HeˬByehˇ 4:8 - Akha

⁸ Miˬyehˇ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ, Yawˇshuˆ neh aˬ yawꞈ maꞈ-ahˇ biꞈ nehˬ gʼaˬ-euˬ ngeuˇ law nmˇ-aˬ, nah tsaˬ tsoˆ paˇ-eu gʼaˇ duˬ Miˬyehˇ maˬ paˇ ehˇ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yorsuv, aqyawf maf-anr ghaqnaq naqduq khoertsanr-anr sheuqur ghae-euq lawnmr-aq, Miqyaer yawqnan yawq-euq garkawv maqpar aerkeuv-ar.

HeˬByehˇ 4:8 Referans Kwoze

Yawˇshuˆ 1:15

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇsaˬleˬlaˆ tsawˇ haˬ kʼoeˇ deuˬ-ahˇ biꞈ taˬ-euˬ Yawˇdaˬ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼoeˇ kʼahˬ-ahˇ aˬ yawꞈ maꞈ za gʼaˬ ngeh keuˆ ni, aˬ yawꞈ maꞈ-ahˇ ya caw ba meh. Iˇsaˬleˬlaˆ tsawˇ jeuˬ dawˬ tawˆ luꞈ jawˇ duˬ dah leˇ gʼaˬ jiˇ naˇ, Sahˬpaˬ Miˬyehˇ-euˬ zaˬ kʼaˆ Moˇseˬ neh naw maꞈ-ahˇ biꞈ-euˬ, Yawˇdaˬ lawˇ baˬ nahˇ ma doˆ kʼehˬ paw jaˆ-eu naw maꞈ-euˬ miˇ kʼahˬ heu kʼahˬ-ahˇ gʼoꞈ le-awˇ jawˇ-awˬ.”

Yawˇshuˆ 22:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-ahˇ, nui saˇ za-eu jeˬ aˬ yawꞈ biꞈ gʼaˬ-euˬ meh. Kʼoeˇ miˇ neh, naw maꞈ geuꞈ ma lehˇ shaˇ-euˬ loꞈ-ehˇ, Sahˬpaˬ Miˬyehˇ-euˬ zaˬ kʼaˆ Moˇseˬ neh naw maꞈ-ahˇ biꞈ gʼaˬ-euˬ miˇ kʼahˬ pyeuꞈ-eu, Yawˇdaˬ lawˇ baˬ-euˬ nahˇ ma doˆ kʼehˬ paw baˬ-ahˇ jaˆ-eu naw maꞈ-euˬ miˇ kʼahˬ-ahˇ gʼoꞈ-iˇ-awˬ.

Dawˬmehˬ 12:9

Aˬ jeˬ miˇ neh ehˇ naˇ, naw maꞈ-euˬ Sahˬpaˬ Miˬyehˇ neh naw maꞈ-ahˇ biꞈ-euˬ, nui ma saˇ lehˆ ni ya jawˇ-eu miˇ kʼahˬ kʼoeˇ kʼahˬ-ahˇ naw maꞈ maˬ jawˇ keuˆ leˇ-aˬ si.

Yawˇshuˆ 23:1

Aˬ yawꞈ maꞈ-euˬ jawˬ jawˬ-ehˇ jawˇ-eu muiˇ-eu deuˬ-ahˇ maˬ ya guˆ ni, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ myahˇ ni bi dehꞈ bi jawˇ-euˬ meh. Kʼoeˇ ngeh, Yawˇshuˆ tsawˇ mawˬ mawˬ dui dui le-euˬ meh.

Gʼaˬkʼehˇ 7:45

Aˬ dui maꞈ-euˬ aˬ poeˬ aˬ bawˇ kʼoeˇ deuˬ, aˬ yawꞈ maꞈ-euˬ aˬ da deuˬ-euˬ laꞈ-ahˇ neh sehˬ gʼawˆ kʼoeˇ hmˬ za-awˇ, aˬ yawꞈ maꞈ mehˬ hu paw le gʼeh leꞈ-eu nehˬ-ehˇ Miˬyehˇ neh bi teh doˆ-euˬ tsawˇ jeuˬ deuˬ-euˬ miˇ kʼahˬ yuˇ geuꞈ-eu lehˇ Yawˇshuˆ nehˬ-ehˇ aˬ yawꞈ maꞈ le ngeh jawˇ, sehˬ gʼawˆ kʼoeˇ gʼawˆ baꞈ gʼeh-euˬ meh. Kʼoeˇ naˇ, sehˬ gʼawˆ kʼoeˇ Daˬbiˇ-euˬ ziˇ-ahˇ keuˆ ni kʼoeˇ gaˇ jaˆ-euˬ meh.

Jaceuq 78:55

Aˬ yawꞈ-euˬ tsawˇ haˬ deuˬ le uˇ gʼeh-eu nehˬ-ehˇ, kʼoeˇ gaˇ jawˇ luꞈ-eu tsawˇ haˬ deuˬ-ahˇ teh dzeh-awˇ, tsawˇ haˬ kʼoeˇ deuˬ-euˬ miˇ kʼahˬ Iˇsaˬleˬlaˆ tsawˇ jeuˬ deuˬ-ahˇ biˇ nehˬ-eu laꞈ kʼoeˇ, aˬ yawꞈ maꞈ-euˬ nymˇ kʼoeˇ deuˬ aˬ yawꞈ-euˬ tsawˇ haˬ deuˬ-ahˇ aˬ yawꞈ biꞈ-euˬ meh.

Jaceuq 105:44

Aˬ cawˬ tsawˇ jeuˬ-euˬ miˇ kʼahˬ aˬ yawꞈ maꞈ-ahˇ biꞈ-awˇ, aˬ cawˬ-euˬ deh yaˇ bi yuˇ geuꞈ-euˬ meh.

Dawˬmehˬ 25:19

Miˇ kʼahˬ kʼoeˇ kʼahˬ Sahˬpaˬ Miˬyehˇ nawˬ-ahˇ biꞈ nehˬ laꞈ gʼaˬ-awˇ, nawˇ jawˇ-eu jawˬ jawˬ-ehˇ jawˇ luꞈ-eu nawˬ-ahˇ muiˇ-eu deuˬ-ahˇ nawˇ guˆ kʼaˇ maˬ za ni dehꞈ ziꞈ laˇ ngeh, Aˬmaˬlehˇ tsawˇ haˬ deuˬ-ahˇ maˬ ngehˇ ni sehꞈ jiˇ nehˬ-awˬ. Tsawˇ haˬ dawˬ tawˆ luꞈ aˬ yawꞈ maꞈ-ahˇ ya ngehˇ jiˇ ni, kʼoeˇ loꞈ-ehˇ jahˇ kʼoꞈ nehˬ-awˬ. Aˬ yawꞈ maꞈ-ahˇ maˬ sehꞈ ni taˬ byehˇ.

Yawˇshuˆ 11:23

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Miˇ kʼahˬ kʼoeˇ kʼahˬ Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ-awˇ, tsawˇ jeuˬ aˬ yawꞈ jeuˬ yawꞈ gʼaˇ duˬ, dehˬ biˇ nehˬ-euˬ meh.

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

HeˬByehˇ 4:9

Kʼoeˇ miˇ neh, shiꞈ nah tiˬ nah-ahˇ Miˬyehˇ gʼaˬ naˬ naˬ-euˬ loꞈ-ehˇ, Miˬyehˇ-euˬ zaˬ deuˬ gʼaˇ duˬ gʼaˬ naˬ naˬ-eu jeˬ jaˆ luꞈ-a siˬ.

1 Laˬsaˬbaˬ 7:27

Nuˬ, Yawˇshuˆ lehˇ meh.