HeˬByehˇ 10:7 - Akha

⁷ Kʼoeˇ naˇ, ngaˇ heu dawˬ ngehˬ-euˬ ma. ‘Zahˇ dawˬ kʼoꞈ dawˬ sahˬ boꞈ laꞈ kʼoeˇ, ngaˬ-euˬ gaˇ kawˆ ehˇ-euˬ loꞈ-ehˇ, nawˬ-euˬ nui kʼahˇ mˇ byah-eu lehˇ, Miˬyehˇ-oˇ ngaˇ oe taˬ-euˬ ma.”’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoernar-aq, ngar aer-eu, ‘Sanqbof paryov-euq lafkhoer ngaq-euq garkawv bofanr taq-euq lof-aer, Miqyaer-or! Hawsher-eq! Ngar-aq, nawr nuima tsaq-eu jeq mr-eu laer oe-euq ma.’ ” (Jc 40:6-8)

HeˬByehˇ 10:7 Referans Kwoze

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Yoˇhaˬ 6:38

Aˬ jeˬ miˇ neh ehˇ naˇ, ngaˇ mˬ kʼoeˇ taˆ neh oe-euˬ-aˬ, ngaˬ-euˬ nui kʼahˇ mˇ le-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ le-euˬ ma.

Yoˇhaˬ 5:30

“Ngaˬ-euˬ baoˬ-ahˇ ngaˇ gʼoe-awˇ yawˬ haˇ yawˬ ha tiˬ jeˬ-iˬ maˬ mˇ nya-a. Miˬyehˇ ngaˬ-ahˇ ehˇ nehˬ laꞈ-euˬ loꞈ-ehˇ ngaˇ yaˇ kʼaˬ daˇ-eu ma. Kʼoeˇ miˇ neh, ngaˬ neh yaˇ kʼaˬ daˇ-euˬ-aˬ, tsaˬ-eu dawˇ-eu meh. Aˬ jeˬ miˇ neh ehˇ naˇ, ngaˬ-euˬ nui kʼahˇ ngaˇ maˬ mˇ-ehˇ, ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ-eu ma.

Yeˬlaˬmiˇ 36:2

“Shaˬ kʼoˆ paˇ yoˆ tiˬ yoˆ yuˇ-awˇ, Iˇsaˬleˬlaˆ miˇ kʼahˬ, Yuˇdaˆ miˇ kʼahˬ hawˇ-eu, miˇ kʼahˬ nui deuˬ dawˬ tawˆ luꞈ gaˇ kawˆ, ngaˬ neh nawˬ-ahˇ kʼaˇ ehˇ nehˬ-euˬ jeˬ boꞈ ahˇ taˬ-awˬ. Yawˇshiˆ sahˬ paˬ geuꞈ ngeh neh dahˬ beh-awˇ, iˬ nah keuˆ ni ngaˬ neh kʼaˇ ehˇ taˬ-euˬ jeˬ dawˬ tawˆ luꞈ boꞈ ahˇ taˬ-awˬ.

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Dawqdaq 8:31

Aˬ yawꞈ-euˬ miˇ tsaˬ tahˬ kʼawˇ-ahˇ laˬ kʼaˬ cehˇ-awˇ, tsawˇ haˬ zaˬ-ahˇ nui kʼahˇ shiˇ-euˬ ma.

Eˇzaˬlaˬ 6:2

Ehˇ kʼawꞈ, Meˬdiˇ miˇ kʼahˬ Eˇbaˬtaˬnaˬ meuˬ-ahˇ sahˬ boꞈ tiˬ yoˆ mawˇ-euˬ meh. Sahˬ boꞈ kʼoeˇ yoˆ laꞈ kʼoeˇ heu loꞈ-ehˇ boꞈ taˬ-euˬ meh.

Iˇsaˬyaˇ 50:5

Sahˬpaˬ Miˬyehˇ ngaˬ-ahˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh. Aˬ yawꞈ-ahˇ ngaˇ maˬ puiˬ. Aˬ yawꞈ-ahˇ ngaˇ maˬ byehˇ.

Yeˬsaˬgeˬlaˇ 2:9

Ngaˇ jawˇ gaˇ aˬ laꞈ cawˬ ja leꞈ-eu ya mawˇ-awˇ, aˬ laꞈ kʼoeˇ laꞈ-ahˇ sahˬ boꞈ paˇ yoˆ tiˬ yoˆ tuˆ tehˬ taˬ-euˬ meh.

Yeˬsaˬgeˬlaˇ 3:1

Miˬyehˇ ehˇ-eu, “Tsawˇ haˬ zaˬ-oˇ, sahˬ boꞈ paˇ yoˆ heu yoˆ dzaˬ-awˬ. Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ dawˬ ngehˬ ngehˬ-iˇ-awˬ.”