeuꞈ-eu Pawˇluˆ haw siˬ ngeh, Baꞈ dzah-ahˇ teˇ saˇ yaw kʼaˆ kʼaˆ-ehˇ guˇ-awˇ heu loꞈ-ehˇ ehˇ-eu meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ Paˬliˬsehˇ ma. Ngaˬ da kʼawꞈ Paˬliˬsehˇ meh. Shiˇ-euˬ tsawˇ haˬ deuˬ gʼoꞈ dehꞈ laˇ tehꞈ-a lehˇ ngaˇ noeˬ tmˬ-euˬ tiˬ jeˬ baˬ da neh, aˬ cawˬ neh bi nyehꞈ-awˇ heu loꞈ-ehˇ bi naˇ haˬ gaˇ ya daˬ luꞈ-eu ma.”

Gʼaˬkʼehˇ 17:18

Iˇbiˇguˇlu zahˇ mehˬ-eu saˬ laˬ deuˬ hawˇ-eu, Saˬdawˇiˇ zahˇ mehˬ-eu saˬ laˬ deuˬ kʼawꞈ, aˬ yawꞈ nehˬ-ehˇ ja sawˇ haw-euˬ meh. Aˬ yawꞈ maꞈ tiˬ paˆ na deuˬ ehˇ-eu, “Yaw gahˇ jahˇ geuꞈ-eu dawˇ ga teu gʼaˬ aˬ jeˬ ehˇ-eu nga teu.” Tiˬ paˆ na deuˬ-aˬ, “Yawˬ kʼahˬ yaw miˇ yawˬ-ahˇ-euˬ miˬ yehˇ deuˬ-euˬ gaˇ kawˆ mehˬ-eu tsawˇ haˬ ngeuˇ-eu jeˬ nga” lehˇ ehˇ-eu meh. Yeˬsuˇ-euˬ gaˇ kawˆ hawˇ-eu gʼoꞈ dehꞈ laˇ-eu jeˬ gaˇ kawˆ Pawˇluˆ dawˬ mehˬ mehˬ-eu miˇ neh, aˬ yawꞈ maꞈ kʼoeˇ loꞈ-ehˇ ehˇ-eu meh.

Gʼaˬkʼehˇ 16:33

Uˬ ciꞈ kʼoeˇ miˇ aˇ yamˬ kʼoeˇ yamˬ-ahˇ, tawˬ-ahˇ haw-eu kʼoeˇ gʼaˬ aˬ yawꞈ nyaꞈ-ahˇ sheuˬ gʼeh-awˇ, maˇ kʼehˬ maˇ naˇ tsiˬ shawˇ nehˬ-euˬ meh. Kʼoeˇnaˇ, aˬ yawꞈ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ tiˬ poˆ tehꞈ-ehˇ iˇ cuꞈ shawˇ-euˬ meh.

Gʼaˬkʼehˇ 16:15

Aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ dawˬ tawˆ luꞈ iˇ cuꞈ shawˇ gʼaˬ ngeh jawˇ, “Ngaˇ-aˬ, Sahˬpaˬ Miˬyehˇ-ahˇ aˬ diˇ jah-eu tsawˇ haˬ pyeuꞈ-eu ngaˇ lehˇ naw maꞈ noeˬ tsehˆ gʼaˬ-euˬ ngeuˇ naˇ, ngaˬ-euˬ nymˇ-ahˇ yaꞈ laˇ-awˬ” lehˇ ehˇ-awˇ, nga maꞈ-ahˇ aˬ yawꞈ-euˬ nymˇ-ahˇ sheuˬ daˆ gʼeh-euˬ meh.

Gʼaˬkʼehˇ 10:47

“Tsawˇ haˬ heu deuˬ kʼawꞈ,aˬ dui maꞈ loꞈ-ehˇ Muiˬ-eu shawˇ-eu Yaw sahˇ Miˬyehˇ za-euˬ meh. Aˬ yawꞈ maꞈ iˇ cuꞈ laꞈ kʼoeˇ iˇ cuꞈ shawˇ gaˇ aˬ suˇ gʼaˬ paˇ laˆ tsoeˬ nya ta.”

Gʼaˬkʼehˇ 2:41

Aˬ yawꞈ dawˬ mehˬ mehˬ gaˇ tsawˇ haˬ gʼawˬ mya ni jah leˇ-awˇ, iˇ cuꞈ bi shawˇ-euˬ meh. Kʼoeˇ ngeh nah tehꞈ-ehˇ, aˬ yawꞈ maꞈ-euˬ aˇ muˇ-ahˇ tsawˇ haˬ smˬ heˇ gʼaˬ lahˬ laˇ-euˬ meh.

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Yoˇhaˬ 1:33

Ngaˇ aˬ yawꞈ-ahˇ maˬ siˬ nya-aˬ siˬ. Ehˇ kʼawꞈ, iˇ cuꞈ neh iˇ cuꞈ bi shawˇ nehˬ le-eu lehˇ ngaˬ-ahˇ kʼehˇ gʼeh leꞈ-euˬ Miˬyehˇ ehˇ-eu, ‘Yaw sahˇ Miˬyehˇ tsawˇ haˬ tiˬ gʼaˬ kʼoeˇ taˆ zaꞈ le-awˇ jawˇ gaˇ nawˇ ya mawˇ tehꞈ-a. Aˬ yawꞈ-aˬ, Yaw sahˇ Miˬyehˇ neh iˇ cuꞈ shawˇ nehˬ-euˬ gʼaˬ meh’ lehˇ ehˇ-eu meh.

Maˬkuˆ 16:16

Jah-awˇ iˇ cuꞈ kʼaˇ shawˇ-eu tsawˇ haˬ deuˬ ka kʼoꞈ-eu jeˬ za tehꞈ-a. Maˬ jah-eu tsawˇ haˬ deuˬ-aˬ, yaˇ kʼaˬ daˇ nehˬ gaˇ ya daˬ tehꞈ-a.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Dawˬ tsoˆ 12:14

Aˬ dui neh kʼaˇ mˇ-euˬ muiˬ muiˬ doeˇ doeˇ dawˬ tawˆ luꞈ, Miˬyehˇ neh yaˇ kʼaˬ ya bi daˇ meh. Ciˬ cuˇ ni baˇ zaꞈ-ahˇ mˇ kʼoeˬ-euˬ jeˬ kʼawꞈ, tiˬ hmˬ-iˬ maˬ dzeuˇ-iˇ nya-a.

2 Beˬtuˆluˆ 3:7

Ehˇ kʼawꞈ, nymˬ-mˇ jaˆ luꞈ-eu mˬ hawˇ-eu miˇ heu deuˬ kʼawꞈ, Miˬyehˇ-euˬ dawˬ aˬ yawꞈ tiˬ dawˬ neh maˬ bi cawˆ-iˇ ni jeˬ hmˬ daˆ laꞈ-euˬ jeˬ pyeuꞈ-eu meh. Kʼoeˇ-aˬ, miˬ dzaˬ neh paˇ bi laˆ cawˆ-eu gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh. Miˬyehˇ-ahˇ yaw zeu maˬ baw-eu tsawˇ haˬ deuˬ-ahˇ yaˇ kʼaˬ daˇ nehˬ-awˇ laˆ luˬ laˆ seˇ nehˬ-eu aˇ nah kʼoeˇ nah gʼaˇ duˬ jeˬ hmˬ daˆ laꞈ-euˬ jeˬ pyeuꞈ-eu meh.

HeˬByehˇ 11:35

Jah-eu jeˬ baˬ da neh, zaˬ miˬ zaˬ deuˬ shiˇ dzeuˇ-euˬ yawˬ ha-euˬ aˬ yuiꞈ aˬ nyiˇ deuˬ-ahˇ bi gʼoꞈ dehꞈ laˇ nya-euˬ meh. Tiˬ deuˬ-aˬ, muiˬ dzehˬ-eu gʼoꞈ dehꞈ laˇ-eu jeˬ-ahˇ za nya ni, bi buˬ bi law-iˇ-eu jeˬ-ahˇ maˬ ha geuꞈ-ehˇ bi kʼehˬ bi kʼaˆ sehꞈ leꞈ-euˬ meh.

HeˬByehˇ 9:10

Aˬ jeˬ miˇ neh ehˇ naˇ, heu deuˬ-aˬ, dzaˬ-eu dawˇ-eu jeˬ hawˇ-eu muiˬ laˇ shawˇ laˇ ni mˇ-eu zahˇ sahˇ kʼoꞈ deuˬ-ahˇ tehꞈ-ehˇ taꞈ-eu meh. Heu deuˬ-aˬ, Miˬyehˇ zahˇ yaw shuiꞈ maˬ laˆ paˇ kʼoeˇ keuˆ ni tehꞈ-ehˇ geuꞈ nya-eu, laꞈ nyiˇ paw tehꞈ-ehˇ taꞈ leˇ-eu zahˇ sahˇ kʼoꞈ pyeuꞈ-eu meh.

2 Tiˆmoˇseˬ 2:18

Aˬ dui gʼoꞈ dehꞈ laˇ-eu jeˬ keuˆ le dzeuˇ-euˬ meh lehˇ ehˇ-eu laꞈ kʼoeˇ, yaw tsaˬ yaw dawˇ gaˇ ma-ahˇ aˬ yawꞈ maꞈ byehˇ dzeh-awˇ, tsawˇ haˬ tiˬ paˆ na deuˬ-euˬ jah-eu nui ma bi cawˆ-iˇ-eu meh.

Gawˇlawˇsehˇ 2:12

A jeˬ miˇ neh ehˇ naˇ, naw maꞈ iˇ cuꞈ shawˇ ngeh Ka li nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, tiˬ kawˆ loꞈ-ehˇ paˇ gʼoꞈ dehꞈ laˇ-euˬ jeˬ pyeuꞈ-eu meh. Ka li-ahˇ bi gʼoꞈ dehꞈ laˇ-euˬ Miˬyehˇ-euˬ dehꞈ luꞈ-eu baoˬ-ahˇ naw maꞈ jah-eu laꞈ kʼoeˇ gʼoꞈ dehꞈ laˇ-euˬ jeˬ pyeuꞈ-eu meh.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

1 Gawˇliˬtu 12:13

Kʼoeˇ loꞈ-ehˇ duˇ ni, aˬ dui dawˬ tawˆ luꞈ, Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, Yaw sahˇ Miˬyehˇ neh gʼawˇ mawˇ tiˬ mawˇ laꞈ kʼoeˇ iˇ cuꞈ bi shawˇ gʼaˬ-awˇ, aˬ dui dawˬ tawˆ luꞈ Yaw sahˇ Miˬyehˇ tiˬ gʼaˬ-ahˇ tehꞈ-ehˇ dawˇ luꞈ-eu ma.

1 Gawˇliˬtu 10:2

Moˇseˬ-euˬ zaˬ lahˇ geuꞈ-eu gʼaˇ duˬ, mˬ dmˇ hawˇ-eu iˬ ma laˆ shaˆ laꞈ kʼoeˇ aˬ yawꞈ maꞈ dawˬ tawˆ luꞈ iˇ cuꞈ shawˇ-euˬ meh.

Lormav 2:16

Kʼoeˇ miˇ neh, ngaˇ mehˬ luꞈ-eu Laˬ kʼaˬ cehˇ-eu Guiˬ lahˬ dawˬ heu ehˇ mawꞈ-eu-aˬ, tsawˇ haˬ zaˬ-euˬ nui ma laꞈ kʼoeˇ zaꞈ taˬ-euˬ nui noeˬ kʼoeˇ-ahˇ, Yeˬsuˇ Ka li-ahˇ gʼoe-awˇ Miˬyehˇ yaˇ kʼaˬ daˇ ngeh Nah, kʼoeˇ loꞈ-ehˇ daˇ tehꞈ-a.

Gʼaˬkʼehˇ 26:8

Aˬ jeˬ miˇ neh naw maꞈ heu gaˇ uiˬ laˇ taˬ-euˬ tsawˇ haˬ deuˬ, shiˇ-euˬ tsawˇ haˬ-ahˇ Miˬyehˇ bi gʼoꞈ dehꞈ laˇ nya meh lehˇ ehˇ gaˇ maˬ jah coeˇ te.”

Gʼaˬkʼehˇ 24:21

Aˬ yawꞈ maꞈ-euˬ mehˬ shi ngaˇ yawꞈ ngeh ngaˬ neh guˇ guˇ-ehˇ ehˇ-euˬ gaˇ kawˆ kʼoeˇ hmˬ-ahˇ toeˬ ceh kʼaˇ za-eu tehꞈ meh. ‘Shiˇ-euˬ tsawˇ haˬ deuˬ paˇ gʼoꞈ dehꞈ laˇ tehꞈ-a lehˇ ngaˇ jah-eu tiˬ jeˬ baˬ da neh, iˬ nah naw maꞈ neh nyehꞈ-awˇ heuꞈ loꞈ-ehˇ bi naˇ haˬ gaˇ ya daˬ luꞈ-eu ma’ lehˇ ehˇ-euˬ kʼoeˇ dawˬ-ahˇ toeˬ ceh kʼaˇ za-eu tehꞈ meh.”

Gʼaˬkʼehˇ 24:15

Tsawˇ muiˬ tsawˇ doeˇ dawˬ tawˆ luꞈ-ahˇ shiˇ-euˬ gaˇ paˇ bi gʼoꞈ dehꞈ laˇ tehꞈ-a lehˇ tsawˇ haˬ heu deuˬ Miˬyehˇ laꞈ kʼoeˇ noeˬ tmˬ-eu loꞈ-ehˇ, ngaˇ kʼawꞈ noeˬ tmˬ-eu ma.

Gʼaˬkʼehˇ 4:2

Aˬ yawꞈ nyaꞈ Yeˬsuˇ shiˇ-awˇ Miˬyehˇ neh paˇ bi gʼoꞈ dehꞈ laˇ-euˬ gaˇ kawˆ mehˬ-awˇ, shiˇ-euˬ tsawˇ haˬ deuˬ-ahˇ paˇ bi gʼoꞈ dehꞈ laˇ nya meh lehˇ ehˇ mawꞈ-eu miˇ neh, aˬ yawꞈ maꞈ nui ma tiˬ pawꞈ-iˬ maˬ tsaˬ-a.

Yoˇhaˬ 5:29

Lmˬ bymˇ laꞈ kʼoeˇ neh aˬ yawꞈ maꞈ doˆ laˇ-awˇ, yaw muiˬ jeˬ mˇ-euˬ tsawˇ haˬ deuˬ-aˬ, dehꞈ-eu jeˬ za tehꞈ-a. Yaw haiˬ jeˬ mˇ-euˬ tsawˇ haˬ deuˬ-aˬ, yaˇ kʼaˬ daˇ nehˬ gaˇ ya daˬ tehꞈ-a.

Luˇkaꞈ 14:14

Aˬ yawꞈ maꞈ-ahˇ kuˇ naˇ, aˬ yawꞈ maꞈ nawˬ-ahˇ guiˬ lahˬ maˬ jahˇ kʼoꞈ nehˬ nya-eu baˬ da neh, nawˇ guiˬ lahˬ za tehꞈ-a. Yaw tsaˬ yaw dawˇ tsawˇ ha deuˬ gʼoꞈ dehꞈ laˇ-eu aˇ nah keuˆ laˇ ngeh, Miˬyehˇ nawˬ-ahˇ guiˬ lahˬ jahˇ kʼoꞈ nehˬ laꞈ tehꞈ-a.”

Luˇkaꞈ 12:50

Ngaˬ-ahˇ iˇ cuꞈ-ahˇ bi dehˬ uˇ-awˇ, iˇ cuꞈ ya bi shawˇ-a siˬ. Iˇ cuꞈ maˬ shawˇ gʼaˬ kʼoeˇ keuˆ ni, ngaˬ-euˬ nui ma-ahˇ shaˬ zahˬ ciˬ tehˬ taˬ-euˬ gaˇ duˇ nya.

Luˇkaꞈ 11:38

Yeˬsuˇ hawˬ maˬ dzaˬ mi naˆ-ehˇ aˬ laꞈ maˬ dzuiꞈ gaˇ Paˬliˬsehˇ kʼoeˇ gʼaˬ mawˇ ngeh, zahˬ leˇ-euˬ meh.

Luˇkaꞈ 3:16

Kʼoeˇ ngeh, aˬ yawꞈ maꞈ dawˬ tawˆ luꞈ-ahˇ Yoˇhaˬ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ iˇ cuꞈ laꞈ kʼoeˇ iˇ cuꞈ shawˇ nehˬ-eu ma. Ehˇ kʼawꞈ, ngaˇ naˆ maˬ tseˇ huiˬ dzehˬ mahˇ dzehˬ-eu gʼaˬ oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ, mˇ-eu maˬ geuˇ nya. Aˬ yawꞈ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu miˬ dzaˬ laꞈ kʼoeˇ, naw maꞈ-ahˇ iˇ cuꞈ shawˇ nehˬ laꞈ tehꞈ-a.

Maˬkuˆ 7:8

Miˬyehˇ-euˬ dawˬ-ahˇ naw maꞈ taˬ yaꞈ-awˇ, tawˇ haˬ zaˬ neh tawˬ ka leꞈ-euˬ zahˇ sahˇ kʼoꞈ-ahˇ naw maꞈ ziꞈ dah ni tuˆ tehˬ taˬ-euˬ meh.”

Maˬkuˆ 7:4

Lehˆ-ahˇ zeuˇ-euˬ aˬ geu jeˬ maˬ kaˬ, maˬ tsiˬ shawˇ-ehˇ ma dzaˬ kʼmˬ-a. Kʼmˬ maˬ joˆ-eu maˬ ehˇ, yuꞈ zaˇ bui bahˬ lehˬ tsiˬ-eu maˬ ehˇ, aˇ hu neh zmˬ ka leꞈ-euˬ zahˇ sahˇ kʼoꞈ-ahˇ tsaˬ ni aˬ yawꞈ maꞈ mˇ-eu meh.)

Maꞈtehˬ 3:14

Yoˇ haˬ Yeˬsuˇ-ahˇ iˇ cuꞈ shawˇ nehˬ-eu maˬ noeˬ doˆ coeˇ-ehˇ ehˇ-eu, “Ngaˇ-aˬ, nawˬ neh iˇ cuꞈ bi shawˇ paˬ-ehˇ gʼeh-eu tsawˇ haˬ ma. Ngaˬ neh iˇ cuꞈ bi shawˇ nehˬ-eu lehˇ nawˇ oe teˬ loˇ.”

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

Gʼaˬkʼehˇ 13:3

Kʼoeˇ ngeh, aˬ yawꞈ maꞈ maˬ dzaˬ-eu zahˇ jahˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ nyaꞈ kʼoeˇ taˆ aˬ laꞈ baꞈ daˆ nehˬ-awˇ kʼehˇ gʼeh-euˬ meh.

Iˇsaˬyaˇ 26:19

Shiˇ dzeuˇ-euˬ nga maꞈ tsawˇ haˬ deuˬ, paˇ gʼoꞈ doˆ laˇ tehꞈ-a. Aˬ yawꞈ maꞈ-euˬ gʼawˇ mawˇ paˇ gʼoꞈ dehꞈ laˇ tehꞈ-a. Lmˬ bymˇ-ahˇ yuꞈ-eu deuˬ gʼoꞈ dehꞈ doˆ laˇ jiˇ-awˇ, laˬ kʼaˬ cehˇ-eu caˇ dawˬ paˇ caˇ tehꞈ-a. Ceuˬ ga ngeh jawˇ miˇ tsaˬ dehꞈ zoˇ laˇ-eu loꞈ-ehˇ, aˇ hu neh shiˇ dzeuˇ-euˬ tsawˇ haˬ deuˬ-ahˇ, Sahˬpaˬ Miˬyehˇ bi dehꞈ zoˇ laˇ tehꞈ-a.