Hawˇseˬ 4:4 - Akha

⁴ Ehˇ kʼawꞈ Sahˬpaˬ Miˬyehˇ ehˇ-eu, “Miˇ kʼahˬ zaˬ-euˬ yaw doeˇ taˬ poˆ. Aˬ yawꞈ maꞈ-ahˇ yaw lehˬ taˬ no. Ngaˇ yaw lehˬ no mawꞈ-eu deuˬ-aˬ. naw maꞈ piˇ ma geuꞈ-eu deuˬ ma.

Hawˇseˬ 4:4 Referans Kwoze

Dawˬmehˬ 17:12

Yaˇ kʼaˬ daˇ-eu deuˬ-euˬ dawˬ-ahˇ maˬ ehˇ, kʼoeˇ gaˇ piˇ ma geuꞈ luꞈ-eu gʼaˬ-euˬ dawˬ-ahˇ maˬ ehˇ, maˬ naˇ haˬ geuꞈ-eu tsawˇ haˬ-ahˇ ya sehꞈ meh. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ laꞈ kʼoeˇ maˬ muiˬ maˬ jaˬ-eu jeˬ maˬ bi jaˆ ni naw maꞈ yuˇ dzeh-awˬ.

Aˬmoˆ 5:13

Kʼoeˇ miˇ neh, heu loꞈ-ehˇ gʼeh-eu haiˬ-eu aˇ yamˬ laꞈ kʼoeˇ tiˬ jeˬ-iˬ maˬ ngehˬ maˬ tmˇ ni ciˬ cuˇ ni jawˇ-eu-aˬ, muiˬ dzehˬ meh.

Hawˇseˬ 4:17

Iˇsaˬleˬlaˆ tsawˇ haˬ kʼoeˇ deuˬ, tahˬ pahˬ aˬ ma uˬ moˆ jawˇ-eu, aˬ yawꞈ maꞈ tehꞈ-ehˇ bi shaˬ-awˬ.

Aˬmoˆ 6:10

Tsawˇ haˬ baꞈ pahˬ gaˇ aˬ yuiꞈ geuꞈ-eu shiˇ-euˬ tsawˇ haˬ-euˬ aˬ yuiꞈ aˬ nyiˇ kʼoeˇ gʼaˬ, tsawˇ shiˇ-ahˇ nymˇ laꞈ nyiˇ baꞈ doˆ tehꞈ-a. Aˬ yuiꞈ aˬ nyiˇ kʼoeˇ gʼaˬ, nymˇ laꞈ kʼoeˇ paw maˬ shiˇ-ehˇ dzeˇ-eu gʼaˬ-ahˇ “Nawˬ nehˬ-ehˇ tsawˇ haˬ tiˬ gʼaˬ na jawˇ ta siˬ loˇ” lehˇ naˇ haˬ ngeh, “Tiˬ gʼaˬ-iˬ maˬ paˇ jawˇ meh” lehˇ ehˇ kʼoꞈ nehˬ-eu dawˬ-ahˇ ya gaˬ tehꞈ-a. Kʼoeˇ ngeh, aˬ yuiꞈ aˬ nyiˇ kʼoeˇ gʼaˬ, “Ciˬ cuˇ ni jawˇ-awˬ. Sahˬpaˬ Miˬyehˇ-euˬ tsawˇ myahˇ maˬ ya kuˇ ni aˇ nyaꞈ yaw kʼaˆ kʼaˆ-ehˇ ya yahˇ meh” lehˇ ehˇ nehˬ tehꞈ-a.

Yeˬsaˬgeˬlaˇ 3:26

Ngaˬ-ahˇ puiˬ-eu tsawˇ haˬ heu deuˬ-ahˇ nawˇ maˬ mehˬ maˬ tsoˆ nya-ehˇ pyeuꞈ-iˇ ni, nawˬ-euˬ mehˬ laˇ ngaˇ bi kʼaˆ-iˇ ma.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Aˬmoˆ 5:10

Maˬ tsaˬ maˬ dawˇ-eu jeˬ-ahˇ ceh-awˇ, yaˇ kʼaˬ daˇ-eu saˇ naˇ laꞈ kʼoeˇ yaw tsaˬ yaw dawˇ jeˬ tehꞈ-ehˇ ngehˬ-eu deuˬ-ahˇ naw maꞈ bye-eu meh.