HeˬByehˇ 2:17 - Akha

¹⁷ Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoermirnae, aqyawf, tsawrhaqzaq-euq iqbax-euq gharduq lawrbyan nya’ni hawr-eu, Miqyaer-euq gar mr-eu lafkhoer, ghawqshaq gaqnya-awr sarjax zif-eu Pirma yawhuiq ghaq geuf-eu gharduq, yawqjeq navluf-euq lafkhoer, aqyawf, aqyawf-euq maernmr lof-aer yapyeuf-euq mae.

HeˬByehˇ 2:17 Referans Kwoze

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.

HeˬByehˇ 2:14

Aˬ yawꞈ neh aˬ yawꞈ-euˬ zaˬ deuˬ lehˇ kuˇ-euˬ kʼoeˇ deuˬ-aˬ, shiˬ shaˬ jiˇ pi luꞈ-eu tsawˇ haˬ pyeuꞈ-eu loꞈ-ehˇ, Yeˬsuˇ kʼawꞈ aˬ yawꞈ maꞈ-ahˇ duˇ leˇ-awˇ, aˬ yawꞈ maꞈ loꞈ-ehˇ shiˬ shaˬ jiˇ pi luꞈ-eu tsawˇ haˬ pyeuꞈ-eu meh. Aˬ yawꞈ kamˇ shiˇ-eu laꞈ kʼoeˇ, tsawˇ haˬ zaˬ-ahˇ bi shiˇ nya-eu baoˬ jaˆ-eu Nehꞈ sahˬ paˬ-ahˇ laˆ luꞈ laˆ seˇ-eu gʼaˇ duˬ, aˬ yawꞈ kʼoeˇ loꞈ-ehˇ pyeuꞈ le-euˬ meh.

HeˬByehˇ 7:26

Kʼoeˇ baˬ da neh, Yeˬsuˇ-aˬ, aˬ dui kʼaˇ loˬ-eu jeˬ mˇ byah nehˬ nya-eu Piˇma Yaw huiˬ gʼaˬ pyeuꞈ-eu meh. Aˬ yawꞈ-aˬ, yaw muiˬ yaw shawˇ meh. Ehˇ kʼaˇ tiˬ pawꞈ-iˬ maˬ za-eu uˬ taꞈ, iˬ baˇ tiˬ pawꞈ-iˬ maˬ ahˇ-a. Iˬ baˇ zaˬ deuˬ nehˬ-ehˇ maˬ bi keuˬ ni aˬ yawꞈ-ahˇ Miˬyehˇ yuˇ doˆ taˬ-awˇ, mˬ naˆ maˬ tseˇ goˇ-eu tiˆ-ahˇ ciˬ huiˬ ciˬ mahˇ keuˆ nehˬ-euˬ meh.

Lormav 5:10

Aˬ dui-aˬ, Miˬyehˇ-ahˇ muiˇ-euˬ tsawˇ haˬ ma. Ehˇ kʼawꞈ, aˬ yawꞈ-euˬ Zaˬmaˇ bi shiˇ dah-eu laꞈ kʼoeˇ aˬ dui aˬ yawꞈ-ahˇ cawˬ cawˬ taꞈ nya ni aˬ yawꞈ jahˇ-awˇ, nymˬ-mˇ aˬ dui Miˬyehˇ nehˬ-ehˇ cawˬ cawˬ taꞈ luꞈ gaˇ keuˆ-eu-aˬ, Ka li dehꞈ-eu baˬ da neh aˬ dui-ahˇ kʼoeˇ naˆ maˬ tseˇ maˬ ka kʼoꞈ nehˬ laꞈ-aˇ loˇ.

HeˬByehˇ 2:11

Aˬ yawꞈ-aˬ, tsawˇ haˬ zaˬ-ahˇ iˬ baˇ shawˇ nehˬ-eu gʼaˬ pyeuꞈ-eu meh. Aˬ yawꞈ hawˇ-eu aˬ yawꞈ neh iˬ baˇ shawˇ nehˬ-euˬ tsawˇ haˬ dawˬ tawˆ luꞈ, Aˬ da tiˬ da-ahˇ taꞈ-eu tehꞈ meh. Kʼoeˇ miˇ neh, aˬ yawꞈ maꞈ-ahˇ aˬ yawꞈ-euˬ mehˇ nmˇ lehˇ ya kuˇ gaˇ aˬ yawꞈ maˬ shaꞈ dawˇ-a.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

HeˬByehˇ 3:5

Moˇseˬ-aˬ, Miˬyehˇ-euˬ nymˇ jiˇ laꞈ kʼoeˇ zaˬ kʼaˆ geuˬ-euˬ saˇ jaˇ ziꞈ-eu tsawˇ haˬ tiˬ gʼaˬ pyeuꞈ-awˇ, aˬ kaˇ mehˬ hu paw-euˬ gʼaˇ duˬ Miˬyehˇ aˬ geu jeˬ ehˇ-eu lehˇ gʼeh-eu gaˇ kawˆ, tsawˇ haˬ zaˬ-ahˇ aˬ yawꞈ toeˬ mehˬ-euˬ meh.

Gawˇlawˇsehˇ 1:21

Yaw beh naw maꞈ yaw haiˬ jeˬ noeˬ-euˬ mˇ-euˬ miˇ neh Miˬyehˇ nehˬ-ehˇ gaˇ mahˇ kaˬ luꞈ-awˇ, Miˬyehˇ-ahˇ muiˇ-eu tsawˇ haˬ deuˬ pyeuꞈ yaꞈ-euˬ meh.

HeˬByehˇ 7:28

Moˇseˬ-ahˇ gʼoe-awˇ Miˬyehˇ neh biꞈ-euˬ Zahˇ dawˬ kʼoꞈ dawˬ kʼoeˇ-aˬ, piˇ ma yaw huiˬ gʼaˬ geuꞈ-eu gʼaˇ duˬ maˬ byah maˬ loꞈ-eu deuˬ-ahˇ bi geuꞈ-euˬ meh. Ehˇ kʼawꞈ, Zahˇ dawˬ kʼoꞈ dawˬ-euˬ jeˬ nah hawˇ-eu oe-euˬ Miˬyehˇ neh kamˬ tsehˆ taˬ-euˬ saˇ jaˇ kʼoeˇ-aˬ, mˬ maˬ maˬ byaˆ zaˇ ziˇ byah-eu loꞈ-eu aˬ yawꞈ-euˬ Zaˬmaˇ-ahˇ Piˇma Yaw huiˬ gʼaˬ bi geuꞈ-euˬ meh.

Eˇpeˇsu 2:16

Ka li laꞈ yaꞈ kʼoeˇ taˆ kamˇ shiˇ-awˇ, tiˬ jeuˬ tiˇ jeuˬ muiˇ-eu nui ma-ahˇ laˆ cawˆ-euˬ meh. Laꞈ yaꞈ baˬ da neh tsawˇ jeuˬ nyiˬ jeuˬ-ahˇ tiˬ jeuˬ tehꞈ-ehˇ bi pyeuꞈ laˇ-awˇ, tiˬ gm-ehˇ Miˬyehˇ jawˇ gaˇ sheuˬ kʼoꞈ laꞈ-euˬ meh.

Lormav 15:17

Ngaˇ Yeˬsuˇ Ka li-ahˇ nui ma taꞈ-eu miˇ neh, Miˬyehˇ-euˬ gaˇ mˇ luꞈ-eu heu kʼahˬ sehˇ jehˆ kʼaˇ za ma.

Uˬ duˬ 8:15

Mawˇ neˇ kʼoeˇ mawˇ-ahˇ Moˇseˬ sehꞈ-euˬ meh. Lawˇ duˬ a nehˬ-eu gʼaˇ duˬ, mawˇ neˇ kʼoeˇ mawˇ-euˬ shiˬ ui cuiˆ yuˇ-awˇ, aˬ yawꞈ-euˬ laꞈ noeˇ kʼoeˇ gaˇ cawˬ duiˆ-awˇ, lawˇ duˬ-euˬ laꞈ coeˇ-ahˇ tsoꞈ doˆ-eu uˬ coeˇ deuˬ-ahˇ lehꞈ-euˬ meh. Dzehˬ laˇ-euˬ shiˬ deuˬ yuˇ-awˇ, lawˇ duˬ-euˬ dawˬ pehˬ-ahˇ shehˆ-euˬ meh. Kʼoeˇ loꞈ-ehˇ jahˇ-awˇ, lawˇ duˬ kʼoeˇ a nehˬ-awˇ bi muiˬ bi shawˇ laˇ-euˬ meh.

HeˬByehˇ 3:2

Moˇseˬ Miˬyehˇ-euˬ nymˇ jiˇ laꞈ kʼoeˇ gaˇ mˇ-euˬ saˇ jaˇ ziꞈ-eu loꞈ-ehˇ, Miˬyehˇ-euˬ gaˇ mˇ-eu gʼaˇ duˬ aˬ yawꞈ-ahˇ tseˇ doˆ-eu gʼaˬ pyeuꞈ-eu Miˬyehˇ-ahˇ aˬ yawꞈ saˇ jaˇ ziꞈ-euˬ meh.

Yeˬsaˬgeˬlaˇ 45:20

Ba la kʼoeˇ siˬ shiꞈ nah tiˬ nah-ahˇ kʼawꞈ, maˬ noeˬ maˬ duˇ-ehˇ iˬ baˇ mˇ-euˬ deuˬ hawˇ-eu, maˬ siˬ nya-ehˇ mˇ bahˬ-euˬ deuˬ gʼaˇ duˬ, naw maꞈ kʼoeˇ loꞈ-ehˇ paˇ ya lawˇ meh. Kʼoeˇ loꞈ-ehˇ jahˇ-eu laꞈ kʼoeˇ, Uˬ duˬ tahˬ nymˇ nymˇ ma aˬ myah luꞈ ya bi muiˬ ya bi shawˇ meh.

Yeˬsaˬgeˬlaˇ 45:17

La shuiꞈ lah-eu bawˬ-iˬ gʼeh gaˇ maˬ ehˇ, jawˇ nah lah gaˇ maˬ ehˇ, bawˬ-iˬ nui deuˬ jahˇ gaˇ maˬ ehˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu gʼaˇ duˬ jeˬ zaˬ, dzaˬ la gʼo cehˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ heu deuˬ, Iˇsaˬleˬlaˆ miˇ kʼahˬ kʼahˬ lah ni-ahˇ biˇ nehˬ-eu gʼaˇ duˬ, aˬ yawꞈ-ahˇ doˇ-eu meh. Iˇsaˬleˬlaˆ tsawˇ haˬ deuˬ iˬ baˇ shawˇ laˇ ni ya lawˇ-eu, iˬ baˇ shawˇ-eu lawˇ-eu jeˬ, dzaˬ la gʼo cehˇ lawˇ-eu jeˬ, mawˇ lah-ehˇ dzah puiˆ-awˇ lawˇ-eu jeˬ, cawˬ cawˬ taꞈ-eu lawˇ-eu jeˬ heu deuˬ, aˬ yawꞈ ya biꞈ nehˬ-eu meh.

Iˇsaˬyaˇ 11:5

Yaw tsaˬ yaw dawˇ jeˬ-ahˇ aˬ yawꞈ joꞈ paꞈ paꞈ-awˇ, saˇ jaˇ ziꞈ-eu jeˬ joꞈ-ahˇ lahˇ tehꞈ-a.

2 Laˬsaˬbaˬ 29:24

Kʼoeˇ naˇ, miˇ kʼahˬ zaˬ dawˬ tawˆ luꞈ iˬ baˇ buˬ-iˇ ni, piˇ ma deuˬ ciꞈ myehꞈ kʼoeˇ deuˬ-ahˇ sehꞈ-awˇ, lawˇ duˬ kʼoeˇ taˆ ciꞈ myehꞈ shiˬ shehˆ daˆ-awˇ lawˇ-euˬ meh. Aˬ jeˬ miˇ neh ehˇ naˇ, “Iˇsaˬleˬlaˆ tsawˇ jeuˬ dawˬ tawˆ luꞈ gʼaˇ duˬ miˬ dzaˬ dzah puiˆ-awˇ lawˇ-eu jeˬ hawˇ-eu iˬ baˇ shawˇ-eu lawˇ-eu jeˬ lawˇ-awˬ” lehˇ, sahˬ paˬ Heˬsaˬgiˇ neh dawˬ biꞈ taˬ-euˬ meh.

Uˬ duˬ 6:30

Ehˇ kʼawꞈ, iˬ baˇ shawˇ-eu gʼaˇ duˬ, jeˬ zaˬ kʼoeˇ mawˇ-euˬ shiˬ, Sehˬ gʼawˆ laꞈ kʼoeˇ ui cuiˆ yuˇ ahˇ gʼeh-euˬ ngeuˇ naˇ, jeˬ zaˬ kʼoeˇ mawˇ-euˬ shaˬ jiˇ maˬ dzaˬ kʼmˬ-a. Miˬ dzaˬ ya keuˬ dzeh meh.

Uˬ duˬ 14:18

Aˬ yawꞈ-euˬ laꞈ zaˬ-ahˇ dzehˬ laˇ-euˬ tsiˇ kʼoeˇ yuˇ-awˇ, tsawˇ haˬ kʼoeˇ gʼaˬ-euˬ uˬ duˬ-ahˇ ya lehꞈ nehˬ meh. Kʼoeˇ loꞈ-ehˇ jahˇ-awˇ, bi shawˇ laˇ-eu zahˇ ya jahˇ nehˬ meh.

Uˬ duˬ 16:16

Iˇsaˬleˬlaˆ tsawˇ haˬ deuˬ-euˬ maˬ muiˬ maˬ shawˇ-eu jeˬ hawˇ-eu iˬ baˇ baˬ da neh, kʼoeˇ loꞈ-ehˇ jahˇ-awˇ, Muiˬ dui Shawˇ dui dui-eu Jawˇ duˬ shawˇ-eu zahˇ aˬ yawꞈ ya jahˇ meh. Sehˬ gʼawˆ gʼaˇ duˬ kʼawꞈ, aˬ yawꞈ kʼoeˇ loꞈ-ehˇ ya jahˇ meh. Aˬ jeˬ miˇ neh ehˇ naˇ, kʼoeˇ-aˬ, maˬ shawˇ-eu pu-euˬ gʼahˇ ceh jaˆ-eu miˇ neh meh.

Bawˇtsahˬ 15:25

Piˇ ma gʼaˬ tsawˇ haˬ aˇ maꞈ aˇ muˇ-ahˇ shawˇ nehˬ-eu zahˇ ya jahˇ meh. Kʼoeˇ ngeh, aˬ yawꞈ maꞈ-ahˇ iˬ baˇ pyehˬ nehˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ maˬ noeˬ maˬ duˇ-ehˇ mˇ lehˬ-euˬ jeˬ pyeuꞈ-awˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ, iˬ baˇ shawˇ-eu lawˇ-eu jeˬ Sahˬpaˬ Miˬyehˇ jawˇ gaˇ aˬ yawꞈ maꞈ yuˇ laꞈ-euˬ meh.

HeˬByehˇ 2:16

Aˬ yawꞈ caw ba nehˬ luꞈ-eu kʼoeˇ-aˬ, mˬ taˆ gʼaˬ kʼehˇ deuˬ-ahˇ maˬ ngeuˇ-a lehˇ bya cehˆ ni siˬ duˬ mawˇ duˬ laˇ-eu meh. Ehˇ kʼawꞈ, Aˬbyaˬhaˬ-euˬ zaˬ deuˬ uˆ deuˬ-ahˇ aˬ yawꞈ caw ba-eu meh.

HeˬByehˇ 3:1

Aˬ cawˬ loꞈ-ehˇ Miˬyehˇ neh kuˆ-euˬ tsawˇ haˬ pyeuꞈ-eu ngaˬ-euˬ aˬ yuiꞈ aˬ nyiˇ deuˬ-oˇ, aˬ dui jah-eu jeˬ-euˬ Piˆma Yaw huiˬ gʼaˬ bi geuꞈ-eu gʼaˇ duˬ, Miˬyehˇ neh kʼehˇ gʼeh leꞈ-euˬ gʼaˬ pyeuꞈ-eu Yeˬsuˇ-euˬ gaˇ kawˆ shaˇ noeˬ haw sheˇ.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

HeˬByehˇ 5:1

Piˇ ma yaw huiˬ gʼaˬ kʼaˇ bi geuꞈ-euˬ yawˬ gʼaˬ na luꞈ-ahˇ, jeˬ zaˬ sehꞈ-awˇ lawˇ-eu gʼaˇ duˬ maˬ ehˇ, iˬ baˇ shawˇ-eu lawˇ-eu shehˇ-eu jeˬ mˇ-eu gʼaˇ duˬ maˬ ehˇ, tsawˇ haˬ zaˬ-euˬ dah zaˇ Miˬyehˇ-euˬ gaˇ bi mˇ-eu lehˇ tsawˇ haˬ zaˬ laꞈ kʼoeˇ Miˬyehˇ neh tseˇ doˆ-euˬ meh.

HeˬByehˇ 5:2

Aˬ yawꞈ kʼawꞈ, gʼaˬ baˬ duˬ gʼawˬ mya ni jaˆ-eu loꞈ-ehˇ, maˬ siˬ nya-ehˇ mˇ lehˬ shaˇ lehˬ-euˬ deuˬ kʼoeˇ taˆ nui ma nahˬ yu ni taˬ nya-eu meh.

HeˬByehˇ 5:5

Kʼoeˇ loꞈ-ehˇ duˇ ni, Ka li kʼawꞈ, yawˬ haˇ yawˬ ha ciˬ huiˬ ciˬ mahˇ-awˇ piˇ ma yaw huiˬ gʼaˬ tsaˬ geuꞈ-euˬ maˬ ngeuˇ-a. Miˬyehˇ aˬ yawꞈ-ahˇ ehˇ nehˬ-euˬ, “Nawˇ ngaˬ-euˬ Zaˬ maˇ ma. Iˬ nah ngaˇ nawˬ Da ma”

HeˬByehˇ 5:10

Kʼoeˇ naˇ, Miˬyehˇ neh aˬ yawꞈ-ahˇ piˇ ma yaw huiˬ gʼaˬ bi geuꞈ-awˇ, Maˬlaˬkiˇsaˬdehˇ neh tawˬ-euˬ piˇ ma-euˬ gaˇ tawˬ daˆ leꞈ-eu gʼaˬ bi geuꞈ-euˬ meh.

HeˬByehˇ 6:20

Aˬ dui-euˬ mehˬ hu, muiˬ-eu shawˇ-eu jawˇ duˬ kʼoeˇ tsahˇ-ahˇ aˬ dui-euˬ dah zaˇ Yeˬsuˇ le uˇ-awˇ, Maˬlaˬkiˇsaˬdehˇ neh tawˬ dzeuˇ yaꞈ-euˬ gaˇ-ahˇ tawˬ-eu mˬ maˬ maˬ byaˆ zaˇ ziˇ piˇ ma yaw huiˬ gʼaˬ pyeuꞈ laˇ-euˬ meh.

HeˬByehˇ 8:1

Aˬ dui ehˇ luꞈ-eu gaˇ kawˆ heu dawˬ tawˆ luꞈ-euˬ uˬ dzah-aˬ, heu loꞈ-ehˇ ehˇ mawꞈ-eu ma. Mˬ kʼoeˇ taˆ uˆ lahˇ luꞈ-eu Sahˬpaˬ pyeuꞈ-eu Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu Piˇma Yaw huiˬ tiˬ gʼaˬ aˬ dui jawˇ-eu ma.

HeˬByehˇ 8:3

Piˇ ma yawˬ huiˬ gʼaˬ kʼaˇ geuꞈ-eu yawˬ gʼaˬ na luꞈ, Miˬyehˇ-ahˇ damˬ nehˬ-eu jeˬ hawˇ-eu lawˇ-eu shehˇ-eu jeˬ ya mˇ-eu meh. Kʼoeˇ loꞈ-ehˇ duˇ ni, aˬ dui-euˬ Piˇma Yaw huiˬ gʼaˬ kʼawꞈ, Miˬyehˇ-ahˇ ya lawˇ ya shehˇ meh.

HeˬByehˇ 9:11

Ehˇ kʼawꞈ, Ka li-aˬ, nymˬ-mˇ heu gaˇ keuˆ le taˬ-euˬ yaw muiˬ jeˬ heu deuˬ-ahˇ biꞈ nehˬ laꞈ-eu Piˇma Yaw huiˬ gʼaˬ loꞈ-ehˇ oe keuˆ taˬ-euˬ meh. Aˬ yawꞈ gaˇ mˇ luꞈ-eu sehˬ gʼawˆ-aˬ, muiˬ dzehˬ byah dzehˬ-eu meh. Sehˬ gʼawˆ kʼoeˇ-aˬ, tsawˇ haˬ zaˬ neh gʼawˆ-euˬ sehˬ gʼawˆ maˬ ngeuˇ-eu uˬ taꞈ, beh taˬ-euˬ miˇ tsaˬ tahˬ kʼawˇ heu-ahˇ taꞈ-eu sehꞈ gʼawˆ maˬ ngeuˇ-a.

HeˬByehˇ 10:21

Miˬyehˇ-euˬ nymˇ-ahˇ haw-eu pyaˆ-eu huiˬ dui dui-eu piˇ ma tiˬ gʼaˬ aˬ dui jawˇ-eu ma.