HeˬByehˇ 11:8 - Akha

⁸ Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqbyaqhaq jan-eu mirnae, Miqyaer, aqyawf-euq jeqbir pyeuf-eu mirkhanq-anr ir-awq laer aqyawf-anr kur ngae, aqgeugar ya’ir-eu laer maq siqnya-eu khawf, Miqyaer-euq dawq narhaq geuf-awr ir-euq mae.

HeˬByehˇ 11:8 Referans Kwoze

1 Beˬtuˆluˆ 1:22

Nymˬ-mˇ naw maꞈ yaw tsaˬ yaw dawˇ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha bi muiˬ bi shawˇ laˇ-awˇ, Ka li-ahˇ jah-eu tsawˇ haˬ cawˬ cawˬ gʼoeˇ nya gaˬ nya-eu aˇ tiˆ-ahˇ dehꞈ keuˆ laꞈ-euˬ-aˬ, tiˬ gʼaˬ tiˇ gʼaˬ nui ma laꞈ kʼoeˇ keuˆ ni ziꞈ dah ni gaˬ-awˬ.

Aˇ dahˬ 22:18

Nawˇ ngaˬ-euˬ ehˇ dawˬ naˇ haˬ-eu miˇ neh, nawˬ-euˬ zaˬ nawˬ-euˬ uˆ deuˬ guiˬ lahˬ za-eu loꞈ-ehˇ, aˬ yawꞈ maꞈ-ahˇ kʼawꞈ guiˬ lahˬ biꞈ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.”

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Lormav 10:16

Ehˇ kʼawꞈ, tsawˇ haˬ yawˬ gʼaˬ na luꞈ Laˬ kʼaˬ cehˇ-eu Guiˬ lahˬ dawˬ-ahˇ ha geuꞈ-eu maˬ ngeuˇ-a. “Sahˬpaˬ Miˬyehˇ-oˇ, nga maꞈ neh mehˬ-euˬ dawˬ-ahˇ aˬ suˇ gʼaˬ naˇ haˬ geuꞈ-eu jawˇ nmˇ” lehˇ, Iˇsaˬyaˇ neh ehˇ-euˬ dawˬ jaˆ-eu meh.‘

Iˇsaˬyaˇ 41:2

“Guiˇ deuˆ gʼaˬ nya-eu gʼaˬ-ahˇ nahˇ ma doˆ kʼehˬ paw neh aˬ suˇ gʼaˬ neh sheuˬ ahˇ leꞈ-awˇ, guiˇ kʼaˇ deuˆ gaˇ gʼaˬ leˇ ni, aˬ suˇ gʼaˬ jahˇ nehˬ ta. Sahˬ paˬ hawˇ-eu miˇ kʼahˬ deuˬ-ahˇ aˬ yawꞈ gʼaˬ leˇ ni, aˬ suˇ gʼaˬ caw ba ta. Aˬ yawꞈ-euˬ mi cehˇ neh aˬ yawꞈ maꞈ-ahˇ, kʼaˬ lehˇ loꞈ-ehˇ byehˆ nmˆ nehˬ-awˇ, aˬ yawꞈ-euˬ kaˆ aˬ yawꞈ maꞈ-ahˇ, gʼoˆ yoeˬ jaˬ lehˇ baw byaˆ-eu loꞈ-ehˇ jahˇ nehˬ-euˬ meh.

1 Beˬtuˆluˆ 4:17

Yaˇ kʼaˬ daˇ-eu aˇ yamˬ peh le-euˬ meh. Miˬyehˇ-euˬ tsawˇ haˬ deuˬ-ahˇ jeˬ huˬ daˇ-eu lehˇ gʼeh-eu meh. Aˬ dui-ahˇ jeˬ huˬ daˇ dahˬ beh naˇ, Miˬyehˇ jawˇ gaˇ neh oe-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ jah-eu tsawˇ haˬ deuˬ gʼaˇ duˬ aˬ joˆ-ehˇ aˇ saˬ saˬ nmˇ.

HeˬByehˇ 11:33

Jah-eu jeˬ baˬ da neh aˬ cawˬ-euˬ miˇ kʼahˬ deuˬ-ahˇ aˬ yawꞈ maꞈ guiˇ deuˆ gʼaˬ-euˬ meh. Yaw tsaˬ yaw dawˇ jeˬ aˬ yawꞈ maꞈ mˇ-awˇ, Miˬyehˇ neh saˇ jaˇ dzaˬ taˬ-euˬ jeˬ-ahˇ za-euˬ meh. Aˇ laˬ jaˬ shiˇ-ahˇ mehˬ cuꞈ cuꞈ nya-euˬ meh.

Lormav 6:17

Ehˇ kʼawꞈ, Miˬyehˇ-euˬ guiˬ lahˬ yaw dzahˇ-ahˇ ja ceuˬ-eu tsaˬ meh. Aˬ jeˬ miˇ neh ehˇ naˇ, dzeuˇ laˇ ngeh naw maꞈ iˬ baˇ-euˬ zaˬ kʼaˆ pyeuꞈ-euˬ kʼawꞈ, naw maꞈ-ahˇ mehˬ nehˬ tsoˆ nehˬ-euˬ laꞈ kʼoeˇ ya mawˇ taˬ-euˬ yaw tsaˬ yaw dawˇ jeˬ-ahˇ nui ma laꞈ kʼoeˇ keuˆ ni naw maꞈ naˇ haˬ geuꞈ-euˬ meh.

Yeˬsaˬgeˬlaˇ 36:24

Miˇ kʼahˬ yawˬ kʼahˬ na luꞈ laꞈ kʼoeˇ naw maꞈ-ahˇ ngaˇ sheuˬ doˆ-awˇ, naw maꞈ-euˬ miˇ kʼahˬ-ahˇ sheuˬ kʼoꞈ laꞈ nehˬ ma.

Iˇsaˬyaˇ 51:2

Naw maꞈ-euˬ aˬ da yaw dzahˇ Aˬbyaˬhaˬ-ahˇ shaˇ noeˬ-awˬ. Aˬ ma ma dzahˇ Saˬlaˇ-ahˇ noeˬ keuˆ-awˬ. Aˬbyaˬhaˬ-ahˇ ngaˇ kuˇ doˆ ngeh zaˬ maˬ jawˇ kʼawꞈ, ngaˇ guiˬ lahˬ biꞈ-awˇ zaˬ oeˬ sahˇ le ngeh, aˬ yawꞈ-euˬ zaˬ deuˬ uˆ deuˬ maˬ gui jiˇ coeˇ-a.

Yawˇshuˆ 24:3

Kʼoeˇ naˇ, naw maꞈ-euˬ aˬ poeˬ pyeuꞈ-eu Aˬbyaˬhaˬ-ahˇ Uˇpaˬlaˇ lawˇ baˬ nui baˬ-ahˇ jaˆ-eu miˇ kʼahˬ-ahˇ neh ngaˇ sheuˬ doˆ laꞈ-awˇ, Kaˬnaˬ miˇ kʼahˬ nyiˬ tsehˆ-ehˇ sheuˬ doˆ gʼeh-euˬ ma. Aˬ yawꞈ-euˬ zaˬ deuˬ uˆ deuˬ gʼawˬ mya ni bi jeuˬ bi o le-euˬ ma. Aˬ yawꞈ-ahˇ ngaˇ Iˇtsaˆ biꞈ-euˬ ma.

Dawˬmehˬ 9:5

Naw maꞈ muiˬ-eu jaˬ-eu tsawˇ haˬ pyeuꞈ-awˇ, yaw tsaˬ yaw dawˇ jeˬ mˇ-eu miˇ neh, aˬ yawꞈ maꞈ-euˬ miˇ kʼahˬ kʼoeˇ, Sahˬpaˬ Miˬyehˇ naw maꞈ-ahˇ biꞈ-eu maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu tsawˇ haˬ pyeuꞈ-eu miˇ neh maˬ ehˇ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ aˬ yawꞈ neh dzaˬ taˬ-euˬ saˇ jaˇ bi ziꞈ mawꞈ-eu miˇ neh maˬ ehˇ, tsawˇ haˬ kʼoeˇ deuˬ-ahˇ aˬ yawꞈ teh doˆ-euˬ jeˬ pyeuꞈ-eu meh.

Aˇ dahˬ 26:3

Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˇ dahˬ 15:5

Sahˬpaˬ Miˬyehˇ aˬ yawꞈ-ahˇ laꞈ nyiˇ paw sheuˬ doˆ gʼeh-awˇ ehˇ nehˬ-eu, “Mˬ paw gʼawˇ leuˇ-awˇ aˬ guiˇ kʼoeˇ deuˬ-ahˇ nawˇ gui haw sheˇ. Nawˬ-euˬ zaˬ nawˬ-euˬ uˆ deuˬ aˬ guiˇ kʼoeˇ deuˬ loꞈ-ehˇ jeuˬ le o le tehꞈ-a.”

1 Beˬtuˆluˆ 3:1

Kʼoeˇ loꞈ-ehˇ duˇ ni, miˬ zaˬ deuˬ kʼawꞈ, yawˬ ha-euˬ kʼaˬ dzeˇ zaˬ ehˇ dawˬ naˇ haˬ-awˬ. Kʼoeˇ loꞈ-ehˇ naˇ haˬ naˇ, kʼaˬ dzeˇ zaˬ gʼaˬ Miˬyehˇ dawˬ kawˬ-ahˇ maˬ jah-eu kʼawꞈ, naw maꞈ dehꞈ gaˇ jawˇ gaˇ haw-awˇ jah laˇ tehꞈ-a. Aˬ yawꞈ maꞈ jah laˇ ni naw maꞈ kʼaˬ meh mehˬ boeˬ neh ja mehˬ-eu maˬ loˬ-aˇ.

HeˬByehˇ 5:9

Aˬ yawꞈ laꞈ kʼoeˇ byah laˇ paˬ-ehˇ gʼeh-eu jeˬ bi byah laˇ gʼaˬ jiˇ ngeh, aˬ yawꞈ-euˬ dawˬ-ahˇ kʼaˇ naˇ haˬ geuꞈ-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ ka kʼoꞈ-eu jeˬ maˬ tsehˆ leˇ ni biꞈ-eu gʼaˬ pyeuꞈ laˇ-euˬ meh.

2 Gawˇliˬtu 10:5

Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.

Lormav 1:5

Tsawˇ jeuˬ dawˬ tawˆ luꞈ jah laˇ-awˇ naˇ haˬ geuꞈ ni sheuˬ gʼeh-eu gʼaˇ duˬ, Ka li-euˬ gʼaˬ kʼehˇ bi geuꞈ-eu lehˇ, Ka li-ahˇ gʼoe-awˇ Miˬyehˇ ngaˬ-ahˇ aˬ kawˬ-aˬ biꞈ laꞈ-euˬ meh.

Aˇ dahˬ 11:31

Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 12:5

Aˬbyaˬ-aˬ, aˬ yawꞈ-euˬ miˬ zaˬ Saˬlehˇ hawˇ-eu aˬ yawꞈ-euˬ aˬ duˇ Lawˇtaˬ-ahˇ sheuˬ-awˇ, Kaˬnaˬ miˇ kʼahˬ-ahˇ iˇ-euˬ meh. Haˬlaˬ meuˬ-ahˇ jawˇ ngeh, aˬ yawꞈ neh mˇ jaˆ-euˬ pyuˇ shuiˇ myawˬ gahˬ dawˬ tawˆ luꞈ yuˇ gʼeh-awˇ, zaˬ kʼaˆ dawˬ tawˆ luꞈ sheuˬ gʼeh-euˬ meh. Aˬ yawꞈ maꞈ Kaˬnaˬ miˇ kʼahˬ-ahˇ iˇ keuˆ ngeh,

Aˇ dahˬ 20:13

Kʼoeˇ miˇ neh, ngaˬ da-euˬ nymˇ-ahˇ byehˇ dzeh yaꞈ-awˇ, maˬ siˬ maˬ suˇ-eu miˇ kʼahˬ-ahˇ Miˬyehˇ ngaˬ-ahˇ bi iˇ laꞈ ngeh, Nawˇ ngaˬ-euˬ dmˇ ma pyeuꞈ-eu ma lehˇ aˬ cawˬ-ahˇ ehˇ nehˬ-eu laꞈ kʼoeˇ, nawˇ ngaˬ-ahˇ aˇ naˆ ni saˇ jaˇ ziꞈ-eu gaˇ kawˆ bi siˬ bi mawˇ laꞈ-awˬ lehˇ, aˬ yawꞈ-ahˇ ngaˇ ehˇ nehˬ-euˬ ma.”

Bawˇtsahˬ 10:30

Hawˇbaˆ ehˇ-eu, “Nawˬ nehˬ-ehˇ ngaˇ maˬ laˇ. Ngaˬ-euˬ miˇ kʼahˬ-ahˇ ngaˬ-euˬ tsawˇ haˬ jawˇ gaˇ ngaˇ gʼoꞈ-iˇ ma.”

Maꞈtehˬ 2:21

Kʼoeˇ ngeh, Yoˇsehˆ tuˇ-awˇ, aˬ nyaꞈ ma zaˬ-ahˇ sheuˬ-awˇ Iˇsaˬleˬlaˆ miˇ kʼahˬ-ahˇ gʼoꞈ leˇ-euˬ meh.