HeˬByehˇ 11:37 - Akha

³⁷ Kʼaˬ lo neh bi biˬ sehꞈ-euˬ meh. Yehˬ ma neh bi yehˬ tsehˆ-euˬ meh. Mi cehˇ neh bi deuˆ sehꞈ-euˬ meh. Yawˇ baˆ kʼoˆ hawˇ-eu ciꞈ myehꞈ baˆ kʼoˆ dm dm-ehˇ cah-euˬ meh. Shaˬ dui dui-awˇ, kʼehˬ dui kʼaˆ dui bi dui-euˬ uˬ taꞈ, kʼaˇ gʼeh mawꞈ-eu jeˬ bi gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Aqyawfmaf khaqlo nae bi biqsaef-awr, yaeqma nae nyiq tsaev bi yaeqtsaev-euq uqtaf, murjur jur-eu gar yadaq-awr, micaer nae bisaef-euq mae. Aqyawf maf-aq, irshaq shaq-eu jeq, khaeq-awr khav-eu jeq hawr-eu shaqdui zanq duidui-eu jeq-anr yadaq-eu lafkhoer, yawr bawkhov hawr-eu cifmyaef bawkhov dm-awr, tiqgar sair tiqgar doedoe-aer yacan-euq mae.

HeˬByehˇ 11:37 Referans Kwoze

2 Laˬsaˬbaˬ 24:21

Zaˬkaˬliˇ-ahˇ sehꞈ-eu gʼaˇ duˬ aˬ yawꞈ maꞈ mehˬ bawˬ mˇ-awˇ, sahˬ paˬ neh dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-euˬ pu ka, Zaˬkaˬliˇ-ahˇ kʼaˬ lo biˬ-euˬ meh.

Yeˬlaˬmiˇ 26:23

Aˬ yawꞈ maꞈ aˬ yawꞈ-ahˇ sahˬ paˬ Yeˬhawˇyaˬkmˬ jawˇ gaˇ nyehꞈ kʼoꞈ laꞈ-awˇ, Yeˬhawˇyaˬkmˬ neh aˬ yawꞈ-ahˇ sehꞈ-awˇ, miˇ kʼahˬ zaˬ-euˬ lmˬ bymˇ-ahˇ baꞈ dzeh nehˬ-euˬ meh.)

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

2 Sahˬpaˬ 1:8

Aˬ yawꞈ maꞈ ehˇ-eu, “Tsawˇ haˬ kʼoeˇ gʼaˬ jeˬ zaˬ baˆ kʼoˆ dm luꞈ-awˇ, shaˬ kʼoˆ joꞈ paꞈ paꞈ luꞈ-eu meh.” Sahˬ paˬ ehˇ-eu, “Tsawˇ haˬ kʼoeˇ gʼaˬ Eˇliˇyaˆ miˇ-a.”

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

Gʼaˬkʼehˇ 14:19

Biˇsiˇdiˇ miˇ kʼahˬ Aˬdiˇawˬ meuˬ hawˇ-eu Iˇgawˇniˇ meuˬ-ahˇ jawˇ-eu Yuˇdaˆ tsawˇ haˬ tiˬ deuˬ laˇ-awˇ, tsawˇ haˬ aˇ maꞈ-ahˇ aˬ yawꞈ maꞈ jawˇ paw pyawˬ ni mehˇ shuiˇ shuiˇ tawˆ-awˇ, Pawˇluˆ-ahˇ kʼaˬ lo biˬ-awˇ, shiˇ-euˬ ngaˇ lehˇ noeˬ-awˇ, meuˬ laꞈ nyiˇ gʼeu dzeh ha-iˇ-euˬ meh.

Luˇkaꞈ 13:34

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ neh ya ciˆ ya zaˬ deuˬ-ahˇ uˆ kaˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-euˬ nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-aˬ.

Maꞈtehˬ 21:35

Aˬ gaꞈ yaˇ kmˇ mˇ paˆ paˆ-eu deuˬ neh aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, tiˬ gʼaˬ-ahˇ diˬ-awˇ, tiˬ gʼaˬ-ahˇ sehꞈ-awˇ, tiˬ gʼaˬ-ahˇ kʼaˬ lo neh biˬ-euˬ meh.

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Maꞈtehˬ 3:4

Yoˇhaˬ-aˬ, law taw caꞈ hm neh zaꞈ taˬ-euˬ mehˬ tsoeˬ dm-awˇ, shaˬ kʼoˆ joꞈ paꞈ paꞈ luꞈ-eu meh. Aˬ yawꞈ dzaˬ-eu dzaˇ-aˬ, nyehˇ bahˇ hawˇ-eu bawˇ tsahˬ byaˬ byaˬ uiˇ meh.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

1 Sahˬpaˬ 21:10

Tsawˇ haˬ yaw haiˬ tiˬ gʼaˬ nyiˬ gʼaˬ-ahˇ kʼehˇ-awˇ, Miˬyehˇ hawˇ-eu sahˬ paˬ aˬ nyaꞈ-ahˇ Naˬboˆ neh yaˬ kʼehˇ yaˬ-euˬ meh lehˇ jaˬ myawꞈ bi myawꞈ-awˬ. Kʼoeˇ naˇ, aˬ yawꞈ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo biˬ sehꞈ-awˬ.”

1 Sahˬpaˬ 19:14

Eˇliˇyaˆ ehˇ-eu, “Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ-ahˇ tehꞈ-ehˇ ngaˇ aˬ myah luꞈ mˇ-euˬ ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ jiˇ-euˬ meh. Ngaˇ tiˬ gʼaˬ tehꞈ-ehˇ dzeˇ laˇ taˬ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

1 Sahˬpaˬ 19:1

Eˇliˇyaˆ neh kʼaˇ mˇ-euˬ jeˬ dawˬ tawˆ luꞈ hawˇ-eu, Baˬlaˇ miˬ yehˇ gʼaˇ duˬ ngehˬ dah-eu deuˬ-ahˇ aˬ yawꞈ aˬ joˆ-ehˇ sehꞈ-euˬ gaˇ kawˆ, sahˬ paˬ Aˬhaˆ neh aˬ yawꞈ-euˬ miˬ zaˬ-ahˇ dzawˇ nehˬ-euˬ meh.

1 Sahˬpaˬ 18:13

Sahˬpaˬ Miˬyehˇ gʼaˇ duˬ ngehˬ dah-eu deuˬ-ahˇ Yeˬsaˬbeˬlaˇ sehꞈ luꞈ ngeh, aˬ yawꞈ maꞈ tiˬ yaˇ gʼaˬ-ahˇ ngaˇ sheuˬ doˆ-awˇ, ngaˬ tseˇ gʼaˬ byah-eu aˇ muˇ nyiˬ muˇ muˇ nehˬ-awˇ, lo kʼahˬ-ahˇ sheuˬ zaꞈ taˬ-euˬ laꞈ kʼoeˇ, dzaˬ dzaˬ dawˇ dawˇ hawˇ-eu iˇ cuꞈ sha nehˬ-euˬ gaˇ kawˆ nawˇ maˬ ya gaˬ-aˬ loˇ.

1 Sahˬpaˬ 18:4

Sahˬpaˬ Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ Yeˬsaˬbeˬlaˇ sehꞈ luꞈ ngeh, aˬ yawꞈ maꞈ-euˬ tsawˇ haˬ tiˬ yaˇ gʼaˬ-ahˇ Awˇbaˬdiˇ sheuˬ-awˇ, ngaˬ tseˇ gʼaˬ byah-eu aˇ muˇ nyiˬ muˇ biˇ-awˇ, lo kʼahˬ-ahˇ sheuˬ zaꞈ taˬ-awˇ, dzaˬ dzaˬ dawˇ dawˇ hawˇ-eu iˇ cuꞈ sha nehˬ-euˬ meh.)

2 Saˬmeuˬlaˆ 12:31

Kʼoeˇ gaˇ jawˇ-eu tsawˇ haˬ deuˬ-ahˇ aˬ yawꞈ nyehꞈ doˆ laꞈ-awˇ, yehˬ ma, tsehˬ ma, deuˆ haˬ, heu deuˬ baꞈ-awˇ gaˇ bi mˇ-awˇ, tsaˬ byaˆ tehˆ-eu gaˇ kʼawꞈ bi mˇ-euˬ meh. Aˬmoˬ tsawˇ jeuˬ-euˬ meuˬ nui deuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ kʼehˇ dzaˬ-euˬ meh. Kʼoeˇ naˇ, aˬ yawꞈ hawˇ-eu aˬ yawꞈ-euˬ tsawˇ haˬ deuˬ Yeˬluˇsaˬlehˬ meuˬ-ahˇ gʼoꞈ laˇ-euˬ meh.

1 Sahˬpaˬ 19:13

Teˇ saˇ kʼoeˇ-ahˇ Eˇliˇyaˆ ya gaˬ ngeh, pehˇ kʼahˬ pehˇ mahˇ neh aˬ yawꞈ-euˬ myaˆ pyawˬ-ahˇ dehˬ kaˬ-awˇ, lo kʼahˬ-euˬ gʼoˆ kʼehˬ-ahˇ iˇ doˆ-awˇ yawꞈ-iˇ-euˬ meh. Kʼoeˇ ngeh, “Eˇliˇyaˆ-oˇ, nawˇ heu gaˇ aˬ jeˬ jahˇ luꞈ te” lehˇ naˇ haˬ-eu dawˬ gaˬ le-euˬ meh.

1 Sahˬpaˬ 19:19

Jawˇ duˬ kʼoeˇ tsahˇ-ahˇ neh Eˇliˇyaˆ iˇ gʼeh ngeh, Eˇliˇshehˇ mawˇ neˇ tiˬ gu teh-awˇ deh yaˇ tsehˬ luꞈ gaˇ ya mawˇ-euˬ meh. Eˇliˇshehˇ-euˬ mehˬ hu mawˇ neˇ tseˇ tiꞈ gu tsehˬ luꞈ-awˇ, aˬ yawꞈ gʼaˬ, aˬ cawˬ jeˬ nah nah saˬ tsehˬ luꞈ-eu meh. Eˇliˇyaˆ-aˬ, aˬ yawꞈ-euˬ pehˇ kʼahˬ pehˇ mahˇ lehˆ-awˇ, Eˇliˇshehˇ-ahˇ sheu dm nehˬ-euˬ meh.

2 Sahˬpaˬ 2:8

Eˇliˇyaˆ gʼaˬ aˬ yawꞈ-euˬ pehˇ kʼahˬ pehˇ mahˇ lehˆ-awˇ lehˬ yoˆ-awˇ, iˇ cuꞈ-ahˇ sheu juiꞈ-euˬ meh. Kʼoeˇ ngeh, iˇ cuꞈ nyiˬ paˆ paˆ-iˇ-awˇ, Eˇliˇshehˇ aˬ yawꞈ nyaꞈ gui coˇ ni gʼeh-eu miˇ tsaˬ-ahˇ nawˬ-awˇ, lawˇ baˬ tsehˆ doˆ-euˬ meh.

2 Sahˬpaˬ 2:13

Kʼoeˇ naˇ, ga ka yaꞈ-euˬ Eˇliˇyaˆ-euˬ pehˇ kʼahˬ pehˇ mahˇ aˬ yawꞈ yuˇ-awˇ, Yawˇdaˬ lawˇ baˬ-ahˇ gʼoꞈ ka-iˇ-awˇ, lawˇ baˬ lawˇ deh yawꞈ-euˬ meh.

1 Laˬsaˬbaˬ 20:3

Meuˬ kʼoeˇ meuˬ-ahˇ jaˆ-eu pyuˇ shuiˇ myawˬ gahˬ gʼawˬ mya ni aˬ yawꞈ yuˇ geuꞈ-euˬ meh. Meuˬ kʼoeˇ meuˬ-ahˇ jawˇ-eu tsawˇ haˬ deuˬ-ahˇ kʼawꞈ aˬ yawꞈ nyehꞈ-awˇ, yehˬ ma, tsehˬ ma, deuˆ haˬ heu deuˬ bi baꞈ-awˇ, gaˇ bi mˇ-euˬ meh. Aˬmoˬ tsawˇ jeuˬ-euˬ meuˬ nui deuˬ-ahˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ gaˇ bi mˇ-euˬ meh. Kʼoeˇ naˇ, aˬ yawꞈ hawˇ-eu aˬ yawꞈ-euˬ tsawˇ haˬ deuˬ Yeˬluˇsaˬlehˬ meuˬ-ahˇ gʼoꞈ leˇ-euˬ meh.

Zaˬkaˬliˇ 13:4

Aˇ yamˬ kʼoeˇ yamˬ keuˆ laˇ ngeh, Miˬyehˇ gʼaˇ duˬ ngehˬ dah-eu tsawˇ haˬ deuˬ yawˬ ha neh yaw sahˇ laꞈ kʼoeˇ ya siˬ ya mawˇ-euˬ gaˇ kawˆ maˬ ehˇ doˆ peuˬ ni shaꞈ dawˇ tehꞈ-a. Miˬyehˇ gʼaˇ duˬ ngehˬ dah-eu deuˬ dm-eu caꞈ hm neh zaꞈ taꞈ-euˬ pehˇ kʼahˬ pehˇ mahˇ dm-awˇ miˇ kʼahˬ zaˬ-ahˇ myawꞈ dzaˬ-eu jeˬ maˬ paˇ jahˇ-aˇ.

HeˬByehˇ 11:25

Iˬbaˇ-ahˇ tiˬ kʼehˇ laˇ kʼehˬ byawˬ gʼa muˆ gʼa-eu naˆ maˬ tseˇ, Miˬyehˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼehˬ-eu kʼaˆ-eu jeˬ-ahˇ aˬ yawꞈ daˬ mawꞈ-eu meh.

HeˬByehˇ 13:3

Tawˬ-ahˇ uˇ luꞈ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ tawˬ-ahˇ caw uˇ luꞈ-eu loꞈ-ehˇ noeˬ keuˆ-awˬ. Kehˬ-eu kʼaˆ-eu jehˬ-ahˇ ya daˬ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ caw daˬ luꞈ-eu loꞈ-ehˇ noeˬ keuˆ-awˬ.