Hawˇseˬ 9:17 - Akha

¹⁷ Ngaˬ-euˬ Miˬyehˇ-euˬ tsawˇ haˬ deuˬ, aˬ yawꞈ ehˇ dawˬ leuˇ-eu miˇ neh, byehˇ dzeh nehˬ gaˇ ya daˬ tehꞈ-a. Aˬ cawˬ miˇ kʼahˬ doe ni cah-awˇ, jawˇ duˬ maˬ dah ni shaˬ tehꞈ-a.

Hawˇseˬ 9:17 Referans Kwoze

Hawˇseˬ 7:13

“Ngaˬ-ahˇ byehˇ dzeh yaꞈ-euˬ miˇ neh, aˬ yawꞈ maꞈ ya noeˬ shaˬ luꞈ-uˇ. Ngaˬ-ahˇ muiˇ-awˇ puiˬ-euˬ miˇ neh, luˬ-iˇ seˇ-iˇ gaˇ keuˆ luꞈ-uˇ. Aˬ yawꞈ maꞈ-ahˇ ka kʼoꞈ mawꞈ kʼawꞈ, aˬ yawꞈ maꞈ uˬ duˬ tahˬ-eu-aˬ, ngaˬ-ahˇ mehˇ shuiˇ shuiˇ-eu tehꞈ meh.

Gʼaˬkʼehˇ 3:23

Miˬyehˇ gʼaˇ duˬ ngehˬ dah-eu kʼoeˇ gʼaˬ-euˬ ehˇ dawˬ maˬ kʼaˇ naˇ haˬ-eu aˬ geu gʼaˬ maˬ kaˬ, Miˬyehˇ-euˬ tsawˇ haˬ laꞈ kʼoeˇ bi sawˇ dzeh-awˇ, laˆ luˬ laˆ seˇ nehˬ gaˇ ya daˬ tehꞈ-a’ lehˇ ehˇ taˬ-euˬ meh.

Zaˬkaˬliˇ 1:4

Naw maꞈ-euˬ aˬ poeˬ aˬ bawˇ deuˬ loꞈ-ehˇ taˬ dehꞈ. Aˇ hu ba, Miˬyehˇ gʼaˇ duˬ ngehˬ dah-euˬ tsawˇ haˬ deuˬ, yaw haiˬ jeˬ maˬ mˇ ni dehꞈ-awˬ lehˇ, aˬ yawꞈ maꞈ-ahˇ mehˬ nehˬ tsoˆ nehˬ-euˬ meh. Ehˇ kʼawꞈ, aˬ yawꞈ maꞈ maˬ naˇ haˬ geuꞈ-aˬ.

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Iˇsaˬyaˇ 48:18

“Ngaˬ-euˬ dawˬ-ahˇ naw maꞈ naˇ haˬ law nmˇ, maˬ gui-iˇ ni yoeˇ-eu lawˇ baˬ tiˬ gawˆ loꞈ-ehˇ, naw maꞈ gʼaˇ duˬ guiˬ lahˬ yoeˇ-awˇ, lawˇ deh-ahˇ tahˬ pymˬ-eu iˇ kʼawˇ loꞈ-ehˇ, gʼaˬ leˇ-eu jeˬ naw maꞈ za-euˬ tehꞈ-a.

Aˬmoˆ 9:9

“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma.

Hawˇseˬ 4:10

Naw maꞈ oꞈ-eu lawˇ dzaˇ dzaˬ kʼawꞈ, uˬ maˆ dehˆ laˇ-euˬ maˬ baw-aˇ. Jeuˬ le o le-eu miˬyehˇ-ahˇ, naw maꞈ uˬ duˬ tahˬ shaˇ leˇ kʼawꞈ, zaˬ oeˬ sahˇ le-eu maˬ baw-aˇ. Aˬ jeˬ miˇ neh ehˇ naˇ, miˬyehˇ nui deuˬ mehˬ nah iˇ-awˇ, naw maꞈ ngaˬ-ahˇ byehˇ dzeh-euˬ meh.”

Iˇsaˬyaˇ 7:13

Iˇsaˬyaˇ ehˇ-eu, “Sahˬ paˬ Daˬbiˇ-euˬ shiˬ shaˬ pyeuꞈ-eu gʼaˬ-oˇ, naˇ haˬ-awˬ. Tsawˇ haˬ zaˬ maˬ oˇ coeˇ laˇ ni jahˇ-euˬ tehꞈ-ehˇ maˬ juˬ ni, Miˬyehˇ maˬ oˇ coeˇ-ehˇ pyeuꞈ laˇ ni paˇ jahˇ-eu gʼeh te loˇ.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Jaceuq 31:14

Ehˇkʼawꞈni, SahˬpaˬMiˬyehˇ-oˇ, nawˬ-ahˇngaˇgʼoe-eu ziꞈluꞈ-awˇ, nawˇngaˬ-euˬMiˬyehˇpyeuꞈ-eu ma.

Neˬhaˬmiˇ 5:19

Miˬyehˇ-oˇ, tsawˇ haˬ heu deuˬ gʼaˇ duˬ ngaˬ neh mˇ-euˬ yawˬ jeˬ na luꞈ-ahˇ maˬ ngehˇ ni noeˬ keuˆ nehˬ laꞈ lehˇ nawˬ-ahˇ ngaˇ shaˇ-eu ma.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

2 Laˬsaˬbaˬ 18:13

Ehˇ kʼawꞈ, Miˇkaˬyaˇ ehˇ-eu, “Miˬyehˇ neh kʼaˇ bi ehˇ-euˬ loꞈ-ehˇ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ-euˬ mehˬ shi ngaˇ saˇ jaˇ dzaˬ-eu ma.”

Dawˬmehˬ 32:26

Aˬ cawˬ maˬ paˇ noeˬ mawˇ coeˇ ni, kʼaˬ puiˬ kʼaˬ lehˇ lehˇ byoˆ nehˬ ma.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.

Piˇliˇpiˆ 4:19

Naw maꞈ kʼaˇ loˬ-eu jeˬ laꞈ kʼoeˇ, Yeˬsuˇ Ka li-ahˇ gʼoe-awˇ Miˬyehˇ-euˬ baw le za le-eu guiˬ lahˬ biꞈ nehˬ laꞈ tehꞈ-a.

Yoˇhaˬ 20:28

Toˇmaˆ ehˇ-eu, “Nawˇ-aˬ, ngaˬ-euˬ Sahˬpaˬ hawˇ-eu ngaˬ-euˬ Miˬyehˇ meh.”

Yoˇhaˬ 20:17

Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Yoˇhaˬ 7:35

Yuˇdaˆ tsawˇ haˬ aˬ yuiꞈ aˬ tsu deuˬ yaw kaˬ heu loꞈ-ehˇ ja-eu meh. “Aˬ dui maꞈ aˬ yawꞈ-ahˇ maˬ poˆ mawˇ nya paˬ-ehˇ aˬ yawꞈ aˬ gaˇ iˇ-eu lehˇ nga. Heˬlaˬsaˇ tsawˇ haˬ-euˬ meuˬ deuˬ-ahˇ jawˇ-iˇ-euˬ aˬ dui-euˬ tsawˇ jeuˬ jawˇ gaˇ iˇ-awˇ, Heˬlaˬsaˇ tsawˇ haˬ deuˬ-ahˇ mehˬ-iˇ tsoˆ-iˇ-eu lehˇ nga loˇ.

Aˬmoˆ 8:2

“Aˬmoˆ-oˇ, nawˇ aˬ jeˬ mawˇ teˬ” lehˇ, Sahˬpaˬ Miˬyehˇ ngaˬ-ahˇ naˇ haˬ-eu miˇ neh, “Aˇ siˬ kʼa sa tiˬ sa mawˇ-euˬ ma” lehˇ ngaˇ ehˇ kʼoꞈ nehˬ-eu ma. Sahˬpaˬ Miˬyehˇ ngaˬ-ahˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ gʼaˇ duˬ aˇ saˬ saˬ-eu aˇ yamˬ keuˆ le luꞈ meh. Ngaˇ nui ma maˬ paˇ ni aˬ yawꞈ maꞈ-ahˇ kʼehˬ nehˬ kʼaˆ nehˬ ma.

Yeˬlaˬmiˇ 6:30

Sahˬpaˬ Miˬyehˇ pyeuꞈ-eu ngaˇ byehˇ dzeh-euˬ miˇ neh, gaˇ dahˇ maˬ tsoeˬ-eu shmˇ shmˇ keˬ meh lehˇ aˬ yawꞈ maꞈ-ahˇ ya kuˇ tehꞈ-a.

Dawˬmehˬ 4:25

“Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni jawˇ keuˆ laꞈ-awˇ, zaˬ deuˬ hawˇ-eu oeˬ paˬ oeˬ ma deuˬ jawˇ le-euˬ kʼawꞈ, aˬ joˆ-ehˇ gʼeh-eu tahˬ pahˬ aˬ ma mawˇ kawˇ maˬ kaˬ, naw maꞈ tehˆ-eu laꞈ kʼoeˇ iˬ baˇ taˬ mˇ. Kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ mehˬ shi maˬ muiˬ maˬ jaˬ-eu jeˬ pyeuꞈ-awˇ, aˬ yawꞈ-ahˇ nui ma bi pehˇ tehꞈ-a.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Yeˬlaˬmiˇ 7:13

Iˬ baˇ heu deuˬ dawˬ tawˆ luꞈ naw maꞈ mˇ-awˇ, naw maꞈ-ahˇ ngaˇ tiˬ poˆ saˇ-iˬ tiˬ poˆ dawˬ ngehˬ cawˬ kʼawꞈ, naw maꞈ naˬ bawˇ maˬ ciˬ kʼmˇ-a.

Yeˬlaˬmiˇ 7:15

Naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-ahˇ ngaˬ neh teh dzeh nehˬ-euˬ loꞈ-ehˇ, naw maꞈ-ahˇ kʼawꞈ maˬ mawˇ laˇ gaˇ ngaˇ teh dzeh ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.