Hawˇseˬ 8:13 - Akha

¹³ Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Hawˇseˬ 8:13 Referans Kwoze

Hawˇseˬ 9:9

Giˇbyaˬ meuˬ-ahˇ dehꞈ ngeh loꞈ-ehˇ aˬ yawꞈ maꞈ kʼaˇ mˇ kʼaˇ shaˇ-eu, ehˇ kʼaˇ maˬ za ni haiˬ-eu meh. Iˬ baˇ kʼoeˇ deuˬ-ahˇ maˬ ngehˇ ni, Miˬyehˇ kʼehˬ nehˬ kʼaˆ nehˬ tehꞈ-a.

Hawˇseˬ 9:6

Luˬ-iˇ seˇ-iˇ-eu keuˆ le-awˇ, aˬ yawꞈ maꞈ ya cehˆ byaˆ jiˇ ngeh, Iˇjiˇtuˆ neh bi nyehꞈ uiˬ-awˇ, Mehˇpiˇ meuˬ-ahˇ baꞈ pahˬ tehꞈ-a. Aˬ yawꞈ maꞈ-euˬ pyuˇ pahˬ hawˇ-eu, aˬ yawꞈ maꞈ-euˬ nymˇ dzahˇ zaˇ-ahˇ, aˬ gah baw duˆ uˆ byoˆ tehꞈ-a.

Aˬmoˆ 8:7

Iˇsaˬleˬlaˆ tsawˇ haˬ deuˬ nui ma huiˬ duˬ pyeuꞈ-eu Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ meh. “Aˬ yawꞈ maꞈ neh mˇ-euˬ yaw haiˬ jeˬ-ahˇ ngaˇ tiˬ jawˇ-iˬ maˬ ngehˇ.

Aˬmoˆ 5:22

Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ naw maꞈ yuˇ laꞈ ngeh, ngaˇ maˬ ha geuꞈ. Ngaˬ-ahˇ lawˇ nehˬ-eu gʼaˇ duˬ naw maꞈ neh cu tsuˇ taˬ-euˬ jeˬ zaˬ deuˬ-ahˇ ngaˇ maˬ ha geuꞈ.

Hawˇseˬ 11:5

“Iˇjiˇtuˆ miˇ kʼahˬ paw iˇ-awˇ, aˬ yawꞈ maꞈ gʼoꞈ jawˇ-iˇ tehꞈ-a. Aˬshuˇliˆ dzoeˬ dzaˬ-eu uˬ moˆ, aˬ yawꞈ maꞈ gʼoꞈ jawˇ leˇ tehꞈ-a. Aˬ jeˬ miˇ neh ehˇ naˇ, ngaˇ jawˇ gaˇ maˬ gʼoꞈ laˇ mawꞈ-a.

Hawˇseˬ 5:6

Yawˇ hawˇ-eu mawˇ neˇ lawˇ lawˇ-ehˇ, Sahˬpaˬ Miˬyehˇ-ahˇ poˆ leˇ kʼawꞈ, yawꞈ maꞈ-ahˇ byehˇ dzeh-euˬ miˇ neh, maˬ poˆ mawˇ nya ni shaˬ tehꞈ-a.

Yeˬlaˬmiˇ 14:10

Tsawˇ haˬ heu deuˬ gaˇ kawˆ Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ mehˬ shi neh doˆ-iˇ-awˇ, doe doe-ehˇ cah mawꞈ-eu nui ma ahˇ-awˇ, yawˬ ha-euˬ nui kʼahˇ-ahˇ maˬ nyehꞈ tehˬ gʼaˬ coeˇ-eu miˇ neh, aˬ yawꞈ maꞈ-ahˇ ngaˇ nui ma maˬ tsaˬ nya. Aˬ yawꞈ maꞈ neh mˇ lehˬ-euˬ jeˬ-ahˇ ngaˇ maˬ ngehˇ-ehˇ aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ ma.”

Iˇsaˬyaˇ 1:11

Sahˬpaˬ Miˬyehˇ ehˇ-eu, “Naw maꞈ neh lawˇ gahˬ shehˇ gahˬ taˬ-euˬ teu, ngaˬ-euˬ gʼaˇ duˬ aˬ jeˬ gaˇ dahˇ tsoeˬ ta. Yawˇ zaˬ dzah puiˆ-awˇ lawˇ nehˬ laꞈ gaˇ byuˇ laˇ taˬ-awˇ, jeˬ zaˬ-euˬ shaˬ tsuˇ-ahˇ maˬ haw nahˇ-ehˇ pyeuꞈ laˇ taˬ-euˬ miˇ-a. Mawˇ neˇ mawˇ gaw, yawˇ aˬ buˬ hawˇ-eu ciꞈ myehꞈ ciꞈ buˬ heu deuˬ-euˬ shiˬ-ahˇ, haw dehˆ mawˇ dehˆ laꞈ-euˬ miˇ-a.

Dawˬmehˬ 28:68

Iˇjiˇtuˆ miˇ kʼahˬ-ahˇ naw maꞈ tiˬ jawˇ-iˬ maˬ paˇ ya gʼoꞈ-iˇ meh lehˇ Sahˬpaˬ Miˬyehˇ ehˇ taˬ-euˬ kʼawꞈ, saˇ baoˬ dziˬ-awˇ paˇ bi gʼoꞈ-iˇ nehˬ laꞈ tehꞈ-a. Kʼoeˇ gaˇ, naw maꞈ-ahˇ muiˇ-eu deuˬ-euˬ zaˬ kʼaˆ geuꞈ-eu gʼaˇ duˬ, naw maꞈ yawˬ haˇ yawˬ ha ahˬ dzaˬ kʼawꞈ, zeuˇ nehˬ laꞈ-eu tiˬ gʼaˬ-iˬ maˬ jawˇ ni ya shaˬ tehꞈ-a.”

Panmaeq 16:19

Huiˬ dui dui-eu meuˬ kʼoeˇ meuˬ smˬ paˆ luˆ paˆ dzeh-awˇ, miˇ kʼahˬ yawˬ kʼahˬ na luꞈ laꞈ kʼoeˇ kʼaˇ jaˆ-eu meuˬ dawˬ tawˆ luꞈ cawˆ jiˇ-euˬ meh. Baˬbuˬloˬ meuˬ-ahˇ Miˬyehˇ maˬ ngehˇ-ehˇ, yawˬ ha-euˬ kʼmˬ maˬ-ahˇ dahˬ-eu aˬ gaꞈ dzaˇ uiˇ yawˬ haˇ yawˬ ha bi dawˇ-euˬ meh. Aˬ gaꞈ dzaˇ uiˇ kʼoeˇ-aˬ, aˬ yawꞈ-euˬ nui ma pehˇ-eu jeˬ pyeuꞈ-eu meh.

1 Gawˇliˬtu 11:29

Aˬ jeˬ miˇ neh ehˇ naˇ, heu-aˬ, Sahˬpaˬ Yeˬsuˇ-euˬ gʼawˇ mawˇ meh lehˇ maˬ noeˬ siˬ-ehˇ kaˬ muˇ dzaˬ-awˇ kʼmˬ maˬ ciˬ dawˇ naˇ, kʼoeˇ loꞈ-ehˇ dzaˬ-euˬ dawˇ-euˬ baˬ da neh yawˬ ha kʼoeˇ taˆ iˬ baˇ keuˆ le ni mˇ gaˇ duˇ-eu meh.

1 Gawˇliˬtu 11:20

Naw maꞈ tiˬ kawˆ loꞈ-ehˇ uiˬ leˇ-awˇ dzaˬ-eu kʼoeˇ-aˬ, Sahˬpaˬ Yeˬsuˇ-ahˇ noeˬ keuˆ-eu Bawˬ-iˬ dzaˬ-eu maˬ ngeuˇ-a.

Hawˇseˬ 12:11

Ehˇ kʼawꞈ, tahˬ pahˬ aˬ ma deuˬ-ahˇ, Giˇlaˆ meuˬ uˬ duˬ tahˬ-euˬ meh. Kʼaˇ tahˬ-euˬ deuˬ ya shiˇ tehꞈ-a. Giˇlaˇgaˬlaˇ meuˬ-euˬ laꞈ kʼoeˇ, mawˇ neˇ mawˇ gaw lawˇ nehˬ-euˬ meh. Kʼoeˇ gaˇ jaˆ-eu lawˇ duˬ kʼoeˇ deuˬ, deh liˬ gʼahˇ ceh gʼoˆ bymˇ taˬ-euˬ, kʼaˬ lo lo bymˇ-ahˇ duˇ tehꞈ-a.”

Hawˇseˬ 7:16

Baˬlaˇ miˬ yehˇ jawˇ paw cehˆ-eu kaˆ kaˆ poˆ-euˬ laꞈ gʼahˬ loꞈ-ehˇ, saˇ jaˇ maˬ ziꞈ-eu tsawˇ haˬ meh. Aˬ yawꞈ maꞈ-euˬ aˬ yuiꞈ aˬ tsu, dawˬ kʼaˆ ngehˬ myaˬ-eu baˬ da neh, mi cehˇ kʼehˬ-ahˇ ya coˬ sehꞈ gaˇ, Iˇjiˇtuˆ tsawˇ haˬ uiˇ tehꞈ-a.”

Hawˇseˬ 7:2

Yaw haiˬ kʼaˇ mˇ dzeuˇ-euˬ dawˬ tawˆ, ngaˇ maˬ ngehˇ ni noeˬ taˬ meh lehˇ, aˬ yawꞈ maꞈ maˬ noeˬ mawˇ leˇ-a. Aˬ yawꞈ maꞈ neh mˇ-euˬ iˬ baˇ, aˬ yawꞈ maꞈ-euˬ tiˬ jawˬ byah-awˇ, maˬ mawˇ laˇ-ehˇ maˬ gʼeh nya-a.”

Hawˇseˬ 4:9

Miˇ kʼahˬ zaˬ kʼaˇ ya daˬ-eu jeˬ, Piˇ ma deuˬ kʼawꞈ ya daˬ tehꞈ-a. Yawꞈ maꞈ mˇ-euˬ poeˬ poeˬ lawˬ lawˬ, yawꞈ maꞈ-ahˇ ngaˇ kʼehˬ poˆ nehˬ ma.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.

Doˆ-iˇ 32:34

Nymˬ-mˇ nawˇ gʼoꞈ ka-iˇ-awˇ, ngaˬ neh nawˬ-ahˇ mehˬ nehˬ-euˬ jawˇ duˬ-ahˇ, tsawˇ haˬ heu deuˬ-ahˇ sheuˬ gʼeh-awˬ. Ngaˬ-euˬ mˬ taˆ gʼaˬ kʼehˇ naw maꞈ-ahˇ sheuˬ gʼeh tehꞈ-a. Ehˇ kʼawꞈ, tsawˇ haˬ heu deuˬ iˬ baˇ mˇ gʼaˬ-euˬ miˇ neh, aˬ yawꞈ maꞈ-ahˇ ngaˇ ya kʼehˬ nehˬ-eu aˇ nah keuˆ le tehꞈ-a.”

Doˆ-iˇ 20:3

“Ngaˬ-euˬ mehˬ shi miˬ yehˇ nui gʼaˬ nawˇ maˬ ya bi jawˇ-a.

Luˇkaꞈ 12:2

Nymˬ-mˇ kʼaˇ dehˬ kaˬ taˬ-euˬ yawˬ jeˬ na luꞈ pah dzeh-awˇ, kʼaˇ zaꞈ taˬ-euˬ yawˬ jeˬ na luꞈ siˬ duˬ laˇ tehꞈ-a.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

Yeˬlaˬmiˇ 6:20

Sheˬba miˇ kʼahˬ-ahˇ jaˆ-eu tsiˇ yaw saw hawˇ-eu, gaˇ mahˇ kaˬ-eu miˇ kʼahˬ-ahˇ jaˆ-eu pawˬ coeˇ yaw saw jeˬ, ngaˬ-ahˇ aˬ yawꞈ maꞈ damˬ laˇ gaˇ laˬ kʼaˬ maˬ cehˇ. Aˬ yawꞈ maꞈ damˬ nehˬ laꞈ-euˬ jeˬ ngaˇ maˬ ha geuꞈ. Aˬ yawꞈ maꞈ lawˇ-eu jeˬ-ahˇ ngaˇ laˬ kʼaˬ maˬ cehˇ.

Yeˬsaˬgeˬlaˇ 29:16

Iˇsaˬleˬlaˆ miˇ kʼahˬ kʼawꞈ, aˬ yawꞈ maꞈ-ahˇ maˬ gʼoe ni pyeuꞈ-iˇ tehꞈ-a. Iˇjiˇtuˆ miˇ kʼahˬ kʼoeˇ loꞈ-ehˇ pyeuꞈ-iˇ-euˬ baˬ da neh, Iˇjiˇtuˆ miˇ kʼahˬ-ahˇ nui ma huiˬ-euˬ lehˬ dui dui law hawˇ ngaˬ lehˇ, Iˇsaˬleˬlaˆ miˇ kʼahˬ-ahˇ siˬ leˇ tehꞈ-a. Kʼoeˇ ngeh jawˇ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, Iˇsaˬleˬlaˆ tsawˇ jeuˬ-ahˇ siˬ duˬ leˇ tehꞈ-a.”

Hawˇseˬ 7:11

Iˇsaˬleˬlaˆ-euˬ bawˬ toˆ-aˬ, kʼaˬ kʼoeˬ dawˇ ga tiˬ mawˇ loꞈ-ehˇ, Iˇjiˇtuˆ-ahˇ tahˬ shaˇ-iˇ haw, Aˬshuˇliˆ-ahˇ cehˆ keuˆ leˇ haw, tsawˬ toeˬ tsawˬ daˆ-ehˇ shaˬ luꞈ meh.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

Hawˇseˬ 6:6

Lawˇ-eu shehˇ-eu jeˬ ngaˇ maˬ mawꞈ. Ngaˬ-ahˇ aˬ myah luꞈ gaˬ-eu jeˬ, ngaˇ mawꞈ dui dui-eu tiˬ jeˬ ma. Miˬ dzaˬ dzah-awˇ lawˇ gaˇ maˬ mawꞈ. naw maꞈ ngaˬ-ahˇ siˬ nya-eu jeˬ, ngaˇ mawꞈ dui dui-eu tiˬ jeˬ ma.

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”