HeˬByehˇ 12:15 - Akha

¹⁵ Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Nawmaf, Miqyaer-euq guiqlanq yawdzanr-anr nae kaq-ir-awr, khaqjawfni ghae-eu nuima baw-eu duqcir dovlar-awr, gardzaq garkawv lavdov-eu uqtaf, ghawqmya ghaq-anr maqshawrni bi pyeuflar-eu gar yanr-awq.

HeˬByehˇ 12:15 Referans Kwoze

HeˬByehˇ 3:12

Jah-eu tsawˇ haˬ deuˬ pyeuꞈ-eu gaˬ-eu cawˬ deuˬ-oˇ, dehꞈ luꞈ-eu Miˬyehˇ-ahˇ byehˇ dzeh gaˇ keuˆ ni haiˬ-eu, maˬ jah-eu nui ma pi luꞈ-eu tsawˇ haˬ naw maꞈ laꞈ kʼoeˇ maˬ ya bi ahˇ ni yahˇ-awˬ.

Dawˬmehˬ 29:18

Iˬ nah heu gaˇ yawꞈ luꞈ-eu kʼaˬ dzeˇ zaˬ hawˇ-eu zaˬ miˬ zaˬ aˬ geu gʼaˬ maˬ kaˬ, nymˇ jiˇ aˬ geu jiˇ maˬ kaˬ, tsawˇ jeuˬ aˬ geu jeuˬ maˬ kaˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬyehˇ deuˬ-ahˇ uˬ duˬ maˬ ya tahˬ ni, yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ mˇ-eu jeˬ-aˬ, kʼaˬ jehꞈ ni gʼeh-awˇ doꞈ kʼaˆ dui dui-eu aˇ bawˇ bi bawˇ laˇ-eu duˬ ciˇ-ahˇ duˇ-eu meh.

Gaˬlaˬtiˆ 5:4

Naw maꞈ Zahˇ dawˬ kʼoꞈ dawˬ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ ni leh jeh-eu tsawˇ haˬ deuˬ-aˬ, Ka li-ahˇ maˬ paˇ taꞈ-ehˇ, Miˬyehˇ gʼawˬ shaˬ gaˬ-eu guiˬ lahˬ-euˬ laꞈ nyiˇ paw jawˇ-eu tsawˇ haˬ deuˬ pyeuꞈ-eu meh.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

2 Yoˇhaˬ 1:8

Kʼoeˇ miˇ neh, naw maꞈ neh yawˬ ha gʼaˇ duˬ mˇ-euˬ shaˇ-euˬ jeˬ yawꞈ ngehꞈ-ehˇ maˬ bi pyeuꞈ-iˇ-ehˇ, Miˬyehˇ neh naw maꞈ-ahˇ biꞈ-eu lehˇ lehˬ hmˬ taˬ-euˬ jeˬ tiˬ byah tiˬ loꞈ za nya ni yaw kʼaˆ kʼaˆ-ehˇ yahˇ-awˬ.

1 Gawˇliˬtu 15:33

Taˬ noeˬ lehˬ. “Maˬ muiˬ-eu deuˬ-ahˇ cawˬ cawˬ naˇ, yaw muiˬ jeˬ mˇ mawꞈ-eu nui ma cawˆ-iˇ tehꞈ-a.”

2 Beˬtuˆluˆ 3:14

Kʼoeˇ miˇ neh cawˬ deuˬ-oˇ, Aˇnah kʼoeˇ nah-ahˇ naw maꞈ dawˬ luꞈ-eu loꞈ-ehˇ, Miˬyehˇ mehˬ shi iˬ baˇ taˬ kʼaˇ maˬ za-eu Miˬyehˇ-ahˇ tsaˬ leˇ tsahˇ leˇ gʼaˬ-euˬ muiˬ-eu shawˇ-eu tsawˇ haˬ pyeuꞈ ni leh jeh-awˬ.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

1 Gawˇliˬtu 5:6

Naw maꞈ nui ma huiˬ-eu maˬ tsaˬ-a. “Dehˬ tseˬ ui cuiˆ tehꞈ kʼawꞈ, kaˬ muˇ tiˬ tsmˇ tsmˇ lah ni bi poˬ laˇ nya meh” lehˇ ehˇ taˬ-euˬ jaˆ-eu naw maꞈ siˬ nya meh.

Yeˬlaˬmiˇ 2:21

Muiˬ dui dui-eu aˇ nuiˆ pahˬ-awˇ ka-euˬ aˬ gaꞈ baw duˆ loꞈ-ehˇ, nawˬ-ahˇ ngaˇ ka-euˬ ma. Ehˇ kʼawꞈ, nymˬ-mˇ nawˬ-ahˇ haw ngeh, buꞈ-iˇ-awˇ gaˇ dahˇ maˬ tsoeˬ-eu aˬ gaꞈ baw duˆ-ahˇ duˇ-eu meh.

Dawqdaq 4:23

Dehꞈ jeˬ dehꞈ kawˆ nui ma-ahˇ doˆ le-euˬ miˇ neh, nui ma-ahˇ noeˬ-awˇ yaw dehꞈ dehꞈ-awˬ.

HeˬByehˇ 4:11

Tsawˇ haˬ kʼoeˇ deuˬ maˬ jah-euˬ baˬ da neh, gʼaˬ naˬ naˬ-eu jeˬ-ahˇ maˬ za-euˬ loꞈ-ehˇ aˬ dui maˬ ya pyeuꞈ-iˇ-ehˇ, gʼaˬ naˬ naˬ-eu jeˬ kʼoeˇ-ahˇ aˬ dui za nya ni leh jeh dui dui kaˇ-euˇ.

2 Gawˇliˬtu 13:5

Naw maꞈ jah-eu jeˬ-ahˇ ziꞈ dah ni tuˆ tehˬ luꞈ ma loˇ lehˇ yawˬ haˇ yawˬ ha pyehˆ tseˇ haw-awˬ. Yawˬ haˇ yawˬ ha lawˬ haw-awˬ. Yeˬsuˇ Ka li naw maꞈ laꞈ kʼoeˇ jawˇ meh lehˇ maˬ siˬ duˬ te loˇ. Maˬ ngeuˇ naˇ, lawˬ haw-eu jeˬ laꞈ kʼoeˇ naw maꞈ smˬ-iˇ teˬ loˇ.

1 Gawˇliˬtu 10:12

Ziꞈ dah ni yawꞈ luꞈ ma lehˇ noeˬ-eu tsawˇ haˬ aˬ geu gʼaˬ maˬ kaˬ, maˬ ya coˬ-iˇ ni yahˇ-eu tsaˬ tehꞈ-a.

1 Sahˬpaˬ 14:16

Yeˬyawˇbamˬ mehˬ huˬ huˬ-eu mehˬ nah caw teh-awˇ, Iˇsaˬleˬlaˆ tsawˇ haˬ deuˬ iˬ baˇ mˇ-euˬ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ byehˇ dzeh tehꞈ-a.”

HeˬByehˇ 6:11

Naw maꞈ neh noeˬ tmˬ taˬ-euˬ jeˬ keuˆ le ni, naw maꞈ yawˬ gʼaˬ na luꞈ aˇ saˬ saˬ ngeh keuˆ ni nui ma keuˆ gaˇ nga maꞈ geuꞈ mawꞈ dui dui-eu ma.

Dawˬmehˬ 32:32

Sawˇdoˬ hawˇ-eu Gawˇmawˇlaˆ meuˬ, jawꞈ dui doeˇ dui dui-euˬ loꞈ-ehˇ, muiˇ-eu kʼoeˇ deuˬ doeˇ dui dui-awˇ, kʼaˬ dui dui-eu aˬ gaꞈ ciˇ ni, aˇ siˬ doꞈ ahˇ gaˇ duˇ leˇ-awˇ,

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.

Gawˇlawˇsehˇ 3:5

Naw maꞈ laꞈ kʼoeˇ gaˇ mˇ luꞈ-eu jeˬ pyeuꞈ-eu, miˇ tsaˬ shiˬ shaˬ jiˇ-ahˇ nui kʼahˇ jaˆ-eu laꞈ kʼoeˇ jawꞈ dui dui-eu kʼaˬ miˬ sheu-eu gʼawˬ mya jeˬ mˇ-eu, yaw haiˬ jeˬ mˇ-eu, nui kʼahˇ huiˬ-eu, heu deuˬ-ahˇ naw maꞈ ya laˆ sehꞈ jiˇ meh. (Nui kʼahˇ huiˬ-eu jeˬ-aˬ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ duˇ-eu meh.)

Eˇpeˇsu 5:3

Naw maꞈ-aˬ, Miˬyehˇ-euˬ tsawˇ haˬ pyeuꞈ-eu miˇ neh, maˬ tsaˬ maˬ dawˇ-eu jeˬ laꞈ kʼoeˇ kʼaˬ miˬ sheu-eu, jawꞈ dui dui-eu jeˬ mˇ-eu, aˬ cawˬ-euˬ myawˬ-ahˇ mehˇ juiˇ juiˇ-eu, heu loꞈ-ehˇ gʼeh-eu gaˇ kawˆ deuˬ-ahˇ mˇ-eu taˬ ehˇ siˬ. Ja-eu kʼawꞈ maˬ tsaˬ-a.

Gaˬlaˬtiˆ 2:13

Yuˇ daˆ tsawˇ haˬ Ka li zaˬ nui deuˬ kʼawꞈ, nui ma baˬ-iˇ jiˇ-awˇ, Beˬtuˆluˆ kʼaˇ mˇ-eu mehˬ nah caw teh-euˬ meh. Baˬnaˬbaˆ-ahˇ keuˆ ni kʼoeˇ loꞈ-ehˇ pyeuꞈ-iˇ taˬ-euˬ meh.

1 Gawˇliˬtu 13:8

Gʼoeˇ-eu gaˬ-eu jeˬ-aˬ, mˬ maˬ maˬ byaˆ zaˇ ziˇ gmˬ-eu meh. Miˬyehˇ gʼaˇ duˬ ngehˬ dah-eu jeˬ jaˆ luꞈ meh. Ehˇ kʼawꞈ, tiˬ kʼehˬ tiˬ yamˬ gmˬ-eu tehꞈ meh. Dawˬ gʼawˬ mya jeˬ ngehˬ nya-eu tsawˇ gahˇ jaˆ luꞈ meh. Ehˇ kʼawꞈ, gʼawˬ myahˇ ni maˬ kamˬ-a. Zaˬ siˬ tsawˇ gahˇ kʼawꞈ jaˆ luꞈ meh. Ehˇ kʼawꞈ, gʼawˬ myahˇ ni maˬ ziꞈ-a.

Doˆ-iˇ 32:21

Kʼoeˇ naˇ, “Tsawˇ haˬ heu deuˬ-ahˇ heu naˆ naˆ-ehˇ guˆ laˇ paˬ-ehˇ gʼeh-eu iˬ baˇ nawˇ ya bi mˇ ni, aˬ yawꞈ maꞈ nawˬ-ahˇ aˬ jeˬ jahˇ nehˬ laꞈ taˬ” lehˇ, Aˬloˬ-ahˇ Moˇseˬ naˇ haˬ-euˬ meh.

2 Beˬtuˆluˆ 3:11

Yawˬ jeˬ na luꞈ kʼoeˇ loꞈ-ehˇ bi laˆ cawˆ jiˇ gaˇ keuˆ-eu-aˬ, naw maꞈ aˬ joˆ-ehˇ gʼeh-eu tsawˇ haˬ pyeuꞈ-eu tsaˬ nmˇ. Naw maꞈ yaw dehꞈ dehꞈ-eu jeˬ-aˬ, muiˬ-awˇ shawˇ-awˇ, Miˬyehˇ-ahˇ a nehˬ taˬ-euˬ jeˬ bi pyeuꞈ-eu tsaˬ meh.

2 Beˬtuˆluˆ 1:10

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ neh naw maꞈ-ahˇ kuˇ-awˇ tseˇ doˆ nehˬ laꞈ-euˬ jeˬ-ahˇ aˬ myah luꞈ ziꞈ dah ni tuˆ tehˬ taˬ nya ni, yaw kʼaˆ kʼaˆ-ehˇ leh jeh-awˬ. Kʼoeˇ loꞈ-ehˇ mˇ naˇ, jah-eu jeˬ-ahˇ naw maꞈ tiˬ jawˇ-iˬ maˬ byehˇ dzeh-aˇ.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 5:4

Aˬ gaꞈ yaˇ kmˇ laꞈ kʼoeˇ mˇ paˬ-ehˇ gʼeh-eu jeˬ, ngaˇ maˬ mˇ ni byehˇ-euˬ aˬ jeˬ jaˆ ta. Aˬ gaꞈ aˇ siˬ yaw muiˬ bi siˬ le-eu lehˇ bo saˆ ngeh, aˬ jeˬ miˇ neh yaw cehˇ tehꞈ-ehˇ siˬ le ta.

Yawˇshuˆ 6:18

Ya laˆ luˬ ya laˆ seˇ nehˬ-eu mˇ myawˬ kʼoeˇ deuˬ tiˬ jeˬ-iˬ naw maꞈ maˬ ya yuˇ geuꞈ-a. Naw maꞈ yuˇ naˇ, shaˬ-eu zahˬ-eu jeˬ hawˇ-eu luˬ-iˇ seˇ-iˇ-eu jeˬ Iˇsaˬleˬlaˆ tsawˇ haˬ deuˬ-euˬ sehˬ gʼawˆ kʼoeˇ taˆ keuˆ le ni naw maꞈ jahˇ gaˇ duˇ-eu meh.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Tiˇtuˆ 1:15

Shawˇ jehˆ ni gʼeh-eu tsawˇ haˬ deuˬ gʼaˇ duˬ, yawˬ jeˬ na luꞈ yaw shawˇ meh. Ehˇ kʼawꞈ, maˬ jah-eu jawꞈ-eu tsawˇ haˬ deuˬ gʼaˇ duˬ-aˬ, yaw shawˇ tiˬ jeˬ-iˬ maˬ jaˆ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma maˬ ehˇ, noeˬ siˬ nya-eu jeˬ maˬ ehˇ, dawˬ tawˆ luꞈ yaw jawꞈ meh.