HeˬByehˇ 10:35 - Akha

³⁵ Kʼoeˇ miˇ neh, naw maꞈ nui ma ziꞈ-eu jeˬ-ahˇ taˬ byehˇ dzeh. Aˬ jeˬ miˇ neh ehˇ naˇ, kʼoeˇ baˬ da neh huiˬ dui dui-eu laꞈ sawˬ naw maꞈ za tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Khoermirnae, nawmaf yawduq baw-eu jeq-anr taq byaerdzae. Aqjeq mirnae aernar-aq, nawmaf heu-euq baqda’nae huiq duidui-eu mrpoeq lafsawq za taef-a.

HeˬByehˇ 10:35 Referans Kwoze

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

Luˇkaꞈ 14:14

Aˬ yawꞈ maꞈ-ahˇ kuˇ naˇ, aˬ yawꞈ maꞈ nawˬ-ahˇ guiˬ lahˬ maˬ jahˇ kʼoꞈ nehˬ nya-eu baˬ da neh, nawˇ guiˬ lahˬ za tehꞈ-a. Yaw tsaˬ yaw dawˇ tsawˇ ha deuˬ gʼoꞈ dehꞈ laˇ-eu aˇ nah keuˆ laˇ ngeh, Miˬyehˇ nawˬ-ahˇ guiˬ lahˬ jahˇ kʼoꞈ nehˬ laꞈ tehꞈ-a.”

HeˬByehˇ 11:26

Ka li-euˬ gʼaˇ duˬ daˬ ga-eu jeˬ-ahˇ ya daˬ-eu-aˬ, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ naˆ maˬ tseˇ poeˬ dui lawˬ dui dui ma lehˇ aˬ yawꞈ jah duˬ taˬ-euˬ meh. Aˬ jeˬ miˇ neh ehˇ naˇ, aˬ kaˇ za-eu laꞈ sawˬ-ahˇ aˬ yawꞈ noeˬ tsoˆ taˬ-euˬ meh.

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

Maꞈtehˬ 10:32

“Tsawˇ haˬ tiˬ gʼaˬ na ngaˬ-ahˇ ha geuꞈ-eu ma lehˇ tsawˇ haˬ zaˬ deuˬ-euˬ mehˬ shi ehˇ naˇ, tsawˇ haˬ kʼoeˇ gʼaˬ ngaˬ-ahˇ ha geuꞈ-euˬ meh lehˇ, mˬ kʼoeˇ taˆ ngaˬ Da-euˬ mehˬ shi ngaˇ ehˇ ma.

Maꞈtehˬ 10:42

Ngaˬ-euˬ mehˬ nah caw teh-eu tsawˇ haˬ deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ dzehˬ-eu tiˬ gʼaˬ-ahˇ kʼawꞈ, ngaˬ-euˬ mehˬ nah caw teh-eu tsawˇ haˬ pyeuꞈ-eu miˇ neh bi dawˇ-eu ma lehˇ noeˬ siˬ nya-awˇ, iˇ cuꞈ iˇ tsehꞈ tiˬ kʼmˬ tehꞈ-ehˇ bi dawˇ-euˬ kʼawꞈ, kʼoeˇ loꞈ-ehˇ kʼaˇ bi dawˇ-eu tsawˇ haˬ aˬ geu gʼaˬ maˬ kaˬ, aˬ diˇ aˬ maˇ guiˬ lahˬ za tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Jaceuq 19:11

Dawˬkʼoeˇbaˬda nawˬ-euˬ zaˬkʼaˆ, siˬnya mawˇnya yahˇnya laˇ-awˇ, guiˬlahˬbaw dzehˬlaˇ-euˬmiˇ-a.

HeˬByehˇ 2:2

Aˬ dui-euˬ aˬ poeˬ aˬ bawˇ deuˬ-ahˇ mˬ taˆ gʼaˬ kʼehˇ deuˬ neh biꞈ nehˬ-euˬ dawˬ deuˬ-aˬ, tsaˬ-eu dawˇ-eu dawˬ pyeuꞈ-awˇ, maˬ naˇ haˬ geuꞈ-eu tsawˇ haˬ deuˬ-aˬ, yawˬ ha-ahˇ geuˇ-eu loꞈ-ehˇ kʼehˬ nehˬ kʼaˆ nehˬ gaˇ ya daˬ-eu meh.

Eˇpeˇsu 3:12

Ka liˬ-euˬ laꞈ kʼoeˇ hawˇ-eu aˬ yawꞈ-ahˇ jah-eu laꞈ kʼoeˇ aˬ dui nui ma ziꞈ dah ni taˬ-awˇ, Miˬyehˇ jawˇ gaˇ kʼaˬ duˬ ni le uˇ peuˬ-eu ma.

HeˬByehˇ 10:19

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Yeˬsuˇ shiˇ dah-euˬ baˬ da neh Muiˬ dui Shawˇ dui dui-eu Jawˇ duˬ laꞈ kʼoeˇ aˬ dui kʼaˬ duˬ ni uˇ leˇ nya laˇ-euˬ ma.

2 Yoˇhaˬ 1:8

Kʼoeˇ miˇ neh, naw maꞈ neh yawˬ ha gʼaˇ duˬ mˇ-euˬ shaˇ-euˬ jeˬ yawꞈ ngehꞈ-ehˇ maˬ bi pyeuꞈ-iˇ-ehˇ, Miˬyehˇ neh naw maꞈ-ahˇ biꞈ-eu lehˇ lehˬ hmˬ taˬ-euˬ jeˬ tiˬ byah tiˬ loꞈ za nya ni yaw kʼaˆ kʼaˆ-ehˇ yahˇ-awˬ.