Hawˇseˬ 4:14 - Akha

¹⁴ Zaˬ miˬ meh maˬ laˇ geuꞈ luꞈ gaˇ, kuiˬ ma aˬ cawˬ nehˬ-ehˇ bahˬ gaˇ, ngaˇ maˬ kʼehˬ maˬ kʼaˆ ni byehˇ ma. Aˬ jeˬ miˇ neh ehˇ naˇ, uˬ duˬ tahˬ nymˇ meh maˬ laˇ-ahˇ, naw maꞈ byawˬ gʼa mo gʼa-iˇ-awˇ, aˬ yawꞈ maꞈ nehˇ tiˬ kawˆ loꞈ-ehˇ, lawˇ ciꞈ miˬyehˇ-ahˇ lawˇ-euˬ meh. Dawˬ daˬ daˬ-euˬ jaˆ-eu loꞈ-ehˇ, nui ma-ahˇ maˬ noeˬ-eu tsawˇ haˬ, luˬ-iˇ seˇ-iˇ gaˇ keuˆ tehꞈ-a.

Hawˇseˬ 4:14 Referans Kwoze

Hawˇseˬ 4:1

Sahˬpaˬ Miˬyehˇ ngehˬ-eu dawˬ-ahˇ, Iˇsaˬleˬlaˆ naˬ bawˇ gaˬ-awˬ. “Miˇ kʼahˬ heu-euˬ tsawˇ haˬ deuˬ-ahˇ, aˬ yawꞈ ja-eu gaˇ kawˆ jaˆ meh. Saˇ jaˇ ziꞈ-eu gaˇ kawˆ maˬ ehˇ, gʼawˬ shaˬ gaˬ-eu gaˇ kawˆ maˬ ehˇ, Miˬyehˇ-ahˇ siˬ nya-eu maˬ ehˇ, miˇ kʼahˬ heu kʼahˬ laꞈ kʼoeˇ maˬ jaˆ.

HeˬByehˇ 12:8

Aˬ yawꞈ-euˬ zaˬ deuˬ-ahˇ diˬ-eu loꞈ-ehˇ naw maꞈ-ahˇ maˬ diˬ naˇ, naw maꞈ-aˬ, aˬ yawꞈ-euˬ zaˬ maˇ maˇ ni maˬ ngeuˇ-a. Gʼoˆ baˬ laꞈ nyiˇ-euˬ zaˬ-ahˇ duˇ-eu meh.

Eˇpeˇsu 4:18

Aˬ yawꞈ maꞈ-euˬ nui ma zahˇ tsui ni gʼeh-eu meh. Aˬ yawꞈ maꞈ tiˬ jeˬ-iˬ maˬ siˬ nya-eu uˬ taꞈ, nui ma gʼahˇ-eu miˇ neh, Miˬyehˇ neh biꞈ-euˬ yaw dehꞈ dehꞈ-eu jeˬ-ahˇ tiˬ pawꞈ-iˬ maˬ taꞈ-a.

1 Gawˇliˬtu 6:16

Meh maˬ laˇ nehˬ-ehˇ yuꞈ taꞈ-eu tsawˇ haˬ-aˬ, meh maˬ laˇ kʼoeˇ gʼaˬ nehˬ-ehˇ tiˬ shiˬ tiˬ shaˬ tehꞈ-ehˇ pyeuꞈ-iˇ-euˬ meh lehˇ naw maꞈ maˬ siˬ nya te loˇ. “Nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ pyeuꞈ laˇ-euˬ meh” lehˇ, Jaˇliꞈ laꞈ kʼoeˇ bya cehˆ ni ehˇ taˬ-euˬ meh.

Lormav 3:11

Noeˬ siˬ noeˬ mawˇ nya-eu tsawˇ haˬ, tiˬ gʼaˬ-iˬ maˬ jawˇ-a. Miˬyehˇ-ahˇ shaˇ poˆ-eu tsawˇ haˬ, tiˬ gʼaˬ-iˬ maˬ jawˇ-a.

Yoˇhaˬ 8:43

Ngaˇ ehˇ gaˇ aˬ jeˬ miˇ neh naw maꞈ maˬ gʼoˆ shaw nya ta lehˇ naw maꞈ siˬ nya ma loˇ. Ngaˬ-euˬ dawˬ-ahˇ naw maꞈ maˬ naˇ haˬ nahˇ-eu miˇ neh meh.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Hawˇseˬ 4:17

Iˇsaˬleˬlaˆ tsawˇ haˬ kʼoeˇ deuˬ, tahˬ pahˬ aˬ ma uˬ moˆ jawˇ-eu, aˬ yawꞈ maꞈ tehꞈ-ehˇ bi shaˬ-awˬ.

Daˬyeˬlaˇ 12:10

Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.

Iˇsaˬyaˇ 56:11

Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Dawqdaq 28:5

Haiˬ-eu tsawˇ haˬ deuˬ yaw tsaˬ yaw dawˇ jeˬ-ahˇ maˬ siˬ nya-a. Ehˇ kʼawꞈ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ yaw tsaˬ yaw dawˇ jeˬ-ahˇ yaw muiˬ paˬ-ehˇ siˬ nya-eu meh.

2 Sahˬpaˬ 23:7

Uˬ duˬ tahˬ nymˇ nymˇ ma laꞈ kʼoeˇ, zaˬ miˬ zaˬ hawˇ-eu kʼaˬ dzeˇ zaˬ meh maˬ laˇ deuˬ jawˇ-eu jawˇ duˬ aˬ yawꞈ laˆ cawˆ-euˬ meh. Jawˇ duˬ kʼoeˇ tsahˇ-aˬ, Aˬsheˇlaˬ miˬyehˇ ma-ahˇ uˬ duˬ tahˬ ngeh dm-eu pehˇ kʼahˬ pehˇ mahˇ deuˬ-ahˇ, zaˬ miˬ zaˬ deuˬ guꞈ luꞈ-eu jawˇ duˬ kʼawꞈ pyeuꞈ-eu meh.

1 Sahˬpaˬ 15:12

Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ kʼaˇ jawˇ-eu zaˬ miˬ zaˬ meh maˬ laˇ hawˇ-eu kʼaˬ dzeˇ zaˬ meh maˬ laˇ dawˬ tawˆ luꞈ-ahˇ, miˇ kʼahˬ kʼoeˇ kʼahˬ laꞈ kʼoeˇ neh aˬ yawꞈ teh dzeh-awˇ, aˬ piˬ aˬ bawˇ deuˬ neh jahˇ taˬ yaꞈ-euˬ tahˬ pahˬ aˬ ma mawˇ kawˇ dawˬ tawˆ luꞈ-ahˇ, aˬ yawꞈ laˆ piˬ laˆ byoˆ-euˬ meh.

Dawˬmehˬ 23:17

“Iˇsaˬleˬlaˆ tsawˇ haˬ laꞈ kʼoeˇ, zaˬ miˬ zaˬ maˬ ehˇ, kʼaˬ dzeˇ zaˬ maˬ ehˇ, muiˬ-eu shawˇ-eu meh maˬ laˇ geuꞈ-awˇ maˬ ya bi jawˇ-a.

Hawˇseˬ 5:4

Miˬyehˇ jawˇ gaˇ maˬ gʼoꞈ leˇ ni, aˬ yawꞈ maꞈ neh mˇ-euˬ yaw lehˬ, aˬ yawꞈ maꞈ-ahˇ gʼeu tehˬ-eu meh. Miˬ yehˇ nui deuˬ-ahˇ gʼoe-eu jeˬ, nui ma laꞈ kʼoeˇ ciˇ tahˬ iˇ-awˇ, Sahˬpaˬ Miˬyehˇ-ahˇ maˬ siˬ-a.

Aˬmoˆ 2:7

Gʼaˬ baˬ-awˇ maˬ gʼeh nya-eu deuˬ-ahˇ aˬ yawꞈ maꞈ nawˬ tehˬ-awˇ, iˇ shaˬ zaˬ deuˬ-ahˇ dehˬ dzeh-euˬ meh. Zaˬ miˬ zaˬ zaˬ kʼaˆ tiˬ gʼaˬ-ahˇ tehꞈ-ehˇ nyiˬ da zaˬ luꞈ yuꞈ taꞈ-eu laꞈ kʼoeˇ, muiˬ-eu shawˇ-eu ngaˬ-euˬ tsawˇ myahˇ-ahˇ laˆ jawꞈ-euˬ meh.

Aˬmoˆ 7:17

Aˬmaˬziˇ-oˇ, teu baˬ da neh Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. ‘Nawˬ-euˬ nymˇ dahˬ-aˬ, meuˬ-euˬ gaˇ ma doe ni meh maˬ laˇ geuꞈ geuꞈ-ehˇ ya cah-awˇ, nawˬ-euˬ zaˬ deuˬ guiˇ deuˆ gaˇ bi deuˆ sehꞈ tehꞈ-a. Nawˬ-euˬ miˇ tsaˬ aˬ cawˬ biˇ geuꞈ-awˇ, nawˬ-euˬ gʼawˇ mawˇ maˬ siˬ maˬ suˇ-eu miˇ kʼahˬ-ahˇ ya shiˇ tehꞈ-a. Iˇsaˬleˬlaˆ miˇ kʼahˬ zaˬ deuˬ aˬ cawˬ miˇ kʼahˬ-ahˇ aˬ diˇ aˬ maˇ bi nyehꞈ byoˆ gʼeh tehꞈ-a’ lehˇ ehˇ-eu meh.”

Bawˇtsahˬ 25:3

Kʼoeˇ loꞈ-ehˇ Peˬoˇ miˬyehˇ Baˬlaˇ-ahˇ uˬ duˬ tahˬ-euˬ miˇ neh, aˬ yawꞈ maꞈ-ahˇ Sahˬpaˬ Miˬyehˇ nui ma pehˇ laˇ-euˬ meh.

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.