HeˬByehˇ 11:33 - Akha

³³ Jah-eu jeˬ baˬ da neh aˬ cawˬ-euˬ miˇ kʼahˬ deuˬ-ahˇ aˬ yawꞈ maꞈ guiˇ deuˆ gʼaˬ-euˬ meh. Yaw tsaˬ yaw dawˇ jeˬ aˬ yawꞈ maꞈ mˇ-awˇ, Miˬyehˇ neh saˇ jaˇ dzaˬ taˬ-euˬ jeˬ-ahˇ za-euˬ meh. Aˇ laˬ jaˬ shiˇ-ahˇ mehˬ cuꞈ cuꞈ nya-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Tsawrhaq heudeuq jan-eu mirnae, mirkhanq deuq-anr deuvghaq-awr, tsaq-awr dawr-eu lafkhoer mr-euq mae. Sarjax dzaqtaq-euq jeq za-awr, arlaqjaqshir-euq khaqmae-anr maeqcuf cuf-euq mae.

HeˬByehˇ 11:33 Referans Kwoze

HeˬByehˇ 10:36

Miˬyehˇ-euˬ nui kʼahˇ mˇ byah-awˇ aˬ yawꞈ neh saˇ jaˇ dzaˬ taˬ-euˬ jeˬ-ahˇ za nya ni, nui ma gʼawˬ mahˇ ni ya taˬ meh.

Gaˬlaˬtiˆ 3:16

Miˬyehˇ-aˬ, Aˬbyaˬhaˬ hawˇ-eu aˬ yawꞈ-euˬ zaˬ-ahˇ saˇ jaˇ dzaˬ-euˬ meh. Jaˇliꞈ laꞈ kʼoeˇ Aˬbyaˬhaˬ-euˬ “zaˬ deuˬ uˆ deuˬ” lehˇ maˬ ehˇ taˬ-aˬ. Kʼoeˇ miˇ neh tsawˇ haˬ gʼawˬ mya ni-ahˇ saˇ jaˇ dzaˬ-euˬ lehˇ ehˇ mawꞈ-eu maˬ ngeuˇ-a. Aˬbyaˬhaˬ-euˬ “zaˬ” lehˇ, tiˬ gʼaˬ-ahˇ tehꞈ-ehˇ ehˇ taˬ-euˬ meh. Ka li tiˬ gʼaˬ-ahˇ tehꞈ-ehˇ saˇ jaˇ dzaˬ-euˬ gaˇ ehˇ mawꞈ-eu meh.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

HeˬByehˇ 11:17

Aˬbyaˬhaˬ-ahˇ Miˬyehˇ lawˬ haw ngeh aˬ yawꞈ-euˬ aˬ li Iˇtsaˆ lawˇ nehˬ-euˬ kʼoeˇ-aˬ, jah-eu jeˬ baˬ da neh meh. Aˬbyaˬhaˬ-aˬ, Miˬyehˇ nehˬ-ehˇ saˇ jaˇ dzaˬ taꞈ-euˬ tsawˇ haˬ pyeuꞈ kʼawꞈ, aˬ yawꞈ-euˬ aˬ li tiˬ gʼaˬ tehꞈ-ehˇ jawˇ-eu lawˇ nehˬ coeˇ-eu meh.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.

Jaceuq 144:10

Miˇ kʼahˬ sahˬ paˬ deuˬ-ahˇ gʼaˬ leˇ-eu jeˬ biꞈ-eu gʼaˬ nawˇ pyeuꞈ-awˇ, nawˬ-euˬ zaˬ kʼaˆ Daˬbiˇ-ahˇ nawˇ ka kʼoꞈ-eu meh.

Jaceuq 91:13

Aˇ laˬ jaˬ shiˇ hawˇ-eu aˇ lawˇ-ahˇ nawˇ tsawˬ nawˬ nawˬ tehꞈ-a. Guˆ laˇ paˬ-ehˇ gʼeh-eu aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ-ahˇ, nawˇ kʼoeˇ loꞈ-ehˇ tsawˬ nawˬ nawˬ tehꞈ-a.

Yaˇ kʼaˬ daˇ 4:1

Eˬhuˇdaˆ shiˇ dzeuˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ mehˬ shi iˬ baˇ paˇ mˇ poˆ-euˬ meh.

1 Saˬmeuˬlaˆ 12:4

Iˇsaˬleˬlaˆ tsawˇ haˬ deuˬ ehˇ-eu, “Nawˇ nga maꞈ kʼoeˇ taˆ myawꞈ dzaˬ shuiˇ dzaˬ-awˇ, smˇ kʼaˆ kʼaˆ dzaˬ taˬ-euˬ tiˬ jeˬ-iˬ maˬ jaˆ-a. Aˬ cawˬ-euˬ myawˬ nawˬ neh yuˇ geuꞈ-euˬ kʼawꞈ, tiˬ jeˬ-iˬ maˬ jaˆ-a.”

2 Saˬmeuˬlaˆ 8:15

Iˇsaˬleˬlaˆ miˇ kʼahˬ kʼahˬ lah ni-ahˇ Daˬbiˇ uˆ lahˇ-awˇ, aˬ yawꞈ-euˬ tsawˇ haˬ deuˬ kʼoeˇ taˆ aˬ myah luꞈ yaw tsaˬ yaw dawˇ dawˇ-ehˇ uˆ lahˇ-euˬ meh.

2 Saˬmeuˬlaˆ 10:12

Gʼaˬ byehˆ maˬ byehˆ ni nui ma kʼaˬ duˬ ni taˬ-awˬ. Aˬ dui-euˬ tsawˇ jeuˬ hawˇ-eu, aˬ dui Miˬyehˇ-euˬ meuˬ deuˬ gʼaˇ duˬ, yaw kʼaˆ kʼaˆ-ehˇ guiˇ deuˆ kaˇ-euˇ. Sahˬpaˬ Miˬyehˇ nui ma tsaˬ-eu jeˬ keuˆ le luꞈ-uˇ.”

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Yaˬkoˆ 2:18

“Tiˬ gʼaˬ-ahˇ jah-eu jeˬ oꞈ-awˇ, tiˬ gʼaˬ-ahˇ mˇ-eu jeˬ oꞈ-eu meh” lehˇ, tsawˇ haˬ tiˬ gʼaˬ na ehˇ tehꞈ-a. Mˇ-eu shaˇ-eu jeˬ maˬ ahˇ-eu nawˬ-euˬ jah-eu jeˬ ngaˬ-ahˇ mehˬ nehˬ laꞈ sheˇ. Ngaˇ-aˬ, mˇ-eu shaˇ-eu laꞈ kʼoeˇ ngaˬ-euˬ jah-eu jeˬ nawˬ-ahˇ mehˬ nehˬ ma.

1 Sahˬpaˬ 13:28

Aˬ yawꞈ iˇ haw ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ gaˇ ma-ahˇ ga-awˇ, mahˬ tahˬ laˆ hawˇ-eu aˇ laˬ jaˬ shiˇ kʼoeˇ mawˇ aˬ yawꞈ dawˬ peh yawꞈ luꞈ gaˇ ya mawˇ-euˬ meh. Aˇ laˬ jaˬ shiˇ kʼoeˇ mawˇ tsawˇ haˬ kʼoeˇ gʼaˬ-euˬ shaˬ jiˇ maˬ dzaˬ-ehˇ, mahˬ tahˬ laˆ kʼoeˇ mawˇ-ahˇ kʼawꞈ maˬ kawꞈ ni jawˇ-eu meh.