HeˬByehˇ 13:17 - Akha

¹⁷ Naw maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ ehˇ dawˬ yaw muiˬ paˬ-ehˇ naˇ haˬ geuꞈ-awˬ. Aˬ yawꞈ maꞈ neh mˇ-euˬ gaˇ deuˬ Miˬyehˇ mehˬ shi ya dzawˇ mehˬ leˇ-eu baˬ da neh, jawˇ naˬ maˬ mˇ ni naw maꞈ-euˬ saꞈ laˇ-ahˇ haw piˇ luꞈ-eu meh. Aˬ yawꞈ maꞈ-euˬ ehˇ dawˬ-ahˇ naw maꞈ naˇ haˬ geuꞈ naˇ, aˬ yawꞈ maꞈ-euˬ gaˇ-ahˇ aˬ yawꞈ maꞈ laˬ kʼaˬ cehˇ-eu laꞈ kʼoeˇ ya mˇ tehꞈ-a. Naw maꞈ maˬ naˇ haˬ geuꞈ naˇ, aˬ yawꞈ maꞈ noeˬ shaˬ-eu laꞈ kʼoeˇ ya mˇ-awˇ, naw maꞈ gʼaˇ duˬ gaˇ dahˇ maˬ tsoeˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Nawmaf-anr uvlanr-eu deuq-anr narhaq geuf-awr, aqyawf maf-euq lafov yawmuiq-aer jawr-awq. Aqjeq mirnae aernar-aq, aqyawfmaf, Miqyaer-anr ya dzawrnaeq ler-eu lof-aer, nawmaf-euq nuima saflar-anr hawpir luf-eu mae. Aqyawfmaf hawpirluf ngae, laqkhaq caertavni bi mrnya-awq. Noeqshaq-eu lafkhoer mr-eu jeq taqbi pyeuf, khoerlof-aer ngeur nar-aq, nawmaf-euq gharduq khawf gardanr maqtsoeq-a.

HeˬByehˇ 13:17 Referans Kwoze

1 Tiˆmoˇseˬ 5:17

Ka li zaˬ aˇ muˇ-ahˇ sheuˬ gʼeh-eu gaˇ yaw muiˬ paˬ-ehˇ mˇ luꞈ-eu tsawˇ mawˬ tsawˇ kʼaˆ deuˬ-ahˇ nyiˬ bymˇ taˬ huiˬ nehˬ paˬ-ehˇ gʼeh tehꞈ-a. Aꞈ yawꞈ maꞈ laꞈ kʼoeˇ, dawˬ mehˬ mehˬ-eu hawˇ-eu mehˬ-eu tsoˆ-eu jeˬ-ahˇ yaw kʼaˆ-ehˇ leh jeh-awˇ mˇ-eu deuˬ-ahˇ, kʼoeˇ naˆ maˬ tseˇ taˬ huiˬ nehˬ paˬ-ehˇ gʼeh tehꞈ-a.

HeˬByehˇ 13:7

Naw maꞈ-ahˇ Miˬyehˇ dawˬ kawˬ mehˬ-euˬ aˬ yuiꞈ aˬ tsu deuˬ-ahˇ taˬ ngehˇ. Aˬ yawꞈ maꞈ aˬ joˆ-ehˇ dehꞈ yaꞈ jaˇ yaꞈ-awˇ shiˇ-euˬ gaˇ kawˆ-ahˇ shaˇ noeˬ-awˇ, aˬ yawꞈ maꞈ-euˬ jah-eu jeˬ-ahˇ dzaw geuꞈ-awˬ.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

1 Gawˇliˬtu 16:16

Aˬ yawꞈ maꞈ loꞈ-ehˇ gʼeh-eu tsawˇ haˬ deuˬ hawˇ-eu, aˬ yawꞈ maꞈ-euˬ gaˇ mˇ cawˬ deuˬ sheuˬ gʼeh-eu mehˬ nah yaw muiˬ paˬ-ehˇ caw teh-awˬ.

Piˇliˇpiˆ 2:12

Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Doˆ-iˇ 32:31

Kʼoeˇ naˇ, Sahˬpaˬ Miˬyehˇ jawˇ gaˇ Moˇseˬ paˇ le-awˇ, heu loꞈ-ehˇ ehˇ nehˬ leˇ-euˬ meh. “Tsawˇ haˬ heu deuˬ guˆ laˇ paˬ-ehˇ gʼeh-eu iˬ baˇ mˇ gʼaˬ-euˬ meh. Aˬ yawꞈ maꞈ shuiˇ neh miˬyehˇ tehˆ-awˇ, uˬ duˬ tahˬ-euˬ meh.

Piˇliˇpiˆ 2:29

Sahˬpaˬ Yeˬsuˇ laꞈ kʼoeˇ aˬ yuiꞈ aˬ nyiˇ tiˬ gʼaˬ loꞈ-ehˇ aˬ yawꞈ-ahˇ laˬ kʼaˬ tiˬ cehˇ ha nehˬ-awˬ. Aˬ yawꞈ loꞈ-ehˇ gʼeh-eu tsawˇ haˬ deuˬ-ahˇ yaw zeu baw-eu tsaˬ meh.

Lormav 14:12

Aˬ dui yawˬ gʼaˬ na luꞈ, yawˬ ha neh kʼaˇ mˇ kʼaˇ shaˇ-euˬ jeˬ Miˬyehˇ-ahˇ ya ja doˆ nehˬ tehꞈ-a.

2 Teˇsaˬloˇni 3:14

Naw maꞈ jawˇ gaˇ boꞈ ahˇ laꞈ-euˬ sahˬ boꞈ heu taꞈ laꞈ kʼoeˇ, nga maꞈ neh mehˬ-euˬ dawˬ heu deuˬ-ahˇ maˬ naˇ haˬ geuꞈ-eu tsawˇ haˬ kʼawꞈ jawˇ-eu baw tehꞈ-a. Kʼoeˇ loꞈ-ehˇ gʼeh-eu tsawˇ haˬ-ahˇ noeˬ taˬ-awˇ, cawˬ maˬ cawˬ nehˬ ni bi shaꞈ dawˇ-awˬ.

HeˬByehˇ 13:24

Naw maꞈ-euˬ aˬ yuiꞈ aˬ tsu dawˬ tawˆ luꞈ hawˇ-eu Miˬyehˇ-euˬ zaˬ dawˬ tawˆ luꞈ-ahˇ, nga maꞈ dawˬ cawˬ puˬ ahˇ leꞈ-euˬ gaˇ kawˆ tiˬ poˆ tsaꞈ nehˬ-awˬ. Iˇdaˬliˬ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ naw maꞈ-ahˇ dawˬ cawˬ puˬ ahˇ leꞈ-euˬ meh.

Iˇsaˬyaˇ 62:6

Yeˬluˇsaˬlehˬ meuˬ-oˇ, nawˬ-euˬ meuˬ lahˇ kʼoeˇ taˆ, meuˬ-ahˇ loꞈ piˇ-eu tsawˇ haˬ ngaˇ pyehˬ taˬ-eu ma. Uˬ ciꞈ nah gʼahˇ maˬ ehˇ aˬ yawꞈ maꞈ ciˬ cuˇ ni maˬ ya jawˇ-ehˇ, Sahˬpaˬ Miˬyehˇ aˬ yawꞈ-euˬ saˇ jaˇ-ahˇ maˬ ya ngehˇ ni, maˬ naˬ leˇ ni ya ehˇ noeˬ nehˬ-eu meh.

Piˇliˇpiˆ 4:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ gaˬ dui dui-awˇ, noeˬ mawˇ dui dui luꞈ ma. Naw maꞈ baˬ da neh ngaˇ laˬ kʼaˬ cehˇ dui dui-awˇ, naw maꞈ gaˇ kawˆ ngaˇ kʼahˬ sehˇ jehˆ luꞈ ma. Ngaˇ gaˬ-eu aˬ yuiꞈ aˬ nyiˇ deuˬ-oˇ, Sahˬpaˬ Yeˬsuˇ laꞈ kʼoeˇ, kʼoeˇ loꞈ-ehˇ ziꞈ dah ni dehꞈ-awˬ.

Piˇliˇpiˆ 3:18

Ngaˇ naw maꞈ-ahˇ gʼawˬ mya poˆ ehˇ dzeuˇ-euˬ dawˬ kʼoeˇ dawˬ-ahˇ, nymˬ-mˇ myaˆ biˇ doˆ-eu laꞈ kʼoeˇ tiˬ poˆ paˇ ehˇ poˆ-eu ma. Tsawˇ haˬ gʼawˬ mya gʼaˬ, Ka li kamˇ shiˇ-euˬ laꞈ yaꞈ-ahˇ muiˇ-eu jeˬ-ehˇ yaw dehꞈ dehꞈ luꞈ meh lehˇ ngaˇ paˇ ehˇ poˆ-eu ma.

Yaˬkoˆ 4:7

Kʼoeˇ miˇ neh, Miˬyehˇ-euˬ ehˇ dawˬ geuꞈ-awˬ. Nehꞈ sahˬ paˬ-ahˇ muiˇ-awˬ. Aˬ yawꞈ naw maꞈ jawˇ gaˇ neh cehˆ doˆ tehꞈ-a.

Piˇliˇpiˆ 1:4

Naw maꞈ dawˬ tawˆ luꞈ gʼaˇ duˬ ngaˇ guiˬ lahˬ kʼaˇ shaˇ ngeh, laˬ kʼaˬ cehˇ-eu laꞈ kʼoeˇ shaˇ-eu ma.

Luˇkaꞈ 16:2

Kʼoeˇ miˇ neh, myawˬ jeˬ hmˬ-eu kʼoeˇ gʼaˬ-ahˇ aˬ yawꞈ kuˇ-awˇ ehˇ nehˬ-eu, ‘Nawˬ-euˬ gaˇ kawˆ ngaˇ ya gaˬ-euˬ maˬ muiˬ nya. Nawˬ neh ngaˬ-euˬ myawˬ jeˬ hmˬ-euˬ jaˇ laˇ dawˬ tawˆ luꞈ ngaˇ jawˇ gaˇ yuˇ laꞈ sheˇ. Nawˬ-ahˇ ngaˬ-euˬ myawˬ jeˬ hmˬ-eu gʼaˬ maˬ paˇ gi geuꞈ nya ngaˇ.’

Dawqdaq 5:13

Ngaˬ-ahˇ mehˬ-eu tsoˆ-eu deuˬ-euˬ dawˬ-ahˇ ngaˇ maˬ naˇ haˬ-ehˇ, aˬ yawꞈ maꞈ-euˬ dawˬ-ahˇ naˬ bawˇ maˬ ciˬ kʼmˇ-aˬ.

1 Saˬmeuˬlaˆ 8:19

Ehˇ kʼawꞈ, Saˬmeuˬlaˆ neh ehˇ-euˬ dawˬ-ahˇ tsawˇ haˬ kʼoeˇ deuˬ-euˬ naˬ bawˇ maˬ gaˬ leˇ-a. Aˬ yawꞈ maꞈ ehˇ-eu, “Ehˬ-ehˇ ngeuˇ-iˬ. Nga maꞈ sahˬ paˬ tiˬ gʼaˬ geuꞈ mawꞈ-eu ma.

Aˇ dahˬ 16:9

“Aˬ yawꞈ jawˇ gaˇ gʼoꞈ leˇ-awˇ, aˬ yawꞈ-euˬ zaˬ kʼaˆ paˇ geuꞈ kʼoꞈ leˇ-awˬ” lehˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ Haˬgaˬlaˇ-ahˇ ehˇ nehˬ-euˬ meh.

Piˇliˇpiˆ 2:16

Saꞈ laˇ bi dehꞈ-eu dawˬ aˬ yawꞈ maꞈ-ahˇ biꞈ-awˬ. Kʼoeˇ loꞈ-ehˇ mˇ naˇ, Ka li zaꞈ le-eu Aˇ nah-ahˇ naw maꞈ gʼaˇ duˬ ngaˇ kʼahˬ sehˇ jehˆ kʼaˇ za tehꞈ-a. Aˬ jeˬ miˇ neh ehˇ naˇ, kʼoeˇ-aˬ, ngaˬ neh leh jeh-awˇ mˇ-euˬ gaˇ heu yawꞈ ngehꞈ maˬ ngeuˇ-eu gaˇ kawˆ bya cehˆ ni bi doˆ laˇ tehꞈ-a.

Eˇpeˇsu 5:21

La li-ahˇ yaw zeu baw-eu laꞈ kʼoeˇ, tiˬ gʼaˬ-euˬ laꞈ oˆ tiˬ gʼaˬ yaw muiˬ-ehˇ jawˇ-awˬ.

Yeˬsaˬgeˬlaˇ 33:2

“Tsawˇ haˬ zaˬ-oˇ, miˇ kʼahˬ tiˬ kʼahˬ kʼoeˇ taˆ ngaˇ guiˇ deuˆ-eu jeˬ bi keuˆ le ngeh, aˬ joˆ-ehˇ pyeuꞈ laˇ-eu gaˇ kawˆ nawˬ-euˬ tsawˇ jeuˬ-ahˇ ehˇ mehˬ nehˬ-awˬ. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ, aˬ yawꞈ maꞈ laꞈ kʼoeˇ tsawˇ haˬ tiˬ gʼaˬ tseˇ doˆ-awˇ, loꞈ piˇ-eu tsawˇ haˬ bi geuꞈ-eu meh.