Hawˇseˬ 7:5 - Akha

⁵ Sahˬ paˬ bawˬ-iˬ gʼeh-eu aˇ nah-ahˇ, sahˬ paˬ hawˇ-eu yaw huiˬ deuˬ-ahˇ, yawꞈ maꞈ jiˇ baˬ bi dawˇ yehꞈ-awˇ, tsawˇ uˬ laˆ uˬ jiˇ nehˬ-euˬ meh.

Hawˇseˬ 7:5 Referans Kwoze

Iˇsaˬyaˇ 28:1

Iˇsaˬleˬlaˆ miˇ kʼahˬ kʼoeˇ taˆ, shaˬ zahˬ keuˆ le tehꞈ-a. Jiˇ baˬ yehꞈ-eu aˬ yuiꞈ deuˬ-euˬ uˬ duˬ-ahˇ kʼoˆ luꞈ-eu aˇ yehˆ uˬ kʼoˆ nyoeˬ-iˇ-eu loꞈ-ehˇ, miˇ kʼahˬ-euˬ yaw shehꞈ kʼahˬ sehˇ byoˆ le tehꞈ-a. Kʼahˬ sehˇ huiˬ-eu aˬ yawꞈ maꞈ uˬ duˬ-ahˇ, tsiˇ yaw saw jeˬ lehꞈ taˬ-euˬ kʼawꞈ, jiˇ baˬ yehꞈ-awˇ maˬ noeˬ ni ga-eu meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Maˬkuˆ 6:21

Aˇ saˬ saˬ laˇ ngeh, Heˬloˇdiˇ Yoˇhaˬ-ahˇ sehꞈ-eu yehꞈ laˇ-euˬ meh. Kʼoeˇ-aˬ, Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ jahˇ ngeh nah meh. Kʼoeˇ ngeh nah, sahˬ paˬ sahˬ ma geuꞈ luꞈ-eu yaw huiˬ yaw mahˇ deuˬ, guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, Gaˬliˬlehˇ miˇ kʼahˬ laꞈ kʼoeˇ myaˆ pyawˬ naˇ mehˇ jaˆ-eu aˬ yuiꞈ aˬ tsu deuˬ-ahˇ hawˬ byawˇ lawˇ nehˬ-euˬ meh.

Maꞈtehˬ 14:6

Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ gʼeh luꞈ ngeh, tsawˇ haˬ dawˬ tawˆ luꞈ-euˬ mehˬ shi Heˬloˇdiˇ-euˬ aˬ buˇ gaˇ nyeh nyeh mehˬ gaˇ, Heˬloˆ nui ma tsaˬ dui dui-euˬ meh.

Daˬyeˬlaˇ 5:23

Mˬ taˆ Sahˬpaˬ Miˬyehˇ-ahˇ nawˇ jahˇ gʼeh haw-eu laꞈ kʼoeˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ jaˆ-eu kʼmˬ maˬ deuˬ nawˇ yuˇ ahˇ laꞈ-awˇ, nawˇ hawˇ-eu nawˬ-euˬ gaˇ mˇ-eu sahˬ paˬ sahˬ ma deuˬ, nawˬ-euˬ miˬ zaˬ deuˬ hawˇ-eu ma nyiˇ deuˬ, aˬ gaꞈ dzaˇ uiˇ kʼaˇ ahˇ-awˇ dawˇ dawˇ-ehˇ, naˬ bawˇ maˬ gaˬ nya, myaˆ nuiˆ maˬ mawˇ nya-eu tiˬ jeˬ-iˬ maˬ siˬ nya-eu miˬ yehˇ deuˬ pyeuꞈ-eu, shuiˇ, pyuˇ, guiˬ shuiˇ, shmˇ, daˇ kawˬ, kʼaˬ lo, heu deuˬ neh jahˇ taˬ-euˬ miˬ yehˇ deuˬ-ahˇ ja ceuˬ-euˬ meh. Ehˇ kʼawꞈ, nawˬ-ahˇ toeˬ dehꞈ toeˬ shiˇ nya-awˇ, nawˇ kʼaˇ mˇ kʼaˇ shaˇ-eu yawˬ jeˬ na luꞈ-ahˇ tuˆ tehˬ luꞈ-eu Miˬyehˇ-ahˇ nawˇ maˬ taˬ huiˬ-a.

Dawqdaq 20:1

Jiˇ baˬ dawˬ oeˬ lahˬ. Dzaˬ yehꞈ dawˇ yehꞈ dawˬ ja dmˬ gahˬ. Jiˇ baˬ gʼaˬ zaˬ tsawˇ haˬ dawˇ ga.

Dawqdaq 13:20

Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Jaceuq 69:12

Aˬ yawꞈ maꞈ meuˬ doe ni ngaˬ-eu gaˇ kawˆ ja bu-awˇ, jiˇ baˬ yehꞈ-eu deuˬ ngaˬ-ahˇ caˇ niˇ gʼa-eu meh.

Jaceuq 1:1

Guiˬlahˬhuiˬ-eu tsawˇhaˬdeuˬ-aˬ, maˬtsaˬmaˬdawˇ-eu tsawˇhaˬ-euˬ mehˬbawˬ mˇgaˇ maˬnaˇhaˬ-a. Iˬbaˇmˇ-eu tsawˇhaˬdeuˬ-ahˇ, naˇhaˬgeuꞈ-awˇ maˬcaw teh-ehˇ, Miˬyehˇ-ahˇ maˬ zeu-eu deuˬ-ahˇ, taꞈ leˇ gm leˇ-eu maˬ baw-a.

1 Sahˬpaˬ 13:4

Dawˬ kʼoeˇ deuˬ-ahˇ sahˬ paˬ Yeˬyawˇbamˬ ya gaˬ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ laꞈ noeˇ toeˬ-awˇ, “Tsawˇ haˬ heu gʼaˬ-ahˇ nyehꞈ-awˬ” lehˇ dawˬ biꞈ-euˬ meh. Kʼoeˇ ngeh, ja pyuˬ ni sahˬ paˬ-euˬ aˬ laꞈ laꞈ shiˇ shiˇ-iˇ-awˇ, maˬ cawˬ kʼoꞈ nya ni pyeuꞈ-iˇ-euˬ meh.

Aˇ dahˬ 40:20

Smˬ nah byah laˇ ngeh, sahˬ paˬ dehꞈ le-euˬ bawˬ-iˬ jahˇ-eu aˇ nah paˇ keuˆ laˇ-euˬ miˇ neh, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ kuˇ uiˬ-awˇ, bawˬ-iˬ gʼeh-eu laꞈ kʼoeˇ dzaˬ taꞈ dawˇ taꞈ-euˬ meh. Kʼoeˇ ngeh, aˬ yawꞈ gʼaˇ duˬ aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, kaˬ muˇ jahˇ-eu paw aˬ yuiꞈ geuꞈ-eu gʼaˬ-ahˇ pyehˬ doˆ-awˇ, yaw huiˬ yaw mahˇ deuˬ-euˬ mehˬ shi bi sheuˬ laꞈ-euˬ meh.

Iˇsaˬyaˇ 28:14

Yeˬluˇsaˬlehˬ meuˬ zaˬ deuˬ-ahˇ uˆ lahˇ luꞈ-eu, nui ma huiˬ-eu tsawˇ haˬ deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Hawˇseˬ 7:3

Sahˬpaˬ Miˬyehˇ ehˇ-eu dawˬ-aˬ, “Aˬ yawꞈ maꞈ-euˬ nui ma laꞈ gʼoꞈ, sahˬpaˬ laˬ kʼaˬ cehˇ ni mˇ-awˇ, aˬ yawꞈ maꞈ-euˬ jaˬ myawꞈ mehˇ shuiˇ, sahˬ ma nui saˇ bi za-eu meh.