HeˬByehˇ 11:23 - Akha

²³ Moˇseˬ dehꞈ le ngeh, aˬ yawꞈ-euˬ aˬ da aˬ ma aˬ yawꞈ-ahˇ ba la smˇ siˬ byah ni cu zaꞈ taˬ-euˬ kʼoeˇ-aˬ, jah-eu-jeˬ baˬ da neh meh. Zaˬ kʼoeˇ gʼaˬ muiˬ dui dui gaˇ aˬ yawꞈ nyaꞈ ya mawˇ-euˬ miˇ neh, sahˬ paˬ neh biꞈ taˬ-euˬ dawˬ-ahˇ maˬ naˇ haˬ ni kʼoeˇ loꞈ-ehˇ cu zaꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Jan-eu mirnae, Morseq daefle ngae, zawr muiq-eu zaqnanq nga laer Morseq-euq aqma aqda, sanqpaq nae biftaq-euq dawq-anr maqguv-aer bala smr siq byanni cuzaf taq-euq mae.

HeˬByehˇ 11:23 Referans Kwoze

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Doˆ-iˇ 1:16

“Heˬbyehˇ tsawˇ haˬ zaˬ miˬ zaˬ deuˬ aˬ nyiˇ ciˬ gaˇ naw nyaꞈ laˆ saˆ ngeh, aˬ li dehꞈ le naˇ laˆ sehꞈ-awˬ. Ehˇ kʼawꞈ, aˬ buˇ dehꞈ le naˇ, maˬ laˆ sehꞈ ni bi buˬ-iˇ-awˬ” lehˇ, zaˬ miˬ zaˬ kʼoeˇ nyiˬ gʼaˬ-ahˇ sahˬ paˬ ehˇ nehˬ-euˬ meh.

HeˬByehˇ 13:6

Kʼoeˇ miˇ neh, aˬ dui nui ma kʼaˬ duˬ ni gʼeh-eu laꞈ kʼoeˇ, “Sahˬpaˬ Miˬyehˇ ngehˬ gʼeh luꞈmeh. Ngaˇ tiˬ jeˬ-iˬ guˆ kʼaˇ maˬ za. Aˬcawˬ aˬ jeˬ jahˇ laˇ nya nmˇ” lehˇ ehˇ kaˇ-euˇ.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Gʼaˬkʼehˇ 7:20

Kʼoeˇ ngeh yamˬ-ahˇ Moˇsehˬ dehꞈ le-euˬ meh. Aˬ yawꞈ-aˬ, muiˬ dui dui-eu aˬ li tiˬ li pyeuꞈ-eu meh. Ba la smˇ siˬ byah ni aˬ yawꞈ-ahˇ iˇ kahˇ laꞈ kʼoeˇ bo saˆ-awˇ cu-euˬ meh.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Jaceuq 118:6

Sahˬpaˬ Miˬyehˇ ngaˬ nehˬ-ehˇ jawˇ-eu miˇ neh, ngaˇ maˬ guˆ. Aˬ suˇ gʼaˬ ngaˬ-ahˇ aˬ jeˬ paˇ jahˇ laˇ nya ta.

Daˬyeˬlaˇ 6:10

Zahˇ sahˇ kʼoꞈ kʼoeˇ hmˬ-ahˇ laꞈ ma dehˬ gʼaˬ-euˬ gaˇ kawˆ Daˬyeˬlaˇ ya siˬ ngeh, iˇ kahˇ gʼoꞈ-iˇ-euˬ meh. Aˬ yawꞈ-euˬ nymˇ kʼoeˇ taˆ tiˆ-ahˇ, Yeˬluˇsaˬlehˬ meuˬ paw pyawˇ-eu laˇ gʼoˆ zaˬ dahˇ-eu meh. Aˬ myah luꞈ aˬ yawꞈ kʼaˇ mˇ haw-euˬ loꞈ-ehˇ, laˇ gʼoˆ zaˬ pah taˬ-euˬ mehˬ shi pawˬ tsuiꞈ pawˬ dmˬ dmˬ-awˇ, tiˬ nah smˬ poˆ Miˬyehˇ-ahˇ uˬ duˬ tahˬ-euˬ meh.

Iˇsaˬyaˇ 51:12

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Iˇsaˬyaˇ 51:7

“Ngaˬ-euˬ zahˇ dawˬ kʼoꞈ dawˬ nui ma laꞈ kʼoeˇ ahˇ-awˇ, tsaˬ-eu dawˇ-eu jeˬ siˬ nya-eu naw maꞈ, ngaˇ ehˇ gaˇ naˇ haˬ-awˬ. Aˬ cawˬ naw maꞈ-ahˇ yehˬ bawˬ sehˇ lu-ehˇ ehˇ laˇ-awˇ lmˬ gaˇ, naw maꞈ ta guˆ.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Jaceuq 56:4

Miˬyehˇ-ahˇ ngaˇ gʼoe-awˇ guˆ-eu nui ma maˬ ahˇ, aˬ yawꞈ neh saˇ jaˇ dzaˬ taˬ-euˬ jeˬ baˬ da neh, aˬ yawꞈ-ahˇ ngaˇ ja ceuˬ ma. Tsawˇ haˬ zaˬ ngaˬ-ahˇ aˬ jeˬ paˇ jahˇ laˇ nya nmˇ.