Hawˇseˬ 5:14 - Akha

¹⁴ Haiˬ-eu aˇ laˬ jaˬ shiˇ loꞈ-ehˇ, Iˇsaˬleˬlaˆ-ahˇ tsawˬ kawꞈ ma. Gʼeh-eu aˇ laˬ jaˬ shiˇ loꞈ-ehˇ, Yuˇdaˆ miˇ kʼahˬ-ahˇ tsawˬ kawꞈ ma. Cehˬ pyaˬ cehˬ shaˇ-awˇ bi ga-awˇ, kawꞈ tehˬ-awˇ gʼeu byoˆ gʼeh nehˬ ngeh, ka kʼoꞈ nehˬ-eu gʼaˬ maˬ jawˇ-aˇ.

Hawˇseˬ 5:14 Referans Kwoze

Miˇkaˬ 5:8

Aˬ cawˬ tsawˇ jeuˬ yaw kaˬ-ahˇ jawˇ tehˬ yaꞈ-euˬ deuˬ-aˬ, aˇ bawˇ sahˬ kʼaˆ hawˇ-eu gaˆ dzaˬ duˬ-ahˇ smˇ dzaˬ luꞈ-eu aˇ laˬ jaˬ shiˇ-ahˇ duˇ tehꞈ-a. Yawˇ yawˇ maꞈ laꞈ kʼoeˇ aˬ yawꞈ uˇ-iˇ-awˇ, yawˇ-ahˇ baꞈ dawꞈ gʼeh-awˇ, gʼeu pyaˬ gʼeu shaˇ nehˬ-eu miˇ neh, bi ka kʼoꞈ-eu gʼaˇ duˬ noeˬ tmˬ kʼaˇ maˬ paˇ za ni jahˇ nehˬ-eu meh.

Jaceuq 7:2

Nawˇngaˬ-ahˇ maˬka kʼoꞈlaꞈnaˇ, haiˬ-eu aˇlaˬjaˬshiˇloꞈ-ehˇ, caw ba le-eu gʼaˬmaˬjawˇgaˇ, yawꞈmaꞈngaˬ-ahˇ baꞈdzaˬgʼeh-awˇ, cehˬpyaˬcehˬshaˇnehˬlaꞈtehꞈ-a.

Jaceuq 50:22

“Miˬyehˇ-ahˇ maˬ taˬ huiˬ-eu tsawˇ haˬ deuˬ-oˇ, gaˇ kawˆ heu naˇ haˬ-awˇ nui ma laꞈ kʼoeˇ juiˇ taˬ-awˬ. Maˬ ngeuˇ naˇ, ngaˬ neh laˆ cawˆ nehˬ-euˬ jeˬ-ahˇ naw maꞈ ya daˬ-awˇ, ka kʼoꞈ nehˬ-eu gʼaˬ maˬ jawˇ ni ya shaˬ tehꞈ-a.

Aˬmoˆ 2:14

Cehˆ kawˇ nya dui dui-eu deuˬ kʼawꞈ, maˬ cehˆ dzeuˇ nya-aˇ. Gʼaˬ kʼaˆ-eu tsawˇ haˬ deuˬ kʼawꞈ gʼaˬ jiˇ-awˇ, yehˇ deuˬ kʼawꞈ yawˬ ha maˬ ya shiˇ ni maˬ teuˆ buˬ nya-aˇ.

Iˇsaˬyaˇ 5:29

Aˬ yawꞈ maꞈ lmˬ-eu teˇ saˇ, aˇ laˬ jaˬ shiˇ jeˬ zaˬ baꞈ-awˇ, tiˬ gʼaˬ-iˬ maˬ teh ka peuˬ ni, lmˬ lmˬ-ehˇ cah gaˇ duˇ tehꞈ-a.

Ngoeˇ dawˬ 3:10

Kʼaˬ hmˇ loꞈ-ehˇ ngaˬ-ahˇ loꞈ-awˇ, aˇ laˬ jaˬ shiˇ loꞈ-ehˇ shahˇ-awˇ,

Yawˇbaˆ 10:16

Ngaˇ tiˬ jeˬ paˬ mˇ pyeuꞈ-eu lehˇ gʼeh ngeh, aˇ laˬ jaˬ shiˇ loꞈ-ehˇ nawˇ ngaˬ-ahˇ teh le-awˇ, ngaˬ-ahˇ laˆ coeˬ laˆ ciˆ-eu gʼaˇ duˬ, kʼaˆ jeˬ-ehˇ gʼeh-eu jeˬ kʼawꞈ nawˇ mˇ-eu meh.

Yawˇbaˆ 10:7

Ngaˇ iˬ baˇ maˬ ahˇ-eu gaˇ kawˆ hawˇ-eu, tsawˇ haˬ tiˬ gʼaˬ-iˬ nawˬ-euˬ laꞈ-ahˇ neh ngaˬ-ahˇ maˬ ka kʼoꞈ nya-eu gaˇ kawˆ nawˇ siˬ nya meh.

Dawˬmehˬ 28:31

Nawˬ-euˬ myaˆ kʼeh, nawˬ-euˬ mawˇ neˇ aˬ cawˬ sehꞈ dzaˬ gaˇ nawˇ haw haw-ehˇ ya jawˇ tehꞈ-a. Ehˇ kʼawꞈ, shaˬ jiˇ kʼoeˇ nawˇ tiˬ jehꞈ-iˬ maˬ ya dzaˬ haw gaˇ keuˆ tehꞈ-a. Nawˬ-euˬ mahˬ tahˬ laˆ deuˬ-ahˇ, nawˇ mawˇ mawˇ-ehˇ aˬ cawˬ tsahˇ geuꞈ gʼeh tehꞈ-a. Ehˇ kʼawꞈ, mahˬ tahˬ laˆ kʼoeˇ deuˬ-ahˇ nawˇ tiˬ jawˇ-iˬ maˬ paˇ za kʼoꞈ ni pyeuꞈ-iˇ tehꞈ-a. Nawˬ-ahˇ muiˇ-eu deuˬ-ahˇ nawˬ-euˬ yawˇ deuˬ ya teh nehˬ gaˇ keuˆ kʼawꞈ, nawˬ-ahˇ caw ba le-eu gʼaˬ maˬ jawˇ ni pyeuꞈ tehꞈ-a.

Yeˬlaˬmiˇ 25:38

Lo kʼahˬ byehˇ-awˇ cah-eu aˇ laˬ jaˬ shiˇ loꞈ-ehˇ, Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ, byehˇ dzeh-awˇ cah-euˬ meh. Sahˬpaˬ Miˬyehˇ-euˬ nui ma pehˇ-eu jeˬ hawˇ-eu, guiˇ deuˆ-eu mi zaˬ mi cehˇ baˬ da neh, aˬ yawꞈ maꞈ-euˬ muiˬ-eu miˇ kʼahˬ, kʼaˇ shuiꞈ deh ga pyeuꞈ tsehˆ-euˬ meh.”

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Hawˇseˬ 2:12

‘Ngaˬ-euˬ zaˬ kʼaˬ deuˬ neh ngaˬ-ahˇ, byawˬ gʼa poeˬ biꞈ-euˬ meh’ ehˇ-eu, yawꞈ-euˬ aˬ gaꞈ baw duˆ hawˇ-eu, siˬguˬ aˇ bawˇ kʼoeˇdeuˬ dawˬtawˆ, ngaˇ laˆ piˬ laˆ byoˆ jiˇ nehˬ ma. Bawˇ tsahˬ bawˇ dahˇ bi pyeuꞈ-iˇ-awˇ, bawˇ tsahˬ jeˬ zaˬ yaw haiˬ deuˬ neh, bi dzaˬ bi dawˇ byoˆ jiˇ leꞈ ma.

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.