Hawˇseˬ 8:8 - Akha

⁸ Iˇsaˬleˬlaˆ-euˬ miˇ kʼahˬ kʼawꞈ, aˬ cawˬ-euˬ miˇ kʼahˬ deuˬ loꞈ-ehˇ, saˇ baoˬ yaw pehꞈ-ahˇ duˇ-eu meh.

Hawˇseˬ 8:8 Referans Kwoze

Yeˬlaˬmiˇ 22:28

Aˬ cawˬ maˬ haw nahˇ-eu paˆ-iˇ taˬ-euˬ mui deuˇ oeˬ lahˬ, aˬ cawˬ maˬ geuꞈ nahˇ-eu mˇ myawˬ, Yeˬhawˇyaˬciˬ ehˇ-eu heu gʼaˬ meh loˇ. Aˬ jeˬ miˇ neh aˬ yawꞈ-euˬ zaˬ deuˬ-ahˇ, aˬ yawꞈ maˬ siˬ-eu miˇ kʼahˬ-ahˇ biˬ ahˇ nehˬ taˬ.

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Lormav 9:22

Miˬyehˇ neh mˇ-euˬ jeˬ kʼawꞈ, kʼoeˇ loꞈ-ehˇ duˇ-eu meh. Aˬ yawꞈ-euˬ nui ma pehˇ-eu jeˬ bi mawˇ mawꞈ-awˇ, aˬ yawꞈ-euˬ baoˬ bi siˬ nya mawꞈ-eu meh. Ehˇ kʼawꞈ, aˬ yawꞈ nui ma pehˇ-awˇ laˆ cawˆ nehˬ-eu lehˇ gʼeh-eu miˇ tsaˬ oeˬ lahˬ deuˬ-ahˇ aˬ yawꞈ oˇ dui dui-eu meh.

Yeˬsaˬgeˬlaˇ 36:3

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ gʼaˇ duˬ nawˇ ngehˬ dah-eu laꞈ kʼoeˇ, heu loꞈ-ehˇ ehˇ nehˬ-awˬ. Dawˬ peh jawˇ-eu aˬ cawˬ tsawˇ jeuˬ kʼoeˇ deuˬ Iˇsaˬleˬlaˆ gawˬ jawˬ deuˬ-ahˇ deuˆ gʼaˬ-awˇ, pyuˇ shuiˇ myawˬ gahˬ deuˬ ceh geuꞈ ngeh, aˬ yawꞈ maꞈ dawˬ tawˆ luꞈ Iˇsaˬleˬlaˆ miˇ kʼahˬ-ahˇ kʼaˇ ehˇ doeˇ mawꞈ-eu ehˇ doeˇ-euˬ meh.

Ngoeˇ dawˬ 2:16

Nawˬ-ahˇ kʼaˇ muiˇ-eu deuˬ dawˬ tawˆ, nawˬ-ahˇ bye-awˇ naˬ gʼa luꞈ meh. Aˬ yawꞈ maꞈ seuˬ tsehꞈ tehˬ taˬ-awˇ, nawˬ-ahˇ lmˬ lmˬ-ehˇ ehˇ luꞈ-eu, “Aˬ yawꞈ-ahˇ laˆ cawˆ gʼaˬ-euˬ ma. Aˇ nah heu nah bi yehꞈ laˇ ni, nga maꞈ dawˬ luꞈ-eu dza laˇ-euˬ, nymˬ-mˇ myaˆ ya mawˇ duˬ miˇ-a.”

Ngoeˇ dawˬ 2:5

Muiˇ-eu tsawˇ haˬ tiˬ gʼaˬ loꞈ-ehˇ, Iˇsaˬleˬlaˆ-euˬ miˇ kʼahˬ-ahˇ, Sahˬpaˬ Miˬyehˇ laˆ cawˆ-euˬ meh. Sahˬ paˬ jawˇ-eu hawˇ nymˇ hawˇ-eu, ziꞈ dah ni gʼeh-eu taˆ deuˬ-ahˇ, aˬ yawꞈ laˆ cawˆ jiˇ nehˬ-euˬ meh. Yuˇdaˆ tsawˇ haˬ tsawˇ ngoeˇ ngoeˇ-eu, maˬ naˬ nya ni jahˇ nehˬ-euˬ meh.

Ngoeˇ dawˬ 2:2

Yuˇdaˆ miˇ kʼahˬ pu dawˬ tawˆ luꞈ, gʼawˬ shaˬ tiˬ pawꞈ-iˬ maˬ gaˬ ni, Sahˬpaˬ Miˬyehˇ laˆ cawˆ-euˬ meh. Miˇ kʼahˬ kʼoeˇ-ahˇ loꞈ piˇ luꞈ-eu, ziꞈ dah ni gʼeh-eu taˆ deuˬ-ahˇ, aˬ yawꞈ laˆ byaˆ nehˬ jiˇ-euˬ meh. Miˇ kʼahˬ hawˇ-eu sahˬ paˬ deuˬ-ahˇ, miˇ tsa tuˆ ni gʼeu ka nehˬ-awˇ, daˬ ga-awˇ bi shaꞈ dawˇ-euˬ meh.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 48:38

Nymˇ mˬ kʼoeˇ taˆ hawˇ-eu pu kaˬ-ahˇ kʼaˇ jawˇ-eu tsawˇ haˬ dawˬ tawˆ luꞈ, tsawˇ ngoeˇ ngoeˇ-eu jeˬ oꞈ-eu tehꞈ meh. Aˬ jeˬ miˇ neh ehˇ naˇ, tiˬ gʼaˬ-iˬ maˬ geuꞈ mawꞈ-eu miˇ tsaˬ oeˬ lahˬ-ahˇ diˬ paˆ-eu loꞈ-ehˇ, ngaˇ Mawˇbaˆ tsawˇ haˬ-ahˇ laˆ cawˆ jiˇ-euˬ ma.

Iˇsaˬyaˇ 30:14

Mui duiˇ oeˬ lahˬ ga meuˇ jiˇ ngeh, miˬ jiˆ pehˆ ahˇ-eu kuˬ cuˇ luˇ pyehˬ maˬ dzeˇ-ehˇ, iˇ cuꞈ kuˬ-eu ni tseuˆ tseuˆ pyehˬ maˬ oꞈ-eu loꞈ-ehˇ, naw maꞈ guiˬ lahˬ doeˇ tehꞈ-a.”

2 Sahˬpaˬ 18:11

Aˬshuˇliˆ sahˬ paˬ neh Iˇsaˬleˬlaˆ tsawˇ haˬ deuˬ-ahˇ, Aˬshuˇliˆ miˇ kʼahˬ-ahˇ nyehꞈ daˆ gʼeh-awˇ, tiˬ paˆ na deuˬ-ahˇ Haˬlahˬ meuˬ-ahˇ bi jawˇ-awˇ, tiˬ paˆ na deuˬ-ahˇ Haˬbawˬ lawˇ baˬ dawˬ peh Goˇzaˬ gahˬ kaˬ-ahˇ bi jawˇ-euˬ meh. Tiˬ paˆ na deuˬ-ahˇ-aˬ, Meˬdiˇ miˇ kʼahˬ laꞈ kʼoeˇ jaˆ-eu meuˬ deuˬ-ahˇ bi jawˇ-euˬ meh.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 28:25

“Nawˬ-ahˇ muiˇ-eu deuˬ nawˬ-ahˇ gʼaˬ leˇ ni Sahˬpaˬ Miˬyehˇ jahˇ tehꞈ-a. Naw maꞈ dawˬ tawˆ luꞈ tiˬ paw dzeˇ neh tehꞈ-ehˇ iˇ-awˇ aˬ yawꞈ maꞈ-ahˇ guiˇ deuˆ-iˇ kʼawꞈ, teu paw heu paw ehˇ tsaˬ maˬ siˬ ni ya cehˆ byaˆ-awˇ, naw maꞈ kʼoeˇ taˆ keuˆ le teuˇ le-eu jeˬ-ahˇ ya mawˇ ngeh, miˇ tsaˬ kʼoeˇ taˆ jawˇ-eu tsawˇ haˬ dawˬ tawˆ luꞈ tsawˬ guˆ-iˇ dui dui tehꞈ-a.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Yeˬlaˬmiˇ 25:34

Yawˇ yawˇ maꞈ-ahˇ haw-eu yawˇ bo-eu deuˬ loꞈ-ehˇ, ngaˬ-euˬ tsawˇ haˬ-ahˇ sheuˬ gʼeh luꞈ-eu aˬ yuiꞈ aˬ tsu deuˬ, kʼaˬ lehˇ tsahˬ-ahˇ mahˬ poˆ poˆ-awˇ tsawˇ ngoeˇ ngoeˇ-awˬ. Naw maꞈ-ahˇ aˬ cawˬ sehꞈ-eu aˇ yamˬ keuˆ le-awˇ, miˇ tsaˬ oeˬ lahˬ ga meuˇ-iˇ-eu loꞈ-ehˇ, naw maꞈ luˬ-iˇ seˇ-iˇ tehꞈ-a.

Ngoeˇ dawˬ 5:2

Nga maꞈ za taˬ-euˬ jeˬ biˇ deuˬ, aˬ cawˬ tsawˇ jeuˬ yuˇ geuꞈ jiˇ-awˇ, nga maꞈ neh tsoˆ-euˬ nymˇ laꞈ kʼoeˇ, boeˇ miˬ siˬ kʼaˬ deuˬ jawˇ luꞈ meh.

Ngoeˇ dawˬ 4:2

Ziˇoˬ-euˬ aˬ li zaˬ guˬ deuˬ, shuiˇ loꞈ-ehˇ poeˬ-euˬ lawˬ-euˬ kʼawꞈ, shaˬ jehˆ tehˆ-euˬ miˇ tsaˬ oeˬ lahˬ, poeˬ sawˇ lawˬ maˬ baw gaˇ duˇ meh.