HeˬByehˇ 5:8 - Akha

⁸ Aˬ yawꞈ Miˬyehˇ-euˬ Zaˬmaˇ pyeuꞈ-eu kʼawꞈ, shaˬ-eu zahˬ-eu jeˬ-ahˇ daˬ-eu laꞈ kʼoeˇ, Miˬyehˇ-euˬ ehˇ dawˬ naˇ haˬ-eu jeˬ-ahˇ siˬ nya laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqyawf, Miqyaer-euq Zaqyo pyeuf-eu khawf, shaqzanq yadaq-euq baqda’nae narhaq geuf-eu jeq-anr dzawnya-euq mae.

HeˬByehˇ 5:8 Referans Kwoze

Piˇliˇpiˆ 2:8

Yawˬ ha-ahˇ taˬ nyiˇ dui dui-awˇ, laꞈ yaꞈ kʼoeˇ taˆ shiˇ gaˇ keuˆ ni, Miˬyehˇ ehˇ dawˬ naˇ haˬ-euˬ meh.

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Yoˇhaˬ 15:10

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Yoˇhaˬ 6:38

Aˬ jeˬ miˇ neh ehˇ naˇ, ngaˇ mˬ kʼoeˇ taˆ neh oe-euˬ-aˬ, ngaˬ-euˬ nui kʼahˇ mˇ le-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ le-euˬ ma.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

HeˬByehˇ 1:8

Ehˇ kʼawꞈ, Zaˬmaˇ-euˬ gaˇ kawˆ Miˬyehˇ neh heu loꞈ-ehˇ ehˇ taˬ-euˬ meh. “Miˬyehˇ-oˇ, nawˬ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ meh. Nawˬ-euˬ tsawˇ haˬ deuˬ kʼoeˇ taˆ nawˇ, yaw tsaˬ yaw dawˇ neh uˆ lahˇ meh.

HeˬByehˇ 1:5

“Nawˇ ngaˬ-euˬ Zaˬmaˇ ma. Iˬ nah ngaˇ nawˬ Da ma” lehˇ, mˬ taˆ gʼaˬ kʼehˇ tiˬ gʼaˬ-ahˇ-iˬ Miˬyehˇ maˬ ehˇ nehˬ haw-aˬ. “Ngaˇ aˬ yawꞈ-euˬ Aˬda pyeuꞈ-awˇ, aˬ yawꞈ ngaˬ-euˬ Zaˬmaˇ ma” lehˇ, mˬ taˆ gʼaˬ kʼehˇ tiˬ gʼaˬ na-euˬ gʼaˇ duˬ Miˬyehˇ neh ehˇ taˬ-euˬ maˬ jaˆ-a.

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.

Iˇsaˬyaˇ 53:5

Ehˇ kʼawꞈ, aˬ yawꞈ ya naˇ ya gawˇ-eu dawˬ tawˆ luꞈ, aˬ dui mˇ-euˬ iˬ baˇ baˬ da neh meh. Aˬ dui neh mˇ-euˬ yaw haiˬ jeˬ aˇ poeˬ, kʼehˬ-eu kʼaˆ-eu jeˬ-ahˇ aˬ yawꞈ ya daˬ-euˬ meh. Kʼehˬ-eu kʼaˆ-eu jeˬ-ahˇ aˬ yawꞈ daˬ-euˬ miˇ neh, aˬ dui nui saˇ oꞈ-awˇ, naˇ-eu gawˇ-eu jeˬ-ahˇ aˬ yawꞈ daˬ-euˬ miˇ neh, aˬ dui jawˇ saˇ doˆ laˇ-euˬ ma.

Yoˇhaˬ 10:18

Tsawˇ haˬ tiˬ gʼaˬ-iˬ ngaˬ-euˬ saꞈ laˇ-ahˇ maˬ sehꞈ doˆ geuꞈ-aˬ. Ngaˬ neh nui ma keuˆ-awˇ shiˇ dah-euˬ jeˬ pyeuꞈ-eu ma. Shiˇ mawꞈ-eu maˬ ehˇ, dehꞈ mawꞈ-eu maˬ ehˇ, ngaˇ naꞈ-i jaˆ-eu ma. Ngaˇ kʼoeˇ loꞈ-ehˇ jahˇ-eu gʼaˇ duˬ, ngaˬ Da neh dawˬ biꞈ taˬ-euˬ meh.”