HeˬByehˇ 11:35 - Akha

³⁵ Jah-eu jeˬ baˬ da neh, zaˬ miˬ zaˬ deuˬ shiˇ dzeuˇ-euˬ yawˬ ha-euˬ aˬ yuiꞈ aˬ nyiˇ deuˬ-ahˇ bi gʼoꞈ dehꞈ laˇ nya-euˬ meh. Tiˬ deuˬ-aˬ, muiˬ dzehˬ-eu gʼoꞈ dehꞈ laˇ-eu jeˬ-ahˇ za nya ni, bi buˬ bi law-iˇ-eu jeˬ-ahˇ maˬ ha geuꞈ-ehˇ bi kʼehˬ bi kʼaˆ sehꞈ leꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Zaqmiq aqbur deuq, yawqha-euq paeqzaq shir-euq gar nae ghofdaef lar-euq gar ya’mawr-euq mae. Tiqpavnav deuq-aq, muiqdzaeq-eu ghofdaef lar-eu jeq-anr za’ni, bibuq-ir-eu jeq-anr maq hageuf-aer, khaeq-awr khav-eu jeq-anr daq-euq mae.

HeˬByehˇ 11:35 Referans Kwoze

Piˇliˇpiˆ 3:11

shiˇ-eu jeˬ laꞈ kʼoeˇ Miˬyehˇ ngaˬ-ahˇ bi gʼoꞈ dehꞈ laˇ tehꞈ-a lehˇ noeˬ tmˬ-eu tiˬ jeˬ, heu tehꞈ ma.

Gʼaˬkʼehˇ 9:41

Kʼoeˇ naˇ, Beˬtuˆluˆ aˬ laꞈ cawˬ nehˬ-awˇ, aˬ yawꞈ-ahˇ gʼeu tuˇ nehˬ-euˬ meh. Kʼoeˇ ngeh, jah-eu tsawˇ haˬ deuˬ hawˇ-eu miˬ coeˬ miˬ ma kʼoeˇ deuˬ-ahˇ Beˬtuˆluˆ kuˇ-awˇ, zaˬ miˬ zaˬ kʼoeˇ gʼaˬ-ahˇ, yaw dehꞈ-ehˇ aˬ yawꞈ maꞈ-ahˇ a kʼoꞈ nehˬ-euˬ meh.

Gʼaˬkʼehˇ 24:15

Tsawˇ muiˬ tsawˇ doeˇ dawˬ tawˆ luꞈ-ahˇ shiˇ-euˬ gaˇ paˇ bi gʼoꞈ dehꞈ laˇ tehꞈ-a lehˇ tsawˇ haˬ heu deuˬ Miˬyehˇ laꞈ kʼoeˇ noeˬ tmˬ-eu loꞈ-ehˇ, ngaˇ kʼawꞈ noeˬ tmˬ-eu ma.

1 Gawˇliˬtu 15:54

Kʼoeˇ loꞈ-ehˇ pyeuꞈ laˇ-awˇ, buꞈ-iˇ nya-eu jeˬ-ahˇ maˬ buꞈ-iˇ nya-eu jeˬ bi pyeuꞈ paˇ laˇ ngeh, Jaˇliꞈ heu deuˆ laꞈ kʼoeˇ ehˇ taˬ-euˬ byah laˇ tehꞈ-a. “Gʼaˬ leˇ-eu jeˬ neh shiˇ-eu jeˬ-ahˇ myoꞈ ahˇ-euˬ meh.”

Gʼaˬkʼehˇ 23:6

Uiˬ laˇ taˬ-euˬ tsawˇ haˬ deuˬ laꞈ kʼoeˇ, tiˬ paˆ deuˬ Paˬliˬsehˇ deuˬ pyeuꞈ-awˇ tiˬ paˆ deuˬ Saˬduˬgehˇ deuˬ pyeuꞈ-eu Pawˇluˆ haw siˬ ngeh, Baꞈ dzah-ahˇ teˇ saˇ yaw kʼaˆ kʼaˆ-ehˇ guˇ-awˇ heu loꞈ-ehˇ ehˇ-eu meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ Paˬliˬsehˇ ma. Ngaˬ da kʼawꞈ Paˬliˬsehˇ meh. Shiˇ-euˬ tsawˇ haˬ deuˬ gʼoꞈ dehꞈ laˇ tehꞈ-a lehˇ ngaˇ noeˬ tmˬ-euˬ tiˬ jeˬ baˬ da neh, aˬ cawˬ neh bi nyehꞈ-awˇ heu loꞈ-ehˇ bi naˇ haˬ gaˇ ya daˬ luꞈ-eu ma.”

Gʼaˬkʼehˇ 22:29

Kʼoeˇ ngeh jawˇ, Pawˇluˆ-ahˇ yahˬ caˆ neh juiꞈ-awˇ naˇ haˬ-eu lehˇ gʼeh-eu tsawˇ haˬ kʼoeˇ deuˬ tiˬ poˆ tehꞈ-ehˇ naˇ kʼah paw jiˆ kʼoꞈ le-euˬ meh. Yaw huiˬ yaw mahˇ kʼoeˇ gʼaˬ-aˬ, aˬ yawꞈ neh shmˇ caˆ paꞈ taˬ-euˬ Pawˇluˆ kʼoeˇ gʼaˬ Loˇmaˆ miˇ kʼahˬ zaˬ pyeuꞈ-eu siˬ duˬ leˇ ngeh, tsawˬ guˆ-iˇ-euˬ meh.

Gʼaˬkʼehˇ 4:19

Ehˇ kʼawꞈ, Beˬtuˆluˆ hawˇ-eu Yoˇhaˬ aˬ nyaꞈ ehˇ-eu, “Naw maꞈ-euˬ ehˇ dawˬ naˇ haˬ-eu hawˇ-eu Miˬyehˇ-euˬ ehˇ dawˬ naˇ haˬ-eu heu nyiˬ jeˬ, Miˬyehˇ mehˬ shi aˬ geu jeˬ tsaˬ dzehˬ ta lehˇ naw maꞈ shaˇnoeˬ haw sheˇ.

Yoˇhaˬ 5:29

Lmˬ bymˇ laꞈ kʼoeˇ neh aˬ yawꞈ maꞈ doˆ laˇ-awˇ, yaw muiˬ jeˬ mˇ-euˬ tsawˇ haˬ deuˬ-aˬ, dehꞈ-eu jeˬ za tehꞈ-a. Yaw haiˬ jeˬ mˇ-euˬ tsawˇ haˬ deuˬ-aˬ, yaˇ kʼaˬ daˇ nehˬ gaˇ ya daˬ tehꞈ-a.

Luˇkaꞈ 14:14

Aˬ yawꞈ maꞈ-ahˇ kuˇ naˇ, aˬ yawꞈ maꞈ nawˬ-ahˇ guiˬ lahˬ maˬ jahˇ kʼoꞈ nehˬ nya-eu baˬ da neh, nawˇ guiˬ lahˬ za tehꞈ-a. Yaw tsaˬ yaw dawˇ tsawˇ ha deuˬ gʼoꞈ dehꞈ laˇ-eu aˇ nah keuˆ laˇ ngeh, Miˬyehˇ nawˬ-ahˇ guiˬ lahˬ jahˇ kʼoꞈ nehˬ laꞈ tehꞈ-a.”

Maˬkuˆ 12:25

Shiˇ-euˬ tsawˇ haˬ deuˬ-ahˇ Miˬyehˇ bi gʼoꞈ dehꞈ laˇ ngeh, mˬ taˆ gʼaˬ kʼehˇ loꞈ-ehˇ pyeuꞈ-awˇ, sheuˬ dahˬ dzaˬ-eu maˬ paˇ baw meh.

Maꞈtehˬ 22:30

Shiˇ-euˬ tsawˇ haˬ dawˬ tawˆ luꞈ gʼoꞈ dehꞈ laˇ ngeh nah, mˬ taˆ gʼaˬ kʼehˇ loꞈ-ehˇ pyeuꞈ-awˇ, sheuˬ dahˬ dzaˬ-eu maˬ paˇ baw meh.

Luˇkaꞈ 20:36

Aˬ yawꞈ maꞈ-aˬ, mˬ taˆ gʼaˬ kʼehˇ loꞈ-ehˇ pyeuꞈ laˇ-awˇ, tiˬ jawˇ-iˬ maˬ shiˇ-a. Aˬ yawꞈ maꞈ shiˇ gʼaˬ-awˇ paˇ gʼoꞈ dehꞈ laˇ-euˬ miˇ neh, Miˬyehˇ-euˬ zaˬ deuˬ pyeuꞈ laˇ-euˬ meh.